ಬೆಂಗಳೂರು: ರಾಜ್ಯದ ರಾಜಕೀಯ ಮತ್ತಿತರ ಮಹತ್ವದ ಬೆಳವಣಿಗೆಗಳ ಬಗ್ಗೆ ಕ್ಷಣಕ್ಷಣದ ಅಪ್‌ಡೇಟ್‌ಗಳಿಗಾಗಿ ಇಲ್ಲಿ ಓದಿ.
ಬಾಗಲಕೋಟೆಯಲ್ಲಿ ಬಕ್ರೀದ್‌ಗಾಗಿ ಗೋವುಗಳ ಮಾರಣಹೋಮ, ಭುಗಿಲೆದ್ದ ಆಕ್ರೋಶ
ಬಕ್ರೀದ್‌ ಹಬ್ಬ (Eid al Adha) ಹಿನ್ನೆಲೆ ಅನಧಿಕೃತವಾದ ಪ್ರಾಣಿವಧೆಯನ್ನು (Cow Slaughter) ನಿರ್ಬಂಧಿಸಲಾಗಿದ್ದರೂ ಸಹ ಬಾಗಲಕೋಟೆಯಲ್ಲಿ ಅಕ್ರಮವಾಗಿ ಗೋವುಗಳ ಕಡಿಯಲಾಗಿದೆ. ಮುಷ್ಟಿಗೇರಿ ಗ್ರಾಮದ ಜಮೀನು ಒಂದರಲ್ಲಿ ಗುಡ್ಡದ ಜಮೀನಿನಲ್ಲಿ ಟೆಂಟ್ ಹಾಕಿಕೊಂಡು ಅಂದಾಜು 9 ಹಸುಗಳನ್ನು ತುಂಡರಿಸಲಾಗಿದೆ.
Cow Slaughter : ಬಕ್ರೀದ್‌ಗಾಗಿ ಗೋವುಗಳ ಮಾರಣಹೋಮ; ಬಾಗಲಕೋಟೆಯಲ್ಲಿ ಭುಗಿಲೆದ್ದ ಆಕ್ರೋಶ
BJP Karnataka: ರೇಣುಕಾಚಾರ್ಯ ಉಚ್ಛಾಟನೆ?: ʼಕತ್ತರಿʼ ಹೇಳಿಕೆಗೆ ಕಚೇರಿಯಿಂದಲೇ ಬಂತು ನೋಟಿಸ್‌
ರಾಜ್ಯ ಬಿಜೆಪಿ (BJP Karnataka) ವಿಧಾನಸಭೆ ಚುನಾವಣೆಯಲ್ಲಿ ಸೋತ ನಂತರದಲ್ಲಿ ಅಲ್ಲೋಲ ಕಲ್ಲೋಲವಾಗುವ ಬೆಳವಣಿಗೆಗಳು ನಡೆಯುತ್ತಿದ್ದು, ಪಕ್ಷದ ಸೋಲಿಗೆ ಬಹಿರಂಗವಾಗಿ ವಿಮರ್ಶೆ ಮಾಡುವವರಿಗೆ ಈಗಾಗಲೆ ಎಚ್ಚರಿಕೆ ನೀಡಲಾಗಿದೆ. ಸತತ ಮೂರು ದಿನಗಳಿಂದಲೂ ಬಿಜೆಪಿ ನಾಯಕರ ವಿರುದ್ಧ ನಿರಂತರ ವಾಗ್ದಾಳಿ ನಡೆಸುತ್ತಿರುವ ಹೊನ್ನಾಳಿ ಮಾಜಿ ಶಾಸಕ ಎಂ.ಪಿ. ರೇಣುಕಾಚಾರ್ಯಗೆ ಶಿಸ್ತು ಸಮಿತಿ ನೋಟಿಸ್‌ ನೀಡಿದೆ.
