ಮುಂಬಯಿ: ಪ್ರಸಕ್ತ ನಡೆಯುತ್ತಿರುವ ಮಹಿಳಾ ಪ್ರೀಮಿಯರ್ ಲೀಗ್ನ(WPL 2023) ಆರ್ಸಿಬಿ ವಿರುದ್ಧದ ಪಂದ್ಯದ ವೇಳೆ ಮೈದಾನದಲ್ಲಿ ನೃತ್ಯದ ಮೂಲಕ ಪ್ರೇಕ್ಷಕರನ್ನು ಮನರಂಜಿಸಿದ ಜೆಮಿಮಾ ರೋಡ್ರಿಗಸ್(Jemimah Rodrigues) ಅವರ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಭಾನುವಾರ(ಮಾರ್ಚ್ 5) ಆರ್ಸಿಬಿ ವಿರುದ್ಧ ನಡೆದ ಪಂದ್ಯದಲ್ಲಿ ಫೀಲ್ಡಿಂಗ್ ನಡೆಸುತ್ತಿದ್ದ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಜೆಮಿಮಾ ರೋಡ್ರಿಗಸ್ ಬೌಂಡರಿ ಲೈನ್ ಬಳಿ ಡ್ಯಾನ್ಸ್‌ ಮಾಡಿ ವೀಕ್ಷಕರನ್ನು ರಂಜಿಸಿದ್ದಾರೆ. ವಿಶೇಷ ಎಂದರೆ ಭಾಂಗ್ರಾ ನೃತ್ಯದ ಮೂಲಕವು ಅವರು ಗಮನ ಸೆಳೆದರು.
ತವರಿನಲ್ಲಿ ನಡೆದ ಈ ಪಂದ್ಯವನ್ನು ನೋಡಲು ಜೆಮಿಮಾ ಅವರ ಕುಟುಂಬ ಸದಸ್ಯರು ಕೂಡ ಬಂದಿದ್ದರು. ಹೀಗೆ ಫುಲ್ ಜೋಶ್ನಲ್ಲಿದ್ದ ಅವರು ತವರಿನ ಅಭಿಮಾನಿಗಳ ಮುಂದೆ ಒಂದೆಡರು ಸ್ಟೆಪ್ಸ್ ಹಾಕಿದ್ದಾರೆ. ಇನ್ನು ಈ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಭರ್ಜರಿ 60 ರನ್ಗಳ ಗೆಲುವು ದಾಖಲಿಸಿತ್ತು.
ಇದನ್ನೂ ಓದಿ WPL 2023 : ಮುಂಬಯಿ ವಿರುದ್ಧ ಆರ್ಸಿಬಿಗೆ 9 ವಿಕೆಟ್ ಹೀನಾಯ ಸೋಲು, ತೀವ್ರ ವೈಫಲ್ಯ ಕಂಡ ಮಂಧಾನಾ ಬಳಗ
ಭಾರತ ತಂಡ ಯಾವುದೇ ಸರಣಿ ಕೈಗೊಂಡಾಗಲು ಜೆಮಿಮಾ ಅವರು ತಂಡದ ಸದಸ್ಯರೊಂದಿಗೆ ಹಾಡು, ನೃತ್ಯ, ಹೀಗೆ ರೀಲ್ಸ್‌ ಮೂಲಕ ಸಾಮಾಜಿಕ ಜಾಲತಾಣಗಳಲ್ಲಿ ಸದಾ ಸದ್ದು ಮಾಡುತ್ತಲೇ ಇರುತ್ತಾರೆ.