ಮುಂಬಯಿ : ಶ್ರೀಲಂಕಾ ಮತ್ತು ಭಾರತ ತಂಡಗಳ ನಡುವಿನ ಟಿ20 ಸರಣಿಯ ಮೊದಲ ಪಂದ್ಯ ಮುಂಬಯಿಯ ವಾಂಖೆಡೆ ಸ್ಟೇಡಿಯಮ್ನಲ್ಲಿ ನಡೆಯಲಿದೆ. 2023ರಲ್ಲಿ ಟೀಮ್ ಇಂಡಿಯಾಗೆ ಇದು ಮೊದಲ ಕ್ರಿಕೆಟ್ ಪಂದ್ಯವಾಗಿದ್ದು ಗೆಲುವಿನ ಮೂಲಕ ಅಭಿಯಾನ ಆರಂಭಿಸಲಿದೆ. ಅತ್ತ ಲಂಕಾ ಪ್ರೀಮಿಯರ್ ಲೀಗ್ ಮುಗಿಸಿಕೊಂಡು ಬಂದಿರುವ ಶ್ರೀಲಂಕಾ ತಂಡವೂ ಬಲಿಷ್ಠ ಭಾರತದ ಸವಾಲನ್ನು ಎದುರಿಸಲು ಸಕಲ ಸಿದ್ಧತೆಗಳನ್ನು ನಡೆಸಿಕೊಂಡಿದೆ. ಆದರೂ ಹಾರ್ದಿಕ್ ಪಾಂಡ್ಯ ನೇತೃತ್ವದ ಭಾರತಕ್ಕೆ 2024ರ ವಿಶ್ವ ಕಪ್ ಹಿನ್ನೆಲೆಯಲ್ಲಿ ಸವಾಲಿನ ಸರಣಿಯೇ ಆಗಲಿದೆ.
ಪಿಚ್ ರಿಪೋರ್ಟ್
ಭಾರತ ಹಾಗೂ ಶ್ರೀಲಂಕಾ ನಡುವಿನ ಈ ಹಣಾಹಣಿ ಮಂಬಯಿಯ ಪ್ರಸಿದ್ಧ ವಾಂಖೆಡೆ ಸ್ಟೇಡಿಯಮ್ನಲ್ಲಿ ಆಯೋಜನೆಗೊಂಡಿದೆ. ಇದು ಬ್ಯಾಟಿಂಗ್ಗೆ ಅನುಕೂಲಕರ ಪಿಚ್ ಎಂಬುದು ಈ ಹಿಂದೆ ಹಲವು ಬಾರಿ ಸಾಬೀತಾಗಿತ್ತು. ಸಣ್ಣ ಬೌಂಡರಿಗಳಿಂದಾಗಿ ದೊಡ್ಡ ಮೊತ್ತ ಸಂಗ್ರಹ ಖಾತರಿ. ಪಂದ್ಯದ ಆರಂಭಿಕ ಹಂತದಲ್ಲಿ ಬೌಲರ್ಗಳು ಕೂಡ ಪಿಚ್ನ ನೆರವು ಪಡೆಯಬಲ್ಲರು. ಸಮುದ್ರ ತಟದಲ್ಲಿರುವ ಮುಂಬಯಿಯಲ್ಲಿ ರಾತ್ರಿ ವೇಳೆ ಇಬ್ಬನಿ ಪರಿಣಾಮ ಎದುರಾಗಲಿದೆ. ಈ ವೇಳೆ ಬೌಲರ್ಗಳಿಗೆ ಚೆಂಡಿನ ಮೇಲೆ ಹಿಡಿತ ಸಾಧಿಸುವುದು ಕಷ್ಟವಾಗುತ್ತದೆ. ಇದುವರಗೆ ಈ ಸ್ಟೇಡಿಯಮ್ನಲ್ಲಿ ನಡೆದಿರುವ 41 ಪಂದ್ಯಗಳಲ್ಲಿ 24 ಹಣಾಹಣಿಗಳಲ್ಲಿ ಚೇಸಿಂಗ್ ಮಾಡಿದ ತಂಡ ಜಯ ಸಾಧಿಸಿದೆ.
ಹವಾಮಾನ ಹೇಗಿರಲಿದೆ?
