ಈಗಾಗಲೇ ಕನ್ನಡ ಬಿಗ್ ಬಾಸ್ ಪ್ರಸಾರದ ದಿನಾಂಕವನ್ನು ವಾಹಿನಿ ರಿವೀಲ್‌ ಮಾಡಿದೆ. ಹಿಂದಿ ಬಿಗ್ಬಾಸ್ ಟಿವಿ ಆವೃತ್ತಿಯ (Bigg Boss 17) ಹೊಸ ಸೀಸನ್ ಘೋಷಣೆ ಮಾಡಲಾಗಿದೆ. ಒಟಿಟಿ ಆವೃತ್ತಿಯನ್ನು ಸಲ್ಮಾನ್ ಖಾನ್ ನಿರೂಪಣೆ ಮಾಡಿದ್ದರು. ಇದೀಗ ಟಿವಿ ಆವೃತ್ತಿಯನ್ನೂ ಅವರೇ ನಿರೂಪಣೆ ಮಾಡಲಾಗಿದ್ದಾರೆ. ಈಗಾಗಲೇ ಹೊಸ ಸೀಸನ್ ಪ್ರೋಮೊ ಬಿಡುಗಡೆಗೊಂಡಿದೆ.
ಹಿಂದಿ ಬಿಗ್ ಬಾಸ್ ಅಕ್ಟೋಬರ್ 15ರಿಂದ ಪ್ರಸಾರ ಕಾಣುತ್ತಿದೆ. ಪ್ರತಿದಿನವೂ 10 ಗಂಟೆಗೆ ಶನಿವಾರ ಮತ್ತು ಭಾನುವಾರ ಮಾತ್ರ ರಾತ್ರಿ 9 ಗಂಟೆಗೆ ಪ್ರಸಾರವಾಗಲಿದೆ. ವಾರಾಂತ್ಯದ ಎಪಿಸೋಡ್ಗಳಲ್ಲಿ ಸಲ್ಮಾನ್ ಖಾನ್ ಕಾಣಿಸಿಕೊಳ್ಳಲಿದ್ದಾರೆ. ಈ ಬಾರಿ ಬಿಗ್ಬಾಸ್ನಲ್ಲಿ ಪಕ್ಷಪಾತ ಇರಲಿದ್ದು, ಸ್ಪರ್ಧಿಗಳಲ್ಲಿ ಕೆಲವರಿಗೆ ಸ್ವತಃ ಬಿಗ್ಬಾಸ್ ಮಾರ್ಗದರ್ಶನ ಮಾಡಲಿದೆ ಎಂಬುದು ಪ್ರೋಮೊದಲ್ಲಿ ರಿವೀಲ್‌ ಆಗಿದೆ. ಕೆಲ ದಿನಗಳ ಹಿಂದಿ ಬಿಗ್ ಬಾಸ್ ಒಟಿಟಿ 2 ಶೋ ಅಂತ್ಯವಾಯಿತು. ಈ ಸೀಸನ್‌ನಲ್ಲಿ ಎಲ್ವೀಶ್ ಯಾದವ್ ವಿನ್ನರ್ ಆದರು. ಅಂಕಿತಾ ಲೋಖಂಡೆ,
ವಿಕ್ಕಿ ಜೈನ್, ಇಶಾ ಮಾಳವಿಯಾ, ಇಂದಿರಾ ಕೃಷ್ಣ, ಅರ್ಜಿತ್ ತನೇಜಾ ಮತ್ತು ಐಶ್ವರ್ಯ ಶರ್ಮಾ ಸೀಸನ್ 17ರ ಸ್ಪರ್ಧಿಗಳು ಎಂಬ ವರದಿಯಿದೆ.
