ನವದೆಹಲಿ: ಶನಿವಾರ ನಡೆದ ದೊಡ್ಡ ಮೊತ್ತದ ಮೇಲಾಟದಲ್ಲಿ ಹಾಲಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ತನ್ನ ಖ್ಯಾತಿಗೆ ತಕ್ಕ ಪ್ರದರ್ಶನ ನೀಡುವ ಮೂಲಕ ಎದುರಾಳಿ ಗುಜರಾತ್ ತಂಡವನ್ನು ಮಗುಚಿ ಹಾಕಿದೆ. ಈ ಮೂಲಕ ಈ ಬಾರಿಯ ಡಬ್ಲ್ಯುಪಿಎಲ್ ಟೂರ್ನಿಯಲ್ಲಿ ಮೊದಲ ತಂಡವಾಗಿ ಪ್ಲೇ ಆಫ್ ಪ್ರವೇಶಿಸಿದೆ.
ಇಲ್ಲಿ ನಡೆದ ಪಂದ್ಯದಲ್ಲಿ ಗುಜರಾತ್ ಜೈಂಟ್ಸ್ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡು 7 ವಿಕೆಟ್ ನಷ್ಟಕ್ಕೆ 190ರನ್ ಕಲೆ ಹಾಕಿತು. ಬೆತ್ ಮೂನಿ 66(35ಎಸೆತ), ಹೇಮಲತಾ74(40ಎಸೆತ)ಭಾರತಿ ಫುಲ್ಮಾಲಿ ಔಟಾಗದೆ 21 ರನ್ ಗಳಿಸಿದರು.
The defending champions are the first team to qualify for the #TATAWPL 2024 Playoffs 🤩#GGvMI | @mipaltan pic.twitter.com/6traS0oL45
— Women's Premier League (WPL) (@wplt20) March 9, 2024
ಕೌರ್ ಪ್ರಚಂಡ ಬ್ಯಾಟಿಂಗ್
ಗುರಿ ಬೆನ್ನಟ್ಟಿದ ಮುಂಬೈಗೆ ಆರಂಭಿ ಆಟಗಾರ್ತಿಯರಾದ ಯಾಸ್ತಿಕಾ ಭಾಟಿಯಾ (49) ಉತ್ತಮ ಆರಂಭ ನೀಡಿದರು. ಆ ಬಳಿಕ ನಾಯಕಿ ಹರ್ಮನ್‌ಪ್ರೀತ್ ಕೌರ್ ಪ್ರಚಂಡ ಬ್ಯಾಟಿಂಗ್ ನಡೆಸಿ ಅಜೇಯ 95 ರನ್ ಬಾರಿಸಿದರು. ಇವರ ಈ ಬ್ಯಾಟಿಂಗ್ ನೆರವಿನಿಂದ ಮುಂಬೈ 19.5 ಓವರ್ ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 191 ರನ್ ಗಳಿಸಿತು. ಕೌರ್ 48 ಎಸೆತಗಳಲ್ಲಿ ಅಮೋಘ ಆಟವಾಡಿ 95 ರನ್ ಗಳಿಸಿದರು. 10ಬೌಂಡರಿ ಮತ್ತು 5 ಸಿಕ್ಸರ್ ಸಿಡಿಸಿದರು.
ನೂತನ ಅಂಕಪಟ್ಟಿ
ಮುಂಬೈ ಇಂಡಿಯನ್ಸ್ ತಂಡ ಈ ಗೆಲುವಿನ ಮೂಲಕ 10 ಅಂಕ ಪಡೆದ ಪ್ಲೇ ಆಫ್ ಪ್ರವೇಶ ಪಡೆಯಿತು. ಇಂದು ನಡೆಯುವ ಆರ್ಸಿಬಿ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ನಡುವಣ ಪಂದ್ಯದಲ್ಲಿ ಡೆಲ್ಲಿ ಗೆದ್ದರೆ ಇದು ಕೂಡ ಪ್ಲೇ ಆಫ್ಗೇರಲಿದೆ. ಆ ಬಳಿಕ ಉಳಿದ ಒಂದು ಸ್ಥಾನಕ್ಕೆ ಮೂರು ತಂಡಗಳ ನಡುವೆ ತೀವ್ರ ಪೈಪೋಟಿ ನಡೆಯಲಿದೆ.
| ತಂಡ | ಪಂದ್ಯ | ಗೆಲುವು | ಸೋಲು | ಅಂಕ |
| ಮುಂಬೈ ಇಂಡಿಯನ್ಸ್ | 7 | 5 | 2 | 10 (+0.343) |
| ಡೆಲ್ಲಿ ಕ್ಯಾಪಿಟಲ್ಸ್ | 6 | 4 | 2 | 8 (+1.059) |
| ಆರ್ಸಿಬಿ | 6 | 3 | 3 | 6 (+0.038) |
| ಯುಪಿ ವಾರಿಯರ್ಸ್ | 7 | 3 | 4 | 6 (-0.365) |
| ಗುಜರಾತ್ ಜೈಂಟ್ಸ್ | 6 | 1 | 4 | 2 ( -1.111) |