ಬೆಂಗಳೂರು: ಬಿಗ್ ಬಾಸ್ ಸೀಸನ್‌ 10ರ (BBK Season 10: ) ನಾಲ್ಕನೇ ವಾರ ನಾಮಿನೇಶನ್‌ ಪ್ರಕ್ರಿಯೆಯಲ್ಲಿ ಡ್ರೋನ್‌ ಪ್ರತಾಪ್ ಅವರು ತಮ್ಮ ಚಾಣಕ್ಯತನವನ್ನು ತೋರಿಸಿದ್ದಾರೆ. ಅಷ್ಟೇ ಅಲ್ಲದೇ ಸದಸ್ಯರೆಲ್ಲರೂ ಅವರ ಮೇಲೆ ಎರಗಿ ಎಷ್ಟೇ ಕಷ್ಟ ಕೊಟ್ಟರೂ ತಾನು ಏನು ಎಂಬುದನ್ನು ಈ ವಾರ ಸಾಬೀತು ಮಾಡಿದ್ದಾರೆ. ಅವರ ಬುದ್ಧಿವಂತಿಕೆ ನೋಡಿ ಪ್ರೇಕ್ಷಕರು ಫಿದಾ ಆಗಿದ್ದಾರೆ.
ಹಲವು ಹಂತಗಳಲ್ಲಿ ನಡೆದ ನಾಮಿನೇಶನ್‌ ಪ್ರಕ್ರಿಯೆ
ಈ ವಾರದ ನಾಮಿನೇಶನ್‌ ಪ್ರಕ್ರಿಯೆ ಹಲವು ಹಂತಗಳಲ್ಲಿ ನಡೆಯಿತು. ಮೊದಲ ಹಂತ ಈ ವಾರ ನಾಮಿನೇಶನ್‌ ಮಾಡುವ ಅಧಿಕಾರ ಎಲ್ಲರಿಗೂ ಇರುವುದಿಲ್ಲ ಎಂದು ಬಿಗ್ ಬಾಸ್ ಹೇಳಿದರು. ಇದರ ಅನುಸಾರ ಮನೆಯಲ್ಲಿ ಇರುವ ಬಲೂನ್‌ಗಳ ಪೈಕಿ ನಾಮಿನೇಶನ್‌ ಪಾಸ್ ಆಗಿತ್ತು. ಮೊದಲ ಬಸರ್‌ ಆದ ಕೂಡಲೇ ಕ್ಯಾಪ್ಟನ್‌ ನೀತು ಹೊರತುಪಡಿಸಿ ಮನೆಯ ಎಲ್ಲ ಸದಸ್ಯರು ಬಲೂನ್‌ಗಳನ್ನು ಒಡೆದು ನಾಮಿನೇಶನ್‌ ಪಾಸ್‌ಗಳನ್ನು ಹುಡುಕಬೇಕು. ಪಾಸ್ ಸಿಕ್ಕಾಗ ಬೇರೆಯವರು ಕಸಿದುಕೊಳ್ಳದಂತೆ ಜೋಪಾನ ಇಟ್ಟುಕೊಂಡು ನಂತರ ಮತ್ತೆ ಉಳಿದ ಪಾಸ್‌ಗಳನ್ನು ಹುಡಕಬೇಕು. ಎರಡನೇ ಬಸರ್‌ ಆದಾಗ ಮೊದಲ ಹಂತ ಮುಕ್ತಾಯಗೊಳ್ಳುತ್ತಿತ್ತು. ಈ ಹಂತದಲ್ಲಿ ಡ್ರೋನ್‌ ಪ್ರತಾಪ್ ನಾಲ್ಕು ಪಾಸ್‌ಗಳನ್ನು ಗೆದ್ದರು.
ಈ ಹಂತದಲ್ಲಿ ಪ್ರತಾಪ್ ತಾನೆಷ್ಟು ಚಾಲಾಕಿ ಎಂಬುದುನ್ನು ಸಾಬೀತು ಪಡಿಸಿದರು. ಅಷ್ಟೇ ಅಲ್ಲ ಮನೆಮಂದಿ ಕೂಡ ಮನೆ ತುಂಬೆಲ್ಲ ಇದ್ದ ಬಲೂನ್‌ಗಳನ್ನು ಸ್ಪರ್ಧಿಗಳು ಮುಗಿಬಿದ್ದು ಒಡೆದರು. ಆದರೆ ಪಾಸ್ ಪಡೆಯುವಲ್ಲಿ ಬಹುತೇಕರು ಸೋತರು. ಇನ್ನ ಕೆಲವರು ಬಲೂನ್‌ಗಳನ್ನು ಒಡೆಯುವುದೇ ಬಿಟ್ಟರು. ಇನ್ನೂ ಒಂದಿಷ್ಟು ಜನ ಬಲೂನ್‌ನಿಂದ ಪಾಸ್ ಆಚೆ ಬಿದ್ದರೂ, ಅದನ್ನು ನೋಡದೇ ಮೈಮರೆತರು. ಆದರೆ ಪ್ರತಾಪ್ ಬಿಟ್ಟು ಇನ್ಯಾರಿಗೂ ಸಿಕ್ಕಿರಲಿಲ್ಲ.
