ಬೆಂಗಳೂರು: ಬಿಗ್‌ಬಾಸ್‌ ಒಟಿಟಿ ಕನ್ನಡ (Bigg Boss kannada) ಜನರಿಗೆ ಸಾಕಷ್ಟು ಕುತೂಹಲಕ್ಕೆ ಎಡೆ ಮಾಡಿಕೊಟ್ಟಿತ್ತು. ಇದೀಗ ಮೊದಲನೇ ಸ್ಪರ್ಧಿ ಘೋಷಣೆ ಬೆನ್ನಲ್ಲೇ ಎರಡನೇ ಸ್ಪರ್ಧಿ ಸೋನು ಶ್ರೀನಿವಾಸ್‌ ಗೌಡ ಬಿಗ್‌ಬಾಸ್‌ ಮನೆಗೆ ಎಂಟ್ರಿ ನೀಡಿದ್ದಾರೆ. ಅವರಿಗೆ ಸಿಕ್ಕಾಪಟ್ಟೆ ಪೆಟ್‌ ನೇಮ್‌ ಇದೆ ಎಂಬುದು ಈಗ ಜಗಜ್ಜಾಹೀರಾಗಿದೆ.
ಸೋನು ಶ್ರೀನಿವಾಸ್‌ ಗೌಡ ಅವರನ್ನು ಕಿಚ್ಚ ಸುದೀಪ್‌ ಸಖತ್‌ ಆಗೇ ಕಾಲೆಳೆದಿದ್ದಾರೆ. ಇಷ್ಟು ದಿನ ಟಿಕ್‌ ಟಾಕ್‌ ಮೂಲಕ ಕೇವಲ ಸೋನು ಶ್ರೀನಿವಾಸ್‌ ಗೌಡ ಎಂದೇ ಪರಿಚಿತರಾಗಿದ್ದರು. ಆದರೆ, ಅವರ ಮೂಲ ಹೆಸರು ಶಾಂಭವಿ ಅಂತೆ. ಸೋಷಿಯಲ್‌ ಮಿಡಿಯಾದಲ್ಲಿ ಸೋನು ಎಂದು ಇಟ್ಟಾಗ ಅದೇ ಟ್ರೆಂಡ್‌ ಆಗಿ ಸೋನು ಗೌಡ ಅಂತ ಕರೆಯಲ್ಪಟ್ಟಿದ್ದಾರೆ. ಮನೆಯಲ್ಲಿ ಪೆಟ್‌ ನೇಮ್‌ ಕುಳ್ಳಿ ಎಂದು ಕರೆಯುತ್ತಾರೆ. ಬ್ರೀಜರ್‌ ಅಂತಲೂ ಕರೆಯುತ್ತಾರೆ ಎಂದು ಸ್ವತಃ ಸೋನು ಗೌಡ ಹೇಳಿಕೊಂಡಿದ್ದಾರೆ. ಅವರ ಅಪ್ಪ ಕುಳ್ಳಿ ಎಂದು ಕರೆಯುತ್ತಿದ್ದರಂತೆ. ಹಾಗೇ ಇವರು ನಡೆದರೆ ಸಾಕು ಟ್ರೋಲ್‌ ಆಗುತ್ತಾರಂತೆ. ಈಗ ಅವರ ಊರಿಗೆ ಹೋದರೂ ಕುಳ್ಳಿ ಅಂತಲೇ ಕರೆಯುತ್ತಾರೆ ಎಂದು ವೇದಿಕೆ ಮೇಲೆ ತಮ್ಮ ಬಗ್ಗೆ ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ | Bigg Boss Kannada | ಜೋಶ್‌ ಸಿನಿಮಾ ಖ್ಯಾತಿಯ ರಾಕೇಶ್‌ ಅಡಿಗ ಬಿಗ್‌ ಬಾಸ್‌ ಮನೆಗೆ ಪ್ರವೇಶ
ಸೋನು ಗೌಡ ಇದೀಗ ಬಿಗ್‌ ಬಾಸ್‌ ಮನೆ ಒಳಗೆ ಅಧಿಕೃತ ಪ್ರವೇಶವನ್ನು ಪಡೆದಿದ್ದಾರೆ. ಗೆದ್ದೇ ಗೆಲ್ಲುತ್ತೇನೆ ಎಂದು ಪಣ ತೊಟ್ಟಿರುವ ಸೋನು ಗೌಡ ಅವರು ಹೇಗೆ ರಂಜಿಸಲಿದ್ದಾರೆ ಎನ್ನುವುದನ್ನು ನೋಡಬೇಕಿದೆ.