ಬೆಂಗಳೂರು: ಬಿಗ್‌ ಬಾಸ್‌ ಸೀಸನ್‌ 9ರ (Bigg Boss Kannada) ವಾರದ ಕತೆ ಕಿಚ್ಚನ ಜತೆ ವೀಕೆಂಡ್‌ ಪಂಚಾಯಿತಿಯ ಕಿಚ್ಚ ಸುದೀಪ್‌ ಲುಕ್‌ ರಿವೀಲ್‌ ಆಗಿದೆ. 18 ಸ್ಪರ್ಧಿಗಳಲ್ಲಿ ಈ ವಾರ 12 ಸ್ಪರ್ಧಿಗಳು ನಾಮಿನೇಟ್‌ ಆಗಿದ್ದಾರೆ. ಹುಡುಗಿಯರು ಬೀಳುವ ವಿಚಾರಕ್ಕೆ ಆರ್ಯವರ್ಧನ್‌ ಗುರೂಜಿ ದರ್ಶ್‌ಗೆ ಟಿಪ್ಸ್ ನೀಡಿದ್ದಾರೆ. ಈ ಕುರಿತು ಕಿಚ್ಚ ಸುದೀಪ್‌ ಸ್ಪರ್ಧಿಗಳಿಗೆ ತಮಾಷೆ ಮಾಡಿರುವ ಪ್ರೋಮೊವನ್ನು ಕಲರ್ಸ್‌ ಕನ್ನಡ ಹಂಚಿಕೊಂಡಿದೆ.
ಕಿಚ್ಚ ಸುದೀಪ್‌ ಬಿಗ್‌ ಬಾಸ್‌ ಸ್ಪರ್ಧಿ ದರ್ಶ್‌ಗೆ ʻʻಆರ್ಯವರ್ಧನ್‌ ನಿಮಗೆ ಏನು ಹೇಳಿಕೊಟ್ಟರು?ʼʼ ಎಂದು ಪ್ರಶ್ನೆ ಮಾಡಿದ್ದಾರೆ. ಅದಕ್ಕೆ ಪ್ರತಿಕ್ರಿಯೆ ನೀಡಿದ ದರ್ಶ್‌, ʻʻನೀನು ಚೆನ್ನಾಗಿದ್ದೀಯಾ. ನಿನಗೆ ಹುಡುಗೀರು ಬೀಳುತ್ತಾರೆ. ಕ್ಯಾಚ್‌ ಹಾಕೊಂಡ್ರೆ ತುಂಬಾ ದಿನ ಬರುತ್ತಿಯಾ ಎಂದು ಹೇಳಿದ್ದುಂಟುʼʼಎಂದರು. ಅದಾದ ನಂತರ ಕಿಚ್ಚ ಸುದೀಪ್‌ ʻʻಅದಾದ ಮೇಲೆ ಹಂಗೆ ಕೈ ಕೊಡ್ತಾರೆ ಅಂದ್ರು ಅಲ್ವಾʼʼ ಎಂದು ಆರ್ಯವರ್ಧನ್‌ ಕಾಲೆಳಿದಿದ್ದಾರೆ.
ಇದನ್ನೂ ಓದಿ | Bigg Boss Kannada | ಮೊದಲ ಕ್ಯಾಪ್ಟನ್‌ ಆಗಿ ವಿನೋದ್‌ ಗೊಬ್ಬರಗಾಲ ಆಯ್ಕೆ! ಕ್ಯಾಪ್ಟನ್ಸಿ ಪವರ್ ಬಗ್ಗೆ ಸಂಬರಗಿ ಕ್ಲಾಸ್!
ಇದೇ ವಿಚಾರಕ್ಕೆ ಕಾವ್ಯಶ್ರೀ ಮಾತನಾಡಿ ʻʻನನಗೂ ರೂಪೇಶ್‌ ಮತ್ತೆ ಸಾನ್ಯ ಜತೆ ಇದ್ದಾಗ, ನೀನು ಬಿಟ್ಟುಕೊಡಬೇಡ. ಉರ್ಸ್‌ಬೇಕುʼʼ ಎಂದು ಹೇಳಿಕೊಟ್ಟಿದ್ದಾರೆ ಎಂದರು. ಅದಕ್ಕೆ ರೂಪೇಶ್‌ ಮಾತನಾಡಿ ʻʻಇಬ್ಬರಲ್ಲಿ ನಂಗೆ ಕನ್‌ಫ್ಯೂಸ್‌ ಆಗಿದೆʼʼ ಎಂದರು. ಅದಕ್ಕೆ ಸುದೀಪ್‌ ಪ್ರತಿಕ್ರಿಯೆ ನೀಡಿ ʻʻಆರ್ಯವರ್ಧನ್‌ ಈಗಷ್ಟೇ ಸೊಲ್ಯೂಷನ್‌ ಕೊಟ್ಟರು ಅಲ್ವಾ?ʼʼ ಎಂದು ಕೇಳಿದ್ದಾರೆ.
ಈ ವಾರ ಕಿಚ್ಚ ಸುದೀಪ್‌ ವೀಕೆಂಡ್‌ ಪಂಚಾಯಿತಿಯಲ್ಲಿ ಸ್ಪರ್ಧಿಗಳ ವಾರದ ಕಥೆಗಳನ್ನು ಚರ್ಚಿಸಲಿದ್ದಾರೆ. ಈ ವಾರ ಯಾರು ಮನೆಯಿಂದ ಹೊರಗೆ ಹೋಗಲಿದ್ದಾರೆ ಎಂಬುದು ನೋಡಬೇಕಿದೆ.
ಇದನ್ನೂ ಓದಿ | Bigg Boss Kannada | ಪ್ರಾಸದಿಂದ ಮಾತು ಮಾತಿನ ಚಕಮಕಿ : ವಿನೋದ್‌-ಕಾವ್ಯಶ್ರೀ ನಡುವೆ ವಾರ್‌!