ಇದನ್ನೂ ಓದಿ: BBK Season 10: ಭಾಗ್ಯಶ್ರೀ ಔಟ್‌ ಅಂದ್ರೂ ತೆರೆಯಲಿಲ್ಲ ಬಾಗಿಲು; ಸುದೀಪ್ ಕೊಟ್ಟರು ಟ್ವಿಸ್ಟ್!
ಮೈಮೇಲೆ ಎರಗಿ ಪಾಸ್ ಕಸಿದುಕೊಂಡ ಕಾರ್ತಿಕ್
ತನಗೆ ಸಿಕ್ಕಿದ ಪಾಸ್ ಅನ್ನು ಕಿಸೆಯಲ್ಲಿಟ್ಟುಕೊಂಡು ಹೋಗುತ್ತಿದ್ದ ಪ್ರತಾಪ್ ಅವರನ್ನು ವಿನಯ್‌, ‘ಹೆಂಗಿರತ್ತೆ ನೋಡೋಣ ತೋರಿಸು’ ಎಂದು ಕೇಳಿದ್ದಾರೆ. ಆದರೆ ಪ್ರತಾಪ್ ಪಾಸ್ ಅನ್ನು ವಿನಯ್‌ ಕೈಗೆ ಕೊಟ್ಟಿಲ್ಲ. ಮಾತಿಗೆ ಮಾತು ಬೆಳೆದಿದೆ. ಮುಂದಿನ ದೃಶ್ಯದಲ್ಲಿ ಕಾರ್ತಿಕ್, ಸ್ನೇಹಿತ್ ಎಲ್ಲರೂ ಪ್ರತಾಪ್ ಮೈಮೇಲೆ ಮುಗಿಬಿದ್ದು ಅವರಿಂದ ಪಾಸ್ ಕಸಿಯಲು ಯತ್ನಿಸುತ್ತಿರುವ ದೃಶ್ಯವಿದೆ. ಎಲ್ಲರ ನಡುವೆ ಸಿಲುಕಿ ಒದ್ದಾಡುತ್ತಿರುವ ಪ್ರತಾಪ್ ಕಿರುಚಾಡುತ್ತಿದ್ದಾರೆ. ಬಲವಂತವಾಗಿ ಅವರ ಬಳಿ ಇದ್ದ ಒಂದು ಪಾಸ್ ಅನ್ನು ಕಿತ್ತುಕೊಂಡರು. ಆಗ ಕಾರ್ತಿಕ್‌ಗೆ ಮೈಕೆಲ್‌ ಸಾಥ್ ನೀಡಿದರು.
ಪರಾಕ್ರಮ ತೋರಿಸಿದ ಪ್ರತಾಪ್
ಬಳಿಕ ಪ್ರತಾಪ್ ತಮ್ಮಲ್ಲಿರುವ ನಾಲ್ಕು ಪಾಸ್‌ಗಳನ್ನು ಮನೆಯ ಸದಸ್ಯರಿಗೆ ತೋರಿಸಿದರು. ಅಷ್ಟೇ ಅಲ್ಲದೇ ಮನೆಮಂದಿ ತನ್ನನ್ನು ಎಲ್ಲಿ ಅಟ್ಯಾಕ್‌ ಮಾಡುತ್ತಾರೋ ಎಂದು ತಿಳಿದು ಪ್ರತಾಪ್ ಒಂದು ಪಾಸ್ ಅನ್ನು ಮಾತ್ರ ಜೇಬಿನಲ್ಲಿ ಇಟ್ಟುಕೊಂಡು, ಉಳಿದ ಮೂರು ಪಾಸ್‌ಗಳನ್ನು ಮೈಕ್‌ನಲ್ಲಿ ಸೇಫ್‌ ಆಗಿ ಇಟ್ಟಿದ್ದರು. ಇದಾದ ಬಳಿಕೆ ಕೆಲವರು ಪ್ರತಾಪ್‌ಗೆ ಮೆಚ್ಚುಗೆ ಸೂಚಿಸಿದರೆ, ಇನ್ನೂ ಕೆಲವರು ಹೊಟ್ಟೆಕಿಚ್ಚು ಪಟ್ಟುಕೊಂಡರು. ಇದಾದ ಬಳಿಕ ಕಾರ್ತಿಕ್ ತಮ್ಮಲ್ಲಿರುವ ಒಂದು ಪಾಸ್ ಅನ್ನು ಪ್ರತಾಪ್ ಜೇಬಿನಿಂದ ಕದ್ದಿರುವುದಾಗಿ ತೋರಿಸಿದರು.
