ಚೆನ್ನೈ: ಆಸ್ಟ್ರೇಲಿಯಾ(IND vs AUS) ವಿರುದ್ಧದ ಪಂದ್ಯದಲ್ಲಿ ಅತ್ಯಂತ ಜವಾಬ್ದಾರಿಯು ಬ್ಯಾಟಿಂಗ್ ನಡೆಸಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ ಕನ್ನಡಿಗ ಕೆ.ಎಲ್ ರಾಹುಲ್(KL Rahul) ಅವರು ತಮ್ಮ ಅಮೋಘ ಇನಿಂಗ್ಸ್ ಹೊರತಾಗಿಯೂ ಬೇಸರಗೊಂಡ ಘಟನೆ ನಡೆದಿದೆ. ಇದಕ್ಕೆ ಕಾರಣ ಕೈತಪ್ಪಿದ ಶತಕ ಯೋಜನೆ.
ಇಲ್ಲಿನ ಚೆಪಾಕ್ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಆಸೀಸ್ ವಿರುದ್ಧದದ ಹಣಾಹಣಿಯಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಆಸ್ಟ್ರೇಲಿಯಾ ತಂಡ 49.3 ಓವರ್ಗಳಲ್ಲಿ 199 ರನ್ಗಳಿಗೆ ಆಲ್ಔಟ್ ಆಯಿತು. ಪ್ರತಿಯಾಗಿ ಬ್ಯಾಟ್ ಮಾಡಿದ ಭಾರತ ತಂಡ 2 ರನ್ ಗಳಿಸುವಷ್ಟರಲ್ಲಿ ಪ್ರಮುಖ ಮೂರು ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು. ಇದೇ ವೇಳೆ ಕ್ರೀಸ್ಗೆ ಬಂದ ರಾಹುಲ್, ಕೊಹ್ಲಿ ಜತೆ ಸೇರಿಕೊಂಡು ಉತ್ತಮ ಇನಿಂಗ್ಸ್ ಕಟ್ಟಿ ತಂಡವನ್ನು ಸೋಲಿನಿಂದ ಪಾರು ಪಾಡಿದರು.
ವೆಲ್ಕಮ್ ಬೌಂಡರಿ ಮೂಲಕ ಆಟ ಆರಂಭಿಸಿದ ರಾಹುಲ್ ಅತ್ಯಂತ ಪರಿಪೂರ್ಣ ಹೊಡೆತಗಳ ಮೂಲಕ ಸೊಗಸಾದ ಬ್ಯಾಟಿಂಗ್ ಪ್ರದರ್ಶನ ತೋರಿದರು. ಕಾಮೆಂಟ್ರಿ ಮಾಡುತ್ತಿದ್ದವರೂ ಕೂಡ ರಾಹುಲ್ ಬ್ಯಾಟಿಂಗ್ ಕಂಡು ಕ್ಲಾಸಿ ಬ್ಯಾಟಿಂಗ್ ಎಂದು ಬಣ್ಣಿಸಿದರು. ಒಂದೇ ಒಂದು ಹೊಡೆತ ಕೂಡ ಮಿಸ್ ಎಡ್ಜ್ ಆಗದ ರೀತಿಯಲ್ಲಿ ಬ್ಯಾಟ್ ಬೀಸಿ ಆಸೀಸ್ಗೆ ಕಂಟಕವಾದರು. ಆದರೆ ಅವರ ಶತಕದ ಯೋಜನೆ ಮಾತ್ರ ಕೈಗೂಡಲಿಲ್ಲ.
