ಬೆಂಗಳೂರು: ‘ಬಿಗ್ ಬಾಸ್ ಕನ್ನಡ 10’ (BBK SEASON 10) ಕಾರ್ಯಕ್ರಮದಲ್ಲಿ ಒಂಬತ್ತನೇ ವಾರ ವರ್ತೂರು ಸಂತೋಷ್ ಕ್ಯಾಪ್ಟನ್ ಆಗಿ ಆಯ್ಕೆಯಾದರು. ಆದರೆ ಅವರು ನ್ಯಾಯವಾಗಿ ಆಡಿಲ್ಲ ಎಂಬುದು ಈಗಾಗಲೇ ವೀಕ್ಷಕರಿಗೆ ಗೊತ್ತಾಗಿದೆ. ವರ್ತೂರ್‌ ಅವರಿಗೆ ಸಿಕ್ಕಿದ ಇಮ್ಯೂನಿಟಿಯನ್ನು ಸುದೀಪ್ ಅವರು ವಾಪಸ್ ಪಡೆದು, ಕ್ಯಾಪ್ಟನ್ ರೂಮ್‌ ಬಾಗಿಲಿಗೆ ಬೀಗ ಜಡಿದಿದ್ದಾರೆ. ಹಾಗಾದರೆ ಆಗಿದ್ದೇನು? ಮುಂದೆ ಓದಿ!
ಈ ವಾರ ಕ್ಯಾಪ್ಟನ್ಸಿ ಟಾಸ್ಕ್ನಲ್ಲಿ ಹಲವಾರು ಸನ್ನಿವೇಶಗಳು ,ಬದಲಾವಣೆಗಳು ಆದವು. ಮೊದಲಿಗೆ ಉಸ್ತುವಾರಿ ಆಗಿದ್ದ ಸ್ನೇಹಿತ್‌ ಅವರು ವಿನಯ್ ಮತ್ತು ನಮ್ರತಾ ಅವರನ್ನು ಕ್ಯಾಪ್ಟನ್ ರೇಸ್‌ನಿಂದ ಆಚೆ ಹಾಕಿದರು. ಬಳಿಕ ತನಿಷಾ, ಡ್ರೋಣ್ ಪ್ರತಾಪ್‌, ತುಕಾಲಿ ಸಂತು, ಪವಿ ಅವರುಗಳನ್ನು ಕ್ಯಾಪ್ಟೆನ್ಸಿ ಟಾಸ್ಕ್ನಿಂದ ಹೊರತೆಗೆದರು. ಸಿರಿ, ಅವಿನಾಶ್, ಮೈಕಲ್, ವರ್ತೂರು ಸಂತೋಷ್ ನಡುವೆ ಟಾಸ್ಕ್ ನಡೆಯಿತು.
ಟಾಸ್ಕ್ ಏನು?
ಗಾರ್ಡನ್ ಏರಿಯಾದಲ್ಲಿ ವೃತ್ತಾಕಾರದ ವೇದಿಕೆ ಮೇಲಿರುವ ಕುರ್ಚಿಯಲ್ಲಿ ನಾಲ್ವರು ಒಬ್ಬರಾದ ಮೇಲೆ ಒಬ್ಬರು ಬಂದು ಕೂತು 13 ನಿಮಿಷಗಳನ್ನು ಎಣಿಸಬೇಕಿತ್ತು. ಕುರ್ಚಿ ಮೇಲೆ ಕೂತವರು 13 ನಿಮಿಷ ಮುಗಿದಿದೆ ಎಂದು ಭಾವಿಸಿದರೆ, ನೇತು ಹಾಕಿರುವ ಗಂಟೆಯನ್ನು ಬಾರಿಸಬೇಕಿತ್ತು. ಮನೆಯ ಉಳಿದ ಸ್ಪರ್ಧಿಗಳು ಏಕಾಗ್ರತೆ ಕೆಡಿಸುವ ಪ್ರಯತ್ನ ಮಾಡಬೇಕಿತ್ತು. ಆದರೆ ಈ ಕ್ಯಾಪ್ಟನ್ಸಿ ಟಾಸ್ಕ್ ವೇಳೆ ಮ್ಯಾಚ್ ಫಿಕ್ಸಿಂಗ್ ನಡೆಯಿತು. ವರ್ತೂರು ಸಂತೋಷ್ 12:15 ಸೆಕೆಂಡ್ ಲೆಕ್ಕ ಹಾಕಿ ಗಂಟೆ ಹೊಡೆದು, 13 ನಿಮಿಷಕ್ಕೆ ಅತ್ಯಂತ ಸಮೀಪವಿದ್ದ ಕಾರಣ ಅವರು ಟಾಸ್ಕ್ನಲ್ಲಿ ಗೆದ್ದು ಕ್ಯಾಪ್ಟನ್ ಆಗಿದ್ದರು.
ಇದನ್ನೂ ಓದಿ: BBK SEASON 10: ವೀಕೆಂಡ್‌ ಎಪಿಸೋಡ್‌ನಲ್ಲಿ ಸುಂಟರಾಳಿ; ಈ ವಾರ ಮನೆಯಿಂದ ಹೊರಗೆ ಹೋಗೋದು ಯಾರು?