ಸ್ಪರ್ಧಿಗಳಿಗೆ ಪ್ರಶ್ನೆ ಇಟ್ಟ ಬಿಗ್ ಬಾಸ್
ʻʻವಿನಯ್‌ ನಿಮಗೆ ಚಟುವಟಿಕೆ ನಡುವೆ ಬಲೂನ್‌ಗಳನ್ನು ಒಡೆಯುವಾಗ ಅವುಗಳಲ್ಲಿ ಪಾಸ್‌ಗಳು ಇಲ್ವೇ ಇಲ್ಲ ಎಂದು ಅಂದುಕೊಂಡ್ರಾ? ವಿನಯ್‌, ಸ್ನೇಹಿತ್ ಹಾಗೂ ಸಂಗೀತಾ ಪಾಸ್‌ಗಳು ಇದ್ದ ಬಲೂನ್‌ಗಳನ್ನು ಒಡೆದ್ರಿ. ಗಮನ ಕೊಡದೇ ಅದು ಬೇರೆಯವರ ಪಾಲಾಯ್ತುʼʼ ಎಂದರು. ಪ್ರತಾಪ್ ಮೂರು, ಕಾರ್ತಿಕ್ ಒಂದು ಪಾಸ್ ಪಡೆದರು.
ಇದನ್ನೂ ಓದಿ: BBK Season 10: ಡ್ರೋನ್‌ ಪ್ರತಾಪ್ ಮೇಲೆ ಸ್ಪರ್ಧಿಗಳ ದಾದಾಗಿರಿ; ಕೈಗೆ ಚೀಟಿ ಸಿಕ್ಕಿದ್ದೇ ತಪ್ಪಾಯ್ತಾ?
ಎರಡನೇ ಹಂತ
ʻʻಈ ವಾರ ನಾಮಿನೇಶನ್‌ ಮಾಡುವ ಅಧಿಕಾರ ಕೇವಲ ಎಂಟು ಸದಸ್ಯರಿಗೆ ಮಾತ್ರ ಇತ್ತು. ಕಾರ್ತಿಕ್ ಬಳಿ ಒಂದು ಪಾಸ್ ಇದೆ. ಮನೆಯ ಕ್ಯಾಪ್ಟನ್‌ ನೀತು ಹೊರತು ಪಡಿಸಿ ನಾಮಿನೇಶನ್‌ ಮಾಡುವ ಅಧಿಕಾರ ಒಬ್ಬರಿಗೆ ಕೊಡಬಹುದು ಎಂದು ಬಿಗ್ ಬಾಸ್ ಹೇಳಿದರು. ಪ್ರತಾಪ್‌ಗೆ ಬಿಗ್ ಬಾಸ್ ಎರಡು ಆಯ್ಕೆಗಳನ್ನು ನೀಡಿದರು. ಆಯ್ಕೆ ಒಂದು, ಮೂರು ಪಾಸ್‌ಗಳ ಪೈಕಿ ಒಂದನ್ನು ನಿಮಗೆಂದು ಇರಿಸಿಕೊಂಡು ಉಳಿದ ಸದಸ್ಯರ ಪೈಕಿ ಒಬ್ಬರಿಗೆ ನಾಮಿನೇಟ್‌ ಮಾಡುವ ಅಧಿಕಾರವನ್ನು ನೀಡಬೇಕು. ಉಳಿದ ಎರಡು ಪಾಸ್‌ಗಳನ್ನು ನೀತು ಹಾಗೂ ಕಾರ್ತಿಕ್ ಅವರನ್ನು ಹೊರತುಪಡಿಸಿ ಉಳಿದವರ ಪೈಕಿ ಇಬ್ಬರಿಗೆ ಪಾಸ್ ಹಸ್ತಾಂತರಿಸಬಹುದು. ನಿಮ್ಮಿಂದ ಪಾಸ್ ಪಡೆದ ಸದಸ್ಯರು ತಮ್ಮ ಇಚ್ಛೆಯ ಒಬ್ಬೊಬ್ಬರಿಗೆ ನಾಮಿನೇಟ್‌ ಮಾಡುವ ಅಧಿಕಾರ ನೀಡಬೇಕುʼʼ ಎಂದರು.