ಮುಂಬಯಿಯಲ್ಲಿ ಚಳಿಗಾಲ ಕೊನೇ ಹಂತದಲ್ಲಿದೆ. ಮಳೆಯ ಸೂಚನೆ ಇಲ್ಲ. ಪಂದ್ಯ ನಡೆಯುವ ವೇಳೆ ಸುಮಾರು 20 ಡಿಗ್ರಿ ಸೆಲ್ಸಿಯಸ್ ತಾಪಮಾನವಿರಲಿದೆ.
ಪಂದ್ಯದ ವಿವರ
ಎಲ್ಲಿ ನಡೆಯುತ್ತದೆ ಪಂದ್ಯ
ಮುಂಬಯಿಯ ವಾಂಖೆಡೆ ಸ್ಟೇಡಿಯಮ್ನಲ್ಲಿ ಪಂದ್ಯ ನಡೆಯಲಿದೆ.
ಎಷ್ಟು ಹೊತ್ತಿಗೆ ಪಂದ್ಯ ಆರಂಭ
ಪಂದ್ಯ ಸಂಜೆ 7 ಗಂಟೆಗೆ ಅರಂಭವಾಗಲಿದೆ.
ನೇರ ಪ್ರಸಾರ ಎಲ್ಲಿ
ಭಾರತ ಮತ್ತು ಶ್ರೀಲಂಕಾ ನಡುವಿನ ಪಂದ್ಯವನ್ನು ಸ್ಟಾರ್ ಸ್ಪೋರ್ಟ್ಸ್ ನೆಟ್ವರ್ಕ್ನಲ್ಲಿ ವೀಕ್ಷಣೆ ಮಾಡಬಹುದಾಗಿದೆ. ಡಿಸ್ನಿ ಹಾಟ್ ಸ್ಟಾರ್ನಲ್ಲಿ ಲೈವ್ ಸ್ಟ್ರೀಮಿಂಗ್ ಆಗಿದೆ.
ಸಂಭಾವ್ಯ ತಂಡಗಳು
ಭಾರತ
ಇಶಾನ್ ಕಿಶನ್, ಶುಬ್ಮನ್ ಗಿಲ್/ಋತುರಾಜ್ ಗಾಯಕ್ವಾಡ್, ಸೂರ್ಯಕುಮಾರ್ ಯಾದವ್, ಸಂಜು ಸ್ಯಾಮ್ಸನ್, ಹಾರ್ದಿಕ್ ಪಾಂಡ್ಯ, ದೀಪಕ್ ಹೂಡಾ, ಅಕ್ಷರ್ ಪಟೇಲ್, ಅರ್ಶ್ದೀಪ್ ಸಿಂಗ್, ಹರ್ಷಲ್ ಪಟೇಲ್, ಉಮ್ರಾನ್ ಮಲಿಕ್, ಯಜ್ವೇಂದ್ರ ಚಹಲ್.
ಶ್ರೀಲಂಕಾ
ಪಾಥುಮ್ ನಿಸಾಂಕ, ಕುಸಾಲ್‌ ಮೆಂಡಿಸ್ (ವಿ.ಕೀ), ಆವಿಷ್ಕಾ ಫೆರ್ನಾಂಡೊ, ಚರಿತ ಅಸಲಂಕ, ಭಾನುಕಾ ರಾಜಪಕ್ಷ, ದಸುನ್‌ ಶನಕ(ನಾಯಕ), ವಾನಿಂದು ಹಸರಂಗ, ಚಾಮಿಕ ಕರುಣಾರತ್ನೆ, ಮಹೀಶ್‌ ತೀಕ್ಷಣ, ಲಾಹಿರು ಕುಮಾರ, ದಿಲ್ಷಾನ್‌ ಮದುಸೂದನ್‌
ಇದನ್ನೂ ಓದಿ | INDvsSL | ಲಂಕಾ ಸರಣಿಯಲ್ಲಿ ಯುವ ಆಟಗಾರರಿಗೆ ಭರಪೂರ ಅವಕಾಶ; ಗಿಲ್, ಗಾಯಕ್ವಾಡ್ ನಡುವೆ ಪೈಪೋಟಿ