ಬೆಂಗಳೂರು: ನಾಯಕನನ್ನು (BBK Season 10) ಆಯ್ದುಕೊಳ್ಳುವ ವಿಷಯದಲ್ಲಿ ಕಾರ್ತಿಕ್ ಮತ್ತು ಸಂಗೀತಾ ನಡುವೆ ಭಿನ್ನಾಭಿಪ್ರಾಯ ಹುಟ್ಟಿತ್ತು. ಸಂಗೀತಾ, ‘ನೀನು ಫೇಕ್‌’ ಎಂದು ಹೇಳಿದ್ದು ಕಾರ್ತಿಕ್ ಅವರನ್ನು ಘಾಸಿಗೊಳಿಸಿತ್ತು. ಅಲ್ಲದೆ ಮನೆ ಎರಡು ತಂಡಗಳಾಗಿ ವಿಂಗಡಣೆಯಾಗಿ, ಕಾರ್ತಿಕ್ ಮತ್ತು ಸಂಗೀತಾ ಇಬ್ಬರೂ ಅವರು ನಮ್ರತಾ ಅವರ ನಾಯಕತ್ವದ ‘ಉಗ್ರಂ’ ತಂಡ ಸೇರಿಕೊಂಡಿದ್ದರು. ನಮ್ರತಾ ತಂಡ ಸೇರಿಕೊಂಡಾಗಿನಿಂದಲೂ ಕಾರ್ತಿಕ್ ನಮ್ರತಾ ಅವರ ಜತೆಗೆ ತುಸು ಹೆಚ್ಚೆ ಸಲಿಗೆಯಿಂದ ಇರಲು ಶುರುಮಾಡಿದ್ದರು. ಅವರೊಂದಿಗೆ ಡಾನ್ಸ್‌ ಕೂಡ ಮಾಡಿದ್ದರು.
ಇದೀಗ ಕಾರ್ತಿಕ್ ಇನ್ನೂ ಒಂದು ಹೆಜ್ಜೆ ಮುಂದಕ್ಕೆ ಹೋಗಿದ್ದಾರೆ. ಬೆಳಗ್ಗೆ ಬಿಗ್ಬಾಸ್ ಮನೆಯ ಕಿಚನ್‌ನಲ್ಲಿ ಎಲ್ಲರೂ ಅಡುಗೆ ಮಾಡುವುದರಲ್ಲಿ ನಿರತರಾಗಿದ್ದರೆ, ಕಾರ್ತಿಕ್, ನಮ್ರತಾ ಜತೆಗೆ ಫ್ಲರ್ಟ್‌ ಮಾಡುವುದರಲ್ಲಿ ಮುಳುಗಿದ್ದರು.
ತಮಾಷೆ ತಮಾಷೆಯಾಗಿಯೇ ಶುರುವಾದ ಮಾತು, ನಮ್ರತಾ ಜತೆಗೆ ಡೇಟ್ ಮಾಡುವುದರವರೆಗೂ ಮುಂದುವರಿದಿದೆ. ಅಂದಹಾಗೆ ಅವರು ಡೇಟ್ ಮಾಡಲು ಪ್ಲ್ಯಾನ್ ಮಾಡಿರುವುದು ಬೇರೆ ಎಲ್ಲೂ ಅಲ್ಲ, ಬಿಗ್ಬಾಸ್ ಮನೆಯ ಬಾಲ್ಕನಿಯಲ್ಲಿ. ‘ನಿಂಗೆ ಏನ್ ಮಾಡ್ಕೊಡ್ಬೇಕು ಹೇಳು. ನಾನು ಮಾಡ್ಕೊಡ್ತೀನಿ’ ಎಂದೂ ಕಾರ್ತಿಕ ಕೇಳಿದ್ದಾರೆ. ನಮ್ರತಾ ಅವರೂ ನಗುತ್ತಲೇ ಸ್ಟೈಲಿಶ್ ಆಗಿ, ‘ಟೂ ಡಿಶ್‌ ಲಂಚ್ ಮಾಡೋಣ. ಒನ್ ಇಟಾಲಿಯನ್ ಆಮ್ಲೆಟ್ ಬೇಕು. ಐಸ್‌ಕ್ರೀಮ್ ಕೂಡ ಬೇಕು. ಜತೆಗೆ ಒಂದು ಡ್ರಿಂಕ್’ ಎಂದು ಹೇಳಿದ್ದಾರೆ.