ಆಯ್ಕೆ ಎರಡು, ನೀವು ಪಡೆದಿರುವ ಮೂರು ಪಾಸ್‌ಗಳನ್ನು ನಿಮ್ಮ ಬಳಿಯೇ ಇರಿಸಿಕೊಂಡು ಐದು ಸದಸ್ಯರಿಗೆ ನೀವು ನಾಮಿನೇಶನ್‌ ಮಾಡುವ ಅಧಿಕಾರ ಕೊಡಬೇಕು. ಇದಾದ ಬಳಿಕ ವಿನಯ್‌, ಮೈಕಲ್‌, ಸಂತು ಅವರೆಲ್ಲರೂ ಬಲವಂತವಾಗಿ ಪಾಸ್ ಒಂದನ್ನು ಡ್ರೋನ್‌ ಅವರಿಂದ ಕಸಿದುಕೊಂಡರು. ಇದಾದ ಬಳಿಕ ಬಿಗ್ ಬಾಸ್ ಮತ್ತೆ ಅನೌನ್ಸ್‌ ಮಾಡಿದರು. ʻʻಈಗಾಗಲೇ ಘೋಷಿಸಿದ್ದಾಗಿದೆ, ಒಂದು ವೇಳೆ ಪಾಸ್ ಬೇಕಾದರೆ ವಾರಸುದಾರರಿಗೆ ಹಿಂತಿರುಗಿಸಬೇಕುʼʼ ಎಂದು ಬಿಗ್ ಬಾಸ್ ಆದೇಶ ನೀಡಿದರು.
ಯಾರೆಲ್ಲ ಅಧಿಕಾರ ಪಡೆದುಕೊಂಡ್ರು?
ಇದರಂತೆ ಕಾರ್ತಿಕ್ ಅವರು ಮೈಕಲ್‌ ಅವರಿಗೆ ನಾಮಿನೇಶನ್‌ ಮಾಡುವ ಅಧಿಕಾರವನ್ನು ನೀಡಿದರು. ಕಾರಣವನ್ನು ನೀಡಿ ʻʻನನಗೆ ಈ ಪಾಸ್ ತೆಗೆದುಕೊಳ್ಳಲು ಮೈಕಲ್‌ ಸಹಾಯ ಮಾಡಿದರು. ಅವರ ನಿರ್ಧಾರ ಕೂಡ ಅನ್‌ಬೈಯಾಸ್ಡ್‌ ಆಗಿರುತ್ತೆʼʼ ಎಂದರು.
ಪ್ರತಾಪ್ ಎರಡು ಆಯ್ಕೆಯಲ್ಲಿ ಎರಡನೇ ಆಯ್ಕೆ ಮಾಡಿಕೊಂಡರು. ʻʻನಮ್ರತಾʼʼ ಅವರನ್ನು ಮೊದಲಿಗೆ ಸೆಲೆಕ್ಟ್‌ ಮಾಡಿದರು. ಮೊದಲ ದಿನದಂದಲೂ ನನಗೆ ಸಪೋರ್ಟ್‌ ಮಾಡಿದ್ದಾರೆ. ಸಂಗೀತಾ ಅವರಿಗೂ ನಾಮಿನೇಟ್‌ ಮಾಡುವ ಅಧಿಕಾರ ನೀಡಿದರು. ಬಳಿಕ ಸಿರಿ, ತನಿಷಾ, ಭಾಗ್ಯಶ್ರೀ ಅವರಿಗೆ ನಾಮಿನೇಟ್‌ ಮಾಡಲು ಅಧಿಕಾರ ನೀಡಿದರು.
ಈ ಮೂಲಕ ಈ ವಾರ ನಾಮಿನೇಶನ್‌ ಮಾಡಲು ಆಧಿಕಾರ ಹೊಂದಿದವರು ಪ್ರತಾಪ್, ಕಾರ್ತಿಕ್, ಮೈಕಲ್‌, ನಮ್ರತಾ, ಸಂಗೀತಾ, ಸಿರಿ, ತನಿಷಾ, ಭಾಗ್ಯಶ್ರೀ ಆದರು.
ಬಿಗ್ಬಾಸ್ ಕನ್ನಡ ಕಲರ್ಸ್ ವಾಹಿನಿಯಲ್ಲಿ ಪ್ರತಿರಾತ್ರಿ 9:30ಕ್ಕೆ ಹಾಗೂ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.