ಬೆಂಗಳೂರು: ಡ್ರೋನ್ ವಿಚಾರಕ್ಕೆ ಸಂಬಂಧಪಟ್ಟಂತೆ ಭಾರಿ ಟ್ರೋಲ್‌ಗೆ ಗುರಿಯಾಗಿದ್ದ ಡ್ರೋನ್ ಪ್ರತಾಪ್ ಬಿಗ್‌ ಬಾಸ್‌ ಮನೆಗೆ(BBK Season 10) ಎಂಟ್ರಿ ಕೊಟ್ಟಿದ್ದಾಗಿದೆ. ತಾನು ಏನು ಎಂಬುದನ್ನು ತಿಳಿಸುವ ಉದ್ದೇಶದಿಂದಲೇ ಬಿಗ್‌ ಬಾಸ್‌ ಶೋ ಆಯ್ಕೆ ಮಾಡಿಕೊಂಡಿದ್ದೇನೆ ಎಂದು ಹೇಳಿದ್ದಾರೆ. ಮನೆಯ ಹೊರಗಲ್ಲದೇ ಮನೆ ಒಳಗೂ ಡ್ರೋನ್ ಪ್ರತಾಪ್ ಆಗಾಗ ಡ್ರೋನ್ ವಿಚಾರವಾಗಿ ಸದಸ್ಯರ ಮಾತಿಗೆ ಗುರಿಯಾಗುತ್ತಲೇ ಇರುತ್ತಾರೆ. ಹಲವು ಬಾರಿ ತುಕಾಲಿ ಸಂತೋಷ್‌ ಅವರು ಡ್ರೋನ್ ಪ್ರತಾಪ್ ಅವರ ಕಾಲೆಳೆದಿದ್ದರು. ಇದೀಗ ಮತ್ತೆ ಮನೆಯ ಕೆಲವು ಸದಸ್ಯರು ಡ್ರೋನ್ ಪ್ರತಾಪ್ ಅವರಿಗೆ ಕೆಲವು ಪ್ರಶ್ನೆಯನ್ನು ಇಟ್ಟಿದ್ದಾರೆ.
ಬಿಗ್‌ ಬಾಸ್‌ ಹಂಚಿಕೊಂಡ ಪ್ರೋಮೊದಲ್ಲಿ ಸಂತೋಷ್‌ ಅವರು ʻʻಪ್ರತಾಪ್ ಮಾಡಿರುವ ಡ್ರೋನ್ ನೋಡಿದ್ದೀರಾ?ʼʼಎಂದು ಪ್ರಶ್ನೆ ಇಟ್ಟಿದ್ದಾರೆ. ಇದಾದ ಕೂಡಲೇ ತುಕಾಲಿ ಸಂತೋಷ್‌ ʻʻಎಷ್ಟು ದಪ್ಪ ಇರುತ್ತೆ ಅದು?ಡ್ರೋನ್ ಆಗುತ್ತಾ?ವಿಮಾನ ಆಗುತ್ತಾ? ಅಂಗಡಿಯಿಂದ ತೆಗೊಂಡು ಹೋಗಿ ಹಾರಿಸುತ್ತಾ ಇದ್ದಾರೆ. ಡ್ರೋನ್ ತೆಗೆದುಕೊಂಡು ಹೋಗಿ ಯಾರಿಗೆಲ್ಲ ಔಷಧಿ ಬೇಕು 600 ರೂ. ಕೊಟ್ಟು ಔಷಧಿ ಹೊಡಿಸುತ್ತಾರೆʼʼಎಂದರು. ಈ ವೇಳೆ ಸ್ನೇಹಿತ್‌ ಹಾಗೂ ಇನ್ನೊಬ್ಬ ಸಂತೋಷ್‌ ಬಿದ್ದು ಬಿದ್ದು ನಕ್ಕಿದ್ದಾರೆ. ಆಗ ಡ್ರೋನ್ ಪ್ರತಾಪ್ ಕಿಚನ್‌ ರೂಮ್‌ನಲ್ಲಿ ʻʻಇವೆಲ್ಲವನ್ನೂ ನಮ್ಮ ಆಫೀಸ್‌ನಲ್ಲಿ ಮಾತನಾಡೋಣ. ಆಫೀಸ್‌ಗೆ ಬನ್ನಿʼಎಂದಿದ್ದಾರೆ. ಈ ವೇಳೆ ಸಂತೋಷ್‌ ಹಾಗೂ ಪ್ರತಾಪ್ ನಡುವೆ ಮಾತಿನ ಚಕಮಕಿ ನಡೆದಿದೆ. ಈ ವೇಳೆ ಸ್ನೇಹಿತ್‌ ಮುಂದಾಗಿ ʻʻಸಂತೋಷ್‌ ಅವರು ತುಂಬ ನಿಧಾನವಾಗಿ ಹೇಳಿದ್ದು. ನಂಗೊಂದಿಷ್ಟು ಜನ ರೈತರು ಗೊತ್ತಿದ್ದಾರೆ. ನಿನ್ನ ಡ್ರೋನ್ ಡೋಂಗಿʼʼʼಎಂದರು. ಅದಕ್ಕೆ ಡ್ರೋನ್ ಪ್ರತಾಪ್ ʻಯಾರು ಡೋಂಗಿ ಮಾಡ್ತಾ ಇರೋದುʼʼ?ಎಂದಾಗ ಸ್ನೇಹಿತ್‌ ಅವರು ʻʻನೀವೆ ಡೋಂಗಿ ಮಾಡ್ತಾ ಇರೋದುʼʼಎಂದು ಡ್ರೋನ್ ಪ್ರತಾಪ್‌ಗೆ ಎದುರು ವಾದಿಸಿದ್ದಾರೆ.
