ಬೆಂಗಳೂರು: ಇದೇ ಅ.8ರಿಂದ ಬಿಗ್ ಬಾಸ್ ಸೀಸನ್ 10 (BBK Season 10) ಶುರುವಾಗಲಿದೆ. ಇನ್ನು ಕೇವಲ ಎರಡು ದಿನ ಬಾಕಿ ಉಳಿದಿದೆ. ಈಗಾಗಲೇ ಕಲರ್ಸ್ ಕನ್ನಡವಾಹಿನಿ ಹೊಸ ಮನೆಯ ಬಿಗ್ ಬಾಸ್ ನಿರ್ಮಾಣದ ವಿಡಿಯೊ ಹಾಗೇಯೇ ಬಿಗ್ ಬಾಸ್ 10 ವರ್ಷಗಳ ಜರ್ನಿ ಹೇಗಿತ್ತು ಎಂಬುದನ್ನು ವಿಡಿಯೊ ಮೂಲಕ ತೋರಿಸಿದೆ. ಈ ಎರಡೂ ವಿಡಿಯೊಗಳು ಗಮನ ಸೆಳೆಯುತ್ತಿದೆ. ʻಬಿಗ್ ಬಾಸ್ ಕನ್ನಡ ಸೀಸನ್ ಹತ್ತು – ಸ್ಪೆಷಲ್ ಸೀಸನ್‌ಗೆ ಮನೆಯೂ ಸ್ಪೆಷಲ್ʼʼಎಂದು ಕ್ಯಾಪ್ಷನ್‌ ನೀಡಿ ವಿಡಿಯೊ ಪೋಸ್ಟ್‌ ಮಾಡಿದ್ದಾರೆ.
ವಿಡಿಯೊದಲ್ಲಿ ಮನೆಯ ಹೊರಾಂಗಣ ಮಾತ್ರವಿದೆ. ಒಳಗೆ ಹೇಗಿದೆ ಎಂಬುದು ತೋರಿಸಲ್ಲ. ಹಗಲು ರಾತ್ರಿ ಶ್ರಮ ಹಾಕಿ ಬರೋಬ್ಬರಿ ನಾಲ್ಕು ತಿಂಗಳು ಮನೆ ನಿರ್ಮಾಣ ಮಾಡಲು ಬೇಕಾಯ್ತು ಎನ್ನುತ್ತಾರೆ ನಾನ್‌ಫಿಕ್ಷನ್‌ ವಿಭಾಗದ ಮುಖ್ಯಸ್ಥ ಪ್ರಕಾಶ್. ಬಿಗ್ ಬಾಸ್ ಮೊದಲ ಸೀಸನ್ ಪ್ರಸಾರ ಕಂಡಿದ್ದು 2013ರ ಮಾರ್ಚ್ 24ರಂದು. ಈಟಿವಿ ಕನ್ನಡದಲ್ಲಿ ಬಿಗ್ ಬಾಸ್ ಪ್ರಸಾರ ಕಂಡಿತು. ಅರುಣ್ ಸಾಗರ್, ವಿಜಯ್ ರಾಘವೇಂದ್ರ ಸೇರಿದಂತೆ ಅನೇಕರು ಸ್ಪರ್ಧಿಸಿದ್ದರು. ಎರಡನೇ ಸೀಸನ್ ಏಷ್ಯಾನೆಟ್ ಸುವರ್ಣದಲ್ಲಿ ಪ್ರಸಾರ ಕಂಡಿತು. ಎರಡನೇ ಸೀಸನ್ ಲಾಂಚ್ ಆಗಿದ್ದು 2014ರಲ್ಲಿ. ಮೂರು ಹಾಗೂ ನಾಲ್ಕನೇ ಸೀಸನ್ ಕಲರ್ಸ್ ಕನ್ನಡದಲ್ಲಿ ಪ್ರಸಾರ ಕಂಡಿತು. ಐದನೇ ಸೀಸನ್ ಕಲರ್ಸ್ ಸೂಪರ್ನಲ್ಲಿ ವೀಕ್ಷಣೆ ಕಂಡಿತ್ತು.
