ಲಂಡನ್: ಬಹುನಿರೀಕ್ಷಿತ ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ (ಡಬ್ಲ್ಯುಟಿಸಿ) ಫೈನಲ್ 2023 (WTC Final 2023) ಜೂನ್ 7ರಂದು ಆರಂಭವಾಗಲಿದ. ಜೂನ್ 11ರವರೆಗೆ ಈ ಪಂದ್ಯ ನಡೆಯಲಿದೆ. ಈ ಪಂದ್ಯದಲ್ಲಿ ವಿಶ್ವದ ಬಲಿಷ್ಠ ತಂಡಗಳಾದ ಆಸ್ಟ್ರೇಲಿಯಾ ಮತ್ತು ಭಾರತ ಮುಖಾಮುಖಿಯಾಗಲಿವೆ. ಈ ಹಣಾಹಣಿಗೆ ಬಳಸುವ ಚೆಂಡಿನ ಮಾದರಿಯನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ಐಸಿಸಿ) ಪ್ರಕಟಿಸಿದೆ. ಡ್ಯೂಕ್ ಕಂಪನಿ ನಿರ್ಮಿಸಿದ ಚೆಂಡನ್ನು ಈ ಪಂದ್ಯಕ್ಕೆ ಬಳಸಲಾಗುತ್ತಿದೆ. ಈ ಮೂಲಕ ಪಂದ್ಯದಲ್ಲಿ ಆಸ್ಟ್ರೇಲಿಯಾ ತಂಡಕ್ಕೆ ಹೆಚ್ಚು ಅನುಕೂಲವಾಗಲಿದೆ ಎನ್ನಲಾಗಿದೆ.
ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ನ ಅಂತಿಮ ಕದನಕ್ಕೆ ಇಂಗ್ಲೆಂಡ್ನ ವಾತಾವರಣಕ್ಕೆ ಬಳಸುವ ಚೆಂಡನ್ನು ಆಯ್ಕೆ ಮಾಡಿದೆ. ಇಂಗ್ಲೆಂಡ್ನ್ಲ್ಲಿ ಟೆಸ್ಟ್ ಪಂದ್ಯಗಳಿಗೆ ಬಳಸುವ ಡ್ಯೂಕ್ ಚೆಂಡುಗಳನ್ನು ಬಳಸಲಾಗುತ್ತಿದೆ. ಇಂಗ್ಲೆಂಡ್ ಪಿಚ್ ಹಾಗೂ ಮತ್ತು ಡ್ಯೂಕ್ ಚೆಂಡು ಸ್ವಿಂಗ್ ಆಗುವುದಕ್ಕೆ ನೆರವು ನೀಡುತ್ತದೆ. ಹೀಗಾಗಿ ಭಾರತಕ್ಕೆ ಹೆಚ್ಚು ಸವಾಲು ಎನ್ನಲಾಗಿದೆ. ಯಾಕೆಂದರೆ ಭಾರತ ತಂಡ ತವರಿನಲ್ಲಿ ಎಸ್ಜಿ ಕಂಪನಿ ತಯಾರಿಸುವ ಚೆಂಡಿನೊಂದಿಗೆ ಆಡುತ್ತದೆ. ಹೀಗಾಗಿ ಮೋಡ ಕವಿದ ವಾತಾವರಣ ಹಾಗೂ ಡ್ಯೂಕ್ ಚೆಂಡು ಭಾರತಕ್ಕೆ ಮಾರಕವಾಗಲಿದೆ ಎಂದು ಹೇಳಲಾಗುತ್ತಿದೆ. ಇದೇ ವೇಳೆ ಆಸ್ಟ್ರೇಲಿಯಾ ತನ್ನ ತವರಿನಲ್ಲಿ ಡ್ಯೂಕ್ ಚೆಂಡನ್ನು ಬಳಸುವ ಕಾರಣ ಆ ತಂಡಕ್ಕೆ ಹೆಚ್ಚಿನ ಅನುಕೂಲಕ ಸಿಗಲಿದೆ ಎಂದು ಹೇಳಲಾಗಿದೆ.
