ಬೆಂಗಳೂರು: ಕನ್ನಡ ಒಟಿಟಿಯಲ್ಲಿ ಪ್ರಸಾರವಾಗುತ್ತಿರುವ ಬಿಗ್‌ ಬಾಸ್‌ (Bigg Boss Kannada) ಮನೆಯಲ್ಲಿ ಕ್ಯಾಪ್ಟನ್‌ ಮೇಲೆ ಮುನಿಸು ಪ್ರಾರಂಭವಾಗಿದೆಯೇ? ಕ್ಯಾಪ್ಟನ್‌ ಸೋಮಣ್ಣ ಅವರು ಸ್ಪರ್ಧಿಗಳ ಮೇಲೆ ವಿನಾಕಾರಣ ಕೂಗಾಟ ನಡೆಸುತ್ತಿದ್ದಾರೆಯೇ? ಅವರನ್ನು ಯಾರೂ ಪ್ರಶ್ನೆ ಮಾಡುವಂತೆಯೇ ಇಲ್ಲವೇ? ಇಂಥದ್ದೊಂದು ಪ್ರಶ್ನೆ ಹುಟ್ಟುವಂತಹ ಆರೋಪವನ್ನು ಪ್ರತಿಸ್ಪರ್ಧಿ ಸಾನ್ಯ ಮಾಡಿದ್ದು, ಒಂದು ಮಟ್ಟಿನ ಸಂಚಲವನ್ನು ಮನೆಯಲ್ಲಿ ಸೃಷ್ಟಿಸಿತ್ತು. ಜತೆಗೆ ವೀಕ್ಷಕರಲ್ಲೂ ಕುತೂಹಲ ಮೂಡಿಸಿತ್ತು.
ಬಿಗ್‌ ಬಾಸ್‌ ಮನೆ ಹಾಗೂ ಜಶ್ವಂತ-ನಂದಿನಿ ರಿಲೇಶನ್‌ಶಿಪ್‌ ಬಗ್ಗೆ ಜಸ್ವಂತ್‌ ಬಳಿಯೇ ಸೋಮಣ್ಣ ಹೇಳಿಕೊಂಡಿದ್ದಾರೆ. ʻʻಈ ಮನೆಯಲ್ಲಿ ನಿಮ್ಮಬ್ಬರನ್ನು ನಾನು ದೂರ ಮಾಡಲು ಪ್ರಯತ್ನ ಮಾಡುತ್ತಿದ್ದೇನೆ ಎಂದು ಕೆಲವರು ಹೇಳುತ್ತಿದ್ದಾರೆ. ಆ ರೀತಿಯ ಕೆಟ್ಟ ಆಲೋಚನೆ ನನ್ನಲ್ಲಿ ಇಲ್ಲ. ಈ ಶೋಗೆ ಬರುವುದಕ್ಕಿಂತ ಮುಂಚಿನಿಂದಲೂ ನೀವಿಬ್ಬರೂ ಒಬ್ಬರನ್ನೊಬ್ಬರು ಪ್ರೀತಿಸುತ್ತಿದ್ದೀರಿ ಎಂದು ನನಗೆ ಗೊತ್ತಿದೆ. ನಾನು ಎಷ್ಟೋ ಪ್ರೇಮಿಗಳಿಗೆ ಸಪೋರ್ಟ್‌ ಕೂಡ ಮಾಡಿದ್ದೇನೆ. ಈ ಮನೆಯಲ್ಲಿ ಗುಂಪುಗಾರಿಕೆ ಇದೆ. ಅದು ನಿಮಗೂ ತಿಳಿದಿದೆ. ಇನ್ನೂ ಕೆಲವರಿಗೆ ನಿಮಗೆ ಹಾಗೂ ನಂದಿನಿ ಅವರ ಜತೆ ಚೆನ್ನಾಗಿದ್ದರೆ ಎರಡು ವೋಟ್‌ ಸಿಗುತ್ತದೆ ಎಂಬ ಕ್ರೀಡಾ ಮನೋಭಾವನೆ ಕೂಡ ಇದೆ. ಇದನ್ನು ನೀವು ತಿಳಿದುಕೊಳ್ಳಬೇಕು. ನನ್ನನ್ನು ನೆಗೆಟಿವ್‌ ಆಗಿ ಬಿಂಬಿಸುತ್ತಿದ್ದಾರೆʼʼ ಎಂದು ಹೇಳಿಕೊಂಡಿದ್ದಾರೆ.