ಕರಾವಳಿಯಲ್ಲಿ ನಾಳೆ ವರುಣನ ರುದ್ರ ನರ್ತನ
ಕರಾವಳಿ ಮತ್ತು ಮಲೆನಾಡು ಜಿಲ್ಲೆಗಳಲ್ಲಿ ಗುಡುಗು ಸಹಿತ ಭಾರಿ ಮಳೆಯಾಗುವ (Rain news) ಸಾಧ್ಯತೆ ಇದೆ ಎಂದು ಹವಾಮಾನ ಇಲಾಖೆ (weather report) ಮುನ್ಸೂಚನೆಯನ್ನು ನೀಡಿದೆ. ಆದರೆ ದಕ್ಷಿಣ ಒಳನಾಡಿನಲ್ಲಿ ವರುಣ ಮುನಿಸಿಕೊಂಡಂತೆ ಕಾಣುತ್ತಿದೆ. ಕರಾವಳಿ ಜಿಲ್ಲೆಗಳಾದ ದಕ್ಷಿಣ ಕನ್ನಡ, ಉಡುಪಿ ಮತ್ತು ಉತ್ತರ ಕನ್ನಡದಲ್ಲಿ ಗುಡುಗು ಸಹಿತ ವ್ಯಾಪಕ ಮಳೆಯಾಗುವ ಸಾಧ್ಯತೆ ಇದೆ.
Weather report : ಕರಾವಳಿಯಲ್ಲಿ ನಾಳೆ ವರುಣನ ರುದ್ರ ನರ್ತನ; ಒಳನಾಡು ಜಿಲ್ಲೆಗಳಲ್ಲಿ ಸಾಧಾರಣ
ಪತ್ನಿಗೆ ಲೈಂಗಿಕ ಕಿರುಕುಳ ಕೊಟ್ಟ ಸೈಕೋಪಾಥ್
ರಾಜಧಾನಿ ಬೆಂಗಳೂರಿನಲ್ಲೊಬ್ಬ ಸೈಕೋಪಾಥ್ ಮಾದಕವ್ಯಸನಿ ಪತಿ, ಗೆಳೆಯರೊಂದಿಗೆ ಪಾರ್ಟಿ ಮಾಡಿ ಅವರೊಂದಿಗೆ ಸೇರಿ ಪತ್ನಿಗೆ ಲೈಂಗಿಕ ಕಿರುಕುಳ ನೀಡಿರುವ (Husband Harassment) ಘಟನೆ ನಡೆದಿದೆ. ಸ್ನೇಹಿತರೊಂದಿಗೆ ಸೇರಿ ಪತ್ನಿಯ ಖಾಸಗಿ ವಿಡಿಯೊವನ್ನು ಚಿತ್ರಿಕರಿಸಿದ್ದಲ್ಲದೇ ಬ್ಲ್ಯಾಕ್‌ಮೇಲ್‌ (Molestation Case) ಮಾಡಿ ವಿಕೃತಿ ಮೆರೆದಿದ್ದಾನೆ. ಸದ್ಯ ನೊಂದ ಮಹಿಳೆ ಠಾಣೆ ಮೆಟ್ಟಿಲೇರಿದ್ದು, ಆರೋಪಿಗಳನ್ನು ಬಂಧಿಸಿದ್ದಾರೆ.
Molestation Case : ಗೆಳೆಯರ ಜತೆ ಸೇರಿ ಪತ್ನಿಗೇ ಲೈಂಗಿಕ ಕಿರುಕುಳ ಕೊಟ್ಟ ಸೈಕೋ ಗಂಡ! ವಿಡಿಯೊ ಮಾಡಿ ವಿಕೃತಿ
ಪತ್ನಿ, ಮಗನನ್ನು ನದಿಗೆ ತಳ್ಳಿ ತಾನೂ ಆತ್ಮಹತ್ಯೆ ಮಾಡಿಕೊಂಡ ಉದ್ಯಮಿ
ಕಾರವಾರ: ಉದ್ಯಮಿಯೊಬ್ಬರು (ತನ್ನ ಪತ್ನಿ ಮತ್ತು ಮಗನನ್ನು ಕಾರವಾರ ಬಳಿ ನದಿಗೆ ತಳ್ಳಿ, ತಾನು ಗೋವಾದ ಕಾಡಿನಲ್ಲಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಇದೊಂದು ಸಾಮೂಹಿಕ ಆತ್ಮಹತ್ಯೆ ಪ್ರಕರಣವೆಂದು ಹೇಳಲಾಗಿದ್ದು, ಎಲ್ಲರೂ ಜತೆಯಾಗಿ ಸಾಯಲು ನಿರ್ಧರಿಸಿ ಈ ಕೃತ್ಯವೆಸಗಿದ್ದಾರೆ ಎಂದು ನಂಬಲಾಗಿದೆ. ಗೋವಾ ಮೂಲದ ಶ್ಯಾಮ್ ಪಾಟೀಲ್(45), ಪತ್ನಿ ಜ್ಯೋತಿ (38), ಇವರ ಮಗ ದಕ್ಷ (12) ಮೃತರು.
