ಬೆಂಗಳೂರು; ʻರೈತ ಮಗʼನಾಗಿ ದೊಡ್ಮನೆಗೆ ಕಾಲಿಟ್ಟಿದ್ದ (Bigg Boss Telugu 7) ಪಲ್ಲವಿ ಪ್ರಶಾಂತ್ ಈ ಬಾರಿಯ ಬಿಗ್ ಬಾಸ್ ತೆಲುಗು ಸೀಸನ್ 7ರ ವೀಜೇತರಾಗಿ ಹೊರಹೊಮ್ಮಿದ್ದಾರೆ. ಧಾರಾವಾಹಿ ನಟ ಅಮರದೀಪ್ ಅವರು ರನ್ನರ್‌ಅಪ್‌ ಆದರು. ಆದರೆ ಬಿಗ್ ಬಾಸ್ ಗ್ರ್ಯಾಂಡ್ ಫಿನಾಲೆ ವೇಳೆ ಹೈದರಾಬಾದಿನ ಅನ್ನಪೂರ್ಣ ಸ್ಟುಡಿಯೊದಲ್ಲಿ ಆತಂಕಕಾರಿ ಸನ್ನಿವೇಶ ನಿರ್ಮಾಣವಾಗಿತ್ತು. ಮನೆಯಿಂದ ಹೊರಬಂದ ಅಮರ್ ದೀಪ್ ಮೇಲೆ ಕೆಲವರು ಹಲ್ಲೆಗೆ ಯತ್ನಿಸಿದ್ದಾರೆ. ಅವರ ಕಾರಿನ ಮೇಲೆ ದಾಳಿ ಮಾಡಿ ಗಾಜುಗಳನ್ನು ಒಡೆದಿದ್ದಾರೆ. ಈ ಅನಿರೀಕ್ಷಿತ ಘಟನೆಯಿಂದ ಕಾರಿನಲ್ಲಿದ್ದ ಅಮರ್ ದೀಪ್ ಅವರ ತಾಯಿ ಮತ್ತು ಪತ್ನಿ ಗಾಬರಿಗೊಂಡಿದ್ದರು. ಇದಾದ ಬಳಿಕ ಪೊಲೀಸ್‌ ಭದ್ರತೆಯ ನಡುವೆ ಅಮರ್ದೀಪ್ ಕುಟುಂಬ ಸದಸ್ಯರನ್ನು ಅಲ್ಲಿಂದ ಕರೆದೊಯ್ಯಲಾಯಿತು.
ಆಗಿದ್ದೇನು?
ಪಲ್ಲವಿ ಪ್ರಶಾಂತ್ ಮತ್ತು ಅಮರದೀಪ್ ಅಭಿಮಾನಿಗಳು ಬಿಗ್ ಬಾಸ್ ಗ್ರ್ಯಾಂಡ್ ಫಿನಾಲೆ ಚಿತ್ರೀಕರಣ ನಡೆಯುತ್ತಿದ್ದ ಅನ್ನಪೂರ್ಣ ಸ್ಟುಡಿಯೊಗೆ ಆಗಮಿಸಿದ್ದರು. ಪ್ರಶಾಂತ್ ಅವರು ಬಿಗ್ ಬಾಸ್ ವಿಜೇತ ಎಂದು ಘೋಷಿಸಿದಾಗ, ಅವರ ಅಭಿಮಾನಿಗಳು ಸಂಭ್ರಮಾಚರಣೆ ಮಾಡಿದರು. ಆದರೆ ಅಮರ್ದೀಪ್ ಅಭಿಮಾನಿಗಳು ತಾಳ್ಮೆ ಕಳೆದುಕೊಂಡು ಗಲಾಟೆಯನ್ನು ಮಾಡಿದ್ದಾರೆ. ಈ ವೇಳೆ ಇಬ್ಬರ ಅಭಿಮಾನಿಗಳ ನಡುವೆ ಮಾರಾಮಾರಿ ಆಗಿದೆ.
