ಬೆಂಗಳೂರು: ಡ್ರೋನ್ ಪ್ರತಾಪ್‌ ಅವರು ಇದೀಗ ಫಿನಾಲೆ (BBK SEASON 10) ಹಂತಕ್ಕೆ ತಲುಪಿದ್ದಾರೆ. ʻಬಿಗ್ ಬಾಸ್ʼ ಮನೆಯೊಳಗೆ ಬರವುದಕ್ಕೂ ಮುಂಚೆ ಡ್ರೋನ್ ಪ್ರತಾಪ್‌ ಅವರು ಡ್ರೋನ್ ವಿಚಾರವಾಗಿ ಸಾಕಷ್ಟು ಟ್ರೋಲ್‌ಗೆ ಗುರಿಯಾಗಿದ್ದರು. ಮಾಧ್ಯಮಗಳಿಲ್ಲಯೂ ಸಾಕಷ್ಟು ಚರ್ಚೆಯಲ್ಲಿದ್ದವರು. ಹೀಗಿರುವಾಗಲೇ ‘ಬಿಗ್ ಬಾಸ್’ ಮನೆಯಲ್ಲಿ ಪ್ರೆಸ್‌ ಮೀಟ್‌ ನಡೆದಿದೆ. ಪತ್ರಕರ್ತ ಕಿರಿಕ್ ಕೀರ್ತಿ ಮತ್ತು ‘ಗಿಚ್ಚಿ ಗಿಲಿಗಿಲಿ 2’ ರನ್ನರ್‌ ಅಪ್‌, ಪತ್ರಕರ್ತೆ ಜಾಹ್ನವಿ ಸ್ಪರ್ಧಿಗಳಿಗೆ ಪ್ರಶ್ನೆಗಳನ್ನು ಇಟ್ಟರು. ಈ ವೇಳೆ ತಮ್ಮ ಹಳೆಯ ವಿವಾದದ ಕುರಿತು ಡ್ರೋನ್ ಪ್ರತಾಪ್‌ ಅವರು ತಲೆಬಾಗಿ ಕ್ಷಮೆ ಕೇಳಿದ್ದಾರೆ.
ಡ್ರೋನ್ ಪ್ರತಾಪ್‌ ಅವರು ಮನೆಗೆ ಎಂಟ್ರಿ ಕೊಟ್ಟ ಕೂಡಲೇ ಉಳಿದ ಕೆಲವು ಸ್ಪರ್ಧಿಗಳಿಂದ ಅಪಹಾಸ್ಯಕ್ಕೆ ಗುರಿಯಾಗಿದ್ದರು. ಈ ಬಗ್ಗೆ ಕಿಚ್ಚ ಕೂಡ ಟೀಕೆ ಮಾಡಿದವರಿಗೆ ಕ್ಲಾಸ್‌ ತೆಗೆದುಕೊಂಡಿದ್ದರು. ʻಕಿಚ್ಚನ ಚಪ್ಪಾಳೆʼ ಸಿಕ್ಕಾಗ, ತಾನು ಹೊರಗಡೆ ಆಡಿದ ಮಾತುಗಳಿಗೆ, ಮಾಡಿದ ತಪ್ಪಿಗೆ ಕ್ಷಮೆ ಕೇಳಿದ್ದರು. ಈಗ ಮತ್ತೊಮ್ಮೆ ಕರ್ನಾಟಕ ಜನರ ಕ್ಷಮೆ ಕೇಳಿ ಮನವಿಯೊಂದನ್ನು ಮಾಡಿದ್ದಾರೆ. ಡ್ರೋನ್ ಪ್ರತಾಪ್‌ಗೆ ಜಾಹ್ನವಿ ಅವರು ಪ್ರಶ್ನೆ ಕೇಳಿ ʻʻ’ಹೊರಗೆ ಒಂದಷ್ಟು ಕಾಂಟ್ರವರ್ಸಿಗಳಾದವು. ಕನ್‌ಫೆಸ್‌ ಮಾಡಿಕೊಳ್ಳಲು ನಿಮಗೆ ‘ಬಿಗ್ ಬಾಸ್’ಗಿಂತ ಒಂದೊಳ್ಳೆ ವೇದಿಕೆ ಸಿಗಲ್ಲ. ನಿಮ್ಮ ಆಟವನ್ನ ನೋಡಿದರೆ,ಇಲ್ಲಿಯವರೆಗೂ ಎಲ್ಲೂ ‘’ನನ್ನಿಂದ ತಪ್ಪಾಗಿದೆ. ನನ್ನನ್ನ ಕ್ಷಮಿಸಿ. ಹೊರಗಡೆ ಬಂದ್ಮೇಲೆ ಬದಲಾಗ್ತೀನಿ’’ ಸ್ಪಷ್ಟವಾಗಿ ಹೇಳಿಲ್ವಲ್ಲ? ಎಂದು ಕೇಳಿದರು.
