ಮುಂಬಯಿ: ಭಾರತ ಕ್ರಿಕೆಟ್‌ ತಂಡದ ಮಾಜಿ ಆಲ್ರೌಂಡರ್, ಟಿ20 ಮತ್ತು ಏಕದಿನ ವಿಶ್ವಕಪ್ ಹೀರೊ ಯುವರಾಜ್ ಸಿಂಗ್(Yuvraj Singh) ಮಂಗಳವಾರ 42ನೇ ವರ್ಷಕ್ಕೆ ಕಾಲಿಟ್ಟರು. ಭಾರತೀಯ ಕ್ರಿಕೆಟಿನ ಅಪ್ಪಟ ಹೋರಾಟಗಾರ ಯುವಿಗೆ ಮಾಜಿ ಸಹ ಆಟಗಾರರಾದ ತೆಂಡೂಲ್ಕರ್‌, ಲಕ್ಷ್ಮಣ್‌, ಸೆಹವಾಗ್‌, ರೈನಾ, ಮೊದಲಾದವರೆಲ್ಲ ಶುಭ ಹಾರೈಸಿದ್ದಾರೆ. ಆದರೆ ಗೌತಮ್ ಗಂಭೀರ್(gautam gambhir) ಮಾಡಿರುವ ಹಾರೈಕೆಯ ಟ್ವಿಟ್ ಮಾತ್ರ ವೈರಲ್ ಆಗಿದೆ.
ಹಲವು ಬಾರಿ ಗಂಭೀರ್ ಅವರು 2011ರ ಏಕದಿನ ಮತ್ತು 2007ರ ಟಿ20 ವಿಶ್ವಕಪ್ ಜಯಿಸಿದ್ದು ಯುವರಾಜ್ ಸಿಂಗ್ ಅವರ ಆಲ್ರೌಂಡರ್ ಆಟದಿಂದ ಎಂದು ಬಹಿರಂಗವಾಗಿಯೇ ಹೇಳಿದ್ದರು. ಈ ಮೂಲಕ ಅವರ ಸಾಧನೆಯನ್ನು ನೆನಪಿಸುತ್ತಿದ್ದರು. ಇದೀಗ ಯುವರಾಜ್ ಅವರಿಗೆ ಹುಟ್ಟು ಹಬ್ಬದ ಶುಭಾಶಯ ತಿಳಿಸಿದ್ದಾರೆ. ಇಲ್ಲಿಯೂ ಅವರ ಸಾಧನೆಯನ್ನು ಎತ್ತಿ ಹಿಡಿದಿದ್ದಾರೆ.
“ಒಬ್ಬ ಮ್ಯಾಚ್ ವಿನ್ನರ್, ಸರ್ವಶ್ರೇಷ್ಠತೆಯ ವ್ಯಕ್ತಿ. ಪ್ರೀತಿಯ ಸ್ನೇಹಿತ! ನಿಮಗೆ ಜನ್ಮದಿನದ ಶುಭಾಶಯಗಳು. ವರ್ಷವು ಸಂತಸದಿಂದ ಕೂಡಿರಲಿ ಸಹೋದರ” ಎಂದು ಗಂಭೀರ್ ಅವರು ಟ್ವೀಟ್ ಮೂಲಕ ಯುವರಾಜ್ಗೆ ಶುಭ ಹಾರೈಸಿದ್ದಾರೆ.
A match winner par excellence & a friend like no other! Wishing you a very Happy Birthday @YUVSTRONG12. Have a great year brother! 💜 pic.twitter.com/cyjcGVl8GE
— Gautam Gambhir (@GautamGambhir) December 12, 2023
2011ರ ಏಕದಿನ ಮತ್ತು 2007ರ ಟಿ20 ವಿಶ್ವಕಪ್ ಜಯಿಸಿದ್ದು ಧೋನಿ ಅವರ ನಾಯಕತ್ವದಿಂದ ಅಲ್ಲ ಅದು ಯುವರಾಜ್ ಸಿಂಗ್ ಅವರ ಶ್ರೇಷ್ಠ ಆಟದ ನೆರವಿನಿಂದ. ಆದರೆ ಅವರ ಈ ಪದರ್ಶನವನ್ನು ಯಾರು ಗುರಿತಿಸುವುದಿಲ್ಲ. ಧೋನಿಯಿಂದಲೇ ಇದು ಸಾಧ್ಯವಾಯಿತು ಎನ್ನುತ್ತಾರೆ. ಇದು ಸರಿಯಲ್ಲ ಎನ್ನುವುದು ಗಂಭೀರ್ ಅವರ ತರ್ಕ.