ಇಬ್ಬರ ಅಭಿಮಾನಿಗಳು ಪರಸ್ಪರ ತಳ್ಳಾಡಿ, ಗುದ್ದಾಡಿ, ಅವಾಚ್ಯ ಶಬ್ದಗಳಿಂದ ನಿಂದಿಸಿಕೊಂಡಿದ್ದಾರೆ. ಅದೇ ವೇಳೆ ಆರ್‌ಟಿಸಿ ಬಸ್ ಮೇಲೆ ದಾಳಿ ಮಾಡಿ ಗಾಜು ಒಡೆದಿದ್ದಾರೆ. ಅಭಿಮಾನಿಗಳ ಅತಿರೇಕದ ಈ ವರ್ತನೆಯಿಂದ ಅನ್ನಪೂರ್ಣ ಸ್ಟುಡಿಯೋ ಮೂಲಕ ಸಾಗುತ್ತಿದ್ದ ವಾಹನ ಸವಾರರು ಪರದಾಡುವಂತಾಯಿತು. ಕಾರಿನ ಗಾಜುಗಳನ್ನು ಒಡೆದು ಅಮರ್ದೀಪ್ ಅವರನ್ನು ಹೊರಹೋಗುವಂತೆ ಘೋಷಣೆ ಕೂಗಿದ್ದರು. ಕಾರಿನ ಗಾಜುಗಳನ್ನು ಒಡೆದು ಹೊರಗೆ ಬರುವಂತೆ ಹೇಳಿದ್ದಕ್ಕೆ ಅಮರ್ದೀಪ್ ಅವರ ತಾಯಿ ಮತ್ತು ಪತ್ನಿ ಗಾಬರಿಗೊಂಡಿದ್ದಾರೆ. ಭದ್ರತೆಯ ನಡುವೆ ಅಮರ್ದೀಪ್ ಕುಟುಂಬ ಸದಸ್ಯರನ್ನು ಅಲ್ಲಿಂದ ಕರೆದೊಯ್ಯಲಾಯಿತು. ಇದಕ್ಕೆ ಸಂಬಂಧಿಸಿದ ಫೋಟೊಗಳು ಮತ್ತು ವಿಡಿಯೊಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ. ಗ್ರ್ಯಾಂಡ್ ಫಿನಾಲೆಗೆ ಬೇರೆ ಸ್ಪರ್ಧಿಗಳು ಕೂಡ ಆಗಮಿಸಿದ್ದರು. ಪ್ರಶಾಂತ್ ಹಾಗೂ ಅಮರ್ ಅಭಿಮಾನಿಗಳು ಗಲಾಟೆಯಲ್ಲಿ ಇತರೆ ಸ್ಪರ್ಧಿಗಳ ವಾಹನಗಳ ಗಾಜು ಪುಡಿಪುಡಿಯಾಗಿದೆ.
ಇದನ್ನೂ ಓದಿ: Bigg Boss Telugu 7: ಬಿಗ್ ಬಾಸ್ ಟ್ರೋಫಿಗೆ ಮುತಿಟ್ಟ ʻರೈತರ ಮಗʼ; ಪಲ್ಲವಿ ಪ್ರಶಾಂತ್ ವಿನ್ನರ್!
Fans of #PallaviPrashanth and #Amardeep fight outside Annapurna 7 Acres. Front glass of an RTC Bus has also been broken.#BiggBossTelugu7 pic.twitter.com/DxPxQDwop1
— Gulte (@GulteOfficial) December 17, 2023
#BiggBossTelugu7
— Praveen Teja (@i_praveentej143) December 18, 2023
Hurty Congratulations 💐#PallaviPrashanth Antho Mandiki Inspiration Ayyavu , Asalu Nv Great ❣️ Ala Vacchamani kadu , Cup uu Kottama Leda Ani Nerupinchukunnav #BiggBoss charitra loney Nilichipoyavu ,
#TrueInspiration ✨ pic.twitter.com/lvl6DwAckl
Chillar Fans
— Tomandjerry (@Tomandj11) December 18, 2023
Thuuuu
Siggu ledu aslu#PallaviPrashanth #Shivaji#Amardeep#BiggBossTelugu7 https://t.co/tEafTXO9so
ಕೃಷಿ ಹಿನ್ನೆಲೆಯಿಂದ ಬಂದಿರುವ ಪಲ್ಲವಿ ಪ್ರಶಾಂತ್ ಯೂಟ್ಯೂಬರ್ ಆಗಿ ಸಾಕಷ್ಟು ಜನಪ್ರಿಯರಾಗಿದ್ದರು. ನಂತರ ಅವರು ಬಿಗ್ ಬಾಸ್ ಮನೆಗೆ ಪ್ರವೇಶಿಸಿದರು.ಸೆಪ್ಟೆಂಬರ್ 3 ರಂದು ತೆಲುಗು ಬಿಗ್ಬಾಸ್ ಸೀಸನ್ 7 ಆರಂಭವಾಗಿತ್ತು. 19 ಮಂದಿ ಸ್ಪರ್ಧಿಗಳು ಶೋನಲ್ಲಿ ಭಾಗಿಯಾಗಿದ್ದರು. ಅವರಲ್ಲೇ ಇಬ್ಬರು ವೈಲ್ಡ್ ಕಾರ್ಡ್ ಎಂಟ್ರಿ ಮೂಲಕ ಮತ್ತೆ ಮನೆಗೆ ಬಂದಿದ್ದರು. ಅಲ್ಲಿಗೆ ಒಟ್ಟು 21 ಸ್ಪರ್ಧಿಗಳು ಈ ಬಾರಿಯ ಬಿಗ್ಬಾಸ್ ತೆಲುಗು ಸೀಸನ್ 7ರಲ್ಲಿ ಆಡಿದರು. ಬಿಗ್ ಬಾಸ್ ತೆಲುಗು ಸೀಸನ್ 7 ರ ಗ್ರ್ಯಾಂಡ್ ಫಿನಾಲೆ ಸಂಚಿಕೆ ಭಾನುವಾರ ಪ್ರಸಾರವಾಯಿತು. ಪಲ್ಲವಿ ಪ್ರಶಾಂತ್ ವಿನ್ನರ್ ಆಗಿದ್ದು, ಹಲವರಿಗೆ ಖುಷಿ ನೀಡಿದೆ. ಆದರೆ ಮೊದಲಿನಿಂದಲೂ ಶಿವಾಜಿ ವಿನ್ನರ್ ಎಂದುಕೊಂಡಿದ್ದ ಹಲವರಿಗೆ ಬೇಸರವಾಗಿದೆ.