ಬೆಂಗಳೂರು: ಬಿಗ್‌ ಬಾಸ್‌ ಕನ್ನಡ ಒಟಿಟಿಯಲ್ಲಿ (Bigg Boss Kannada) ಸ್ಪರ್ಧಿಗಳ ಬಿಗ್‌ ಫೈಟ್‌ ಚೆನ್ನಾಗಿಯೇ ನಡೆಯುತ್ತಿದೆ. ಆದರೆ, ಈ ರಿಯಾಲಿಟಿ ಶೋವಿನ ನಿಯಮಾವಳಿ ಪ್ರಕಾರ ವೀಕೆಂಡ್‌ ಎಲಿಮಿನೇಶನ್‌ ಇದ್ದೇ ಇರುತ್ತದೆ. ಈ ವೀಕೆಂಡ್‌ನಲ್ಲಿ ಯಾರ್‌ ಔಟ್‌ ಆಗಲಿದ್ದಾರೆ? ಯಾರು ಸೇಫ್‌ ಆಗಲಿದ್ದಾರೆ ಎಂಬ ಕುತೂಹಲ ಎಲ್ಲರಲ್ಲೂ ಮೂಡಿದೆ. ಸ್ಫೂರ್ತಿ ಗೌಡ ಅಥವಾ ಅಕ್ಷತಾ ಕುಕ್ಕಿ ದೊಡ್ಮನೆಯಿಂದ ಆಚೆ ಬರಲಿದ್ದಾರೆ ಎಂದು ಸೋಷಿಯಲ್‌ ಮೀಡಿಯಾದಲ್ಲಿ ಸುದ್ದಿಯಾಗುತ್ತಿದೆ.
ಈ ವಾರ ಸೋನುಗೌಡ, ರಾಕೇಶ್‌ ಅಡಿಗ, ಸೋಮಣ್ಣ ಮಾಚಿಮಾಡ, ನಂದಿನಿ ಹಾಗೂ ಅಕ್ಷತಾ ಕುಕ್ಕಿ , ಸಾನ್ಯ, ಜಯಶ್ರೀ ಎಲಿಮಿನೇಶನ್‌ಗೆ ನಾಮಿನೇಟ್‌ ಆಗಿದ್ದಾರೆ. ಮನೆಯಲ್ಲಿ ಆಟ ಮುಂದುವರಿಸುವವರು ಯಾರು? ಹಾಗೇ ಮನೆಯಿಂದ ಹೊರಗೆ ಹೋಗುವವರು ಯಾರು? ಎಂಬುದು ವಾರದ ಕತೆ ಕಿಚ್ಚನ ಜತೆ ಸಂಚಿಕೆಯಲ್ಲಿ ಪ್ರಸಾರವಾಗಲಿದೆ. ಈಗಾಗಲೇ ಸ್ಪರ್ಧಿಗಳ ಕುರಿತ ಪ್ರೋಮೊವನ್ನು ಬಿಗ್‌ಬಾಸ್‌ ಹಂಚಿಕೊಂಡಿದೆ.
ಇದರ ಜತೆಗೆ ಬಿಗ್‌ಬಾಸ್‌ ಈ ವಾರದ ಸ್ಪರ್ಧಿಗಳ ಮೂಮೆಂಟ್‌ ಅನ್ನು ಹಂಚಿಕೊಂಡಿದೆ. ಸ್ಪರ್ಧಿ ಜಶ್ವಂತ್‌ ಕೂಡ ಈ ವಾರ ಟಾಸ್ಕ್‌ ವಿನ್‌ ಆಗಿದ್ದು, ಕ್ಯಾಪ್ಟನ್ ಸೀಟ್‌ನ ಓನರ್ ಪಟ್ಟ ಪಡೆದುಕೊಂಡಿದ್ದಾರೆ.
ಬಿಗ್‌ ಬಾಸ್‌ ವೀಕೆಂಡ್‌ ಪಂಚ್‌
ಬಿಗ್‌ಬಾಸ್‌ ವಾರದ ಕತೆಗಳನ್ನು ಸ್ಮಾಲ್‌ ಕ್ಲಿಪ್ಸ್‌ ಮೂಲಕ ಹಂಚಿಕೊಂಡಿದೆ. ಮೊದಲನೇ ವಿಡಿಯೊದಲ್ಲಿ ಆರ್ಯವರ್ಧನ್‌ ಗುರೂಜಿ ಹಾಗೂ ಸೋನು ಗೌಡ ಮತ್ತು ರಾಕೇಶ್‌ ಮಾತನಾಡಿಕೊಂಡಿದ್ದಾರೆ. ಆರ್ಯವರ್ಧನ್‌ ಅವರ ದೇಹದ ತೂಕದ ಬಗ್ಗೆ ಚರ್ಚೆ ಮಾಡಿದ್ದಾರೆ. ʻʻಈ ಮೊದಲು 100 ಕೆ.ಜಿ ಮೇಲಿದ್ದೆ ಪಾದಯಾತ್ರೆಯಿಂದ ಹತ್ತು ಕೆಜಿ ಇಳಿಸಿದ್ದೆʼʼ ಎಂದು ಗುರೂಜಿ ಹೇಳಿದ್ದಾರೆ. ಈ ವಿಚಾರವಾಗಿ ಕಾಲೆಳೆದ ರಾಕೇಶ್‌ ʻʻಪಾದಯಾತ್ರೆ ಮಾಡುವಾಗ ಚೆನ್ನಾಗಿ ತಿಂದಿರಬೇಕುʼʼ ಎಂದಿದ್ದಾರೆ. ಈ ವೇಳೆ ಸೋನು ಗೌಡ ಕೂಡ ದೇಹ ತೂಕದ ಬಗ್ಗೆ ಮಾತನಾಡಿದ್ದಾರೆ. ಆಗ ಗುರೂಜಿ, “ನೀವು ಸ್ವಲ್ಪವೇ ತಿನ್ನುವುದು” ಎಂದು ಸೋನುಗೆ ಹೇಳಿದ್ದಾರೆ. ಅದಕ್ಕೆ ಸೋನು ʻʻಮನೆಯಲ್ಲಿ ದಿನಕ್ಕೆ ಆರು ಮೊಟ್ಟೆ ತಿನ್ನುತ್ತೇನೆʼʼ ಎಂದಿದ್ದಾರೆ.