ಇದನ್ನೂ ಓದಿ: BBK Season 10: ನಾಮಿನೇಶನ್‌ ಬಳಿಕ ಸ್ಪರ್ಧಿಗಳ ನಡುವೆ ಟೀಕೆಗಳ ಸುರಿಮಳೆ! ಗಳಗಳನೆ ಅತ್ತ ತನಿಷಾ!
ಮೊದಲ ದಿನವೇ ಗಟ್ಸ್ ಇದ್ರೆ ಕೇಸ್ ಹಾಕಿ ಎಂದು ಓಪನ್‌ ಚಾಲೆಂಜ್ ಮಾಡಿದ್ದ ಪ್ರತಾಪ್
ಪ್ರತಾಪ್ ಬಿಗ್‌ ಬಾಸ್‌ ಮನೆಯಲ್ಲಿ ʻʻಎಲ್ಲದಕ್ಕೂ ಒಂದು ಟೈಮ್ ಬೇಕು. ನನಗೆ ನನ್ನದೇ ಆದ ಒಂದು ಟೈಮ್ ಬೇಕು. ನಾನು ಮಾಡ್ತಿರುವ ಕೆಲಸವನ್ನು ಮುಂದುವರಿಸಿಕೊಂಡು ಹೋಗುತ್ತೇನೆ. ಮೊದಲು ಡ್ರೋನ್ ಎಲ್ಲಿ ಎಂದು ಕೇಳುತ್ತಿದ್ದರು. ಈಗ ಡ್ರೋನ್ ಇದೆ. ಆಮೇಲೆ ಪರ್ಮಿಷನ್ ಎಲ್ಲಿ ಅಂತ ಕೇಳುತ್ತಿದ್ದರು. ಆ ಪರ್ಮಿಷನ್ ಕೂಡ ಬಂದ್ಮೇಲೆ ಇನ್ನೊಂದೆಲ್ಲಿ ಅಂತ ಕೇಳ್ತಾರೆ. ನನ್ನ ಮೇಲೆ ಆರೋಪ ಇರೋದೇ ಟೆಕ್ನಿಕಲ್ ನಾಲೆಡ್ಜ್ ಮತ್ತು ಡ್ರೋನ್ ಮಾಡಿದ್ದಾರಾ, ಬಿಟ್ಟಿದ್ದಾರಾ ಅಂತ. ನನ್ನನ್ನ ಚಾಲೆಂಜ್ ಮಾಡುವ ಹಾಗಿದ್ದರೆ ಲೀಗಲ್ ಆಗಿ ಚಾಲೆಂಜ್ ಮಾಡಿ. ನಿಮಗೆ ಗಟ್ಸ್ ಇದ್ದರೆ ಕೇಸ್ ಫೈಲ್ ಮಾಡಿ ನನ್ನ ಮೇಲೆ! ನನ್ನ ಕನಸೇ ಇಲ್ಲಿ ಜಾಬ್ಸ್ ಕ್ರಿಯೇಟ್ ಮಾಡಬೇಕು, ಭಾರತವನ್ನ ಡ್ರೋನ್ ಹಬ್ ಆಗಿ ಮಾಡಬೇಕು ಎಂಬುದು. ಅದು ಬಿಟ್ಟು ನನಗೆ ಇನ್ನೇನೂ ಬೇಡ’’ ಎಂದು ಡ್ರೋನ್ ಪ್ರತಾಪ್ ಖಾರವಾಗಿ ಹೇಳಿದ್ದರು.ಜಿಯೋ ಸಿನಿಮಾದಲ್ಲಿ 24 ಗಂಟೆ ಈ ರಿಯಾಲಿಟಿ ಶೋ ನೋಡುವುದಕ್ಕೆ ಅವಕಾಶ ಮಾಡಿಕೊಡಲಾಗಿದೆ.