ಬೆಂಗಳೂರು: ಬಿಗ್‌ ಬಾಸ್‌ ಕನ್ನಡ ಒಟಿಟಿ (Bigg Boss Kannada) ಎಲಿಮಿನೇಷನ್‌ ರೌಂಡ್‌ ನಂತರ ಮತ್ತೆ ಸ್ಪರ್ಧಿಗಳು ಆಟದ ಕಡೆ ಗಮನ ಕೊಟ್ಟಿದ್ದಾರೆ. ಬಿಗ್‌ ಬಾಸ್‌ ಕೂಡ ಟಾಸ್ಕ್‌ಗಳನ್ನು ನೀಡುತ್ತಿದ್ದು, ಸ್ಪರ್ಧಿಗಳು ಸಖತ್‌ ಆಕ್ಟಿವ್‌ ಆಗಿದ್ದಾರೆ.
ಬಿಗ್‌ ಬಾಸ್‌ ಸ್ಪರ್ಧಿಗಳಿಗೆ ಹಲವಾರು ಟಾಸ್ಕ್‌ಗಳನ್ನು ನೀಡಲಾಗುತ್ತಿದೆ. ರಾಕೇಶ್‌ ರಾಕ್ಸ್‌ ಆಗಿ ಆಡಿದ್ದಾರೆ. ಆಟದಲ್ಲಿ ಸಾಂಗ್‌ ಅನ್ನು ಕೂಡ ಪ್ಲೇ ಮಾಡುತ್ತಾರೆ. ಸ್ಪರ್ಧಿಗಳು ಡ್ಯಾನ್ಸ್‌ ಮಾಡುತ್ತ ಸುತ್ತುವರಿಯಬೇಕು. ಕೈಯಲ್ಲಿ ಇರುವ ವಸ್ತುವನ್ನು ಒಬ್ಬರಿಗೊಬ್ಬರು ಪಾಸ್‌ ಮಾಡಿಕೊಳ್ಳುವಾಗ ಬಿಗ್‌ ಬಾಸ್‌ ಹಾಡನ್ನು ನಿಲ್ಲಿಸುತ್ತಾರೆ. ಆಗ ಆ ವಸ್ತು ಯಾರ ಕೈಯಲ್ಲಿ ಇರುತ್ತದೆಯೋ ಆ ಸ್ಪರ್ಧಿ ಒಂದು ಪತ್ರವನ್ನು ಆಯ್ಕೆ ಮಾಡಿಕೊಳ್ಳಬೇಕಾಗುತ್ತದೆ. ಅದರಲ್ಲಿ ಇರುವ ಟಾಸ್ಕ್‌ ಅನ್ನು ಸ್ಪರ್ಧಿಗಳು ನಿಭಾಯಿಸಬೇಕು. ಮೊದಲ ರೌಂಡ್‌ನಲ್ಲಿ ರಾಕೇಶ್‌ಗೆ ಯಾರಾದರೂ ಒಬ್ಬ ಸ್ಪರ್ಧಿಯ ಅನುಕರಣೆ ಮಾಡಲು ಬಿಗ್‌ ಬಾಸ್‌ ಟಾಸ್ಕ್‌ ನೀಡಿದ್ದರು. ಆಗ ರಾಕೇಶ್‌ ಅವರು ಸೋನು ಗೌಡ ಅವರ ಮಾತುಗಳನ್ನು ಮಿಮಿಕ್ರಿ ಮಾಡಿದ್ದಾರೆ.
ಇದನ್ನೂ ಓದಿ | Bigg Boss Kannada | ಸೂಪರ್‌ ಸಂಡೇ ವಿತ್‌ ಸುದೀಪ್‌ ಜತೆ ಹರಿ ಕತೆ ಹೇಳಲು ಬರುತ್ತಿರೋರು ಯಾರು?
