ನವದೆಹಲಿ: ಮಂಗಳವಾರ ನಡೆದ ಮುಂಬೈ ಇಂಡಿಯನ್ಸ್(Mumbai Indians) ಮತ್ತು ಡೆಲ್ಲಿ ಕ್ಯಾಪಿಟಲ್ಸ್(Delhi Capitals) ನಡುವಣ ಪಂದ್ಯದ ಬಳಿಕ ಅಂಕಪಟ್ಟಿಯಲ್ಲಿ(WPL Points Table) ಮಹತ್ವದ ಬದಲಾವಣೆ ಸಂಭವಿಸಿದೆ. ಮುಂಬೈ ಸೋಲಿನ ಲಾಭ ಆರ್ಸಿಗೆ ಲಭಿಸಿದೆ. ಮುಂಬೈ ತಂಡದ ರನ್ರೇಟ್ ಕುಸಿತದಿಂದ ಆರ್ಸಿಬಿ(RCB) ಮೂರನೇ ಸ್ಥಾನದಿಂದ 2ನೇ ಸ್ಥಾನಕ್ಕೇರಿದೆ.
ಡೆಲ್ಲಿ ತಂಡ ಈ ಮೊದಲು ಅಗ್ರಸ್ಥಾನದಲ್ಲೇ ಕಾಣಿಸಿಕೊಂಡಿತ್ತು. ಇದೀಗ ಈ ಗೆಲುವಿನೊಂದಿಗೆ 8 ಅಂಕ ಸಂಪಾದಿಸಿ ತಮ್ಮ ಸ್ಥಾನವನ್ನು ಮತ್ತಷ್ಟು ಭದ್ರಪಡಿಸಿಕೊಂಡಿದೆ. ಜತೆಗೆ ರನ್ ರೇಟ್ ಕೂಡ ಉತ್ತಮಪಡಿಸಿಕೊಂಡಿದೆ. ಮುಂಬೈ ಸೋತರೆ ಆರ್ಸಿಬಿ 2ನೇ ಸ್ಥಾನಕ್ಕೇರುವುದು ಖಚಿತವಾಗಿತ್ತು. ಏಕೆಂದರೆ ಉಭಯ ತಂಡಗಳು 6 ಅಂಕ ಪಡೆದಿತ್ತು. ಜತೆಗೆ ಮುಂಬೈ ದೊಡ್ಡ ರನ್ ರೇಟ್ ಕೂಡ ಹೊಂದಿರಲಿಲ್ಲ. ಸೋತಾಗ ಮತ್ತಷ್ಟು ಕುಸಿತಗೊಳ್ಳುತ್ತದೆ. ಹೀಗಾಗಿ ಈ ಲಾಭ ಆರ್ಸಿಬಿ ಒಳಿದಿದೆ. ಯುಪಿ ತಂಡ ಈ ಹಿಂದಿನಂತೆ 4ನೇ ಸ್ಥಾನದಲ್ಲೇ ಮುಂದುವರಿದಿದೆ.
ನಾಳಿನ ಪಂದ್ಯಲ್ಲಿ ಗೆಲುವಿನ ಖಾತೆಯೇ ತೆರೆಯದ ಗುಜರಾತ್ ಜೈಂಟ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಗಳು ಕಣಕ್ಕಿಳಿಯಲಿದೆ. ಈ ಪಂದ್ಯದಲ್ಲಾದರೂ ಮೂನಿ ಪಡೆ ಗೆಲುವು ಸಾಧಿಸೀತೇ ಎಂದು ಕಾದು ನೋಡಬೇಕಿದೆ. ಆರ್ಸಿಬಿ ಗೆದ್ದರೂ ಕೂಡ ಅಗ್ರಸ್ಥಾನಕ್ಕೇರಲು ಸಾಧ್ಯವಿಲ್ಲ. ಏಕೆಂದರೆ ರನ್ರೇಟ್ ಅಷ್ಟು ಉತ್ತಮವಾಗಿಲ್ಲ.