ಕಿಚ್ಚನ ಮಾಸ್‌ ಕ್ಲಾಸ್‌
ಹೇಗೆ ಕ್ಯಾಪ್ಟನ್ ಆದ್ರಿ ನೀವು? ಎಂದು ಸುದೀಪ್ ಪ್ರಶ್ನೆ
ಹೇಗೆ ಕ್ಯಾಪ್ಟನ್ ಆದ್ರಿ ನೀವು? ಎಂದು ಸುದೀಪ್ ವರ್ತೂರ್‌ ಅವರಿಗೆ ಪ್ರಶ್ನೆ ಇಟ್ಟರು. 13 ನಿಮಿಷ ಗೆಸ್ ಮಾಡಬೇಕಿತ್ತು ಎಂದು ವರ್ತೂರ್‌ ಎಂದರು. ಬಳಿಕ ವಿನಯ್ ಅವರಿಗೆ ಸುದೀಪ್ ಅವರು ಪ್ರಶ್ನೆ ಇಟ್ಟರು. ಪದೇ ಪದೇ ಕಿಚ್ಚ ಪ್ರಶ್ನೆ ಕೇಳಿದ ಬಳಿಕ ನಮ್ರತಾ ಅವರು ಇರುವ ಸತ್ಯವನ್ನು ಒಪ್ಪಿಕೊಂಡರು ʻʻಇಲ್ಲ ಸರ್‌. ವರ್ತೂರ್‌ ಅವರು ಟೈಮ್ ಪಾಸ್ ಮಾಡ್ತಿದ್ರು. ಇಲ್ಲಿ ಮಾಡುತ್ತಿದ್ದ ಜೋಕ್‌ಗಳಿಗೆ ನಗುತ್ತಿದ್ದರು. ವಿನಯ್ ಕೌಂಟ್‌ ಮಾಡಿ ಸಿಗ್ನಲ್ ಕೊಟ್ಮೇಲೆ ಗಂಟೆ ಬಾರಿಸಿದರುʼಎಂದು ಹೇಳಿದರು.
ಕ್ಯಾಪ್ಟನ್ ರೂಮ್‌ಗೆ ಬೀಗ
ʻಕ್ಯಾಪ್ಟನ್ಸಿ ಬಂದಾಗ ಇಮ್ಯೂನಿಟಿ ಸಿಗುತ್ತೆ ಎಂಬ ಆಸೆ, ಇನ್ನೂ ಕೆಲವರಿಗೆ ಅಧಿಕಾರದ ಆಸೆ ಇರುತ್ತೆ. ವರ್ತೂರು ಸಂತೋಷ್ ಅವರ,. ನಿಮ್ಮ ಮುಗ್ಧತೆ ಮೇಲೆ, ನಿಮ್ಮ ನಡವಳಿಕೆ ಮೇಲೆ ಪ್ರೀತಿ, ಗೌರವ ಇದೆ. ಆದರೆ, ಇಲ್ಲಿಂದ ನಾನು ನಿಮ್ಮನ್ನ ಇಮ್ಯೂನಿಟಿ ಇಂದ ಡಿಸ್ಮಿಸ್ ಮಾಡ್ತಿದ್ದೇನೆ. ನೀವೇ ಹೋಗಿ ಕ್ಯಾಪ್ಟನ್ ರೂಮ್‌ನ ಖಾಲಿ ಮಾಡಿ.. ಹೊರಗಡೆ ಬನ್ನಿ..’’ ಎಂದು ಕಿಚ್ಚ ಸುದೀಪ್ ಸೂಚಿಸಿದರು.
ಇದನ್ನೂ ಓದಿ: BBK SEASON 10: ಮರಳಿ ಬಂದ ಪ್ರತಾಪ್‌, ಸಂಗೀತಾ; ಸ್ಥಿತಿ ಕಂಡು ಗಳಗಳನೇ ಅತ್ತ ಕಾರ್ತಿಕ್‌, ತನಿಷಾ!
ಈ ಮನೆಗೆ ಕ್ಯಾಪ್ಟನ್ಸಿ ಟಾಸ್ಕ್ ಇರೋದಿಲ್ಲ
ಇಷ್ಟು ಆದ ಬಳಿಕ ಮನೆಯಲ್ಲಿ ಕ್ಯಾಪ್ಟನ್ಸಿ ಟಾಸ್ಕ್ ಇರೋದಿಲ್ ಎಂದು ಸುದೀಪ್ ಹೇಳಿದರು. ಎಲ್ಲಿಯವರೆಗೆ ತಾವೆಲ್ಲ ಕ್ಯಾಪ್ಟನ್ಸಿ ಟಾಸ್ಕ್‌ಗೆ ಮರ್ಯಾದೆ ಕೊಡುವುದಿಲ್ಲವೋ ಗೌರವ ಕೊಡೋದಕ್ಕೆ ಬರಲ್ವೋ.. ಈ ಮನೆಗೆ ಕ್ಯಾಪ್ಟನ್ ಅನ್ನೋರು ಯಾರೂ ಇರಕೂಡದು ಎಂದು ಬಾಗಿಲನ್ನು ಬಂದ್‌ ಮಾಡಿಸಿದರು ಕಿಚ್ಚ.
ಬಿಗ್ಬಾಸ್ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಾಮೆಂಟ್ ಮೂಲಕ ತಿಳಿಸಿ