ಇದನ್ನೂ ಓದಿ | Bigg Boss Kannada | ಹಾಸಿಗೆ ಇದ್ದಷ್ಟು ಕಾಸು ಚಾಚು ಅಂದ್ರು ಸೋನು: ಜಾಗರಣೆ ಮಾಡ್ತಿರೋದ್ಯಾಕೆ?
ಮನೆಯ ಶುದ್ಧತೆ ಬಗ್ಗೆ ಮಾತನಾಡಿರುವ ಜಯಶ್ರೀ, ʻʻನಮಗೆ ಮಾತ್ರ ಅಡುಗೆ ಬರುತ್ತದೆ. ಉಳಿದ ಮನೆಯ ಸದಸ್ಯರಿಗೆ ಅಡುಗೆ ಬರುವುದಿಲ್ಲ. ಒಂದು ವೇಳೆ ನಾವು ಮಾಡದೇ ಇದ್ದರೆ ಬೇರೆಯವರ ಅಡುಗೆ ತಿನ್ನಲಿಕ್ಕೆ ಆಗುವುದಿಲ್ಲʼʼ ಎಂದು ಚೈತ್ರಾ ಬಳಿ ವ್ಯಂಗ್ಯವಾಗಿ ಹೇಳಿದ್ದಾರೆ. ಸೋನು ಗೌಡ ಮನೆಯ ಕ್ಲೀನಿಂಗ್‌ ಡಿಪಾರ್ಟ್‌ಮೆಂಟ್‌ ವಹಿಸಿಕೊಂಡಿದ್ದರು.
ಸೋಮಣ್ಣ ಹಾಗೂ ಉದಯ್‌ ಸೂರ್ಯ ಗೇಮ್‌ ಬಗ್ಗೆ ಮಾತನಾಡಿಕೊಂಡಿದ್ದು, ಸೋಮಣ್ಣ ಬಗ್ಗೆ ಉದಯ್‌ ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ. ಸೋಮಣ್ಣ ಒಳ್ಳೆಯ ಕ್ರೀಡಾಪಟು ಎಂದಿದ್ದಾರೆ. ಇದೇ ವೇಳೆ ರಾಕೇಶ್‌ ಬಗ್ಗೆ ಮಾತನಾಡಿದ ಸೋಮಣ್ಣ, ʻʻರಾಕೇಶ್‌ ಚೆನ್ನಾಗಿ ಆಡುತ್ತಾರೆ ಎಂದು ಭಾವಿಸಿದ್ದೆ. ಆದರೆ ಅವರ ಧ್ಯಾನ ಕೌಂಟ್‌ಗೆ ಬರಲಿಲ್ಲʼʼ ಎಂದಿದ್ದಾರೆ. ಈ ಕುರಿತು ಉದಯ್‌ ಆಟ ಆಡುವಾಗ ವಿಲ್‌ ಪವರ್‌ ಮುಖ್ಯ ಎಂದರು.
ರಾಕಿ ಹಾಗೂ ಸೋನು ಗೌಡ ಮಧ್ಯೆ ಆಪ್ತತೆ ಹೆಚ್ಚಾಗಿದ್ದು, ಸೋನು ರೊಮ್ಯಾಂಟಿಕ್‌ ಆಗಿ ರಾಕೇಶ್‌ನನ್ನು ಕರೆದಿದ್ದಾರೆ. ಈ ವಿಚಾರವಾಗಿ ಮಾತನಾಡಿರುವ ಅರ್ಜುನ್‌, ʻಸೋನು ಕರೆದರೆ ರಾಕಿ ಬಂದು ಬಿಡುತ್ತಾರೆ. ಈ ಮನೆಯಲ್ಲಿ ಒಬ್ಬರು ಜೆನ್ವಿನ್‌ ಹಾರ್ಟ್‌ ಸಂಪಾದಿಸಿದ್ದಾರೆ. ನಮಗೆಲ್ಲ ಮಿಡಿಯುವ ಹೃದಯವಿಲ್ಲʼʼ ಎಂದು ಅವರಿಬ್ಬರ ಕಾಲೆಳೆದಿದ್ದಾರೆ.
ಇದನ್ನೂ ಓದಿ | Bigg Boss Kannada | ಬಿಗ್‌ ಹಿಟ್ ಕೊಟ್ಟ ಮಿನಿ ಬಿಗ್‌ ಬಾಸ್‌; ಮೊದಲ ವಾರದಲ್ಲಿ ಮಿಲಿಯನ್‌ ಪ್ಲಸ್‌ ವ್ಯೂವ್ಸ್‌!