ನೂತನ ಅಂಕಪಟ್ಟಿ
| ತಂಡ | ಪಂದ್ಯ | ಗೆಲುವು | ಸೋಲು | ಅಂಕ |
| ಡೆಲ್ಲಿ ಕ್ಯಾಪಿಟಲ್ಸ್ | 5 | 4 | 1 | 8 (+1.301) |
| ಆರ್ಸಿಬಿ | 5 | 3 | 2 | 6 (+0.242) |
| ಮುಂಬೈ ಇಂಡಿಯನ್ಸ್ | 5 | 3 | 2 | 6 (+0.018) |
| ಯುಪಿ ವಾರಿಯರ್ಸ್ | 5 | 2 | 3 | 4 (-0.073) |
| ಗುಜರಾತ್ ಜೈಂಟ್ಸ್ | 4 | 0 | 4 | 0 (-1.804) |
ಹೀನಾಯ ಸೋಲಿಗೆ ತುತ್ತಾದ ಮುಂಬೈ
ಇಲ್ಲಿನ ಅರುಣ್ ಜೇಟ್ಲಿ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಮಹಿಳಾ ಪ್ರೀಮಿಯರ್(WPL 2024) ಲೀಗ್ನ 12ನೇ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಡೆಲ್ಲಿ ನಿಗದಿತ ತವರಿನ ಸಂಪೂರ್ಣ ಲಾಭವೆತ್ತಿ 20 ಓವರ್ಗಳಲ್ಲಿ ಕೇವಲ 4 ವಿಕೆಟ್ ನಷ್ಟಕ್ಕೆ 192 ರನ್ ಬಾರಿಸಿತು. ಬೃಹತ್ ಮೊತ್ತವನ್ನು ಕಂಡು ಬೆಚ್ಚಿಬಿದ್ದ ಮುಂಬೈ ಇಂಡಿಯನ್ಸ್ ಆರಂಭದಿಂದಲೇ ವಿಕೆಟ್ ಕಳೆದುಕೊಂಡು ತನ್ನ ಪಾಲಿನ ಆಟದಲ್ಲಿ 8 ವಿಕೆಟ್ಗೆ 163 ರನ್ ಗಳಿಸಿ 29 ರನ್ಗಳ ಹೀನಾಯ ಸೋಲು ಕಂಡಿತು. ಮೆಗ್ ಲ್ಯಾನಿಂಗ್(53), ಜೆಮಿಮಾ ರೋಡ್ರಿಗಸ್(69*) ಅವರ ಅರ್ಧಶತಕ ಹಾಗೂ ಜೆಸ್ ಜೊನಾಸೆನ್(3 ವಿಕೆಟ್) ಅವರ ಬೌಲಿಂಗ್ ಪರಾಕ್ರಮ ಡೆಲ್ಲಿ ಸರದಿಯ ಪ್ರಮುಖ ಹೈಲೆಟ್ಸ್ ಆಗಿತ್ತು.
ಇದನ್ನೂ ಓದಿ WPL 2024: ಮುಂಬೈ ವಿರುದ್ಧ ತವರಿನಲ್ಲಿ ಭರ್ಜರಿ ಗೆಲುವು ಸಾಧಿಸಿದ ಡೆಲ್ಲಿ ಕ್ಯಾಪಿಟಲ್ಸ್
A roaring beginning at home for the @DelhiCapitals 👏👏#DC maintain their 🔝 position on the points table with a 29-run win over #MI 🥳
— Women's Premier League (WPL) (@wplt20) March 5, 2024
Live 💻📱https://t.co/NlmvrPq6yj#TATAWPL | #DCvMI pic.twitter.com/vP1zGzzFwt
ಡೆಲ್ಲಿ ತಂಡದ ಪರ ನಾಲ್ಕನೇ ಕ್ರಮಾಂಕದಲ್ಲಿ ಆಡಲಿಳಿದ ಜೆಮಿಮಾ ರೋಡಿಗ್ರಸ್ ಭರವಸೆಯ ಆಟವಾಡಿದರು. ಕೊನೆಯ ತನಕ ಬ್ಯಾಟಿಂಗ್ ನಡೆಸಿದ ಅವರು 33 ಎಸೆತಗಳಿಂದ 69 ರನ್ ಬಾರಿಸಿ ಅಜೇಯರಾಗಿ ಉಳಿದರು. ಅವರ ಈ ಅರ್ಧಶತಕದ ಇನಿಂಗ್ಸ್ನಲ್ಲಿ 8 ಬೌಂಡರಿ ಮತ್ತು 3 ಸಿಕ್ಸರ್ ದಾಖಲಾಯಿತು. ಫೀಲ್ಡಿಂಗ್ನಲ್ಲಿಯೂ ಜೆಮಿಮಾ ಅದ್ಭುತ ಡೈವಿಂಗ್ ಮೂಲಕ ಕ್ಯಾಚೊಂದನ್ನು ಹಿಡಿದು ಗಮನಸೆಳೆದರು.