ಇದನ್ನೂ ಓದಿ: BBK Season 10: ಬಿಗ್ ಬಾಸ್ ಆಫರ್‌ ಬಂದಿದ್ದು ನಿಜ ಎಂದ ಈ ಅವಳಿ ಸಹೋದರಿಯರು; ಆದರೆ…
2018ರಲ್ಲಿ ಆರನೇ ಸೀಸನ್ ಪ್ರಸಾರ ಕಂಡಿತು. ಈ ಸೀಸನ್ ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾದ ಬಳಿಕ ವೂಟ್ನಲ್ಲೂ ವೀಕ್ಷಣೆಗೆ ಲಭ್ಯವಿತ್ತು. ಏಳು, ಎಂಟು ಹಾಗೂ ಒಂಬತ್ತನೇ ಸೀಸನ್ಗಳು ಕಲರ್ಸ್ ಕನ್ನಡದಲ್ಲೇ ಪ್ರಸಾರ ಕಂಡವು. ಕಳೆದ ವರ್ಷ ಬಿಗ್ ಬಾಸ್ ಒಟಿಟಿ ಸೀಸನ್ ಪ್ರಸಾರ ಕಂಡಿತ್ತು. ಇದೀಗ ಜಿಯೋ ಸಿನಿಮಾದಲ್ಲಿ ಈ ಸೀಸನ್ 24 ಗಂಟೆಗಳ ಕಾಲ ನೋಡಬಹುದು. ಭಾನುವಾರ (ಅಕ್ಟೋಬರ್ 8) ಸಂಜೆ 6 ಗಂಟೆಗೆ ಬಿಗ್ ಬಾಸ್ ಲಾಂಚ್ ಆಗಲಿದೆ. ಪ್ರತಿ ದಿನ ರಾತ್ರಿ 9:30ಕ್ಕೆ ಬಿಗ್ ಬಾಸ್ ಆರಂಭ ಆಗಲಿದೆ.
ಹೇಗಿರಲಿದೆ ಬಿಗ್ ಬಾಸ್ ಮನೆ?
ಈ ಬಾರಿ ಬೆಂಗಳೂರಿನ ಹೊರವಲಯದಲ್ಲಿ ಹೊಸದಾದ ಬಿಗ್ ಬಾಸ್ ಮನೆ ನಿರ್ಮಾಣಗೊಂಡಿದೆ. ಒಟ್ಟು 12 ಸಾವಿರ ಚದರಡಿಗಳ ಈ ಮನೆಯಲ್ಲಿ ಮೊದಲಿಗಿಂತ ದೊಡ್ಡ ಆಟಗಳನ್ನು ಆಡಬಹುದು, ಟಾಸ್ಕ್ ಮಾಡಬಹುದು. ಇನ್ನು ‘777 ಚಾರ್ಲಿ’ ಸಿನಿಮಾದ ಚಾರ್ಲಿ ಈ ಬಾರಿ ಬಿಗ್ ಬಾಸ್ ಮನೆಗೆ ಮೊದಲ ಸ್ಪರ್ಧಿಯಾಗಿ ಎಂಟ್ರಿ ಕೊಡುತ್ತಿರುವುದಂತೂ ಪಕ್ಕಾ ಆಗಿದೆ.
ಜಿಯೋ ಸಿನಿಮಾದಲ್ಲಿ 24/7 ಲೈವ್ ಸಿಗಲಿದೆ. ‘ಮೀಮ್‌ ದ ಮೊಮೆಂಟ್‌’, ‘ವಾಚ್‌ ಆಂಡ್ ವಿನ್’, ‘ಹೈಪ್‌ ಚಾಟ್‌’, ‘ವಿಡಿಯೊ ವಿಚಾರ್‍’ಗಳ ಮೂಲಕ ಬಿಗ್ ಬಾಸ್ ಪ್ರಿಯರು ಮನೆಯೊಳಗಿನವರ ಜತೆ ಸಂವಾದ ನಡೆಸಬಹುದು.
ಇದನ್ನೂ ಓದಿ: BBK Season 10: ಬಿಗ್ ಬಾಸ್ ಎಂಟ್ರಿ ಬಗ್ಗೆ ರಂಜನಿ ರಾಘವನ್, ಜಗ್ಗೇಶ್‌, ರಾಜೇಶ್‌ ಧ್ರುವ ಹೇಳಿದ್ದೇನು?
ಸಂಭಾವ್ಯರ ಪಟ್ಟಿ
ನಟ ಸುನೀಲ್ ರಾವ್, ಭವ್ಯಾ ಗೌಡ(Bhavya Gowda), ರಘು ಮುಖರ್ಜಿ, ಪ್ರಕಾಶ್ ತುಮಿನಾಡು, ಹುಲಿ ಕಾರ್ತಿಕ್, ನಮ್ರತಾ ಗೌಡ, ಚಂದ್ರಪ್ರಭ, ‘ಕೆಜಿಎಫ್’ ನಟಿ ರೂಪಾ ರಾಯಪ್ಪ, ಮಿಮಿಕ್ರಿ ಗೋಪಿ, ಕ್ರಿಕೆಟರ್ ವಿನಯ್ ಕುಮಾರ್, ಪೋಷಕ ನಟಿ ಸ್ವಾತಿ, ರಕ್ಷಕ್ ಬುಲೆಟ್ ಪ್ರಕಾಶ್, ರ‍್ಯಾಪರ್ ಇಶಾನಿ ಸೇರಿದಂತೆ ಹಲವರು ಬಿಗ್ ಬಾಸ್ ಸ್ಪರ್ಧಿಸುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ.