ಬೆಂಗಳೂರು: `ಬಿಗ್ಬಾಸ್’ (BBK SEASON 10) ಮನೆಯಲ್ಲಿ ದಿನದಿಂದ ದಿನಕ್ಕೆ ಸ್ಪರ್ಧೆ ಕಠಿಣವಾಗುತ್ತಿದೆ. ಟಾಸ್ಕ್‌ಗಳ ಸ್ವರೂಪ ಬದಲಾಗುತ್ತಿದೆ. ಹಾಗೆಯೇ ಸ್ಪರ್ಧಿಗಳ ಮನಸ್ಥಿತಿ ಮನೆಯ ಪರಿಸ್ಥಿತಿಯೂ ಬದಲಾಗುತ್ತಿದೆ. ಈ ವಾರದ ಅಂತ್ಯ ಸಮೀಪಿಸುತ್ತಿದ್ದಂತೆಯೇ ಮತ್ತೆ ಕ್ಯಾಪ್ಟನ್ಸಿಗಾಗಿ ಜಿದ್ದಾಜಿದ್ದಿ ಶುರುವಾಗಿದೆ. ಇದರ ಝಲಕ್ ಜಿಯೋ ಸಿನಿಮಾ ಇಂದು ಬಿಡುಗಡೆ ಮಾಡಿರುವ ಪ್ರೋಮೊದಲ್ಲಿ ದೊರಕಿದೆ.
ಬಿಗ್ಬಾಸ್, ‘ಮನೆಯ ಸದಸ್ಯರಲ್ಲಿ ಯಾರು ಕ್ಯಾಪ್ಟನ್ಸಿ ಓಟದಿಂದ ಹೊರಗೆ ಇರಬೇಕು ಎಂದು ಮನೆಯ ಸದಸ್ಯರು ನಿರ್ಧರಿಸಬೇಕು’ ಎಂದು ಹೇಳಿದ್ದಾರೆ. ನಮ್ರತಾ ಅವರು, ವರ್ತೂರು ಸಂತೋಷ್ ಅವರನ್ನು ನಾಮಿನೇಟ್ ಮಾಡಿದರು. ತನಿಷಾ, ಮೈಕಲ್ ಹೆಸರು ಹೇಳಿದರು. ಮೈಕಲ್ ಮತ್ತು ತುಕಾಲಿ ಸಂತೋಷ್ ಅವರು ತನಿಷಾ ಅವರ ಹೆಸರು ಹೇಳಿದರು. ಅದಕ್ಕಿಂತ ಹೆಚ್ಚಾಗಿ, ಕಾರ್ತಿಕ್‌ ಅವರು ‘ಕ್ಯಾಪ್ಟನ್ ಆಗಿ ಕೆಲವು ನಿರ್ಧಾರ ತೆಗೆದುಕೊಳ್ಳುವುದರಲ್ಲಿ ಎಡವಿದರು’ ಎಂದು ತನಿಷಾ ಬಗ್ಗೆ ಹೇಳಿದ್ದಾರೆ. ಇದನ್ನು ಕೇಳಿ ತನಿಷಾ ಕೂಡ ಗರಂ ಆಗಿದ್ದಾರೆ.
ಒಟ್ಟಾರೆ ಕ್ಯಾಪ್ಟನ್ಸಿ ಓಟದಿಂದ ಈ ವಾರ ಹೊರಗೆ ಬೀಳುವವರು ಯಾರು? ಯಾರು ಉಳಿದುಕೊಳ್ಳುತ್ತಾರೆ? ಕೊನೆಗೆ ಯಾರು ಕ್ಯಾಪ್ಟನ್ ಆಗುತ್ತಾರೆ ಎಂಬುದು ಇಂದಿನ ಸಂಚಿಕೆಯಲ್ಲಿ ಗೊತ್ತಾಗಲಿದೆ.
