Site icon Vistara News

BBK SEASON 10: ರಾಷ್ಟ್ರೀಯ ಟ್ರೆಂಡ್​ನಲ್ಲಿ ರಾರಾಜಿಸಿದ ʻಪ್ರತಾಪ್‌ʼ ಹೆಸರು ; ಟ್ವಿಟರ್‌ನಲ್ಲಿ ಡ್ರೋನ್‌ ಹವಾ!

Yashaswi Devadiga
Drone Prathap Name India Top Trending twitter

ಬೆಂಗಳೂರು: ಬಿಗ್‌ ಬಾಸ್‌ ಸೀಸನ್‌ 10ರಲ್ಲಿ ಡ್ರೋನ್‌ ಪ್ರತಾಪ್‌ ಅವರು ಪ್ರಬಲ ಸ್ಪರ್ಧಯಾಗಿರುವುದು ಗೊತ್ತೇ ಇದೆ. ಡ್ರೋನ್‌ ಪ್ರತಾಪ್‌ ಅವರು ಮನೆಯ ಹೊರಗೆ ಹಾಗೂ ಒಳಗೆ ವೈಯಕ್ತಿಕ ವಿಚಾರಗಳಲ್ಲಿ ಸುದ್ದಿಯಾಗಿದ್ದರು. ಈಗಾಗಲೇ ಆಸ್ಪತ್ರೆಯಿಂದ ಡಿಸ್ಚಾರ್ಚ್‌ ಆಗಿ ಬಂದಿದ್ದಾರೆ. ಬರಬರುತ್ತಲೇ ವಿನಯ್‌ ಅವರಿಗೆ ತಮ್ಮ ಖಡಕ್‌ ಮಾತುಗಳಿಂದ ಕಿಚ್ಚನ ಮುಂದೆ ಬೆವರು ಇಳಿಸಿದ್ದಾರೆ. ಆದರೀಗ ಅವರ ಫ್ಯಾನ್ಸ್‌ಗೆ ಗುಡ್‌ ನ್ಯೂಸ್‌ ಒಂದಿದೆ. ಜ.6ರಂದು ಈಗ ಡ್ರೋನ್ ಪ್ರತಾಪ್ ಹೆಸರು ಟ್ವಿಟರ್‌ನಲ್ಲಿ ಟ್ರೆಂಡ್ ಆಗಿದೆ. ಭಾರತದ ಟ್ರೆಂಡ್​ನಲ್ಲಿ ಪ್ರತಾಪ್ ಹೆಸರು ಕೂಡ ಇದೆ. ಟ್ವಿಟರ್​ನಲ್ಲಿ 26 ಸಾವಿರಕ್ಕೂ ಅಧಿಕ ಟ್ವೀಟ್​ಗಳನ್ನು ಮಾಡಲಾಗಿದೆ. ‘We Love Drone Prathap’ ಎನ್ನುವ ಟ್ರೆಂಡ್ ಆಗಿದೆ.

ಡ್ರೋನ್‌ ಪ್ರತಾಪ್‌ ಅವರು ಡ್ರೋನ್‌ ವಿಚಾರವಾಗಿ ಸಾಕಷ್ಟು ಸುದ್ದಿಯಲ್ಲಿದ್ದರು. ಬಿಗ್‌ ಬಾಸ್‌ ಮನೆಗೆ ಬಂದ ಬಳಿಕ ಅವರದ್ದೇ ಆದ ಫ್ಯಾನ್ಸ್‌ ಹುಟ್ಟಿಕೊಂಡರು. ಅವರ ಆಟದ ವೈಖರಿ ಬಹಳಷ್ಟು ಜನರಿಗೆ ಸೇರಿತು. ಮಾತ್ರವಲ್ಲ, ಇದೀಗ ಪ್ರತಾಪ್‌ ಅವರ ಹೆಸರಲ್ಲಿ ಫ್ಯಾನ್‌ ಪೇಜ್‌ಗಳು ಶುರುವಾಗಿವೆ. ಅನಾರೋಗ್ಯದ ಕಾರಣ ಆಸ್ಪತ್ರೆ ಸೇರಿದ್ದ ಪ್ರತಾಪ್ ಅವರು ಬಿಗ್ ಬಾಸ್‌ಗೆ ಕಮ್‌ಬ್ಯಾಕ್‌ ಆಗಿದ್ದಾರೆ. ಈ ಬೆನ್ನಲ್ಲೇ ಅವರ ಹೆಸರು ಟ್ವಿಟರ್​ನಲ್ಲಿ ಟ್ರೆಂಡ್ ಆಗಿದೆ.

ಇದನ್ನೂ ಓದಿ: BBK SEASON 10: ವಿನಯ್‌ ಜತೆ ಇದ್ದವರೆಲ್ಲ ಮನೆಗೆ ಸೆರ್‌ಕೊಂಡ್ರು; ಪ್ರತಾಪ್‌ ಮಾತಿಗೆ ʻಭೇಷ್‌ʼ ಅಂದ್ರು ಪ್ರೇಕ್ಷಕರು!

ಪ್ರತಾಪ್‌ ಅವರು ಕಳೆದ ಎರಡು ದಿನಗಳಿಂದ ಅವರು ಸರಿಯಾಗಿ ಆಹಾರ ಸೇವಿಸಿರಲಿಲ್ಲ ಎನ್ನಲಾಗಿತ್ತು. ಫುಡ್ ಪಾಯ್ಸನ್ ಆಗಿದೆ ಎನ್ನಲಾಗಿತ್ತು. ಇದಕ್ಕೆ ವೈದ್ಯರು ಸ್ಪಷ್ಟನೆ ನೀಡಿದ್ದರು. ಬಿಗ್‌ ಬಾಸ್‌ ಸೀಸನ್‌ 10ರ ಫಿನಾಲೆ ಜನವರಿ 27, 28ರಂದು ಫಿನಾಲೆ ನಡೆಯಲಿದೆ ಎಂದು ಹೇಳಲಾಗುತ್ತಿದೆ. ಈ ವಾರ ಐದು ಮಂದಿ ನಾಮಿನೇಟ್‌ ಆಗಿದ್ದಾರೆ. ಮೈಕಲ್ ಅಜಯ್, ಕಾರ್ತಿಕ್, ಡ್ರೋನ್ ಪ್ರತಾಪ್, ತುಕಾಲಿ ಸಂತೋಷ್, ವರ್ತೂರು ಸಂತೋಷ್ (Varthur Santosh) ನಾಮಿನೇಟ್ ಆಗಿದ್ದಾರೆ. ಇವರಲ್ಲಿ ಒಬ್ಬರು ಎಲಿಮಿನೇಟ್ ಆಗಲಿದ್ದಾರೆ. ಇನ್ನು ನಾಮಿನೇಷನ್‌ ಬಗ್ಗೆ ತುಕಾಲಿ ಹಾಗೂ ವರ್ತೂರ್‌ ಸಖತ್‌ ಚರ್ಚೆಗಳನ್ನು ಮಾಡಿದ್ದಾರೆ.ಗೂ ವರ್ತೂರ್‌ ಸಖತ್‌ ಚರ್ಚೆಗಳನ್ನು ಮಾಡಿದ್ದಾರೆ.

ಬಿಗ್​ಬಾಸ್ ಜಿಯೋ ಸಿನಿಮಾಸ್​ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.

ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಮೆಂಟ್ ಮೂಲಕ ತಿಳಿಸಿ

Exit mobile version