ಬೆಂಗಳೂರು: ʻಬಿಗ್ ಬಾಸ್ʼ ಸೀಸನ್‌ 10 (BBK SEASON 10), ಹದಿನಾಲ್ಕನೇ ವಾರಕ್ಕೆ ಕಾಲಿಟ್ಟಿದೆ. ಈ ವಾರ ನಾಮಿನೇಷನ್‌ ಪ್ರಕ್ರಿಯೆ ವಿಭಿನ್ನವಾಗಿ ನಡೆದಿದೆ. ಈ ವಾರ ಕಾರ್ತಿಕ್, ವಿನಯ್, ತನಿಷಾ, ವರ್ತೂರು ಸಂತೋಷ್, ತುಕಾಲಿ ಸಂತು ಹಾಗೂ ನಮ್ರತಾ ನಾಮಿನೇಟ್‌ ಆಗಿದ್ದಾರೆ. ಈ ವಾರದ ನಾಮಿನೇಷನ್‌ನಲ್ಲಿ ʻಕ್ಯಾಪ್ಟನ್ʼ ಸಂಗೀತಾ ಹಾಗೂ ಡ್ರೋನ್ ಪ್ರತಾಪ್ ಬಚಾವ್‌ ಆಗಿದ್ದಾರೆ. ಸಂಗೀತಾ ಅವರು ಡ್ರೋನ್ ಪ್ರತಾಪ್ ಅವರನ್ನು ನೇರವಾಗಿ ಸೇಫ್‌ ಮಾಡಿದ್ದರು. ಕಳೆದ ಕೆಲ ವಾರಗಳಿಂದ ನಮ್ರತಾ ನಾಮಿನೇಟ್‌ ಆಗಿರಲಿಲ್ಲ. ಇದೀಗ ನಾಮಿನೇಟ್‌ ಆಗಿರುವುದಕ್ಕೆ ಕಣ್ಣೀರು ಸುರಿಸಿದ್ದಾರೆ.
ಫಿನಾಲೆಗೆ ಯಾರ ಜತೆಗೆ ಯಾರು ನಿಲ್ಲಬೇಕು
ಈ ವಾರ ಎಲ್ಲರಿಗೂ ನಾಮಿನೇಟ್‌ ಮಾಡುವ ಅಧಿಕಾರ ಇತ್ತು. ಪ್ರತಿಯೊಬ್ಬರು ಇಬ್ಬರನ್ನು ಡೇಂಜರ್‌ ಝೋನ್‌ಗೆ ತಳ್ಳಬೇಕಿತ್ತು. ಕುತ್ತಿಗೆಗೆ ಹಾಕಲಾಗಿದ್ದ ಹೃದಯಾಕಾರಕ್ಕೆ ಚಾಕುವಿನಿಂದ ಇರಿದು ಸ್ಪರ್ಧಿಗಳು ನಾಮಿನೇಟ್‌ ಮಾಡಬೇಕಿತ್ತು. ಹಾಗೇ ʻಬಿಗ್ ಬಾಸ್ʼ ಒಂದು ಟಾಸ್ಕ್ ನೀಡಿದ್ದರು. ಫಿನಾಲೆಗೆ ಯಾರ ಜತೆಗೆ ಯಾರು ನಿಲ್ಲಬೇಕು ಎಂಬುದನ್ನು ಒಬ್ಬೊಬ್ಬರೇ ವೈಯಕ್ತಿಕವಾಗಿ ಅದರಂತೆ ವಿನಯ್ -ಕಾರ್ತಿಕ್, ನಮ್ರತಾ -ವಿನಯ್, ಕಾರ್ತಿಕ್ -ವಿನಯ್, ಸಂಗೀತಾ-ಪ್ರತಾಪ್, ಪ್ರತಾಪ್-ವರ್ತೂರು ಸಂತೋಷ್, ತುಕಾಲಿ-ಸಂಗೀತಾ ಹೆಸರನ್ನು ತೆಗೆದುಕೊಂಡಿದ್ದರು.
ಅರ್ಹತೆ ಇಲ್ಲದ ಇಬ್ಬರನ್ನು ನಾಮಿನೇಟ್‌ ಮಾಡಿ!
