ಕಥಾಯಾನ: ಸಾಹಿತ್ಯಿಕ ಕಾರ್ಯಾಗಾರಕ್ಕೆ ಶಿಬಿರಾರ್ಥಿಗಳ ಆಹ್ವಾನ

ʼಕಥಾಯಾನʼದ ರಾಜ್ಯಮಟ್ಟದ 10ನೇ ಸಾಹಿತ್ಯಿಕ ಕಾರ್ಯಾಗಾರ ಆಯೋಜನೆಯಾಗಿದ್ದು, ಇದಕ್ಕಾಗಿ ಶಿಬಿರಾರ್ಥಿಗಳಿಗೆ ಆಹ್ವಾನ ನೀಡಲಾಗಿದೆ.

ʼಕಥಾಯಾನ- ರಾಜ್ಯಮಟ್ಟದ 10ನೇ ಸಾಹಿತ್ಯ ಕಾರ್ಯಾಗಾರʼವನ್ನು ಏಪ್ರಿಲ್ 22-23 (ಶನಿವಾರ ಮತ್ತು ರವಿವಾರ) ಕೈಗಾ ಟೌನ್‌ಶಿಪ್ ಸಭಾಂಗಣದಲ್ಲಿ ಆಯೋಜಿಲಾಗುತ್ತಿದ್ದು ಆಸಕ್ತ ಉದಯೋನ್ಮುಖ ಬರಹಗಾರರು, ಲೇಖಕರು ಈ ಸಾಹಿತ್ಯ ಕಾರ್ಯಾಗಾರದಲ್ಲಿ ಭಾಗವಹಿಸಲು ಹೆಸರು ನೋಂದಾಯಿಸಿಕೊಳ್ಳಲು ಸೂಚಿಸಲಾಗಿದೆ. ಆಯ್ಕೆ ಪ್ರಕ್ರಿಯೆ ಮಾನದಂಡವಾಗಿ ಆಸಕ್ತ ಶಿಬಿರಾರ್ಥಿಗಳು ತಮ್ಮ ಇತ್ತಿಚಿನ ಪ್ರಕಟಿತ ಅಥವಾ ಹಸ್ತಪ್ರತಿ ರೂಪದಲ್ಲಿರುವ ಕಥೆ, ಲೇಖನ, ವೈಜ್ಞಾನಿಕ ಅಥವಾ ಯಾವುದೇ ಬರಹವನ್ನು kathayaana@gmail.comಕ್ಕೆ ಸಲ್ಲಿಸಲು ಕೋರಲಾಗಿದೆ. ಈಗಾಗಲೇ ಪ್ರಕಟಿತ ಲಿಂಕ್‌ನ್ನು ಕೂಡಾ ಮೇಯಿಲ್ ಮೂಲಕ ಸಲ್ಲಿಸಬಹುದಾಗಿದೆ.

ಸಂಪನ್ಮೂಲ ವ್ಯಕ್ತಿಗಳಾಗಿ ಕತೆಗಾರ ಮತ್ತು ಖ್ಯಾತ ವಿಮರ್ಶಕ ಡಾ. ಎಚ್.ಎಸ್. ಸತ್ಯನಾರಾಯಣ, ಈಜ್ಞಾನ.ಕಾಮ್ ಸಂಪಾದಕ ಟಿ.ಜಿ. ಶ್ರೀನಿಧಿ, ಕತೆಗಾರ ಮತ್ತು ಕಾದಂಬರಿಕಾರ ಸಂತೋಷಕುಮಾರ ಮೆಹೆಂದಳೆ, ಖ್ಯಾತ ಕವಿ ವಾಸುದೇವ ನಾಡಿಗ್ ಕಾರ್ಯಾಗಾರ ನಡೆಸಿಕೊಡಲಿದ್ದಾರೆ. ಕೈಗಾ ಆಡಳಿತ ಮಂಡಳಿ ಸಹಯೋಗದೊಂದಿಗೆ ಕಾರ್ಯಾಗಾರ ಜರುಗಲಿದೆ. ಆಯ್ಕೆ ಪ್ರಕ್ರಿಯೆಯು ಬರಹದ ಸಲ್ಲಿಕೆಯ ಮೇರೆಗೆ ಗರಿಷ್ಠ 35 ಜನರಿಗೆ ಅವಕಾಶ.

ಹೆಚ್ಚಿನ ಮಾಹಿತಿಗಾಗಿ: ನಿರ್ದೇಶಕರು ಕಥಾಯಾನ: 9480842680, ಅಥವಾ ನಿರ್ವಾಹಕರು: 9008130204 ಸಂಪರ್ಕಿಸಲು ಕೋರಲಾಗಿದೆ.