ಬೆಂಗಳೂರು : ಬಿಗ್ ಬಾಸ್ ಸೀಸನ್‌ 9ರ (Bigg Boss Kannada ) ಫಿನಾಲೆಗೆ ಕೌಂಟ್‌ ಡೌನ್‌ ಶುರುವಾಗಿದೆ. ಕೊನೆಯ ವಾರ ಆಗಿದ್ದರಿಂದ ಬಿಗ್ ಬಾಸ್ ಒಂದು ವಿಶೇಷ ಅವಕಾಶವನ್ನು ಕಲ್ಪಿಸಿದ್ದರು. ಸ್ಪರ್ಧಿಗಳ ಆಸೆಗಳ ಪೈಕಿ ಒಂದನ್ನು ಈಡೇರಿಸಲು ‘ಬಿಗ್ ಬಾಸ್’ ಭರವಸೆ ಕೊಟ್ಟಿದ್ದರು. ಇದರ ಅನುಸಾರ ಅರವಿಂದ್‌ ಕೆ.ಪಿ ಅವರು ಮನೆಗೆ ಬಂದು ಹೋಗಿದ್ದಾರೆ. ಇದೀಗ ರಾಕೇಶ್ ಅಡಿಗ ಅವರ ಆಸೆಯಂತೆ ಕಾವ್ಯಶ್ರೀ ಗೌಡ, ಅಮೂಲ್ಯ ಗೌಡ, ಅನುಪಮಾ ಗೌಡ ಮತ್ತೆ ಮನೆಯೊಳಗೆ ಪ್ರವೇಶಿಸಿ ಒಟ್ಟಿಗೆ ಊಟ ಮಾಡಿದ್ದಾರೆ.
ಆಶಾಬಾವಿ ಮುಂದೆ ನಿಂತು ‘ಬಿಗ್ ಬಾಸ್’ ಬಳಿ ಸ್ಪರ್ಧಿಗಳು ತಮ್ಮ ಮೂರು ಆಸೆಗಳನ್ನ ಹೇಳಬೇಕಿತ್ತು. ಇದರ ಅನುಸಾರ ರಾಕೇಶ್ ಅಡಿಗ ಕಾವ್ಯಶ್ರೀ ಗೌಡ, ಅಮೂಲ್ಯ ಗೌಡ, ಅನುಪಮಾ ಗೌಡ ಜತೆ ಒಂದು ಸಲ ಒಟ್ಟಿಗೆ ಊಟ ಮಾಡುವ ಅವಕಾಶವನ್ನು ಬಿಗ್ ಬಾಸ್‌ಗೆ ಕೋರಿದ್ದರು.
ಇದನ್ನೂ ಓದಿ | Bigg Boss Kannada | ಆರ್ಯವರ್ಧನ್‌ ಗುರೂಜಿ ಔಟ್‌: ಅಪ್ಪಾಜಿ ಬನ್ನಿ ಎಂದು ಗಳಗಳನೆ ಅತ್ತ ರೂಪೇಶ್ ಶೆಟ್ಟಿ
ಅನುಪಮಾ ಗೌಡ, ಅಮೂಲ್ಯ ಗೌಡ, ಕಾವ್ಯಶ್ರೀ ಗೌಡ ಅವರ ಜೊತೆ ಊಟ ಮಾಡುವ ರಾಕೇಶ್ ಅಡಿಗ ಆಸೆಯನ್ನ ‘ಬಿಗ್ ಬಾಸ್’ ಈಡೇರಿಸಿದರು. ‘ಬಿಗ್ ಬಾಸ್’ ಮನೆಯೊಳಗೆ ಅಮೂಲ್ಯ ಗೌಡ, ಅನುಪಮಾ ಗೌಡ, ಕಾವ್ಯಶ್ರೀ ಗೌಡ ರಿ-ಎಂಟ್ರಿಕೊಟ್ಟರು.
ಮತ್ತೆ ‘ಬಿಗ್ ಬಾಸ್’ ಮನೆಯೊಳಗೆ ಬಂದಿದ್ದಕ್ಕೆ ಅನುಪಮಾ ಗೌಡ, ಅಮೂಲ್ಯ ಗೌಡ ಹಾಗೂ ಕಾವ್ಯಶ್ರೀ ಗೌಡ ಭಾವುಕರಾದರು. ಮೂವರ ಜತೆ ರಾಕೇಶ್ ಅಡಿಗ, ದಿವ್ಯಾ ಉರುಡುಗ, ದೀಪಿಕಾ ದಾಸ್, ರೂಪೇಶ್ ಶೆಟ್ಟಿ, ರೂಪೇಶ್ ರಾಜಣ್ಣ ಕೂಡ ಕೂತು ಊಟ ಮಾಡಿದರು.
ವಾಸುಕಿ ಸರ್‌ಪ್ರೈಸ್‌ವಿಸಿಟ್‌!
ಬಿಗ್ ಬಾಸ್ ಮನೆಗೆ ಗಾಯಕ ವಾಸುಕಿ ವೈಭವ್ ಎಂಟ್ರಿ ಕೊಟ್ಟಿರುವ ಪ್ರೋಮೊ ಕಲರ್ಸ್‌ ಕನ್ನಡ ಹಂಚಿಕೊಂಡಿದೆ. ವಾಸುಕಿ ವೈಭವ್ ಬರಬೇಕು ಎಂದು ದೀಪಿಕಾ ದಾಸ್ ತಮ್ಮ ಆಸೆ ಹೇಳಿಕೊಂಡಿದ್ದರು. ಅಂತೆಯೇ ವಾಸುಕಿ ಬಿಗ್ ಬಾಸ್ ಮನೆಗೆ ಬಂದಿದ್ದಾರೆ. ʻʻಮೊದಲಿನಿಂದ ಇಲ್ಲಿಯ ತನಕ ರಾಕೇಶ್ ಅಡಿಗ ಒಂದೇ ರೀತಿ ಇದ್ದಾರೆ. ನೀವು ಆಚೆ ಬರುತ್ತಿದ್ದ ಹಾಗೇ ಹೆಣ್ಣುಮಕ್ಕಳು ರೆಡಿಯಾಗಿರುತ್ತಾರೆ ತಾಳಿ ಕಟ್ಟೋಕೆʼʼ ಎಂದು ವಾಸುಕಿ ಅವರು ರಾಕೇಶ್‌ಗೆ ರೇಗಿಸಿದ್ದಾರೆ.
ಇದನ್ನೂ ಓದಿ | Bigg Boss Kannada | ಅರವಿಂದ್‌ ನೋಡಿ ನಾಚಿ ನೀರಾದ ದಿವ್ಯಾ ಉರುಡುಗ: ಬಿಗ್ ಬಾಸ್ ಮನೆಯಲ್ಲಿ ಡಬಲ್ ಸರ್ಪ್ರೈಸ್!