“2011 ರ ವಿಶ್ವಕಪ್ನಲ್ಲಿ ಮ್ಯಾನ್ ಆಫ್ ದಿ ಟೂರ್ನಮೆಂಟ್ ಪ್ರಶಸ್ತಿ ಪಡೆದ ಯುವರಾಜ್ ಸಿಂಗ್ ಅವರಿಗೆ ಉತ್ತಮ ಪಿಆರ್ ಏಜೆನ್ಸಿ ಇರಲಿಲ್ಲ. ಹೀಗಾಗಿ ಅವರ ಸಾಧನೆ ನಗಣ್ಯವಾಯಿತು” ಎಂದು ಎಎನ್ಐ ಜತೆಗಿನ ಸಂಭಾಷಣೆಯಲ್ಲಿ ಗೌತಮ್ ಗಂಭೀರ್ ಹೇಳಿದ್ದರು. ಮೊದಲ ನೋಟದಲ್ಲಿ ಸರಿ ಎಂದು ತೋರುವ ಈ ಹೇಳಿಕೆಯು ಕೆಲವೊಂದು ಸೂಕ್ಷ್ಮತೆಗಳನ್ನು ಹೊಂದಿರುವುದಂತೂ ನಿಜ.
“ಯುವರಾಜ್ ಸಿಂಗ್ ಅವರಿಗೆ ಸಿಗಬೇಕಾದ ಮನ್ನಣೆ ಸಿಗಲಿಲ್ಲವೇ” ಎಂದು ಪಾಡ್ಕಾಸ್ಟ್ ಮಾಡುತ್ತಿದ್ದ ಸ್ಮಿತಾ ಪ್ರಕಾಶ್ ಕೇಳಿದರು. ಇದಕ್ಕೆ ಉತ್ತರಿಸಿದ ಗಂಭೀರ್, “ನಿಮಗೆ ತಿಳಿದಿದೆ, ನೀವೇ ಹೇಳಿ. 2011 ರ ವಿಶ್ವಕಪ್ನ ಮ್ಯಾನ್ ಆಫ್ ದಿ ಸೀರಿಸ್ ಗೆದ್ದ ಆಟಗಾರ ಯುವರಾಜ್. ಅವರ ಬಗ್ಗೆ ಎಷ್ಟು ಜನರು ಮಾತನಾಡುತ್ತಾರೆ? ಬಹುಶಃ ಅವರು ಉತ್ತಮ ಪಿಆರ್ ಏಜೆನ್ಸಿಯನ್ನು ಹೊಂದಿಲ್ಲದ ಕಾರಣ ಅವರ ಸಾಧನೆ ಮಂಕಾಯಿತು ಎಂದು ಹೇಳಿದ್ದರು. ಅಲ್ಲದೆ ಈ ಮಾತನ್ನು ಗಂಭೀರ್ ಅವರು ಹಲವು ಬಾರಿ ಕ್ರೀಡಾ ಚರ್ಚೆಯ ವೇದಿಕೆಯಲ್ಲಿಯೂ ಹೇಳಿದ್ದರು.
ಇದನ್ನೂ ಓದಿ Gautam Gambhir : ಮೋದಿಯನ್ನು ಪನೌತಿ ಎಂದವರಿಗೆ ತಿರುಗೇಟು ಕೊಟ್ಟ ಗೌತಮ್ ಗಂಭೀರ್
4️⃣0️⃣2️⃣ intl. matches 👌
— BCCI (@BCCI) December 12, 2023
1️⃣1️⃣7️⃣7️⃣8️⃣ intl. runs 💪
1️⃣7️⃣ intl. tons 💯
1️⃣4️⃣8️⃣ intl. wickets 👍
Wishing the legendary @YUVSTRONG12 – former #TeamIndia all-rounder and 2️⃣0️⃣0️⃣7️⃣ ICC World T20 & 2️⃣0️⃣1️⃣1️⃣ ICC World Cup-winner – a very happy birthday 🎂 👏 pic.twitter.com/vde5Raqs9G
ಕ್ಯಾನ್ಸರ್ ಮಧ್ಯೆಯೂ ಹೋರಾಡಿದ್ದ ಯುವಿ
ಸರಣಿಯುದ್ದಕ್ಕೂ ಶ್ರೇಷ್ಠ ಪ್ರದರ್ಶನ ತೋರಿದ ಯುವರಾಜ್ ಸಿಂಗ್ ತಮ್ಮ ಕ್ಯಾನ್ಸರ್ ಕಾಯಿಲೆಯನ್ನು ಮರೆಮಾಚಿ ದೇಶಕ್ಕಾಗಿ ಹೋರಾಟ ನಡೆಸಿದ್ದರು. ಮೈದಾನದಲ್ಲೇ ಹಲವು ಬಾರಿ ರಕ್ತ ಕಾರಿದರೂ ಛಲ ಬಿಡದೆ ಆಟವಾಡಿದ್ದರು. ಅವರ ಅಸಾಮಾನ್ಯ ಪ್ರದರ್ಶನಕ್ಕೆ ಸರಣಿ ಶ್ರೇಷ್ಠ ಪ್ರಶಸ್ತಿಯೂ ಲಭಿಸಿತ್ತು. ಒಂದು ಶತಕ, ನಾಲ್ಕು ಅರ್ಧಶತಕ ಸೇರಿ ಒಟ್ಟು 362 ರನ್ ಬಾರಿಸಿದ್ದರು. ಬೌಲಿಂಗ್ನಲ್ಲಿಯೂ ಮಿಂಚಿ 15 ವಿಕೆಟ್ ಕೆಡವಿದ್ದರು.