ʻಫಿನಾಲೆಗೆ ಇರುವುದು 20 ದಿನಗಳು ಮಾತ್ರ. ವಿಜಯದ ಕಿರೀಟವನ್ನು ಮುಡಿಗೇರಿಸಿಕೊಳ್ಳುವುದು ನಿಮ್ಮೆಲ್ಲರ ಆಸೆ. ನಿಮ್ಮೆಲ್ಲರ ಪೈಕಿ ಒಬ್ಬರ ಆಸೆ ಮಾತ್ರ ನಿಜವಾಗಲು ಸಾಧ್ಯ. ಫಿನಾಲೆ ವೇದಿಕೆ ತಲುಪಲು ಅರ್ಹತೆ ಇಲ್ಲದ ಇಬ್ಬರನ್ನು ನಾಮಿನೇಟ್‌ ಮಾಡಿ’’ ಎಂದು ‘ಬಿಗ್ ಬಾಸ್’ ಸೂಚಿಸಿದರು. ಕಾರ್ತಿಕ್ ಆಯ್ಕೆ, ವರ್ತೂರು ಸಂತೋಷ್, ತನಿಷಾ ಆಯ್ಕೆ ಮಾಡಿದರೆ, ನಮ್ರತಾ ಆಯ್ಕೆ – ವರ್ತೂರು ಸಂತೋಷ್, ತುಕಾಲಿ ಸಂತು ಹಾಗೂ ವಿನಯ್ ಆಯ್ಕೆ – ಡ್ರೋನ್ ಪ್ರತಾಪ್, ವರ್ತೂರು ಸಂತೋಷ್, ತುಕಾಲಿ ಸಂತು ಆಯ್ಕೆ – ನಮ್ರತಾ, ಡ್ರೋನ್ ಪ್ರತಾಪ್, ಡ್ರೋನ್ ಪ್ರತಾಪ್ ಆಯ್ಕೆ – ತುಕಾಲಿ ಸಂತು, ವಿನಯ್, ತನಿಷಾ ಆಯ್ಕೆ – ವರ್ತೂರು ಸಂತೋಷ್, ನಮ್ರತಾ, ವರ್ತೂರು ಸಂತೋಷ್ ಆಯ್ಕೆ – ನಮ್ರತಾ, ಕಾರ್ತಿಕ್ ಆಗಿತ್ತು. ಸಂಗೀತಾ ಕ್ಯಾಪ್ಟನ್ ಆದ ಕಾರಣ ಪ್ರತಾಪ್ ಅವರನ್ನು ಸೇಫ್‌ ಮಾಡಿದರು. ನಮ್ರತಾ ನಾಮಿನೇಟ್‌ ಆದ ಕಾರಣಕ್ಕೆ ಕಣ್ಣೀರಿಟ್ಟಿದ್ದಾರೆ.
ಇದನ್ನೂ ಓದಿ: BBK SEASON 10: ಬಿಗ್ಬಾಸ್ ಫಿನಾಲೆ ಟಿಕೆಟ್‌ ಯಾರಿಗೆ?
ಈ ಬಾರಿಯ ಟಾಸ್ಕ್‌ನಲ್ಲಿ ಗೆದ್ದು ವಾರದ ಕೊನೆಯಲ್ಲಿ ಅತಿ ಹೆಚ್ಚು ಅಂಕಗಳನ್ನು ಗಳಿಸುವ ಸ್ಪರ್ಧಿ ಫಿನಾಲೆ ವಾರಕ್ಕೆ ನೇರವಾಗಿ ಟಿಕೆಟ್‌ ಪಡೆಯುತ್ತಾರೆ ಎಂದು ಬಿಗ್ಬಾಸ್ ತಿಳಿಸಿದ್ದಾರೆ. ಇದನ್ನು ʼಟಿಕೆಟ್‌ ಟು ಫಿನಾಲೆʼ ಎಂದು ಕರೆಯಲಾಗಿದೆ. ಮೊದಲ ಆಟವನ್ನು ನಮ್ರತಾಗೆ ಕೊಡಲಾಗಿತ್ತು. ಅದಕ್ಕೆ ಮೂವರನ್ನು ಆಯ್ಕೆ ಮಾಡಿಕೊಳ್ಳಬೇಕಾಗಿತ್ತು. ಸಂಗೀತಾ, ವರ್ತೂರು, ಪ್ರತಾಪ್ ನಮ್ರತಾಗೋಸ್ಕರ ಆಡಿದರು. ಮೂರನೇ ಹಂತ ಬರುವಷ್ಟರಲ್ಲಿ ನಮ್ರತಾ, ಸಂಗೀತಾ, ಪ್ರತಾಪ್ ಔಟ್ ಆಗಿದ್ದರು. ವರ್ತೂರು ಸಂತೋಷ್ ಉಳಿದಿದ್ದರು. ಇನ್ನು ಒಂದು ವಾರದ ತನಕ ಆಟವಾಡುವವರು ತೆಗೆದುಕೊಳ್ಳುವ ಅಂಕದ ಮೇಲೆ ನಿರ್ಧಾರವಾಗಲಿದೆ.
ಬಿಗ್ಬಾಸ್ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಮೆಂಟ್ ಮೂಲಕ ತಿಳಿಸಿ