ಈ ಹಿಂದೆ ರಾಕೇಶ್‌ ಹಾಗೂ ಸೋನು ಗೌಡ ಮಧ್ಯೆ ಏನೋ ನಡಿಯುತ್ತಾ ಇದೆ ಎಂಬ ಸುದ್ದಿಗಳು ಮನೆಯ ಸದಸ್ಯರಲ್ಲಿಯೇ ಕೇಳಿ ಬಂದಿತ್ತು. ಸೋನು ಗೌಡ ಕೂಡ ರಾಕೇಶ್‌ ಬಗ್ಗೆ ಇರುವ ಭಾವನೆಗಳನ್ನು ಓಪನ್‌ ಆಗಿ ಹೇಳಿಕೊಂಡಿದ್ದರು. ಆರಂಭದಲ್ಲಿ ಸೋನು ಗೌಡ ತಮಗಾದ ಅವಮಾನವನ್ನು ಬಿಗ್‌ಬಾಸ್‌ ಮನೆಯಲ್ಲಿ ಹೇಳಿಕೊಂಡಿದ್ದರು. ಆಗ ರಾಕೇಶ್‌ ಸಮಾಧಾನ ಮಾಡಿ ʻನೀನು ಧೈರ್ಯವಾಗಿ ಮುನ್ನಡೆಯಬೇಕುʼ ಎಂದು ಸ್ಫೂರ್ತಿ ತುಂಬಿದ್ದರು. ಇನ್ನೂ ರಾಕೇಶ್‌ ಕೂಡ ಎಲ್ಲರ ಜತೆಯಲ್ಲಿಯೂ ಫ್ಲರ್ಟ್‌ ಮಾಡುತ್ತಿದ್ದಾರೆ.
ರೂಪೇಶ್‌ ಶೆಟ್ಟಿ ಬಳಿ ಬಂದ ಸೋನು ಗೌಡ ʻʻನನಗೆ ರಾಕೇಶ್‌ ಇಷ್ಟವಾಗಿದ್ದಾನೆ. ಆದರೆ ಎಲ್ಲರ ಜತೆ ಫ್ಲರ್ಟ್‌ ಮಾಡುತ್ತಾನೆ. ನನಗೆ ಇಷ್ಟವಿಲ್ಲʼ ಎಂದು ಹೇಳಿಕೊಂಡಿದ್ದರು. ರಾಕೇಶ್‌ ಜತೆ ಸೋನು ಈ ವಿಚಾರವನ್ನು ಹೇಳಿಕೊಂಡಾಗ ʻʻನಿಜಾನಾ?ʼʼ ಎಂದು ರಾಕೇಶ್‌ ಮರು ಪ್ರಶ್ನೆ ಮಾಡಿದ್ದರು. ಆಗ ಸೋನು ʻʻನಿನ್ನ ಮೇಲೆ ಫೀಲಿಂಗ್ಸ್‌ ಇದೆ. ನೀನು ಬೇಕು ಎಂದರೆ ಒಪ್ಪಿಕೋ, ಇಲ್ಲ ಅಂದರೆ ಇಲ್ಲʼʼ ಎಂದಿದ್ದರು. ಇದಕ್ಕೆ ರಾಕೇಶ್‌ ಪ್ರತಿಕ್ರಿಯೆ ನೀಡಿದ್ದು, ʻʻಫೀಲಿಂಗ್ಸ್‌ ಜತೆ ಆಟ ಆಡುವುದಿಲ್ಲʼʼ ಎಂದಿದ್ದಾರೆ.ʼ ಇದೀಗ ಈ ಟಾಸ್ಕ್‌ ನಂತರ ರಾಕೇಶ್‌ ಮತ್ತು ಸೋನು ಗೌಡ ಮಧ್ಯೆ ಆಪ್ತತೆ ಶುರುವಾಗಿದೆ ಎಂಬ ಗುಸು ಗುಸು ಬಿಗ್‌ ಬಾಸ್‌ ಮನೆಯಲ್ಲಿ ಶುರುವಾಗಿದೆ.
ಇದನ್ನೂ ಓದಿ | Bigg Boss Kannada | ಬಿಗ್‌ ಬಾಸ್‌ ಮನೆಯಿಂದ ಕಿರಣ್‌ ಔಟ್‌?