ಈ ಕೆಳಗೆ ಡ್ಯೂಕ್, ಕೂಕಬುರಾ ಮತ್ತು ಎಸ್ಜಿ ಚೆಂಡುಗಳ ನಡುವಿನ ವ್ಯತ್ಯಾಸವನ್ನು ವಿವರಿಸಲಾಗಿದೆ.
1) ಡ್ಯೂಕ್ ಬಾಲ್
ಇಂಗ್ಲೆಂಡ್ ಮತ್ತು ವೆಸ್ಟ್ ಇಂಡೀಸ್ನಲ್ಲಿ ಟೆಸ್ಟ್ ಪಂದ್ಯಗಳಲ್ಲಿ ಡ್ಯೂಕ್ ಚೆಂಡುಗಳನ್ನು ಆಯ್ಕೆ ಮಾಡಲಾಗುತ್ತದೆ. ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್ ಲಿಮಿಟೆಡ್ ತಯಾರಿಸಿದ ಇವು ಕೈಯಿಂದ ಹೊಲಿಯಲ್ಪಟ್ಟಿವೆ . ಹೀಗಾಗಿ ಉಳಿದೆರಡು ಚೆಂಡಿನ ಪ್ರಕಾರಗಳಿಗಿಂತ ಹೆಚ್ಚು ಬಾಳಿಕೆ ಬರುತ್ತವೆ. ವಿಶಿಷ್ಟವಾದ ಹೊಲಿಗೆಯು ಚೆಂಡಿನ ಗಡಸುತನಕ್ಕೆ ಕೊಡುಗೆ ನೀಡುತ್ತದೆ, ಇದು ದೀರ್ಘಕಾಲದವರೆಗೆ ಸೀಮ್ ಆಗಲ ಅನುವು ಮಾಡಿಕೊಡುತ್ತದೆ. ಇಂಗ್ಲೆಂಡ್ನಲ್ಲಿ ಈ ಚೆಂಡುಗಳನ್ನು ಬಳಸುವುದರ ಹಿಂದಿನ ಕಾರಣವೆಂದರೆ ಮೋಡ ಕವಿದ ಹವಾಮಾನ ಪರಿಸ್ಥಿತಿಗಳು. ಅದೇ ರೀತಿ ಸ್ವಿಂಗ್ ಪಿಚ್ಗಳು. ಡ್ಯೂಕ್ ಚೆಂಡುಗಳು ವೇಗದ ಬೌಲರ್ಗಳಿಗೆ ಆಟದುದ್ದಕ್ಕೂ ಪರಿಣಾಮಕಾರಿಯಾಗಿರಲು ಸಹಾಯ ಮಾಡುತ್ತವೆ.‘
2) ಎಸ್ಜಿ ಬಾಲ್
ಸ್ಯಾನ್ಸ್ಪರೇಲ್ ಗ್ರೀನ್ಲ್ಯಾಂಡ್ಸ್ (ಎಸ್ಜಿ 1931ರಲ್ಲಿ ಸ್ಥಾಪನೆಯಾದ ಭಾರತೀಯ ಕಂಪನಿಯಾಗಿದೆ. ಮೀರತ್ನಲ್ಲಿ ಪ್ರಧಾನ ಕಚೇರಿ ಹೊಂದಿದೆ. ಎಸ್ಜಿ ಉತ್ಪಾದಿಸುವ ಚೆಂಡುಗಳನ್ನು ಮುಖ್ಯವಾಗಿ ಭಾರತದೊಳಗಿನ ಟೆಸ್ಟ್ ಮತ್ತು ದೇಶೀಯ ಕ್ರಿಕೆಟ್ ಪಂದ್ಯಗಳಲ್ಲಿ ಬಳಸಲಾಗುತ್ತದೆ. ಎಸ್ಜಿ ಚೆಂಡುಗಳು ಕರಕುಶಲತೆ ಮತ್ತು ಬಾಳಿಕೆಗೆ ಹೆಸರುವಾಸಿಯಾಗಿದ್ದರೂ, ಇತರ ಚೆಂಡುಗಳಿಗಿಂತ ಭಿನ್ನವಾಗಿದೆ. ಅಂದರೆ ಬೇಗ ಸವೆಯುವ ಮೂಲಕ ಸ್ಪಿನ್ನರ್ಗಳಿಗೆ ಅನುಕೂಲಕರವಾಗಿರುತ್ತದೆ. ಒಂದು ಬಾರಿ ಚೆಂಡಿನ ಮೇಲಿನ ಆರಂಭಿಕ ಹೊಳಪು ಕಡಿಮೆಯಾದರೆ, ತಿರುವು ಪಡೆಯಲು ಹೆಚ್ಚು ಅನುಕೂಲಕವಾಗುತ್ತದೆ.
