ಬೆಂಗಳೂರು: ಭಾನುವಾರ(ಡಿ. 31) ವೀಕೆಂಡ್‌ ಪಂಚಾಯಿತಿಯಲ್ಲಿ ಕಿಚ್ಚ ಸುದೀಪ್ ಅವರು ಸ್ವಲ್ಪ ಗರಂ ಆಗಿಯೇ ಇದ್ದರು. ಕೆಲವು ಸ್ಪರ್ಧಿಗಳಗೆ ನೇರವಾಗಿಯೇ ಎಚ್ಚರಿಕೆ ನೀಡಿದ ಸುದೀಪ್ ಇನ್ನು ಕೆಲವರಿಗೆ ಪರೋಕ್ಷ ಎಚ್ಚರಿಕೆ ನೀಡಿದರು. ವಿನಯ್ ಕೂಡ ಸುದೀಪ್ ಅವರಿಂದ ಕ್ಲಾಸ್‌ ಮಾಡಿಸಿಕೊಂಡಿದ್ದಾರೆ. ಈ ವಾರ ಸುದೀಪ್ ಹಾವು ಏಣಿ ಆಟ ಆಡಿಸಿ, ‘ನೀವು ಒಬ್ಬರಿಗೊಬ್ಬರಿಗೆ ಫೇವರ್ ಮಾಡುತ್ತಿದ್ದೀರ ಅಷ್ಟೆ, ನೀವು ಯಾರೂ ಸಹ ಗೇಮ್ ಆಡುತ್ತಿಲ್ಲʼಎಂದು ಅತ್ಯಂತ ಕಟುವಾಗಿ ಮಾತನಾಡಿದ್ದಾರೆ.
ವೀಕೆಂಡ್‌ ಪಂಚಾಯಿತಿಯಲ್ಲಿ ಸುದೀಪ್ ಅವರು ಪಾಸ್‌ ಹಾಗೂ ಪ್ಲೇ ಟಾಸ್ಕ್‌ನಲ್ಲಿ ಆಟವಾಡಿಸಿದ ತುಕಾಲಿಗೆ ಮನರಂಜನೆ ಕೊಟ್ಟರು. ಅದಾದ ಬಳಿಕ ಎಸ್ ಆರ್ ನೋ ಗೇಮ್ ಅನ್ನು ಸುದೀಪ್ ಆಡಿಸಿದರು. ಇದಾದ ಬಳಿಕ ಹಾವು ಏಣಿ ಆಟ ಆಡಿಸಿದರು. ಏಣಿ ಎಂದರೆ ಮೇಲಕ್ಕೆ ಏರಲು ಸಹಾಯ ಮಾಡಿದವರು. ಹಾವು ಎಂದರೆ ಹಿನ್ನಡೆ ಉಂಟು ಮಾಡಿದವರು. ಈ ವೇಳೆ ವಿನಯ್ ಅವರು ನಮ್ರತಾ ಅವರನ್ನು ಏಣಿ ಆಗಿ ಆಯ್ಕೆ ಮಾಡಿದರು. ಆ ಬಳಿಕ ವಿನಯ್ ಅವರು ಹಾವಿಗೆ ಕಾರ್ತಿಕ್ ಹೆಸರನ್ನು ತೆಗೆದುಕೊಂಡರು. ಆದರೆ, ಪಾಸಿಟಿವ್‌ನಲ್ಲಿ ವಿವರಣೆ ಕೊಟ್ಟರು. ಇದು ಸುದೀಪ್ ಅವರಿಗೆ ಇಷ್ಟವಾಗಿಲ್ಲ.
