ಬೆಂಗಳೂರು: ʻಬಿಗ್‌ಬಾಸ್‌ ಕನ್ನಡ ಸೀಸನ್ʼ 10 (Bigg Boss Kannada OTT)ರ ಚಾಂಪಿಯನ್‌ ಆಗಿ ಕಾರ್ತಿಕ್‌ ಮಹೇಶ್‌ ಹೊರ ಹೊಮ್ಮಿದರೆ, ಡ್ರೋನ್‌ ಪ್ರತಾಪ್‌ ಎರಡನೇ ಸ್ಥಾನಕ್ಕೆ ತೃಪ್ತಿ ಪಟ್ಟುಕೊಂಡು ರನ್ನರ್‌ ಅಪ್‌ ಆಗಿದ್ದಾರೆ. ಬಿಗ್ ಬಾಸ್ ಸೀಸನ್ 10 ಭರ್ಜರಿ ಟಿಆರ್‌ಪಿಯನ್ನು ಪಡೆದು ವೀಕ್ಷಕರ ಮನ ಸೆಳೆದಿತ್ತು. ಇದೀಗʻ ಬಿಗ್ ಬಾಸ್ ಒಟಿಟಿʼ ಪ್ರಾರಂಭವಾಗಲಿದೆ ಎಂದು ಹೇಳಲಾಗುತ್ತಿದೆ. ಈ ಬಗ್ಗೆ ವಾಹಿನಿ ಅವರು ಚಿಂತನೆ ನಡೆಸುತ್ತಿದ್ದಾರೆ ಎಂದು ವರದಿಯಾಗಿದೆ. 40 ದಿನಗಳ ಒಟಿಟಿ ಸೀಸನ್ ಅಲ್ಲಿ ಯಾರೆಲ್ಲ ಬರುತ್ತಾರೆ ಎಂಬ ಚರ್ಚೆಗಳು ಈಗಾಗಲೇ ನಡೆಯುತ್ತಿದೆ.
ಕಳೆದ ಒಟಿಟಿ ಸೀಸನ್ ಅಂದರೆ ಬಿಗ್ ಬಾಸ್ ಸೀಸನ್ ಒಟಿಟಿ ಒಂದರಲ್ಲಿ ಸೋನು ಗೌಡ, ರೂಪೇಶ್‌ ಶೆಟ್ಟಿ, ರಾಕೇಶ್‌, ಆರ್ಯವರ್ಧನ್ ಗುರೂಜಿ, ಸಾನ್ಯ ಅಯ್ಯರ್‌ ಹೀಗೆ ಅನೇಕರು ಇದ್ದಿದ್ದರು. ರೂಪೇಶ್‌ ಶೆಟ್ಟಿ ಅವರು ವಿಜೇತರಾಗಿ ಹೊರಹೊಮ್ಮಿದ್ದರು. ಈಗಾಗಲೇ ಸೀಸನ್ 10 ಮುಗಿದ್ದಿದ್ದು ಈ ಶೋ ಮುಗಿದ ಬಳಿಕ ಬಿಗ್ ಬಾಸ್ ಮನೆಗೆ ಬಣ್ಣ ಬಳಿಯುವ ಕೆಲಸ ನಡೆಯುತ್ತಿದೆಯಂತೆ. ಹೀಗಾಗಿ, ಒಟಿಟಿ ಸೀಸನ್ ಆರಂಭ ಆಗಬಹುದು ಎಂದು ಅನೇಕರು ಊಹಿಸಿದ್ದಾರೆ.
ಮೂಲಗಳ ಪ್ರಕಾರ ಒಟಿಟಿ ಸೀಸನ್ ನಡೆಯೋದು ಡೌಟ್‌ ಎನ್ನಲಾಗುತ್ತಿದೆ. ಈಗಾಗಲೇ ಕಿಚ್ಚ ಸುದೀಪ್‌ ಅವರು ತಮ್ಮ ʻಮ್ಯಾಕ್ಸ್‌ʼ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಜತೆಗೆ ಅವರ ಕೈಯಲ್ಲಿ ಹಲವಾರು ಸಿನಿಮಾಗಳು ಇವೆ. ಹೀಗಿರುವಾಗ ಒಟಿಟಿ ಬರಲ್ಲ ಎನ್ನುತ್ತಿದೆ ಮೂಲ. ಒಂದು ವೇಳೆ ಈ ವಿಚಾರ ಸತ್ಯ ಎಂದಾದರೆ, ಜಿಯೋ ಸಿನಿಮಾ ಕಡೆಯಿಂದ ಈ ಬಗ್ಗೆ ಶೀಘ್ರವೇ ಅಧಿಕೃತ ಮಾಹಿತಿ ಸಿಗಲಿದೆ.
ಇದನ್ನೂ ಓದಿ: Bigg Boss Kannada: ಬಿಗ್ ಬಾಸ್ಗೆ ಎಂಟ್ರಿ ಕೊಡಲಿದ್ದಾರಾ ಟೀಮ್ ಇಂಡಿಯಾದ ಮಾಜಿ ವೇಗಿ!
ಕಳೆದ ಒಟಿಟಿ ಸೀಸನ್ ಅಲ್ಲಿ ಟಾಪ್‌ 4 ಸ್ಪರ್ಧಿಗಳನ್ನು ಆಯ್ಕೆ ಮಾಡಿ ಸೀಸನ್ 9ಕ್ಕೆ ಕಳಿಸಿದ್ದರು. ಆ ಬಳಿಕ ರೂಪೇಶ್‌ ಶೆಟ್ಟಿ ವಿನ್‌ ಆಗಿದ್ದು. ಇನ್ನು ಈ ಬಾರಿ ಸೀಸನ್ 10ರ ವಿನ್ನರ್‌ ಹಾಗೂ ರನ್ನರ್‌ ಅಪ್‌ ಆದವರನ್ನು ಒಟಿಟಿಗೆ ಕಳುಹಿಸುತ್ತಾರೆ ಎಂದೂ ವರದಿಯಾಗಿದೆ.