ಲಂಡನ್: ನಂಬುಗೆಯ ಬ್ಯಾಟರ್ಗಳೆಲ್ಲ ವಿಕೆಟ್ ಕೈ ಚೆಲ್ಲಿ ತಂಡವನ್ನು ಸಂಕಷ್ಟಕ್ಕೆ ಸಿಲುಕಿಸಿದಾಗ ಗಾಯವನ್ನೂ ಲೆಕ್ಕಿಸದೆ ಆಪದ್ಬಾಂಧವನಂತೆ ತಂಡಕ್ಕೆ ಆಸರೆಯಾಗಿ ನಿಂತ ಅಜಿಂಕ್ಯ ರಹಾನೆ(ajinkya rahane) ತಮ್ಮ ಗಾಯದ ಬಗ್ಗೆ ಮಹತ್ವದ ಮಾಹಿತಿ ನೀಡಿದ್ದಾರೆ.
ಆಸ್ಟ್ರೇಲಿಯಾ ವಿರುದ್ಧ ನಡೆಯುತ್ತಿರುವ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್(WTC Final 2023) ಪಂದ್ಯದ ಮೊದಲ ಇನಿಂಗ್ಸ್ನಲ್ಲಿ ಭಾರತ ತಂಡದ ಅಗ್ರ ಕ್ರಮಾಂಕದ ಬ್ಯಾಟರ್ಗಳೆಲ್ಲ ಅಗ್ಗಕ್ಕೆ ಔಟಾಗಿ ಇನ್ನೇನು 100 ರನ್ ಕೂಡ ದಾಟುವುದು ಕಷ್ಟ ಎಂಬ ಪರಿಸ್ಥಿತಿ ಎದುರಿಸಿದ ವೇಳೆ ದಿಟ್ಟ ರೀತಿಯಲ್ಲಿಯಲ್ಲಿ ಹೋರಾಟದಿದ ರಹಾನೆ ತಮ್ಮ ಕೈ ಬೆರಳಿನ ಗಾಯಕ್ಕೆ ಬ್ಯಾಡೆಂಜ್ ಸುತ್ತಿಕೊಂಡು ಎಲ್ಲ ನೋವನ್ನು ಸಹಿಸಿಕೊಳ್ಳುತ್ತಾ ರನ್ ಗಳಿಸಿ ತಂಡವನ್ನು ಕುಸಿತದಿಂದ ಪಾರು ಮಾಡಿದರು. 129 ಎಸೆತ ಎದುರಿಸಿದ ಅವರು 89 ರನ್ ಗಳಿಸಿ ಔಟಾದರು. ಶಾರ್ದೂಲ್ ಠಾಕೂರ್ ಜತೆ 7ನೇ ವಿಕೆಟ್ಗೆ 109 ರನ್ಗಳ ಜತೆಯಾಟ ಕೂಡ ನಡೆಸಿದರು.
ಪಂದ್ಯದ ಬಳಿಕ ಮಾತನಾಡಿದ ಅವರು “ಬೆರಳಿನ ನೋವಿದೆ, ಆದರೆ ಇದನ್ನೂ ಸಾಕಷ್ಟು ನಿರ್ವಹಿಸಬಲ್ಲೆ. ಇದು ಬ್ಯಾಟಿಂಗ್ ಮೇಲೆ ಪರಿಣಾಮ ಬೀರುತ್ತದೆ ಎಂದು ಭಾವಿಸಬೇಡಿ. ಮೊದಲ ಇನಿಂಗ್ಸ್ನಲ್ಲಿ ನಾನು ಬ್ಯಾಟಿಂಗ್ ಮಾಡಿದ ರೀತಿ ನನಗೆ ಸಂತೋಷವಿದೆ. ನೋವು ಇದ್ದರೂ ದ್ವಿತೀಯ ಇನಿಂಗ್ಸ್ನಲ್ಲಿಯೂ ಬ್ಯಾಟಿಂಗ್ ನಡೆಸಲಿದ್ದೇನೆ” ಎಂದು ಅಜಿಂಕ್ಯ ರಹಾನೆ ತಿಳಿಸಿದರು.
ಇದನ್ನೂ ಓದಿ WTC Final 2023: ರದ್ದಾಗುವ ಭೀತಿಯಲ್ಲಿದೆ ವಿಶ್ವ ಟೆಸ್ಟ್ ಫೈನಲ್ ಪಂದ್ಯ!
#WTCFinals: #AjinkyaRahane gives major update on finger injury, says 'It is painful but…'#WTC2023Final https://t.co/Wfz31s0jRW
— Zee News English (@ZeeNewsEnglish) June 10, 2023
ಸುದೀರ್ಘ ಅವಧಿಯ ಬಳಿಕ ಟೆಸ್ಟ್ ಆಡಿದ ರಹಾನೆ ಬ್ಯಾಟಿಂಗ್ ಕಂಡು ಎದುರಾಳಿ ಆಸ್ಟ್ರೇಲಿಯಾ ತಂಡದ ನಾಯಕ ಪ್ಯಾಟ್ ಕಮಿನ್ಸ್ ಮತ್ತು ಸ್ಟೀವನ್ ಸ್ಮಿತ್ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ರಹಾನೆ ಎಂದಿಗೂ ಸ್ಟಾರ್ ಆಟಗಾರ. ತಂಡದ ಸಂಕಷ್ಟದಲ್ಲಿ ಅವರು ಯಾವತ್ತು ಆಡುತ್ತಾರೆ. ಕಳೆದ ಆಸೀಸ್ ಪ್ರವಾಸದಲ್ಲಿಯೂ ಭಾರತ ತಂಡ ಮೊದಲ ಪಂದ್ಯದಲ್ಲಿ ಹೀನಾಯ ಸೋಲು ಕಂಡಿದ್ದರೂ ಆ ಬಳಿಕ ನಾಯಕತ್ವ ವಹಿಸಿದ ರಹಾನೆ ದ್ವಿತೀಯ ಪಂದ್ಯದಲ್ಲಿ ಶತಕ ಬಾರಿಸಿ ತಂಡಕ್ಕೆ ಗೆಲುವು ತಂದುಕೊಟ್ಟಿದ್ದರು. ಜತೆಗೆ ಸರಣಿಯನ್ನೂ ಗೆದ್ದು ಬೀಗಿದ್ದರು ಎಂದು ಕಮಿನ್ಸ್ ಅವರು ರಹಾನೆಯನ್ನು ಹಾಡಿ ಹೊಗಳಿದ್ದಾರೆ.