ನಿಮಗೆ ಎರಡನೇ ಚಾನ್ಸ್ ನೀಡಲ್ಲ
ಹಾವು ಎಂದರೆ ನೆಗೆಟಿವ್‌ ಮಾತ್ರವೇ ಹೇಳಬೇಕು. ವಿನಯ್ ಅವರು ಕಾರ್ತಿಕ್ ಅವರನ್ನು ಹಾವಿನ ಜಾಗಕ್ಕೆ ನಿಲ್ಲಿಸಿದ್ದರೂ ನೆಗೆಟಿವ್‌ ಮಾತುಗಳನ್ನು ಆಡಲುಅವರಿಂದ ಆಗಿಲ್ಲ. ‘ಸರಿಯಾಗಿ ವಿವರಣೆ ನೀಡುʼಎಂದು ಮೈಕಲ್‌ ಕೂಡ ವಿನಯ್ ಅವರಿಗೆ ಹೇಳಿದರು. ಆದರೂ ವಿನಯ್ ಅವರಿಗೆ ಹೇಳಲು ಸಾಧ್ಯವಾಗಿಲ್ಲ. ಇದರಿಂದ ಸುದೀಪ್ ಅವರು ಬೇಸರಗೊಂಡರು. ಬಳಿಕ ಮರಳಿ ಬರುವಂತೆ ಹೇಳಿದರು. ಆ ಬಳಿಕ ಸೀಟ್ಗೆ ಮರಳಿ ಬಂದು ಸ್ವಲ್ಪ ಹೊತ್ತು ಕುಳಿತರು. ನಂತರ ಮತ್ತೆ ವಿವರಣೆ ಕೊಡಲು ಅವಕಾಶ ಕೇಳಿದರು. ಆದರೆ, ಸುದೀಪ್ ಇದಕ್ಕೆ ಅವಕಾಶ ನೀಡಲೇ ಇಲ್ಲ. ‘ನಿಮಗೆ ಎರಡನೇ ಚಾನ್ಸ್ ನೀಡಲ್ಲ’ ಎಂದು ಸುದೀಪ್ ಹೇಳಿದರು.
ಇದನ್ನೂ ಓದಿ: BBK SEASON 10: ಮನೆಯಿಂದ ಹೊರಹೋಗುವಾಗ ಸಂಗೀತಾಗೆ ವಿಶೇಷ ಅಧಿಕಾರ ಕೊಟ್ಟ ಸಿರಿ!
ಈ ಟಾಸ್ಕ್‌ನಲ್ಲಿ ತುಕಾಲಿ ಸಂತು, ವರ್ತೂರುಗೆ ಏಣಿ, ಡ್ರೋನ್ಗೆ ಹಾವು ಕೊಟ್ಟರು, ವರ್ತೂರು, ತುಕಾಲಿಗೆ ಏಣಿ, ನಮ್ರತಾಗೆ ಹಾವು ಕೊಟ್ಟರು. ಮೈಖಲ್, ನಮ್ರತಾ ವಿನಯ್ಗೆ ಏಣಿ ನೀಡಿದರು. ಸಿರಿ, ಡ್ರೋನ್ ಸಂಗೀತಾಗೆ ಏಣಿ ನೀಡಿದರು. ತನಿಷಾ ಕಾರ್ತಿಕ್ಗೆ ಏಣಿ, ಸಂಗೀತಾಗೆ ಹಾವು ನೀಡಿದರು. ವಿನಯ್, ನಮ್ರತಾಗೆ ಏಣಿ, ಕಾರ್ತಿಕ್ಗೆ ಹಾವು ನೀಡಿದರು. ಕಾರ್ತಿಕ್ ವಿನಯ್ಗೆ ಹಾವು ನೀಡಿ, ತನಿಷಾಗೆ ಏಣಿ ನೀಡಿದರು.
ಈ ಟಾಸ್ಕ್‌ ಆದ ಬಳಿಕ ಸುದೀಪ್ ಅವರು ಸ್ಪರ್ಧಿಗಳ ಆಯ್ಕೆಗಳ ಬಗ್ಗೆ ಬೇಸರಿಸಿಕೊಂಡರು. ʻನೀವು ಒಬ್ಬರಿಗೊಬ್ಬರಿಗೆ ಫೇವರ್ ಮಾಡುತ್ತಿದ್ದೀರ ಅಷ್ಟೆ, ನೀವು ಯಾರೂ ಸಹ ಗೇಮ್ ಆಡುತ್ತಿಲ್ಲ. ನನ್ನೊಟ್ಟಿಗೆ ಕೂತು ಮಾತನಾಡುತ್ತಾರೆ, ನನ್ನ ಹೆಸರು ತೆಗೆದುಕೊಂಡಿದ್ದಾರೆ, ನಾನೂ ಸಹ ಅವರ ಹೆಸರು ತೆಗೆದುಕೊಳ್ಳಬೇಕು ಇಲ್ಲವಾದರೆ ಬೇಜಾರು ಮಾಡಿಕೊಳ್ಳುತ್ತಾರೆ ಎಂದು ಹೆದರಿಕೊಂಡು ನೀವು ಹೆಸರುಗಳನ್ನು ಹೇಳುತ್ತಿದ್ದೀರಿʼʼಎಂದು ಮಾತನಾಡಿದ್ದಾರೆ.
ಬಿಗ್ಬಾಸ್ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಮೆಂಟ್ ಮೂಲಕ ತಿಳಿಸಿ