ಬೆಂಗಳೂರು: ಬಿಗ್ ಬಾಸ್ ಸೀಸನ್‌ 10ರ (BBK SEASON 10) 9ನೇ ವಾರ ಕಾರ್ತಿಕ್ ಅವರಿಗೆ ʻಕಳಪೆʼ ಪಟ್ಟ ದೊರಕಿ ಜೈಲು ಸೇರಿದ್ದರು. ವೈಲ್ಡ್‌ ಕಾರ್ಡ್‌ ಎಂಟ್ರಿ ಮೂಲಕ ಮನೆಗೆ ಪ್ರವೇಶಿಸಿದ್ದ ಪವಿ ಪೂವಪ್ಪ ಹಾಗೂ ಅವಿನಾಶ್ ಶೆಟ್ಟಿ ಉತ್ತಮ ಆಟಗಾರರಾಗಿ ಹೊರಹೊಮ್ಮಿದ್ದರು. ಬಹುತೇಕರು ಕಾರ್ತಿಕ್ ಅವರಿಗೆ ಕಳಪೆ ನೀಡಿದರೆ, ಅದೇ ಕಾರ್ತಿಕ್‌ಗೆ ಕಿಚ್ಚ ಸುದೀಪ್ ತಮ್ಮ ಮೆಚ್ಚುಗೆಯ ಚಪ್ಪಾಳೆ ತಟ್ಟಿದ್ದಾರೆ.
ʻಚೇರ್ ಆಫ್ ಥಾರ್ನ್ಸ್’ ಆಟದಲ್ಲಿ ಹೆಚ್ಚು ಟಾರ್ಗೆಟ್‌ಗೆ ಒಳಗಾಗಿ ಕಡೆಯವರೆಗೂ ಕೂತ ಕಾರಣಕ್ಕೆ ಪವಿ ಪೂವಪ್ಪ ಅವರಿಗೆ ನಮ್ರತಾ, ಸ್ನೇಹಿತ್, ತುಕಾಲಿ ಸಂತು, ವರ್ತೂರು ಸಂತೋಷ್ ಅವರು ‘ಉತ್ತಮ’ ನೀಡಿದರು. ಅವಿನಾಶ್ ಶೆಟ್ಟಿ ಅವರು ಎರಡು ಪಾತ್ರಗಳಲ್ಲಿ ಮನೆಯನ್ನು ರಂಜಿಸಿದ ಕಾರಣಕ್ಕೆ ಸಿರಿ, ಕಾರ್ತಿಕ್, ಮೈಕಲ್, ವಿನಯ್ ‘ಉತ್ತಮ’ ಕೊಟ್ಟರು. ಸಂಗೀತಾ ಗಾಯಗೊಂಡು ಹೊರಗೆ ಹೋಗಿದ್ದ ಕಾರಣ ಎಲ್ಲರ ಗುರಿ ಕಾರ್ತಿಕ್ ಆದರು ಎಂಬುದಂತೂ ಸತ್ಯ. ಕಾರ್ತಿಕ್ ಟಾಯ್ಲೆಟ್‌ ವಿಚಾರವಾಗಿ ಪವಿ ಪೂವಪ್ಪ, ವಿನಯ್, ಸ್ನೇಹಿತ್ ಹಾಗೂ ನಮ್ರತಾ ದೊಡ್ಡ ಗಲಾಟೆಯನ್ನು ಮಾಡಿದ್ದರು. ಇದು ಹಾಗೂ ಚಪ್ಪಲಿ ವಿಚಾರವನ್ನು ಇಟ್ಟುಕೊಂಡು ಕಾರ್ತಿಕ್ ಅವರನ್ನು ಟಾರ್ಗೆಟ್‌ ಮಾಡಿ ಕಳಪೆಯನ್ನು ನೀಡಿದ್ದರು. ಈ ಬಗ್ಗೆ ಕಿಚ್ಚ ಸುದೀಪ್ ಪಂಚಾಯತಿ ನಡೆಸಿದರು.
ʻʻನಡೆಯದೇ ಇರುವ ಸನ್ನಿವೇಶಗಳನ್ನು ಮತ್ತೆ ಮತ್ತೆ ಪವಿ ಬಳಿ ಮಾತನಾಡಿ, ಅವರ ತಲೆಯಲ್ಲಿ ಏನೋ ಒಂದು ಕೂತುಕೊಳ್ಳುವ ಹಾಗೆ ಮಾಡಿ, ಅದೇ ಕಾರಣ ಕೊಟ್ಟು ಕಳಪೆ ನೀಡುವುದು ಸರಿಯಲ್ಲʼʼಎಂದು ಪವಿ, ನಮ್ರತಾ, ವಿನಯ್‌ಗೆ ಕಿಚ್ಚ ಕ್ಲಾಸ್‌ ತೆಗೆದುಕೊಂಡರು. ʻʻಹಾಗೇ ಇದೆಲ್ಲದರ ಮಧ್ಯೆ ಆಟ ಆಡಿ, ತಮ್ಮ ತನ ಬಿಟ್ಟು ಕೊಡದೆ, ಹಠ ಇಟ್ಟುಕೊಂಡು ಆಡಿ, ಬಹಳಷ್ಟು ನೋಡಿದ ನಂತರ ನನಗೆ ಅನಿಸಿದ್ದು ಈ ವಾರದ ಕಿಚ್ಚನ ಚಪ್ಪಾಳೆ ಕಾರ್ತಿಕ್ ಅವರಿಗೆ ಸೇರತಕ್ಕದ್ದುʼʼಎಂದರು.
