ಬೆಂಗಳೂರು: ಕಲರ್ಸ್ ಕನ್ನಡ ಕಿಚ್ಚ ಸುದೀಪ್ ಅವರ ಜನುಮದಿನವೇ ಬಿಗ್ ಬಾಸ್ (Bigg Boss Kannada) ಪ್ರೋಮೊ ಹಂಚಿಕೊಂಡು ಬಿಗ್ ಬಾಸ್ ಪ್ರಿಯರಿಗೆ ಗುಡ್‌ನ್ಯೂಸ್‌ ನೀಡಿದೆ. ಪ್ರೋಮೊನಲ್ಲಿ ಸುದೀಪ್ ಇಲ್ಲ, ಬದಲಿಗೆ ‘ಬಿಗ್ಬಾಸ್’ ಮಾತ್ರವೇ ಇದ್ದಾರೆ. ಈ ಹಿಂದಿನ ಬಿಗ್ಬಾಸ್ಗಳಿಗಿಂತಲೂ ಈ ಬಾರಿಯ ಬಿಗ್ಬಾಸ್ ಭಿನ್ನವಾಗಿರಲಿದೆ ಎಂದು ಪ್ರೋಮೊನಲ್ಲಿ ಹೇಳಲಾಗಿದೆ. ಹತ್ತನೇ ಸೀಸನ್ ಶೀಘ್ರವೇ ಪ್ರಾರಂಭವಾಗಲಿದೆ. ಅಕ್ಟೋಬರ್ ತಿಂಗಳ ಎರಡನೇ ವಾರದಲ್ಲಿ ಶೋ ಪ್ರಾರಂಭವಾಗಲಿದೆ ಎನ್ನಲಾಗುತ್ತಿದೆ.
ಈ ಬಾರಿ ಸ್ಪೆಷಲ್‌ ಅಂತೆ !
ಕಳೆದ ಬಾರಿಯ ಸೀಸನ್ ನಲ್ಲಿ OTTಯ 5 ಸ್ಪರ್ಧಿಗಳೊಂದಿಗೆ 18 ಸ್ಪರ್ಧಿಗಳು ಮನೆಯೊಳಗಿದ್ದರೆ ಆದರೆ ಈ ಬಾರಿಯ ಸೀಸನ್ ನಲ್ಲಿ ಅದೆಷ್ಟು ಜನ ಸ್ಪರ್ಧಿಸಲಿದ್ದಾರೆ ಎಂದು ಇನ್ನೂ ಕೂಡ ತಿಳಿದಿಲ್ಲ .ಆದರೆ ಈ ಬಾರಿಯ ಬಿಗ್ ಬಾಸ್ ನ ಮೊದಲ ಪ್ರೋಮೊದಲ್ಲಿ ಸುದೀಪ್ ಅವರು ಕಂಡುಬಂದಿಲ್ಲ, ಬದಲಿಗೆ ಬೆಂಗಳೂರು ನಗರದ ಹಲವು ಭಾಗಗಳನ್ನು ಹಾಗೂ ಸಿಸಿಟಿವಿ ಗಳನ್ನು ತೋರಿಸಲಾಗಿದೆ.ಪ್ರೋಮೋ ನೋಡಿದರೆ ಈ ಬಾರಿಯ ಸೀಸನ್ ಬೆಂಗಳೂರಿನ ಹಲವು ಭಾಗಗಳಲ್ಲಿ ಚಿತ್ರೀಕರಿಸಲಾಗಿದೆ ಎನ್ನುವಂತೆ ಭಾಸವಾಗುತ್ತದೆ.
ಮನೆಯೊಳಗಿನ ಕ್ಯಾಮೆರಾದ ಬದಲಿಗೆ ಪ್ರೋಮೊನಲ್ಲಿ ರಸ್ತೆಯಲ್ಲಿನ ಕ್ಯಾಮೆರಾಗಳನ್ನು ತೋರಿಸಲಾಗಿದೆ. ರಸ್ತೆಯಲ್ಲಿ, ಕಟ್ಟಡಗಳಿಗೆ ಅಳವಡಿಸಿರುವ ಸಿಸಿಟಿವಿ ಕ್ಯಾಮೆರಾಗಳನ್ನು ತೋರಿಸಿ, ರಸ್ತೆಯಲ್ಲಿ ಓಡಾಡುವ ವ್ಯಕ್ತಿಗಳ ದೃಶ್ಯಗಳನ್ನು ಸೆರೆ ಹಿಡಿದು ಪ್ರೋಮೊದಲ್ಲಿ ತೋರಿಸಲಾಗಿದೆ. ಈ ಮೂಲಕ ನೋಡುಗರಿಗೆ ಭಾರಿ ಕುತೂಹಲ ಹುಟ್ಟುಹಾಕಿದೆ.
ತೆಲುಗು, ತಮಿಳು ಭಾಷೆಗಳಲ್ಲಿಯೂ ಬಿಗ್ಬಾಸ್ ಪ್ರಾರಂಭವಾಗುತ್ತಿದೆ. ಅಂತೆಯೇ ಕನ್ನಡದಲ್ಲಿಯೂ ಇನ್ನು ಕೆಲವೇ ದಿನಗಳಲ್ಲಿ ಬಿಗ್ಬಾಸ್ ರಿಯಾಲಿಟಿ ಶೋ ಪ್ರಾರಂಭವಾಗಲಿದೆ. ಅಕ್ಟೋಬರ್ ತಿಂಗಳ ಎರಡನೇ ವಾರದಲ್ಲಿ ಶೋ ಪ್ರಾರಂಭವಾಗಲಿದೆ ಎನ್ನಲಾಗುತ್ತಿದೆ.