ಇದನ್ನೂ ಓದಿ : WTC Final 2023: ಓವಲ್ ಮೈದಾನದಲ್ಲಿ ಭಾರತ, ಆಸ್ಟ್ರೇಲಿಯಾ ತಂಡಗಳ ಟೆಸ್ಟ್ ಇತಿಹಾಸ ಹೇಗಿದೆ? ಇಲ್ಲಿದೆ ಮಾಹಿತಿ
3) ಕೂಕಬುರಾ ಬಾಲ್
ಕೂಕಬುರ್ರಾ ಸ್ಪೋರ್ಟ್ ಎಂಬ ಆಸ್ಟ್ರೇಲಿಯಾದ ಕಂಪನಿ ಈ ಚೆಂಡನ್ನು ತಯಾರಿಸುತ್ತದೆ. ಸಾಮಾನ್ಯವಾಗಿ ಆಸ್ಟ್ರೇಲಿಯಾ, ನ್ಯೂಜಿಲೆಂಡ್, ದಕ್ಷಿಣ ಆಫ್ರಿಕಾ, ಪಾಕಿಸ್ತಾನ, ಶ್ರೀಲಂಕಾ ಮತ್ತು ಜಿಂಬಾಬ್ವೆ ಸೇರಿದಂತೆ ಬಹುತೇಕ ಕ್ರಿಕೆಟ್ ಆಡುವ ದೇಶಗಳಲ್ಲಿ ಬಳಸಲಾಗುತ್ತದೆ. ಡ್ಯೂಕ್ ಮತ್ತು ಎಸ್ ಜಿ ಚೆಂಡುಗಳಿಗೆ ವ್ಯತಿರಿಕ್ತವಾಗಿದೆ ಕೂಕಬುರಾ. ಈ ಚೆಂಡುಗಳನ್ನು ಯಂತ್ರದಿಂದ ಹೊಲಿಯಲಾಗಿದೆ. ಒಳಗಿನ ಎರಡು ಎರಡು ಹಂತವನ್ನು ಕೈಯಿಂದ ಹೊಲಿಯಲಾಗಿದ್ದರೆ, ಹೊರಗಿನ ಎರಡು ಪದರವನ್ನು ಯಂತ್ರ ಬಳಸಿ ಹೊಲಿಯಲಾಗುತ್ತದೆ. ಇದರ ಪರಿಣಾಮವಾಗಿ ಬೌಲರ್ ಹೆಚ್ಚಿನ ಹಿಡಿತ ಸಾಧಿಸಲು ಸಾಧ್ಯವಾಗುತ್ತದೆ. ಈ ಚೆಂಡುಗಳು ಡ್ಯೂಕ್ ಚೆಂಡುಗಳಂತೆ ಸ್ವಿಂಗ್ ಆಗುವುದಿಲ್ಲ. ಕೂಕಬುರ್ರಾ ಚೆಂಡುಗಳು ಹೆಚ್ಚಿನ ಬೌನ್ಸ್ ಹೊಂದಿರುವ ಪಿಚ್ಗಳಿಗೆ ಸೂಕ್ತವಾಗಿವೆ.