ಕನ್ನಡ ಬಿಗ್ ಬಾಸ್
ಜನಪ್ರಿಯ ಟಿವಿ ರಿಯಾಲಿಟಿ ಶೋ ಬಿಗ್ಬಾಸ್ ಕನ್ನಡ (Bigg Boss Kannada) ಪ್ರಸಾರದ ದಿನಾಂಕ ಪ್ರಕಟಗೊಂಡಿದೆ. ಕನ್ನಡ ಬಿಗ್ಬಾಸ್ 10ನೇ ಸೀಸನ್ ಪ್ರಸಾರ ಅಕ್ಟೋಬರ್ 08 ರಿಂದ ಆರಂಭವಾಗಲಿದೆ. ಈ ಹಿಂದೆ ಸೆಪ್ಟೆಂಬರ್ 14ರಂದು ಬಿಡುಗಡೆ ಮಾಡಲಾಗಿದ್ದ ಪ್ರೋಮೊವನ್ನೇ ಮತ್ತೊಮ್ಮೆ ಬಿಡುಗಡೆ ಮಾಡಲಾಗಿದ್ದು, ಪ್ರೋಮೊ ಕೊನೆಯಲ್ಲಿ ಅಕ್ಟೋಬರ್ 8ರಿಂದ ಪ್ರಸಾರ ಆರಂಭವಾಗಲಿದೆ ಎಂದು ಸೇರಿಸಲಾಗಿದೆ. ‘ಊರ ಹಬ್ಬಕ್ಕೆ ಇಲ್ಲಿದೆ ರೀಸನ್; ಶುರುವಾಗ್ತಿದೆ ಹ್ಯಾಪಿ ‘ಬಿಗ್ಬಾಸ್ ಕನ್ನಡ’ ಹತ್ತನೇ ಸೀಸನ್ ಅಕ್ಟೋಬರ್ 8 ರಿಂದ” ಎಂದು ಮಾಹಿತಿಯನ್ನು ಪ್ರೋಮೊ ಜತೆಗೆ ಕಲರ್ಸ್‌ ಕನ್ನಡ ಹಂಚಿಕೊಂಡಿದೆ. ಈ ಬಾರಿ ಸಾಮಾನ್ಯರೂ ಬಿಗ್ಬಾಸ್ ನಲ್ಲಿ ಸ್ಪರ್ಧಿಗಳಾಗಿ ಭಾಗವಹಿಸುವ ಸಾಧ್ಯತೆ ಇದೆ.
ಇದನ್ನೂ ಓದಿ: Bigg Boss Kannada: ಬಿಗ್ಬಾಸ್ ಕನ್ನಡ ಹತ್ತನೇ ಸೀಸನ್ ಆಟಕ್ಕೆ ದಿನಾಂಕ ಫಿಕ್ಸ್‌!
ತೆಲುಗು ಬಿಗ್ ಬಾಸ್
ಬಿಗ್ ಬಾಸ್ ತೆಲುಗು ಸೀಸನ್ 7 (Bigg Boss Telugu 7) ಸೆಪ್ಟೆಂಬರ್ 3ರಂದು ಪ್ರಾರಂಭವಾಗಿದೆ. ನಟ ನಾಗಾರ್ಜುನ (Akkineni Nagarjuna)ಮತ್ತೊಮ್ಮೆ ಬಿಗ್ಬಾಸ್ ಹೊಸ ಸೀಸನ್ ನಿರೂಪಣೆ ಮಾಡುತ್ತಿದ್ದಾರೆ. ನಟ ಕಮಲ್ ಹಾಸನ್, ತಮಿಳು ಬಿಗ್ಬಾಸ್ ಅನ್ನು ಇನ್ನಷ್ಟೇ ಶುರು ಮಾಡಬೇಕಿದೆ. ಬಿಗ್ ಬಾಸ್ ತಮಿಳು ಏಳನೇ ಆವೃತ್ತಿಯು ಅಕ್ಟೋಬರ್ 1 ರಂದು ಮೊದಲ ಪ್ರದರ್ಶನಕ್ಕೆ ಸಿದ್ಧವಾಗಿದೆ ಎಂತಲೂ ವರದಿಯಿದೆ. ಈ ಸೀಸನ್‌ಗಾಗಿ ಪಾಂಡಿಯನ್ ಸ್ಟೋರ್ಸ್ ಖ್ಯಾತಿಯ ಕುಮಾರನ್ ತಂಗರಾಜನ್ ಮತ್ತು ನಟಿ ಶ್ರೀ ದಿವ್ಯಾ ಅವರನ್ನು ಸಂಪರ್ಕಿಸಲಾಗಿದೆ ಎಂಬುದು ಇತ್ತೀಚಿನ ವರದಿ.