ಬೆಂಗಳೂರು: ಹಲವು ವಿಶೇಷತೆಗಳೊಂದಿಗೆ ಆರಂಭವಾದ ʻಬಿಗ್ಬಾಸ್ ಕನ್ನಡ ಸೀಸನ್‌ʼ 10 (BBK SEASON 10) ರೋಚಕ ಘಟ್ಟ ತಲುಪಿದೆ. ಇನ್ನು ಕೆಲವೇ ದಿನಗಳಲ್ಲಿ ಸ್ಪರ್ಧೆಯ ಫಿನಾಲೆ ನಡೆಯಲಿದೆ. ಈ ಬಾರಿಯ ಟಾಸ್ಕ್‌ನಲ್ಲಿ ಗೆದ್ದು ವಾರದ ಕೊನೆಯಲ್ಲಿ ಅತಿ ಹೆಚ್ಚು ಅಂಕಗಳನ್ನು ಗಳಿಸುವ ಸ್ಪರ್ಧಿ ಫಿನಾಲೆ ವಾರಕ್ಕೆ ನೇರವಾಗಿ ಟಿಕೆಟ್‌ ಪಡೆಯುತ್ತಾರೆ ಎಂದು ಬಿಗ್ಬಾಸ್ ತಿಳಿಸಿದ್ದಾರೆ. ಇದನ್ನು ʼಟಿಕೆಟ್‌ ಟು ಫಿನಾಲೆʼ ಎಂದು ಕರೆಯಲಾಗಿದೆ. ಇದನ್ನು ಪಡೆದಿದ್ದು ಡ್ರೋನ್ ಪ್ರತಾಪ್ ಎನ್ನಲಾಗಿದೆ. ಪ್ರತಾಪ್ ಅವರದ್ದು 280 ಅಂಕ ಹಾಗೂ ಸಂಗೀತಾ ಅವರಿಗೆ 260 ಅಂಕ ಇತ್ತು. ಈ ಸಂದರ್ಭದಲ್ಲಿ ಅವರು ಸಂಗೀತಾ ಅವರನ್ನು ಟಾಸ್ಕ್‌ನಿಂದ ಹೊರಗೆ ಇಟ್ಟಿದ್ದಾರೆ.
ಇದು ಬಿಗ್ ಬಾಸ್ ನೀಡುವ ಕೊನೆಯ ಟಾಸ್ಕ್. ಉಳಿದ ಯಾವುದೇ ಸ್ಪರ್ಧಿಗೆ 100 ಅಂಕ ಸಿಕ್ಕರೂ ಅತಿ ಹೆಚ್ಚು ಅಂಕ ಡ್ರೋನ್ ಪ್ರತಾಪ್ದೇ ಆಗಿರುತ್ತದೆ. ಸಂಗೀತಾ ಅವರನ್ನು ಹೊರಗಿಟ್ಟ ನಿರ್ಧಾರದಿಂದ ಪ್ರತಾಪ್ ಹಾಗೂ ಸಂಗೀತಾ ಮಧ್ಯೆ ಇರುವ ಗೆಳೆತನ ಕೊನೆಯಾಗುವ ಸಾಧ್ಯತೆ ಹೆಚ್ಚಿದೆ. ಈ ಪ್ರೋಮೊ ಕಲರ್ಸ್‌ ಕನ್ನಡ ವಾಹಿನಿ ಹಂಚಿಕೊಂಡಿದೆ.
ಟಾಸ್ಕ್‌ನಿಂದ ಡ್ರೋನ್ ಪ್ರತಾಪ್ ಅವರು ಸಂಗೀತಾ ಅವರನ್ನು ಹೊರಗೆ ಇಟ್ಟರು. ʻʻಈಗ ನಾನು ಸಮಯೋಚಿತ ಬುದ್ಧಿ ಉಪಯೋಗಿಸಿ ಹೊರಗೆ ಇಟ್ಟಿಲ್ಲ ಎಂದರೆ, ಇನ್ನು ಯಾವಾಗಲೂ ಸಾಧ್ಯವಿಲ್ಲ ಆಗುತ್ತದೆʼʼಎಂದು ಕಾರಣ ಕೊಟ್ಟರು. ಇದು ಸಂಗೀತಾ ಅವರ ಬೇಸರಕ್ಕೆ ಕಾರಣವಾಗಿದೆ. ʻಇಲ್ಲಿಗೆ ನನ್ನ ಸಪೋರ್ಟ್‌ ಪ್ರತಾಪ್‌ಗೆ ಮುಗಿಯಿತುʼʼ ಎಂದು ಸಂಗೀತಾ ಹೇಳಿದ್ದರೆ. ಡ್ರೋನ್ ಪ್ರತಾಪ್ ಆಟಕ್ಕೆ ಕೆಲವರು ಮೆಚ್ಚಿಗೆ ಸೂಚಿಸಿದರೆ, ಇನ್ನೂ ಕೆಲವರು ವಿರೋಧ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: BBK SEASON 10: ʻಬಿಗ್ ಬಾಸ್ʼ ಮನೆಗೆ ಕಂಟಕ; ಅನುಮತಿ ಇಲ್ಲದೇ ನಿರ್ಮಾಣವಾಯ್ತಾ ಕಟ್ಟಡ?
ಈ ವಾರ ಡ್ರೋನ್ ಪ್ರತಾಪ್ ಕೂಡ ಟಾಸ್ಕ್‌ಗಳನ್ನು ಚೆನ್ನಾಗಿ ನಿಭಾಯಿಸಿದ್ದಾರೆ. ತುಕಾಲಿ ಸಂತು, ತನಿಷಾ ಕುಪ್ಪುಂಡ, ಕಾರ್ತಿಕ್‌ ಮಹೇಶ್‌, ವರ್ತೂರ್‌ ಸಂತೋಷ್‌, ನಮ್ರತಾ ಗೌಡ, ವಿನಯ್‌ ಗೌಡ, ಡ್ರೋನ್ ಪ್ರತಾಪ್ ಮತ್ತು ಸಂಗೀತಾ ಶೃಂಗೇರಿ ಪೈಕಿ ಯಾರು ನೇರವಾಗಿ ಟಿಕೆಟ್‌ ಪಡೆಯುತ್ತಾರೆ ಎನ್ನುವ ಕುತೂಹಲ ನೋಡುಗರಲ್ಲಿ ಇತ್ತು. ಇಂದಿನ ಸಂಚಿಕೆಯಲ್ಲಿ ಈ ಬಗ್ಗೆ ವೀಕ್ಷಕರಿಗೆ ತಿಳಿಯಲಿದೆ.
ಬಿಗ್ಬಾಸ್ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಮೆಂಟ್ ಮೂಲಕ ತಿಳಿಸಿ