ತಿರುವನಂತಪುರ : ರನ್ ಮೆಷಿನ್ ವಿರಾಟ್ ಕೊಹ್ಲಿ ಶ್ರೀಲಂಕಾ ತಂಡದ ವಿರುದ್ಧದ ಏಕ ದಿನ ಸರಣಿಯ ಮೂರನೇ ಪಂದ್ಯಕ್ಕಾಗಿ ತಿರುವನಂತಪುರಕ್ಕೆ ತೆರಳಿದ್ದಾರೆ. ಭಾರತ ತಂಡ ಈಗಾಗಲೇ ಸರಣಿ ಗೆದ್ದಿರುವ ಕಾರಣ ಆಟಗಾರರು ಹೆಚ್ಚು ಒತ್ತಡದಲ್ಲಿಲ್ಲ. ಅವರೆಲ್ಲರೂ ಟ್ರಿಪ್ ಮೂಡ್ನಲ್ಲಿ ಇದ್ದಾರೆ. ಅಂತೆಯೇ ವಿರಾಟ್ ಕೊಹ್ಲಿಯೂ ಬೀಚ್ನಲ್ಲಿ ವಿಹಾರ ಮಾಡುತ್ತಿದ್ದಾರೆ. ಜತೆಗೆ ಪತ್ನಿ ಅನುಷ್ಕಾ ಶರ್ಮಾ ಕೂಡ ಇದ್ದಾರೆ.
ಶನಿವಾರ ವಿರಾಟ್ ಕೊಹ್ಲಿ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಬೀಚ್ನಲ್ಲಿ ಸುತ್ತಾಡುವ ಚಿತ್ರವೊಂದನ್ನು ಪ್ರಕಟಿಸಿದ್ದಾರೆ. ಪತ್ನಿ ಜತೆಗೆ ಕುಳಿತು ಬೀಚ್ನಲ್ಲಿ ಊಟ ಮಾಡುತ್ತಿರುವ ಚಿತ್ರ ಅದು. ವಿರಾಟ್ ಕೊಹ್ಲಿಯ ಅಭಿಮಾನಿಗಳು ಆ ಚಿತ್ರಕ್ಕೆ ಅಭಿನಂದನೆಗಳನ್ನು ಹೇಳಿದ್ದಾರೆ.
ಚಿತ್ರದಲ್ಲಿ ವಿರಾಟ್ ಕೊಹ್ಲಿ ಬರೇ ಶಾರ್ಟ್ಸ್ ಮಾತ್ರ ಹಾಕಿಕೊಂಡು ಕುಳಿತಿದ್ದಾರೆ. ಅನುಷ್ಕಾ ಕೂಡ ಬೀಚ್ ವೇರ್ನಲ್ಲಿದ್ದಾರೆ. ಪಂದ್ಯದ ನಡುವಿನ ಬಿಡುವಿನ ವೇಳೆ ಸಮಯ ಕಳೆಯಲು ಅವರು ಬೀಚ್ಗೆ ಹೋಗಿರಬಹುದು ಎಂದು ಹೇಳಲಾಗುತ್ತಿದೆ.
ಇವೆಲ್ಲದರ ನಡುವೆ ಅನುಷ್ಕಾ ಮತ್ತು ವಿರಾಟ್ ಕೊಹ್ಲಿ ಫೋಟೊ ತೆಗೆದಿದ್ದು ಯಾರು ಎಂಬ ಪ್ರಶ್ನೆ ಎದುರಾಗಿದೆ. ವಿರಾಟ್ ಕೊಹ್ಲಿಯ ಇನ್ಸ್ಟಾದ ಕಾಮೆಂಟ್ ಸೆಕ್ಷನ್ನಲ್ಲಿ ಅಭಿಮಾನಿಯೊಬ್ಬರು ಇದೇ ಪ್ರಶ್ನೆ ಕೇಳಿದ್ದಾರೆ. ಅಲ್ಲದೆ, ಮೂರು ದಿನ ಹಿಂದೆ ಎರಡು ವರ್ಷ ತುಂಬಿದ ಪುತ್ರಿ ವಾಮಿಕಾ ಫೊಟೋ ತೆಗೆದಿರಬಹುದೇ ಎಂದು ಪ್ರಶ್ನೆ ಕೇಳಿದ್ದಾರೆ. ಅನುಷ್ಕಾ ಮತ್ತು ವಿರಾಟ್ ಕೊಹ್ಲಿ ಫೋಟೊದಲ್ಲಿ ವಾಮಿಕಾ ಇಲ್ಲ. ಹೀಗಾಗಿ ಮಗುವೇ ಫೋಟೋ ತೆಗೆದಿರಬಹುದು ಎಂದು ಹಲವರು ಅನುಮಾನ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ | VIrat kohli | ಮೊದಲ ಬಾರಿ ಕೊಹ್ಲಿಯ ಪುತ್ರಿ ವಾಮಿಕಾಳ ಮುಖ ನೋಡಿದ ಅಭಿಮಾನಿಗಳು ಫುಲ್ ಖುಷ್, ಎಲ್ಲಿ ಸಿಕ್ಕಿದಳು ಪುಟಾಣಿ?