ಇದನ್ನೂ ಓದಿ: BBK SEASON 10: ದೊಡ್ಮನೆಯಿಂದ ಹೊರ ಬಂದ ಡ್ರೋನ್ ಪ್ರತಾಪ್‌?
ತಲೆ ಬಾಗಿ ಕ್ಷಮೆ ಕೇಳಿದ ಪ್ರತಾಪ್‌
ʻಕಿಚ್ಚ ಸುದೀಪ್‌ ಸರ್‌ ನನಗೆ ಚಪ್ಪಾಳೆ ಕೊಟ್ಟಾಗ ಕೂಡ ನಾನು ಕ್ಷಮೆ ಕೇಳಿದ್ದೆ. ನಾನು ಆಡಿದ ಮಾತುಗಳಿಗೆ ಕ್ಷಮೆ ಕೇಳಬೇಕು ಅಂದರೆ ಇಲ್ಲೇ ಎದ್ದು ನಿಂತು ಕೇಳ್ತೀನಿ. ಅದಕ್ಕೇನು ನನಗೆ ಬೇಸರವಿಲ್ಲ’’ ಎಂದರು ಪ್ರತಾಪ್‌.
‘’ನಾಡಿನ ಜನತೆಗೆ ನಾನು ಮಾಡಿರುವ, ಆಡಿರುವ ಕೆಲವು ಮಾತುಗಳಿಂದ. ಹೌದು ಕೆಲವು ಮಾತುಗಳನ್ನ ಹೇಳಿದ್ದೀನಿ. ನನ್ನಿಂದ ತಪ್ಪಾಗಿದೆ. ನಾನು ತಲೆಬಗ್ಗಿಸಿ ಕ್ಷಮೆ ಕೇಳ್ತೀನಿ. ನಾನೂ ಒಬ್ಬ ಮನುಷ್ಯನಾಗಿ ಹೊರಗಡೆ ಬದುಕುವುದಕ್ಕೆ, ನನ್ನ ಸಂಸ್ಥೆಯನ್ನ ಬೆಳೆಸೋದಕ್ಕೆ, ಒಂದು ಸಣ್ಣ ಕೆಲಸ ಏನು ಮಾಡುತ್ತ ಇದ್ದೇನೆ. ಅದನ್ನು ಮುಂದುವರಿಸೋದಕ್ಕೆ ಒಂದು ಅವಕಾಶ ಕೊಟ್ಟಿದ್ದೀರಾ. ಮುಂದೆಯೂ ಕೊಡ್ತಿರಾ ಎಂದು ಭಾವಿಸುತ್ತಾ ತಲೆಬಾಗಿ ಕ್ಷಮೆ ಕೇಳ್ತಾ ಇದ್ದೀನಿ’’ ಎಂದು ಪ್ರತಾಪ್‌ ಕ್ಷಮೆಯಾಚಿಸಿದರು.
ಇದಾದ ಬಳಿಕ ಕಿರಿಕ್ ಕೀರ್ತಿ ಅವರು ಪ್ರತಾಪ್‌ ವಿಚಾರವಾಗಿ ವಿನಯ್‌ ಅವರಿಗೆ ಪೆಶ್ನೆ ಇಟ್ಟರು. ʻʻಹೊರಗಡೆ ನನ್ನ ಫ್ಯಾಮಿಲಿ ಇದೆ ಎಂದು ಅದಷ್ಟೋ ಬಾರಿ ಹೇಳುತ್ತೀರಾ. ಅದೇ ರೀತಿ ಪ್ರತಾಪ್‌ ಬಗ್ಗೆ ಮಾತನಾಡುವಾಗ ಅವರಿಗೆ ಒಂದು ಫ್ಯಾಮಿಲಿ ಇರುತ್ತೆ ಎಂದು ಯೋಚನೆ ಮಾಡಿಲ್ವಾ?ʼʼಎಂದು ಕೇಳಿದರು. ಈ ಬಗ್ಗೆ ವಿನಯ್‌ ಅವರು ಉತ್ತರ ನೀಡಿ ʻʻಪ್ರತಾಪ್‌ ವಿಚಾರವಾಗಿ ನಾನು ತಪ್ಪು ಮಾತನಾಡಿಲ್ಲ. ಪ್ರತಾಪ್‌ ಕೊಟ್ಟಿರುವ ಕೆಲವು ತಪ್ಪು ಮಾತುಗಳು, ಸ್ಟೇಟ್‌ಮೆಂಟ್‌ಗಳು ತಪ್ಪು ಎನಿಸಿದಾದ ನಾನು ಪ್ರಶ್ನೆ ಮಾಡಿದ್ದೀನಿ. ಅವರನ್ನು ಕೆಳಗೆ ಹಾಕಿ ಹೊರಗಿನ ವಿಷಯಗಳನ್ನ ಮಾತಾಡಿಲ್ಲʼʼಎಂದರು.
ಬಿಗ್ಬಾಸ್ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಮೆಂಟ್ ಮೂಲಕ ತಿಳಿಸಿ