ಬಿಗ್ ಬಾಸ್ ಪ್ರೋಮೊ
ಇದನ್ನೂ ಓದಿ: Bigg Boss Kannada: ಬಿಗ್ ಬಾಸ್ ಕನ್ನಡದಿಂದ ಬಿಗ್ ಅಪ್‌ಡೇಟ್‌; ಫ್ಯಾನ್ಸ್‌ ಫುಲ್‌ ಖುಷ್‌!
ಸುದೀಪ್ ಅವರ ನಿರ್ವಹಣೆಯೇ ಸವಾಲು!
ಕಲರ್ಸ್ ಕನ್ನಡ ವಾಹಿನಿಯ ಮುಖ್ಯಸ್ಥರಾಗಿದ್ದ ಪರಮೇಶ್ವರ್‌ ಗುಂಡ್ಕಲ್‌, ವಾಹಿನಿಯ ಕೆಲಸಕ್ಕೆ ರಾಜೀನಾಮೆ ನೀಡಿದ್ದರೂ ಅದೇ ಮಾತೃಸಂಸ್ಥೆಯ ಮತ್ತೊಂದು ವಿಭಾಗಕ್ಕೆ ಮುಖ್ಯಸ್ಥರಾಗಿ ನೇಮಕವಾಗಿದ್ದಾರೆ. ಜಿಯೋ ಸ್ಟುಡಿಯೋಸ್ ಕನ್ನಡ ಬ್ಯುಸಿನೆಸ್ ಹೆಡ್ ಆಗಿ ಕೆಲಸ ಆರಂಭಿಸಿದ್ದಾರೆ. ಬಿಗ್ ಬಾಸ್ ಪ್ರತಿ ಜರ್ನಿಯಲ್ಲಿ ಪರಮೇಶ್ವರ್‌ ಗುಂಡ್ಕಲ್‌ ಅವರ ಶ್ರಮವಿದೆ.
ಪರಮೇಶ್ವರ್‌ ಗುಂಡ್ಕಲ್‌ ಇಲ್ಲದೇ ನಡೆಯುವ ಮೊದಲ ಬಿಗ್ ಬಾಸ್ ಇದು. ಬಿಗ್ ಬಾಸ್‌ನಲ್ಲಿ ಫಿಕ್ಷನ್‌ ಹಾಗೆಯೇ ನಾನ್‌ ಫಿಕ್ಷನ್‌ ಟೀಮ್‌ ಕೂಡ ಇರುತ್ತದೆ. ಕಲರ್ಸ್ ಕನ್ನಡ ಬ್ಯುಸ್‌ನೆಸ್‌ ಯುನಿಟ್ ಹೆಡ್ ಪ್ರಶಾಂತ್‌ ನಾಯ್ಕ್‌ ಅವರು ಪರಮೇಶ್ವರ್‌ ಗುಂಡ್ಕಲ್‌ ಅವರ ಜಾಗವನ್ನು ಈ ಬಾರಿ ತುಂಬಲಿದ್ದಾರೆ. ಬಿಗ್ ಬಾಸ್ ನಾನ್‌ ಫಿಕ್ಷನ್‌ ಟೀಂ, ಅಂದರೆ ಪ್ಲ್ಯಾನಿಂಗ್‌ ಮತ್ತು ಕಾರ್ಯರೂಪಕ್ಕೆ ತರುವ ಕೆಲಸವನ್ನು ಪ್ರಕಾಶ್‌ ಮಾಡಲಿದ್ದಾರೆ. ಈ ಹೊಸ ತಂಡಕ್ಕೆ ಸುದೀಪ್ ಅವರನ್ನು ನಿಭಾಯಿಸುವುದೇ ಒಂದು ಸವಾಲ್‌ ಎನ್ನುತ್ತಿದೆ ಮೂಲ. ಇಷ್ಟು ದಿನ ಪರಮೇಶ್ವರ್‌ ಗುಂಡ್ಕಲ್‌ ಹಾಗೂ ಸುದೀಪ್ ಅವರ ನಡುವೆ ಒಂದು ಒಳ್ಳೆಯ ಬಾಂಡಿಂಗ್‌ ಇತ್ತು. ಅಷ್ಟೇ ಅಲ್ಲದೇ ಈ ಹಿಂದಿನ ಸೀಸನ್‌ನಲ್ಲಿಯೇ ಸುದೀಪ್ ತಮ್ಮ ಕೊನೆಯ ಬಿಗ್ ಬಾಸ್ ಎಂಬರ್ಥದಲ್ಲಿ ಸುಳಿವನ್ನೂ ನೀಡಿದ್ದರು. ಅಷ್ಟೇ ಅಲ್ಲದೇ ಈ ಬಗ್ಗೆ ಸಾಕಷ್ಟು ಚರ್ಚೆಗಳು ನಡೆದಿದ್ದವು. ಆದರೆ ಈ ಸೀಸನ್ ಸುದೀಪ್ ಅವರೇ ಹೋಸ್ಟ್‌ ಮಾಡಲಿದ್ದಾರೆ ಎನ್ನುತ್ತಿದೆ ಮೂಲ.
ಈ ಬಾರಿ ಕಿರುತೆರೆ ನಟಿ ನಮ್ರತಾ ಗೌಡ, ಹುಚ್ಚ ಸಿನೆಮಾದ ನಟಿ ರೇಖಾ, ನಟಿ ಆಶಾ ಭಟ್, ರೀಲ್ಸ್ ನಲ್ಲಿ ಫೇಮಸ್‌ ಆಗಿರುವ ಭೂಮಿಕಾ ಬಸವರಾಜ್ ಅವರು ಸ್ಪರ್ಧಿಗಳಾಗಲಿದ್ದಾರೆ ಎಂದು ಸುದ್ದಿ ಹಬ್ಬಿದೆ.