ಬೆಂಗಳೂರು: ರಾಜ್ಯದಲ್ಲಿ ಶನಿವಾರ ವಾತಾವರಣದಲ್ಲಿ ಒಣಹವೆ (Dry Weather) ಇತ್ತು. ದಕ್ಷಿಣ ಒಳನಾಡಿನ ಒಂದೆರಡು ಕಡೆಗಳಲ್ಲಿ ಕನಿಷ್ಠ ಉಷ್ಣಾಂಶವು ಸಾಮಾನ್ಯಕ್ಕಿಂತ 4 ಡಿ.ಸೆ ಕಡಿಮೆ (Karnataka Weather Forecast) ಆಗಿತ್ತು. ಹೀಗಾಗಿ ಬೆಂಗಳೂರು ನಗರ, ಬೆಂಗಳೂರು ಗ್ರಾಮಾಂತರ, ಮೈಸೂರು, ಮಂಡ್ಯ, ರಾಮನಗರ, ಚಾಮರಾಜನಗರ ಮತ್ತು ದಾವಣಗೆರೆ, ಕೋಲಾರ, ಚಿಕ್ಕಬಳ್ಳಾಪುರ, ತುಮಕೂರು, ಚಿತ್ರದುರ್ಗದಲ್ಲಿ ಬೆಳಗ್ಗೆ ಮತ್ತು ಸಂಜೆ ಚಳಿ ವಾತಾವರಣ ಇತ್ತು. ಚಳಿ ನಡುವೆಯೂ ಮಧ್ಯಾಹ್ನದ ಹೊತ್ತು ಬಿಸಿಲ ಝಳವು ಸಾಥ್‌ ನೀಡಿತ್ತು.
ಅತೀ ಕಡಿಮೆ ಕನಿಷ್ಠ ಉಷ್ಣಾಂಶವು 13.9 ಡಿ.ಸೆ ಚಿಕ್ಕನಹಳ್ಳಿಯಲ್ಲಿ ದಾಖಲಾಗಿತ್ತು. ಇತ್ತ ಉತ್ತರ ಒಳನಾಡಿನ ಬಾಗಲಕೋಟೆ, ಬೆಳಗಾವಿ, ಬೀದರ್‌, ಧಾರವಾಡ, ಗದಗ ಸೇರಿದಂತೆ ಹಾವೇರಿ, ಕಲಬುರಗಿ, ಕೊಪ್ಪಳ, ರಾಯಚೂರು, ವಿಜಯಪುರ, ಯಾದಗಿರಿಯಲ್ಲಿ ಕನಿಷ್ಠ ಉಷ್ಣಾಂಶವು ಸಾಮಾನ್ಯಕ್ಕಿಂತ 3 ಡಿ.ಸೆ ಹೆಚ್ಚಾಗಿತ್ತು. ಇತ್ತ ಕರಾವಳಿಯ ಉಡುಪಿ, ದಕ್ಷಿಣ ಕನ್ನಡ, ಉತ್ತರ ಕನ್ನಡದಲ್ಲೂ ಸಾಮಾನ್ಯಕ್ಕಿಂತ 2-3 ಡಿ.ಸೆ ಕನಿಷ್ಠ ಉಷ್ಣಾಂಶ ಏರಿಕೆ ಆಗಿತ್ತು . ಇದರಿಂದ ಕರಾವಳಿ ಮತ್ತು ಉತ್ತರ ಒಳನಾಡಲ್ಲಿ ಬಿಸಿಲ ಧಗೆ ಹೆಚ್ಚಾಗಿತ್ತು.
ಮುಂದಿನ 48 ಗಂಟೆಯಲ್ಲೂ ತಾಪಮಾನ ಮುನ್ಸೂಚನೆ
ರಾಜ್ಯಾದ್ಯಂತ ಒಣಹವೆ ಮುಂದುವರಿಯುವ ಸಾಧ್ಯತೆ ಇದೆ ಎಂದು ಹವಾಮಾನ ಇಲಾಖೆ ಮುನ್ಸೂಚನೆಯನ್ನು ನೀಡಿದೆ. ಮುಂದಿನ 48 ಗಂಟೆಯಲ್ಲಿ ಕರಾವಳಿಯ ಕೆಲವು ಕಡೆಗಳಲ್ಲಿ ಕನಿಷ್ಠ ತಾಪಮಾನವು ಸಾಮಾನ್ಯಕ್ಕಿಂತ 2-3 ಡಿ.ಸೆ ಹೆಚ್ಚಾಗುವ ಸಾಧ್ಯತೆ ಇದೆ. ಒಳನಾಡಿನ ಬಹುತೇಕ ಕಡೆಗಳಲ್ಲಿ ಕನಿಷ್ಠ ಹಾಗೂ ಗರಿಷ್ಠ ತಾಪಮಾನವು 2-3 ಡಿ.ಸೆ ಏರಿಕೆ ಆಗಲಿದೆ.