ಇನ್ನೊಂದು ಕಡೆ ನಂದಿನಿ ಅವರ ಜತೆ ಉದಯ್‌ ಸೂರ್ಯ ಅವರು ಸಾನ್ಯ ಕುರಿತಾಗಿ ʻʻನಾನು ಸಾನ್ಯ ಬಗ್ಗೆ ಏನೂ ತಪ್ಪಾಗಿ ಮಾತನಾಡಿಲ್ಲʼʼ ಎಂದಿದ್ದಾರೆ. ನಂದಿನಿ ಅವರು ಈ ಬಗ್ಗೆ ʻʻನಾನು ಯಾರದೇ ಸ್ಪರ್ಧಿಗಳ ವೈಯಕ್ತಿಕ ವಿಚಾರಗಳ ಬಗ್ಗೆ ಮಾತನಾಡುವುದಿಲ್ಲ. ಇಷ್ಟವೂ ಪಡುವುದಿಲ್ಲ. ಏನೇ ಇದ್ದರೂ ಅವರ ಮುಂದೆ ನಾನು ಹೇಳುತ್ತೇನೆ. ನೀವು ಮಾಡಿದ್ದು ತಪ್ಪುʼʼ ಎಂದಿದ್ದಾರೆ.
ಇದನ್ನೂ ಓದಿ | Bigg Boss Kannada | ಸ್ವಿಮ್ಮಿಂಗ್‌ ಪೂಲ್‌ನಲ್ಲಿ ಮುಳುಗಿಸುತ್ತೇನೆ ಎಂದ ಸೋಮಣ್ಣ: ಬೆಸ್ಟ್-ವರ್ಸ್ಟ್ ಯಾರು?
ಬಿಗ್‌ ಬಾಸ್‌ ಮನೆಯ ಪ್ರತಿ ಮೂಲೆಯಲ್ಲಿಯೂ ಸ್ಪರ್ಧಿಗಳ ಗಾಸಿಪ್‌ ಮಾತುಗಳೇ ಹೆಚ್ಚಾಗಿ ಕೇಳಿ ಬರುತ್ತಿವೆ. ಈ ವಾರ ಲಕ್ಸೂರಿ ಬಜೆಟ್‌ ಟಾಸ್ಕ್‌ ಬಿಗ್‌ ಬಾಸ್‌ ನೀಡಿದ್ದರು. ಬಲೂನ್‌ ಮೂಲಕ ಎಲ್ಲರೂ ಒಗ್ಗಟ್ಟಾಗಿ ಗುರಿ ಸೇರಬೇಕಿತ್ತು. ನಂದಿತ ಕೂಡ ಇದರಲ್ಲಿ ಮುಖ್ಯ ಸಾರಥ್ಯವನ್ನು ವಹಿಸಿದ್ದು, ಆಟವನ್ನು ಗೆಲ್ಲಿಸುವಲ್ಲಿ ಯಶಸ್ವಿಯಾದರು. ನೋಡುಗರು ಕೂಡ ನಂದಿತ ಸಖತ್‌ ಸ್ಟ್ರಾಂಗ್‌ ಹುಡುಗಿ ಎಂದು ಸೋಷಿಯಲ್‌ ಮೀಡಿಯಾ ಮೂಲಕ ಕಮೆಂಟ್‌ ಮಾಡಿದ್ದಾರೆ.
ಈ ವಾರ್‌ ರೂಪೇಶ್‌ ಅವರು ಬಿಗ್‌ಬಾಸ್‌ ಮನೆಯ ವಿನ್ನರ್‌ ಆಗಿ ಹೊರಹೊಮ್ಮಿದ್ದಾರೆ. ಬಿಗ್‌ಬಾಸ್‌ ಮನೆಯ ಮೂರನೇ ಬೆಸ್ಟ್ ಬಾಸ್‌ ಆಗಿ ಗೆದ್ದಿದ್ದು, ಹಲವು ಟಾಸ್ಕ್‌ಗಳನ್ನು ಅಚ್ಚುಕಟ್ಟಾಗಿ ನಿಭಾಯಿಸಿದ್ದಾರೆ.
ಇದನ್ನೂ ಓದಿ | Bigg Boss Kannada | ರಾಕೇಶ್‌ ಗೆಲ್ಲಬೇಕೆಂಬ ಆಸೆ ಇದೆ ಎಂದ ಸ್ಫೂರ್ತಿ ಗೌಡ, ಸೋನು ಗೌಡ ಬಗ್ಗೆ ಹೇಳಿದ್ದೇ ಬೇರೆ!