ಬರ್ಮಿಂಗ್ಹಮ್‌ : ಕಾಮನ್ವೆಲ್ತ್‌ ಗೇಮ್ಸ್‌ನಲ್ಲಿ (CWG- 2022) ಬುಧವಾರ ಮತ್ತೊಂದು ಪದಕ ಭಾರತಕ್ಕೆ ಲಭಿಸಿದೆ. ಸ್ಕ್ವಾಷ್‌ ಆಟಗಾರ ಸೌರವ್ ಘೋಷಾಲ್‌ ಸಿಂಗಲ್ಸ್‌ನ ಕಂಚಿನ ಪದಕದ ಪಂದ್ಯವನ್ನು ಗೆಲ್ಲುವ ಮೂಲಕ ಇತಿಹಾಸ ನಿರ್ಮಿಸಿದ್ದಾರೆ. ಇದು ಭಾರತಕ್ಕೆ ಕಾಮನ್ವೆಲ್ತ್‌ ಗೇಮ್ಸ್‌ನಲ್ಲಿ ದೊರಕಿದ ಮೊಟ್ಟಮೊದಲ ಪದಕವಾಗಿದೆ.
ಬುಧವಾರ ರಾತ್ರಿ ನಡೆದ ಪಂದ್ಯದಲ್ಲ ಇಂಗ್ಲೆಂಡ್‌ನ ಜೇಮ್ಸ್‌ ವಿಲ್‌ಸ್ಟ್ರಾಪ್‌ ವಿರುದ್ಧ ೩-೦ (11-6, 11-1, 11-4) ಜಯ ಸಾಧಿಸಿದ ಸೌರವ್ ಘೋಷಾಲ್‌ ಕಂಚಿನ ಪದಕಕ್ಕೆ ಮುತ್ತಿಟ್ಟರು.
ಪಂದ್ಯ ಆರಂಭದಿಂದಲೇ ಆಕ್ರಮಣಕಾರಿ ಪ್ರದರ್ಶನ ನೀಡಿದ ಸೌರವ್ ಘೋಷಾಲ್‌ ೧೧-೬ರಿಂದ ಮೊದಲ ಗೇಮ್‌ ತಮ್ಮದಾಗಿಸಿಕೊಂಡರು. ಎರಡನೇ ಗೇಮ್‌ನಲ್ಲಿ ಎದುರಾಳಿ ವಿರುದ್ಧ ಸವಾರಿ ಮಾಡಿದ ಸೌರವ್ ೧೧-೧ ಅಂಕಗಳಿಂದ ಗೆದ್ದರು. ಮೂರನೇ ಗೇಮ್‌ನಲ್ಲೂ ಅದೇ ಉತ್ಸಾಹದಲ್ಲಿ ಆಡಿದ ಸೌರವ್ ಕಂಚಿನ ಪದಕವನ್ನು ಬಾಚಿಕೊಂಡರು.