ಬೆಂಗಳೂರು : ಬಿಗ್‌ ಬಾಸ್‌ ಸೀಸನ್‌ 9ರ (Bigg Boss Kannada) 82ನೇ ದಿನ ದೀಪಿಕಾ ದಾಸ್‌ ಮತ್ತು ಅರುಣ್ ಸಾಗರ್ ಮನೆಯಲ್ಲಿ ಸಖತ್‌ ಮಿಂಚಿದ್ದಾರೆ. ದೀಪಿಕಾ ದಾಸ್‌ ತಮ್ಮ ವಿಶೇಷ ವೇಷಭೂಷಣಗಳಿಂದ ನೋಡುಗರ ಗಮನ ಸೆಳೆದಿದ್ದಾರೆ. ಮಿಣ ಮಿಣ ಮೀನಾಕ್ಷಿಯ ಅವತಾರದಲ್ಲಿ ದೀಪಿಕಾ ದಾಸ್‌ ಕಾಣಿಸಿಕೊಂಡಿದ್ದು, ಮೀನಾಕ್ಷಿ ಮದುವೆಗೆ ವರ ಅನ್ವೇಷಣೆ ಜೋರಾಗಿತ್ತು. ದೀಪಿಕಾ ದಾಸ್‌ ಮತ್ತು ಅರುಣ್ ಸಾಗರ್ ಹೊಸ ಅವತಾರದಲ್ಲಿ ಮನೆ ಮಂದಿಗೆ, ಪ್ರೇಕ್ಷಕರಿಗೆ ಕಮಾಲ್ ಮಾಡಿದ್ದಾರೆ. ಈ ಸಂದರ್ಭದಲ್ಲಿ ʻʻನನ್ನ ಕತ್ತಿನಲ್ಲಿರುವ ಚೈನ್, ಬಾಡಿಯಲ್ಲಿರುವ ಮನಸ್ಸು ನಿಮಗೆ ಕೊಡ್ತೀನಿʼʼ ಎಂದು ಗುರೂಜಿ ಮೀನಾಕ್ಷಿಗೆ ಪ್ರಪೋಸ್ ಮಾಡಿದ್ದಾರೆ. ಈ ವೀಡಿಯೊ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.
ಮನೆಯಲ್ಲಿ ಸಡನ್‌ ಆಗಿ ವಿಚಿತ್ರ ಜಡೆ, ದೊಡ್ಡ ಹಲ್ಲುಗಳು, ಹಣೆಗೆ ಕುಂಕುಮ ಮೂಲಕ ದೀಪಿಕಾ ದಾಸ್‌ ಮದುವೆ ಹುಡುಗನನ್ನು ಹುಡುಕಲು ರೆಡಿಯಾಗಿದ್ದಾರೆ. ಸದಾ ಫ್ಯಾಷನೇಬಲ್‌ ಆಗಿ ಕಾಣಿಸಿಕೊಳ್ಳುವ ದೀಪಿಕಾ ದಾಸ್‌ ಯಾರಿಗೂ ಗುರುತು ಸಿಗದಷ್ಟು ರೀತಿಯಲ್ಲಿ ಗೆಟಪ್ ಬದಲಾಯಿಸಿಕೊಂಡು, ಅಣ್ಣ ಅರುಣ್ ಸಾಗರ್ ಜತೆ ವರ ಅನ್ವೇಷಣೆ ಮಾಡಿದ್ದಾರೆ.
ಇದನ್ನೂ ಓದಿ | Bigg Boss Kannada | ಬಿಗ್‌ ಬಾಸ್‌ ಮನೆಯಿಂದ ಪ್ರಶಾಂತ್‌ ಸಂಬರಗಿ ಔಟ್‌!
ರೂಪೇಶ್ ಶೆಟ್ಟಿ ಕೂಡ ಮಂಗಳೂರಿನ ಹುಡುಗನಾಗಿ ಮಿಂಚಿದ್ದು, ದೊಡ್ಡ ಹೊಟ್ಟೆ ಮಾಡಿಕೊಂಡು ಸಖತ್‌ ಹೈಲೈಟ್‌ ಆಗಿದ್ದಾರೆ. ಒಟ್ಟಿನಲ್ಲಿ ದೀಪಿಕಾ, ಅರುಣ್, ರೂಪೇಶ್ ಶೆಟ್ಟಿ, ರಾಜಣ್ಣ, ರಾಕೇಶ್ ಅವರು ಈ ಡ್ರಾಮಾದಲ್ಲಿ ಭಾಗಿಯಾಗಿ ಎಲ್ಲರನ್ನು ನಕ್ಕು ನಗಿಸಿದ್ದಾರೆ. ಆರ್ಯವರ್ಧನ್‌ ಗುರೂಜಿ ಅವರಲ್ಲಿಯೂ ದೀಪಿಕಾ ದಾಸ್‌ ತಮಾಷೆ ಮಾಡಿದ್ದುʻʻಕತ್ತಿನಲ್ಲಿರುವ ಚೈನ್ ಕೊಟ್ಟರೆ ಗುರೂಜಿಯನ್ನು ಮದುವೆಯಾಗುತ್ತೇನೆʼʼ ಎಂದು ಮಿಣ ಮಿಣ ಮೀನಾಕ್ಷಿ ಹೇಳಿದ್ದಾರೆ. ಗುರೂಜಿ ಅವರು ʻʻಕತ್ತಲ್ಲಿರುವ ಚೈನ್ ಕೊಡುತ್ತೇನೆ. ಬಾಡಿಲಿರೋ ಮನಸು ಕೊಡುತ್ತೇನೆʼʼ ಎಂದಿದ್ದಾರೆ. ದೀಪಿಕಾ, ಗುರೂಜಿ ರಾಜ ರಾಜ.. ಎನ್ನುವ ಹಾಡಿಗೆ ಡ್ಯುಯೆಟ್ ಹಾಡಿದ್ದಾರೆ.
ಇದನ್ನೂ ಓದಿ | Bigg Boss Kannada | ದೀಪಿಕಾರನ್ನು ಎತ್ತಿ ಕುಣಿದಾಡಿದ ಆರ್ಯವರ್ಧನ್‌: ಹಾಡಲ್ಲೇ ಹೂದೋಟವಾದ ಮನೆ ಅಂಗಳ!