ಕಾರ್ತಿಕ್: ಓ ಐಸ್‌ ಕ್ರೀಮ್! ಆರಾಮಾಗಿ ಮಾಡ್ಬೋದು. ನಾನು ಇಲ್ಲೇ ಮಾಡ್ಕೊಡ್ತೀನಿ…
ಈ ಎಲ್ಲ ಮಾತುಗಳನ್ನು ಕೇಳಿಸಿಕೊಳ್ಳಲು ಸಂಗೀತಾ ಅಲ್ಲಿರಲಿಲ್ಲ ಎನ್ನುವುದು ಬೇರೆ ಮಾತು!
ಕಾರ್ತಿಕ್ ಉತ್ಸಾಹ ನೋಡಿ ತನಿಷಾ, ‘ಸಂಗೀತಾ ಸ್ನಾನಕ್ಕೆ ಹೋಗಿದಾರೆ ಅಂತ ಒಬ್ಬರ ಉತ್ಸಾಹ ಜಾಸ್ತಿ ಆಗ್ತಿದೆ ಎಂದು ತಮಾಷೆ ಮಾಡಿದ್ದಾರೆ.
ಇದನ್ನೂ ಓದಿ: BBK Season 10: ಹಲವು ವರ್ಷದ ಪ್ರೀತಿ ಅಂತ್ಯವಾಯ್ತು, ಆಕೆಗೆ ಹೊಡೆದಿದ್ದೆ ಎಂದು ಬ್ರೇಕಪ್‌ ಬಗ್ಗೆ ಬಾಯ್ಬಿಟ್ಟ ಕಾರ್ತಿಕ್!
ಕಾರ್ತಿಕ್ ನಮ್ರತಾ ಜತೆಗೆ ಡೇಟ್ ಮಾಡೋದಷ್ಟೇ ಅಲ್ಲ, ಜತೆಗೆ ವೇಟರ್ ಆಗಿ ಸಂಗೀತಾ ಅವರನ್ನು ಇರಬೇಕು ಎಂದೂ ಹೇಳಿದ್ದಾರೆ. ಇದನ್ನೆಲ್ಲ ಕೇಳಿಸಿಕೊಳ್ಳುತ್ತ ಅಲ್ಲೇ ಕೂತಿದ್ದ ವಿನಯ್, ‘ಎಲ್ಲಾನೂ ಬರೆದಿಟ್ಕೋತೀನಿ. ಸಂಗೀತಾ ಬಂದ್ಮೇಲೆ ಹೇಳ್ತೀನಿ’ ಎಂದು ಬರೆದಿಟ್ಟುಕೊಳ್ಳಲು ಶುರುಮಾಡಿದ್ದಾರೆ. ಕಾರ್ತಿಕ್, ‘ಲೈಫಲ್ಲಿ ಮಜಾ ಇರ್ಬೇಕಂದ್ರೆ ಹಿಂಗೆಲ್ಲ ಮಾಡ್ತಿರ್ಬೇಕು’ ಎಂದು ತೇಲಿಸಿಬಿಟ್ಟಿದ್ದಾರೆ. ಮತ್ತೆ ಮಾತು ಡೇಟಿಂಗ್ ಕಡೆಗೆ ಹೊರಳಿದೆ.
ನಮ್ರತಾ ಕೂಡ ತಮಾಷೆಯಾಗಿ, ‘ನಾನು ಇದೇ ಫಸ್ಟ್ ಟೈಮ್ ಯಾರ ಜತೆಗೋ ಡೇಟ್ ಮಾಡ್ತಿರೋದು. ನಾನು ಹೇಗೆ ಡ್ರೆಸ್ ಮಾಡ್ಕೊಂಡು ಬರ್ಬೇಕು? ಟ್ರೆಡಿಷನಲ್ ಆಗಿ ಸೀರೆ ಉಟ್ಕೊಂಡು ಬರ್ಲಾ ಅಥವಾ ಮಾಡರ್ನ್‌ ಆಗಿ ಡ್ರೆಸ್ ಮಾಡ್ಕೋಬೇಕಾ?’ ಎಂದೆಲ್ಲ ಕೇಳಿದ್ದಾರೆ. ಅದಕ್ಕೆ ಕಾರ್ತಿಕ್, ‘ನಿಂಗೆ ಯಾವ್ದು ಇಷ್ಟ ಆಗತ್ತೋ ಹಾಗೇ ಡ್ರೆಸ್ ಮಾಡ್ಕೋ. ಮಾಡರ್ನ್‌ ಆಗೇ ರೆಡಿ ಆಗು’ ಎಂದಿದ್ದಾರೆ.
