ಲಂಡನ್: ಭಾರತ ಮತ್ತು ಆಸ್ಟ್ರೇಲಿಯಾ ನಡುವಣ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್(WTC Final 2023) ಪಂದ್ಯ ರೋಚಕ ಘಟ್ಟ ತಲುಪಿದ್ದು ಭಾರತ ತಂಡದ ಗೆಲುವಿಗೆ 280 ರನ್ ಅಗತ್ಯವಿದೆ. ಸದ್ಯ ಭಾರತ 3 ವಿಕೆಟ್‌ ಕಳೆದುಕೊಂಡು 164 ರನ್ ಮಾಡಿದೆ. ಭಾನುವಾರ ಅಂತಿಮ ದಿನವಾಗಿದೆ. ವಿರಾಟ್ ಕೊಹ್ಲಿ-ಅಜಿಂಕ್ಯ ರಹಾನೆ(Ajinkya Rahane) ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ. ಇದೇ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ(Virat Kohli) ನೂತನ ಮೈಲುಗಲ್ಲೊಂದನ್ನು ತಲುಪಿದ್ದಾರೆ.
60 ಎಸೆತಗಳಲ್ಲಿ 44 ರನ್ಗಳಿಸಿ ಬ್ಯಾಟಿಂಗ್ ಕಾಯ್ದುಕೊಂಡಿರುವ ವಿರಾಟ್ ಕೊಹ್ಲಿ ಈ ಮೊತ್ತ ದಾಖಲಿಸುತ್ತಿದ್ದಂತೆ ಟೆಸ್ಟ್ ಕ್ರಿಕೆಟ್ನಲ್ಲಿ ಆಸ್ಟ್ರೇಲಿಯಾ ವಿರುದ್ಧ 2 ಸಾವಿರ ರನ್ ಪೂರೈಸಿದ್ದಾರೆ. ಈ ಮೂಲಕ ಈ ಸಾಧನೆಗೈದ ಭಾರತದ 5ನೇ ಬ್ಯಾಟರ್ ಎನಿಸಿಕೊಂಡಿದ್ದಾರೆ. ಇದಕ್ಕೂ ಮೊದಲು ಈ ಸಾಧನೆ ಮಾಡಿದ ಭಾರತೀಯರ ಆಟಗಾರರೆಂದರೆ ಸಚಿನ್ ತೆಂಡೂಲ್ಕರ್(sachin tendulkar) (74 ಟೆಸ್ಟ್ 3630 ರನ್), ವಿವಿಎಸ್ ಲಕ್ಷ್ಮಣ್ (54 ಪಂದ್ಯ 2434 ರನ್), ರಾಹುಲ್ ದ್ರಾವಿಡ್ (60 ಪಂದ್ಯ 2143 ರನ್) ಮತ್ತು ಚೇತೇಶ್ವರ ಪೂಜಾರ (45 ಪಂದ್ಯ, 2074 ರನ್) ಕ್ರಮವಾಗಿ ಆಸೀಸ್ ವಿರುದ್ಧ ಈ ಮೊತ್ತವನ್ನು ದಾಖಲಿಸಿದ್ದಾರೆ.
ಸದ್ಯ ಕೊಹ್ಲಿ 2037* ರನ್ ಕಲೆಹಾಕಿದ್ದಾರೆ. ಅಂತಿಮ ದಿನವಾರ ಭಾನುವಾರ ಕೊಹ್ಲಿ ಅವರು ಈಗ ಬಾರಿಸಿರುವ 44 ರನ್ ಹೊರತುಪಡಿಸಿ 106 ರನ್ ಬಾರಿಸಿದರೆ ದ್ರಾವಿಡ್ ಮತ್ತು ಪೂಜಾರ ದಾಖಲೆಯನ್ನು ಮುರಿಯಲಿದ್ದಾರೆ. ಈ ಮೂಲಕ ತೃತೀಯ ಸ್ಥಾನಕ್ಕೆ ಏರಲಿದ್ದಾರೆ.
ಇದನ್ನೂ ಓದಿ WTC Final 2023: ವಿಶ್ವ ಟೆಸ್ಟ್ ಡ್ರಾ ಗೊಂಡರೆ ಯಾರಾಗಲಿದ್ದಾರೆ ವಿಜೇತರು?
No wonder why Australia is Virat Kohli's favourite opponent! 🙌#INDvsAUS #ViratKohli #WTCFinal pic.twitter.com/eXk3bNhPb4
— OneCricket (@OneCricketApp) June 11, 2023
ಈ ಟೆಸ್ಟ್ ಪಂದ್ಯವನ್ನು ಯಾರೇ ಗೆದ್ದರೂ ಇತಿಹಾಸವೊಂದು ಸೃಷ್ಟಿಯಾಗಲಿದೆ. ಈಗಾಗಲೇ ಭಾರತ ಮತ್ತು ಆಸ್ಟ್ರೇಲಿಯ ತಂಡಗಳೆರಡೂ ಏಕದಿನ ವಿಶ್ವಕಪ್‌ ಹಾಗೂ ಟಿ20 ವಿಶ್ವಕಪ್‌ ಗೆದ್ದಿವೆ. ಹೀಗಾಗಿ ಟೆಸ್ಟ್ ವಿಶ್ವಕಪ್‌ ಗೆದ್ದರೆ ಈ ಮೂರು ಮಾದರಿಯ ವಿಶ್ವ ಕಪ್ ಗೆದ್ದ ಮೊದಲ ತಂಡ ಎಂಬ ಹಿರಿಮೆಗೆ ಪಾತ್ರವಾಗಲಿದೆ.