ಕ್ಯಾಪ್ಟನ್ ಆಗಿರುವ ತನಿಷಾಗೆ ವಿನಯ್, ಮೈಕಲ್ ಅಗೌರವ
ಬಿಗ್ ಬಾಸ್ ಮನೆಯಲ್ಲಿ ಕ್ಯಾಪ್ಟನ್ ಸ್ಥಾನಕ್ಕೆ ಸ್ಪರ್ಧಿಗಳು ಗೌರವ ಕೊಡದೇಇರುವುದು ಇದೇನು ಮೊದಲೇನಲ್ಲ. ಕಳೆದ ಬಾರಿ ವಿನಯ್, ವರ್ತೂರ್‌, ಮೈಕಲ್ ಚೀಟ್‌ ಮಾಡಿ ವರ್ತೂರ್‌ ಅವರನ್ನು ಗೆಲ್ಲಿಸಿ ಟಾಸ್ಕ್‌ ವಿನ್‌ ಮಾಡಿದ್ದರು. ಇದಾದ ಬಳಿಕ ಸುದೀಪ್‌ ಅವರು ಕ್ಯಾಪ್ಟನ್ ರೂಮ್‌ವನ್ನು ಲಾಕ್‌ ಮಾಡಿದ್ದರು. ಕ್ಯಾಪ್ಟನ್ ಆಗಿರುವ ತನಿಷಾಗೆ ವಿನಯ್, ಮೈಕಲ್ ಅಗೌರವ ತೋರಿದ್ದರು. ʻ‘ಕಪ್‌ಗೆ ಬಾಲ್‌ ಹಾಕಿರೋದು ದೊಡ್ಡ ಸಾಧನೆನಾ? ನಿನ್ನ ಮಾತನ್ನು ಪಾಲಿಸಲ್ಲʼʼಎಂದು ಮೈಕಲ್ ನೇರವಾಗಿ ತನಿಷಾಗೆ ಹೇಳಿದ್ದರು.
ಇದನ್ನೂ ಓದಿ: BBK SEASON 10: ಬಿಗ್ಬಾಸ್ ಮನೆಯಲ್ಲಿ ಮಹಿಳೆಯರಿಗೆ ಅವಕಾಶ ಸಿಕ್ತಿಲ್ವಾ? ಧ್ವನಿ ಎತ್ತಿದ ಸಂಗೀತಾ!
ಇನ್ನು ಮೈಕಲ್ ಕೂಡ ಸುದೀಪ್‌ ಅವರ ಮುಂದೆಯೇ ಈ ಹಿಂದೆ ʻʻತನಿಷಾ ಕ್ಯಾಪ್ಟನ್ಸಿ ನನಗೆ ಇರಿಟೇಟಿಂಗ್ ಆಗಿದೆ. ಇದೇ ಮುಂದುವರೆದರೆ ನಾನು ರೆಬೆಲ್ ಆಗಿ ಏನೋ ಒಂದು ಮಾಡ್ತೀನಿ ಅನಿಸುತ್ತೆʼʼಎಂದು ಹೇಳಿದ್ದರು. ಮೂವರ ಮಧ್ಯೆ ಎಷ್ಟೇ ಜಗಳ ಆದರೂ ಕೂಡ ತನಿಷಾ ಮಾತ್ರ ಶಿಕ್ಷೆ ಕೊಡದೇ ಸುಮ್ಮನಾಗಿಲ್ಲ. 3 ಬಾರಿ ಸ್ವಿಮ್ಮಿಂಗ್‌ ಪೂಲ್‌ಗೆ ಬಿದ್ದು, ಎದ್ದು ಬನ್ನಿ’’ ಎಂದು ಮೈಕಲ್, ವಿನಯ್‌ಗೆ ಕ್ಯಾಪ್ಟನ್ ತನಿಷಾ ಶಿಕ್ಷೆ ನೀಡಿದ್ದರು. ಆದರೆ ಇಬ್ಬರೂ ಇದಕ್ಕೆ ಒಪಿಲ್ಲ.
ಇದಾದ ಮೇಲೆ ತನಿಷಾ ಹಿಂದೆ ವಿನಯ್ ಹಾಗೂ ಮೈಕಲ್ ಮನಬಂದಂತೆ ಮಾತನಾಡಿಕೊಂಡಿದ್ದರು. ʻವೋಟ್‌ ಮಾಡಿದವರಿಗೆ ಮರ್ಯಾದೆ ಕೊಡದವಳು.. ಎಲ್ಲರಿಗೂ ಥೂ ಅನ್ನುವವಳು ಕ್ಯಾಪ್ಟನ್ ಯಾಕೆ ಆದೆ ಎನ್ನಿಸಬೇಕುʼ ಎಂದು ವಿನಯ್ ಹೇಳಿದ್ದರು. ಇದಾದ ಮೇಲೆ ತನಿಷಾ ಅವರು ಈ ವರ್ತನೆಗಳಿಗೆ ಕಣ್ಣೀರಿಟ್ಟಿದ್ದರು. ಎಷ್ಟೇ ಏಫರ್ಟ್‌ ಹಾಕಿದ್ದರೂ ನನ್ನನ್ನು ಕನ್ಸಿಡರ್‌ ಮಾಡಲ್ಲ. ಮುಂದೆ ಹೋಗಲು ಎಷ್ಟು ಪ್ರಯತ್ನ ಪಟ್ಟರೂ, ಬಿಡಲ್ಲʼʼ. ಎಂದು ಅತ್ತಿದ್ದರು.
ಬಿಗ್ಬಾಸ್ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಮೆಂಟ್ ಮೂಲಕ ತಿಳಿಸಿ