ʻಹೇರ್ ಸ್ಟೈಲ್ ಹೇಗಿರ್ಬೇಕು? ಓಪನ್ ಹೇರ್ ಬಿಟ್ಕೊಂಡ್ ಬರ್ಬೇಕಾ? ಅಥವಾ ಬನ್ ಹಾಕ್ಕೊಬೇಕಾ?’ ನಮ್ರತಾ ಅವರ ಸಂದೇಹಕ್ಕೆ ಕಾರ್ತಿಕ್, ‘ನಮ್ರತಾಗೆ ಬನ್ ಚೆನ್ನಾಗಿ ಕಾಣಿಸತ್ತೆ’ ಎಂದೂ ಸಲಹೆ ಕೊಟ್ಟಿದ್ದಾರೆ. ತನಿಷಾ, ಮೈಕಲ್, ಸಿರಿ,ವಿನಯ್, ತುಕಾಲಿ ಸಂತೋಷ್, ಪ್ರತಾಪ್ ಎಲ್ಲವೂ ಇವರಿಬ್ಬರ ಮಾತುಕತೆ ಕೇಳಿಸಿಕೊಂಡು ನಗುತ್ತ ನಿಂತಿದ್ದರು.
ಕಾರ್ತಿಕ್ ಮತ್ತು ನಮ್ರತಾ ಡೇಟಿಂಗ್ ಮ್ಯಾಟರ್ ಕೇಳಿಸಿಕೊಂಡ ಮೇಲೆ ಸಂಗೀತಾ ಕೂಡ ಅಷ್ಟೇ ಈಸಿಯಾಗಿ ನಗುನಗುತ್ತಾ ಇರ್ತಾರಾ ಅಥವಾ ಮುಖ ಊದಿಸಿಕೊಳ್ಳುತ್ತಾರಾ ಎಂಬುದನ್ನು ನೋಡಲು ಮನೆಯ ಸದಸ್ಯರೆಲ್ಲರೂ ಕಾದು ಕೂತಿರುವಂತಿದೆ.
ಇದನ್ನೂ ಓದಿ: BBK Season 10: ಹೊಸ ಟಾಸ್ಕ್‌ಗಳಿಗೆ ಪ್ರೇಕ್ಷಕರು ಖುಷ್‌; ಕಾರ್ತಿಕ್-ವಿನಯ್ ಕುಚಿಕು ಫ್ರೆಂಡ್ಸ್!
ಇದಕ್ಕೆ ಪೂರಕವಾಗಿ ಸಂತೋಷ್, ‘ನಿಂಗೆ ಹೊಗೆನೇ ಕಾರ್ತಿಕ… ಹಾಸ್ಯಕ್ಕೋಸ್ಕರ ಮಾಡ್ತಿರೋ ಈ ಪ್ರೀತಿ, ಮುಂದೆ ನಿನ್ನ ಬಾಳಿನ ಕಣ್ಣೀರಿನ ಕಥೆಯಾಗುತ್ತದೆ ಕಣೋ…. ನಂಗೆ ಮುನ್ಸೂಚನೆ ಈಗಲೇ ಕಾಣಿಸುತ್ತಿದೆ’ ಎಂದು ಬೇರೆ ಭವಿಷ್ಯ ನುಡಿದಿದ್ದಾರೆ.
ಬಿಗ್ಬಾಸ್ ಕನ್ನಡ ಕಲರ್ಸ್ ವಾಹಿನಿಯಲ್ಲಿ ಪ್ರತಿರಾತ್ರಿ 9:30ಕ್ಕೆ ಹಾಗೂ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.