ಬೆಂಗಳೂರಲ್ಲಿ ಮುಂಜಾನೆ ಮಂಜು
ಬೆಂಗಳೂರಲ್ಲಿ ಮುಂಜಾನೆಯಂದು ಮಂಜು ಇರಲಿದೆ. ಆದರೆ ನೆತ್ತಿಗೆ ಬರುವ ಸೂರ್ಯ ಜನರನ್ನು ಸುಡಲಿದ್ದಾನೆ. ಗರಿಷ್ಠ ಹಾಗು ಕನಿಷ್ಠ ಉಷ್ಣಾಂಶವು ಕ್ರಮವಾಗಿ 31 ಹಾಗೂ 18 ಡಿ.ಸೆ ಇರಲಿದೆ.
ಇದನ್ನೂ ಓದಿ: Self Harming : ಪ್ರೀತ್ಸೆ ಅಂತ ಅಪ್ರಾಪ್ತೆಯನ್ನು ಕೊಂದಿದ್ದ ಕಿರಾತಕ 2ನೇ ಬಾರಿ ಆತ್ಮಹತ್ಯೆ ಯತ್ನ
ವಿಂಟರ್‌ ಫ್ಯಾಷನ್‌ನಲ್ಲಿ ಡಿಸೈನರ್‌ ಕ್ರಾಪ್‌ ಜಾಕೆಟ್ ಸೀರೆಯ ಜಾದೂ
ಕ್ರಾಪ್‌ ಜಾಕೆಟ್ ಡಿಸೈನರ್‌ ಸೀರೆಗಳು ಇದೀಗ ಸೀರೆ ಲೋಕದಲ್ಲಿ (Crop Jacket Saree Fashion) ಹಂಗಾಮ ಎಬ್ಬಿಸಿವೆ. ಸೀಸನ್‌ನ ಹೈ ಫ್ಯಾಷನ್‌ನಲ್ಲಿ ಇವು ಸಿನಿಮಾ ತಾರೆಯರನ್ನು ಹಾಗೂ ಸೆಲೆಬ್ರೆಟಿಗಳನ್ನು ಸೆಳೆದಿವೆ.
ವಿಂಟರ್‌ ಫ್ಯಾಷನ್‌ನ ತಾರೆಯರ ಹೈ ಫ್ಯಾಷನ್‌ನಲ್ಲಿ ಸ್ಥಾನ ಗಳಿಸಿರುವ ಈ ಮಾನೋಕ್ರೋಮ್‌ ಡಿಸೈನರ್‌ ಕ್ರಾಪ್‌ ಜಾಕೆಟ್ ಸೀರೆಗಳು ದುಬಾರಿ ಫ್ಯಾಬ್ರಿಕ್‌ ಹಾಗೂ ಡಿಸೈನ್‌ನಲ್ಲಿ ಕಾಣಿಸಿಕೊಂಡಿವೆ. ಬಾಲಿವುಡ್‌ ಹಾಗೂ ಸೀರಿಯಲ್‌ ನಟಿಯರು ಧರಿಸಿದ ನಂತರ ಸಾಮಾನ್ಯ ಸೀರೆ ಪ್ರಿಯರನ್ನು ಆಕರ್ಷಿಸುತ್ತಿವೆ.
