ಬಿಗ್ ಬಾಸ್ 10ರ (BBK SEASON 10) ಹನ್ನಂದನೇ ವಾರ ಬಿಡ್ಡಿಂಗ್ ಟಾಸ್ಕ್‌ ನಡುವೆ ಚಿತ್ರ ಬಿಡಿಸುವ ಟಾಸ್ಕ್‌ ಕೂಡ ನಡೆಯಿತು. ಅದೇನೆಂದರೆ, ಒಬ್ಬರ ಹಿಂದೆ ಒಬ್ಬರು ನಿಲ್ಲಬೇಕು. ಕೊನೆಯಲ್ಲಿ ನಿಂತಿರುವ ಸದ್ಯಸರಿಗೆ ಒಂದು ವಸ್ತುವಿನ ಹೆಸರನ್ನು ಹೇಳಲಾಗುತ್ತದೆ. ಅದರ ಚಿತ್ರವನ್ನು ಅವರು ಬರೆದು, ತಮ್ಮ ಮುಂದೆ ನಿಂತಿರುವ ತಮ್ಮ ತಂಡದ ಮತ್ತೊಬ್ಬ ಸ್ಪರ್ಧಿಗೆ ತೋರಿಸಬೇಕು. ಅದನ್ನು ನೋಡಿದ ಆ ಸ್ಪರ್ಧಿ, ಅದೇನೆಂದು ಅರ್ಥ ಮಾಡಿಕೊಂಡು, ಅದರ ಚಿತ್ರ ಬಿಡಿಸಬೇಕು. ಆ ಬಳಿಕ ಆ ವಸ್ತು ಏನು ಎಂಬುದನ್ನು ಹೇಳಬೇಕು. ಈ ಟಾಸ್ಕ್‌ ಸಖತ್‌ ಫನ್‌ ಆಗಿತ್ತು.
ನಮ್ರತಾ ಅವರು ಚಿತ್ರವನ್ನು ಅಚ್ಚುಕಟ್ಟಾಗಿ ನಿಭಾಯಿಸಿದ್ದರೂ ಕಾಪಿ ಹೊಡೆಯೋದ್ರಲ್ಲೂ ಫೇಲಾದ್ರು ಸಂಗೀತಾ ಟೀಂ. ಮೊದಲಿಗೆ ನಮ್ರತಾ ಬಿಡಿಸಿದರೆ, ಡ್ರೋನ್‌ ಪ್ರತಾಪ್‌ ಬಳಿಕ ಬಿಡಿಸಬೇಕಿತ್ತು. ಆದರೆ ತುಕಾಲಿ ಮಾತ್ರ ಏನೇನೋ ಬಿಡಿಸಿ, ಸಿರಿ ಅವರಿಗೆ ಕನ್‌ಫ್ಯೂಸ್‌ ಮಾಡಿಸುತ್ತಿದ್ದರು.
ಇದನ್ನೂ ಓದಿ: BBK SEASON 10: ʻಸಿರಿʼಗೆ ಹೆಚ್ಚಿತು ಡಿಮ್ಯಾಂಡ್‌; ಬಿಡ್ಡಿಂಗ್ ಭರಾಟೆ ಜೋರು!
ಪ್ರತಿ ಬಾರಿ ತುಕಾಲಿ ಸಂತು ಅವರೇ ಚಿತ್ರ ಬಿಡಿಸಲು ಎಡವಿದ್ದು, ಪಾಯಿಂಟ್ಸ್‌ ಮಿಸ್ ಮಾಡಿಕೊಳ್ಳುವಂತೆ ಮಾಡಿದರು.
ಇದರಿಂದ ಬೇಸರಗೊಂಡ ಸಂಗೀತಾ, ‘ಸರಿಯಾಗಿ ಕಾಪಿ ಹೊಡೆಯೋಕೂ ಬರಲ್ವಲ್ಲಾ’ ಎಂದು ಹೇಳಿದರು. ಮುಂದೆ ನಿಂತಿರುವ ತಮ್ಮ ತಂಡದ ಮತ್ತೊಬ್ಬ ಸ್ಪರ್ಧಿಗೆ ಚಿತ್ರ ತೋರಿಸವಾಗ ಪ್ರತಿಸ್ಪರ್ಧಿಯಾದ ವಿನಯ್‌ ಅವರು ಬಿದ್ದು ಬಿದ್ದು ನಕ್ಕಿದ್ದಾರೆ.
ಒಟ್ಟಿನಲ್ಲಿ ತುಕಾಲಿ ಸಂತೋಷ್‌ ನೀಡಿದ ಮನರಂಜನೆ ಮಾತ್ರ ಸಖತ್‌ ಆಗಿತ್ತು ಎನ್ನುತ್ತಿದ್ದಾರೆ ಪ್ರೇಕ್ಷಕರು. ಬಿಗ್ಬಾಸ್ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ. ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಮೆಂಟ್ ಮೂಲಕ ತಿಳಿಸಿ