ಇದನ್ನೂ ಓದಿ: BBK SEASON 10: ‘ಬಿಗ್ ಬಾಸ್’ ಮನೆಯಲ್ಲಿ ಇನ್ನು ಕ್ಯಾಪ್ಟನ್ ಇರಲ್ಲ; ರೂಮ್‌ಗೆ ಬೀಗ ಬಿದ್ದಾಯ್ತು!
ʻವಾಲ್‌ ಆಫ್ ಮೊಮೆಂಟ್‌’ನಲ್ಲಿ ಹಾಕಲು ಕಾರ್ತಿಕ್‌ಗೆ ತಾವು ಜೈಲಿನಲ್ಲಿದ್ದ ಫೋಟೊ ಲಭಿಸಿತು. ಕಿಚ್ಚನ ಚಪ್ಪಾಳೆ ಸಿಕ್ಕಿದ ಕೂಡಲೇ ಕಾರ್ತಿಕ್ ಭಾವುಕರಾದರು. ಇದಾದ ಬಳಿಕ ಸುದೀಪ್ ಅವರು ಚಪ್ಪಲಿ ವಿಚಾರವಾಗಿ ವಿನಯ್ ಬಳಿ ಚರ್ಚಿಸಿದರು.
ಕಿಚ್ಚ ಮೊದಲಿಗೆ ʻʻಅವತ್ತು ನೀವು (ವಿನಯ್) ಆ ಜಾಗದಲ್ಲಿದ್ದು, ನಿಮಗೆ ಯಾರಾದರೂ ಚಪಾತಿ ಹಿಟ್ಟನ್ನ ತಗೊಂಡು ಹೊಡೆದರೆ.. ನಿಮಗೆ ಅದು ಸರಿನಾ?ʼʼಎಂದು ಕೇಳಿದರು. ಇದಕ್ಕೆ ವಿನಯ್ ಕೂಡ ಇಲ್ಲ ಎಂದರು. ವಿನಯ್ ಕೂಡ ಈ ಬಗ್ಗೆ ಮಾತನಾಡಿ ʻʻಫಸ್ಟ್ ಹಾಗೇ ಹಾಕಿದ್ದು. ಆಮೇಲೆ ಮುಖದ ಮೇಲೆ ಎಸೆದೆ. ಆದರೆ ಮುಖಕ್ಕೇನು ಬೀಳಲಿಲ್ಲ ಅದು. ಎಸೆದಿದ್ದು ಹೌದುʼʼಎಂದರು ಸುದೀಪ್ ಕೂಡ ʻʻಅದು ಸರಿ ಅಲ್ಲ. ನಮ್ಮ ಕಣ್ಣಿಗೆ ಕಾಣಿಸಿದ್ದು ತಾವು ಜೋರಾಗಿ ಎಸೆದಿದ್ದು. 3 ಸಲ. ಇದೆಲ್ಲಾ ಆದಾಗ ಕಾರ್ತಿಕ್‌ಗೆ ಕೋಪ ಬರೋದು, ಇನ್ಸಲ್ಟ್ ಆಗೋದು ಸಹಜ. ಆಗ ಕೂಡ ಸ್ನೇಹಿತ್ ನಿರ್ಧಾರ ತಗೋಳಲ್ಲ. ವಿನಯ್ ಕಡೆಯಿಂದ ಇಷ್ಟು ಆದ ಮೇಲೆ ಗೊತ್ತಿದ್ದೋ ಗೊತ್ತಿಲ್ಲದೆಯೋ ಕಾರ್ತಿಕ್ ಕಡೆಯಿಂದ ಒಂದು ತಪ್ಪಾಗುತ್ತದೆ. ಅದೇ ಚಪ್ಪಲಿ. ಇದು ಗುಡ್‌ ಲಕ್ಕೋ, ಬ್ಯಾಡ್ ಲಕ್ಕೋ ಗೊತ್ತಿಲ್ಲ. ನೀವು ಎಸೆದಿದ್ದು ಅವರಿಗೇ ಹೋಗಿ ತಾಗುತ್ತೆʼʼಎಂದರು. ಹೀಗೆ ಚರ್ಚೆಗಳು ನಡೆದ ನಂತರ ಕಾರ್ತಿಕ್ ಕೂಡ ಕ್ಷಮೆ ಕೇಳಿದರು.
ಇದನ್ನೂ ಓದಿ: BBK SEASON 10: ವೀಕೆಂಡ್‌ ಎಪಿಸೋಡ್‌ನಲ್ಲಿ ಸುಂಟರಾಳಿ; ಈ ವಾರ ಮನೆಯಿಂದ ಹೊರಗೆ ಹೋಗೋದು ಯಾರು?
ಆದರೂ ಈ ವಾರ ಕಾರ್ತಿಕ್ ಅವರಿಗೆ ಕಳಪೆ ಕೊಟ್ಟ ವಿನಯ್, ನಮ್ರತಾ, ಸ್ನೇಹಿತ್, ಪವಿ ಪೂವಪ್ಪ, ಮೈಕಲ್, ವರ್ತೂರು ಸಂತೋಷ್ ಅವರಿಗೆ ಮುಖಭಂಗವಾಗಿದೆ. ಕಾರ್ತಿಕ್ ಅವರಿಗೆ ವೀಕ್ಷಕರ ಆಸೆಯಂತೆ ಕಿಚ್ಚನ ಚಪ್ಪಾಳೆ ಸಿಕ್ಕಿದೆ.
ಬಿಗ್ಬಾಸ್ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಾಮೆಂಟ್ ಮೂಲಕ ತಿಳಿಸಿ