ಚಳಿಗಾಲಕ್ಕೆ ಕ್ರಾಪ್‌ ಜಾಕೆಟ್ ಸೀರೆ ಸಾಥ್‌
“ಚಳಿಗಾಲದಲ್ಲಿ ನಾನಾ ಬಗೆಯ ಲೇಯರ್‌ ಲುಕ್‌ ನೀಡುವ ಸೀರೆಗಳು ಪ್ರಚಲಿತಕ್ಕೆ ಬರುತ್ತವೆ. ಕೆಲವು ಕ್ಯಾಶುವಲ್‌ ಲುಕ್‌ನಲ್ಲಿ ಇವಕ್ಕೆ ರೂಪ ನೀಡಿದರೇ, ಇನ್ನು ಕೆಲವು ಡಿಸೈನರ್‌ಗಳು ಫ್ಯೂಷನ್‌ ವಿನ್ಯಾಸದಲ್ಲಿ ರೂಪ ನೀಡಿದ್ದಾರೆ. ಮತ್ತೆ ಕೆಲವರು ಹೊಸ ವಿನ್ಯಾಸದ ಮಾನೋಕ್ರೋಮ್‌ ಶೇಡ್‌ಗಳಲ್ಲೆ ಸೀರೆಯನ್ನು ಡಿಸೈನ್‌ ಮಾಡಿದ್ದಾರೆ. ಇದೀಗ, ಈ ಡಿಸೈನರ್‌ ಸೀರೆಗಳು ಚಾಲ್ತಿಗೆ ಬಂದಿದ್ದು, ಶ್ರೀಮಂತರ ವಾರ್ಡ್ರೋಬ್‌ ಸೇರಿವೆ. ಪಾರ್ಟಿವೇರ್‌ ಸೀರೆಗಳ ಕೆಟಗರಿಯಲ್ಲಿ ಟ್ರೆಂಡಿಯಾಗಿವೆ” ಎನ್ನುತ್ತಾರೆ ಫ್ಯಾಷನ್‌ ಎಕ್ಸ್‌ಫರ್ಟ್ ಅಬ್ರಾಹಂ. ಅವರ ಪ್ರಕಾರ, ಒಂದೇ ಶೇಡ್‌ನ ಫ್ಯಾಬ್ರಿಕ್‌ನಿಂದ ಮಾಡಿರುವ ಈ ಕ್ರಾಪ್‌ ಜಾಕೆಟ್ ಸೀರೆಗಳು ಇತ್ತೀಚೆಗೆ ಸ್ವಾತಿ ಒಬ್‌ರಾಯ್‌ರ ಲೆಬೆಲ್‌ನಲ್ಲಿ ನಟಿ ನರ್ಗಿಸ್‌ ಫಕ್ರಿ ಧರಿಸಿದ ನಂತರ ಸಾಕಷ್ಟು ಮಹಿಳೆಯರನ್ನು ಸೆಳೆಯಿತು. ಟ್ರೆಂಡ್‌ ಹುಟ್ಟು ಹಾಕಲು ಕಾರಣವಾಯಿತು ಎನ್ನುತ್ತಾರೆ.
ಏನಿದು ಕ್ರಾಪ್‌ ಜಾಕೆಟ್ ಸೀರೆ?
ಡಿಸೈನರ್‌ ಸೀರೆ ಬ್ಲೌಸ್‌ನೊಂದಿಗೆ ಮೇಲುಡುಗೆಯಂತೆ ಚಿಕ್ಕ ಅಂದರೆ ತುಂಡಾದ ಕ್ರಾಪ್‌ ಜಾಕೆಟ್ ಧರಿಸುವುದು. ಇದನ್ನು ಕ್ರಾಪ್‌ ಜಾಕೆಟ್ ಸೀರೆ ಸ್ಟೈಲಿಂಗ್‌ ಎನ್ನಲಾಗುತ್ತದೆ. ಇನ್ನು ಜಾಕೆಟ್ ಇಲ್ಲದೆಯೂ ಇದನ್ನು ಕೇವಲ ಬ್ಲೌಸ್‌ನೊಂದಿಗೆ ಧರಿಸಬಹುದು. ಆದರೆ, ಈ ಸೀಸನ್‌ನಲ್ಲಿ ಲೇಯರ್‌ ಲುಕ್‌ ನೀಡುವ ಸಲುವಾಗಿ ಡಿಸೈನರ್‌ಗಳು ಕ್ರಾಪ್‌ ಜಾಕೆಟನ್ನು ಜೊತೆಯಾಗಿಸಿದ್ದಾರೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.
ಕ್ರಾಪ್‌ ಜಾಕೆಟ್ ಸೀರೆ ಸ್ಟೈಲಿಂಗ್‌
- ಎತ್ತರವಾಗಿರುವವರಿಗೆ ಲೇಯರ್‌ ಲುಕ್‌ ನೀಡುವ ಕ್ರಾಪ್‌ ಜಾಕೆಟ್ ಸೀರೆ ಆಕರ್ಷಕವಾಗಿ ಕಾಣುತ್ತದೆ.
- ಇಂಡೋ-ವೆಸ್ಟರ್ನ್ ಲುಕ್‌ನಲ್ಲಿ ಮಿಕ್ಸ್‌ ಮ್ಯಾಚ್‌ ಮಾಡಿ ಕ್ರಾಪ್‌ ಜಾಕೆಟ್ ಸೀರೆ ಧರಿಸಬಹುದು.
- ಮೆಸ್ಸಿ ಹೇರ್‌ ಸ್ಟೈಲ್‌ ಬೇಡ. ಸಿಂಪಲ್ಲಾಗಿರಲಿ.
- ಸೀರೆಯ ಫ್ಯಾಬ್ರಿಕ್‌ ಸಾಫ್ಟ್‌ ಆಗಿರಲಿ.
- ಅತಿಯಾದ ಡಿಸೈನ್‌ ಇರುವಂತಹ ಸೀರೆಯ ಆಯ್ಕೆ ಬೇಡ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಾಮೆಂಟ್ ಮೂಲಕ ತಿಳಿಸಿ