ಇದನ್ನೂ ಓದಿ ವಿಶ್ವಕಪ್ನಲ್ಲಿಯೂ ಮುಂದುವರಿದ ಜಾರ್ವೊ ಕಾಟ; ಮುಂದಿನ ಪಂದ್ಯಗಳಿಗೆ ನಿಷೇಧ ಹೇರಿದ ಐಸಿಸಿ
ಸಿಕ್ಸರ್ನಿಂದ ವಿಫಲವಾದ ಶತಕ
ರಾಹುಲ್ ಅವರು 91 ರನ್ ಗಳಿಸಿದ್ದರು. ಶತಕಕ್ಕೆ 9 ರನ್ಗಳ ಅಗತ್ಯವಿತ್ತು. ಆದರೆ ಪಂದ್ಯ ಗೆಲ್ಲಲು 5ರನ್ ಮಾತ್ರ ಉಳಿದಿತ್ತು. ಈ ವೇಳೆ ಉಪಾಯವೊಂದನ್ನು ಮಾಡಿದ ರಾಹುಲ್ ಮೊದಲು ಬೌಂಡರಿ ಬಾರಿಸಿ ಆ ಬಳಿಕ ಸಿಕ್ಸರ್ ಬಾರಿಸಿದರೆ ಪಂದ್ಯದ ಗೆಲುವಿನ ಜತೆಗೆ ತಮ್ಮ ಶತಕವೂ ಪೂರ್ಣಗೊಳ್ಳುತ್ತದೆ ಎಂದು ಭಾವಿಸಿ ಕಮಿನ್ಸ್ ಎಸೆತವನ್ನು ಬೌಂಡರಿಯ ಕಡೆ ಬಾರಿಸಿದರು. ಆದರೆ ಇದು ನೇರವಾಗಿ ಸಿಕ್ಸರ್ಗೆ ಬಡಿಯಿತು. ಸಿಕ್ಸರ್ ದಾಖಲಾಗುತ್ತಿದ್ದಂತೆ ರಾಹುಲ್ ಒಂದು ಕ್ಷಣ ಆಶ್ಚರ್ಯಚಕಿತರಾಗಿ ಮೈದಾನದಲ್ಲೇ ಕುಳಿತು ಬಿಟ್ಟರು. ಇದು ಹೇಗೆ ಸಿಕ್ಸರ್ಗೆ ಹೋಯಿತು, ನನ್ನ ಈ ಸಿಕ್ಸರ್ನಿಂದ ನನ್ನ ಶತಕದ ಯೋಜನೆ ಫಲಿಸಲಿಲ್ಲವಲ್ಲ ಎಂದು ಬೇಸರಗೊಂಡರು. ಪಂದ್ಯದ ಬಳಿಕ ಮಾತನಾಡುವ ವೇಳೆಯೂ ರಾಹುಲ್ ತನ್ನ ಶತಕ ಯೋಜನೆ ವಿಫಲಗೊಂಡಿತು ಎಂದರು. ರಾಹುಲ್ 97 ರನ್ ಬಾರಿಸಿ ಅಜೇಯರಾದರು.
KL Rahul said "I wanted to get a hundred by going 4 & 6 – hopefully some other time I can get it". (smiles) pic.twitter.com/0mKUb6iEg7
— Johns. (@CricCrazyJohns) October 8, 2023
ವಿಲನ್ ಆದ ಪಾಂಡ್ಯ
ರಾಹುಲ್ ಅವರ ಶತಕ ಕೈತಪ್ಪಲು ಹಾರ್ದಿಕ್ ಪಾಂಡ್ಯ ಅವರೇ ಮುಖ್ಯ ಕಾರಣ ಎಂದು ನೆಟ್ಟಿಗರು ಪಾಂಡ್ಯಗೆ ಹಿಡಿ ಶಾಪ ಹಾಕಿದ್ದಾರೆ. ನೀನೊಬ್ಬ ಸ್ವಾರ್ಥಿ, ನೀನು ಎಂದಿಗೂ ಬದಲಾಗುವುದಿಲ್ಲ ಹೀಗೆ ಹಲವು ಕಟು ಮಾತುಗಳಿಂದ ಪಾಂಡ್ಯಗೆ ಬೈದಿದ್ದಾರೆ. ಪಾಂಡ್ಯ ಸಿಕ್ಸರ್ ಬಾರಿಸದೇ ಇದ್ದರೆ ರಾಹುಲ್ಗೆ ಆರಾಮವಾಗಿ ಶತಕ ಬಾರಿಸಬಹುದಾಗಿತ್ತು. ಈ ಹಿಂದೆ ವೆಸ್ಟ್ ಇಂಡೀಸ್ ವಿರುದ್ಧದ ಪಂದ್ಯದಲ್ಲಿಯೂ ತಿಲಕ್ ವರ್ಮ ಅವರು 49 ರನ್ ಗಳಿಸಿದ್ದ ವೇಳೆ ಪಾಂಡ್ಯ ಸಿಕ್ಸರ್ ಬಾರಿಸಿ ತಿಲಕ್ ಅವರ ಅರ್ಧಶತಕವನ್ನು ತಪ್ಪಿದ್ದರು. ಆಗ ಕೂಡ ನೆಟ್ಟಿಗರು ಪಾಂಡ್ಯಗೆ ಕ್ಲಾಸ್ ತೆಗೆದುಕೊಂಡಿದ್ದರು.