ಹೈದರಾಬಾದ್‌ : ಟೀಮ್‌ ಇಂಡಿಯಾದಲ್ಲಿ ಫಿನಿಶರ್‌ ಹೊಣೆಗಾರಿಕೆ ವಹಿಸಿಕೊಂಡಿರುವ ದಿನೇಶ್ ಕಾರ್ತಿಕ್ ಅವರು ಅದನ್ನು ಸಾಬೀತುಪಡಿಸಿದ್ದಾರೆ. ಹೀಗಾಗಿ ಆಸ್ಟ್ರೇಲಿಯಾ ವಿರುದ್ಧದ ಸರಣಿಯ ಗೆದ್ದ ಟ್ರೋಫಿಯನ್ನು ನಾಯಕ ರೋಹಿತ್‌ ಶರ್ಮ ಅವರು ದಿನೇಶ್ ಕಾರ್ತಿಕ್ ಕೈಗೆ ಕೊಟ್ಟಿದ್ದವರು. ಅದನ್ನು ಹಿಡಿದುಕೊಂಡು ಸಂಭ್ರಮದಲ್ಲಿದ್ದ ಸಮಯದಲ್ಲಿಯೇ ಯುವತಿಯೊಬ್ಬಳು ಅವರ ಕೈ ಮೈ ಸವರಿ ಹೋದ ಪ್ರಸಂಗ ನಡೆದಿದೆ. ಈ ಸಂದರ್ಭದ ವಿಡಿಯೊ ಸಿಕ್ಕಾಪಟ್ಟೆ ವೈರಲ್‌ ಆಗಿದೆ.
ದಿನೇಶ್ ಕಾರ್ತಿಕ್ ಟ್ರೋಫಿ ಹಿಡಿದುಕೊಂಡು ಬರುತ್ತಿದ್ದ ಸಂದರ್ಭದಲ್ಲಿ ಏಕಾಏಕಿ ನುಗ್ಗಿದ ಯುವತಿ ಅವರ ಮೈ ಸವರಿದ್ದಾರೆ. ಕೋಪಗೊಂಡ ದಿನೇಶ್ ಕಾರ್ತಿಕ್ ಯುವತಿಯನ್ನು ದುರುಗುಟ್ಟಿ ನೋಡಿ ಮುಂದಕ್ಕೆ ಚಲಿಸಿದರು. ಕೋಪಗೊಂಡ ಯುವತಿಯನ್ನು ದಿನೇಶ್ ಕಾರ್ತಿಕ್ ಅವರು ಸಮಾಧಾನ ಮಾಡಿದ್ದಾರೆ. ಅಲ್ಲದೆ ಇತರ ಆಟಗಾರರು ಅವರನ್ನು ಸಮಾಧಾನ ಮಾಡಿದ್ದಾರೆ.
ಸಹಾಯಕ ಸಿಬ್ಬಂದಿಯೇ
ದಿನೇಶ್ ಕಾರ್ತಿಕ್ ಅವರನ್ನು ಮುಟ್ಟಿದ ಯುವತಿ ಬಿಸಿಸಿಐ ಸಹಾಯಕ ಸಿಬ್ಬಂದಿ ಇರಬಹುದು ಎಂದು ಹೇಳಲಾಗುತ್ತಿದೆ. ಹೀಗಾಗಿ ತಮಾಷೆಗಾಗಿ ಅವರು ದಿನೇಶ್ ಕಾರ್ತಿಕ್ ಅವರ ಮೈ ಮುಟ್ಟಿರಬಹುದು ಎನ್ನಲಾಗಿದೆ. ಅದೇ ರೀತಿ ಕಾರ್ತಿಕ್ ಕೂಡ ತಮಾಷೆಗಾಗಿ ಅವರನ್ನು ದುರುಗುಟ್ಟಿ ನೋಡಿರಬಹುದು ಎನ್ನಲಾಗಿದೆ.
ಇದನ್ನೂ ಓದಿ | IND vs AUS | ರೋಹಿತ್‌ ಶರ್ಮ ಮೈದಾನದಲ್ಲೇ ದಿನೇಶ್ ಕಾರ್ತಿಕ್ ಕತ್ತು ಹಿಡಿದಿದ್ದು ಯಾಕಪ್ಪಾ?