ಬೆಂಗಳೂರು: ಬಿಗ್ ಬಾಸ್ ಸೀಸನ್‌ 10ರ (BBK SEASON 10) ಹನ್ನಂದನೇ ವಾರವೂ ಸ್ಪರ್ಧಿಗಳು ಲಕ್ಷುರಿಯನ್ನು ಕಳೆದುಕೊಂಡಿದ್ದಾರೆ. ಅದು ಕೂಡ ವಿನಯ್ ಅವರಿಂದ. ಹೀಗಾಗಿ ಮನೆಯಲ್ಲಿ ಯಾರು ವಿನಯ್ ಅವರಿಗೆ ಪ್ರಶ್ನೆ ಮಾಡಿಲ್ಲ. ಆದರೆ ಡ್ರೋನ್ ಪ್ರತಾಪ್ ಅವರು ಮಾತ್ರ ವಿನಯ್ ಅವರಿಗೆ ಪ್ರಶ್ನೆ ಮಾಡಿದ್ದಾರೆ. ಈ ವಾರ ಲಕ್ಷುರಿ ಬಜೆಟ್ ಗಳಿಸಲು ಸ್ಪರ್ಧಿಗಳಿಗೆ 10 ಸಾವಿರ ಪಾಯಿಂಟ್‌ಗಳನ್ನು ಬಿಗ್ ಬಾಸ್ ನೀಡಿದ್ದರು. ವಿನಯ್ ಮಾಡಿದ ತಪ್ಪಿನಿಂದಾಗಿ ಲಕ್ಷುರಿ ಬಜೆಟ್‌ನ ಬಿಗ್ ಬಾಸ್ ವಾಪಸ್ ಪಡೆದಿದ್ದಾರೆ.
ಈ ವಾರ ಮನೆಗೆ 10 ಸಾವಿರ ಪಾಯಿಂಟ್ಸ್‌ ನೀಡಿದ್ದರು ಬಿಗ್ ಬಾಸ್, ಖರೀದಿ ಮಾಡಿರುವ ಮುನ್ನ, ಬಝರ್ ಆಗುವ ಮುನ್ನವೇ ಟಿವಿ ರಿಮೋಟ್‌ ಒತ್ತಿ ಸ್ಟಾರ್ಟ್‌ ಮಾಡಿಯೇ ಮಾಡಿಯೇ ಬಿಟ್ಟರು ವಿನಯ್. ಐಟಮ್ಸ್ ಲಿಸ್ಟ್‌ನ ಪೇಜ್‌ 2ಗೆ ಹೋಗಿ, ಪೇಜ್‌ 1ಗೆ ವಾಪಸ್ ಬಂದ್ಮೇಲೆ ಬಝರ್ ಆಯ್ತು. ಆನಂತರ 9342 ಪಾಯಿಂಟ್ಸ್‌ಗೆ ಚಿಕನ್ 6 ಕೆಜಿ, ತುಪ್ಪ 4 ಕೆಜಿಯನ್ನ ಸ್ಪರ್ಧಿಗಳು ಖರೀದಿಸಿದರು. ಆದರೆ ವಿನಯ್ ಅವರು ಬಝರ್ ಆಗುವ ಮುನ್ನ ಸ್ಲೈಡ್‌ ಆನ್ ಮಾಡಿದ ಕಾರಣ ಈ ವಾರವೂ ಮನೆ ಲಕ್ಷುರಿ ಬಜೆಟ್ ಕಳೆದುಕೊಂಡಿದೆ.
ಬಿಗ್ ಬಾಸ್ ಘೋಷಿಸಿದ ಬಳಿಕ ಮನೆಯವರೆಲ್ಲ ಒಂದು ಕ್ಷಣ ಗಾಬರಿಯಾದರು. ಮೈಕಲ್‌ ಅವರು ʻʻರೂಲ್ಸ್‌ ಏನಾದರೂ ಚೇಂಚ್‌ ಆಗಿದ್ಯಾ?ʼʼಎಂದು ಕೇಳಿದರು. ಸಾಮಾನ್ಯವಾಗಿ ನಾವು ಓಪನ್ ಮಾಡಿದ್ಮೇಲೆ ಬಝರ್ ಆಗ್ತಾಯಿದ್ದದ್ದು ಎನದರು ನಮ್ರತಾ. ಆಗ ರೂಲ್ ಬುಕ್‌ ಚೆಕ್ ಮಾಡಿದಾಗ, ‘’ಬಝರ್ ಆದ ನಂತರ ಸಮಯ ಆರಂಭವಾಗುತ್ತದೆ’’ ಎಂದು ಬರೆದಿತ್ತು. ‘’ಬಹುಶಃ ಇದು ಹೊಸ ಪಾಯಿಂಟ್‌’’ ಎಂದರು ತನಿಷಾ.
ಇದಾದ ಬಳಿಕ ಮೈಕಲ್‌ ಅವರು ತಮಾಷೆಯಾಗಿ ವಿನಯ್ ಅವರಿಗೆ ʻʻಯಾರೋ ಒಬ್ಬರು ಹೇಳಿದ್ದರು.. ಯಾರು ಮಾಡ್ತಾರೋ ನನಗೆ ಗೊತ್ತಿಲ್ಲ. ಬರಬೇಕು ಅಂತʼʼಎಂದು ಪೀಡಿಸಿದರು. ‘’ನಾನೇ ಹೇಳಿದ್ದು’’ ಎಂದರು ವಿನಯ್. ಇದಾದ ಬಳಿಕ ಡ್ರೋನ್ ಪ್ರತಾಪ್ ಹಾಗೂ ವಿನಯ್ ನಡುವೆ ಮಾತಿನ ಚಕಮಕಿ ನಡೆದಿದೆ. ಬರೆಯೋದರ ಬಗ್ಗೆ ಹೇಳಿದ್ದು. ಓಪನ್ ಮಾಡೋದರ ಬಗ್ಗೆ ಅಲ್ಲ ಎಂದು ವಿನಯ್ ಅವರು ಹೇಳಿದ್ದಾರೆ. ಡ್ರೋನ್ ಪ್ರತಾಪ್ ಅವರು ವಿನಯ್ ಅವರಿಗೆ ʻʻಈಗ ಬಿಗ್ ಬಾಸ್ ಹೇಳಿದ್ದು, ಓಪನ್ ಮಾಡೋದರ ಬಗ್ಗೆ, ಬರೆಯೋ ಬಗ್ಗೆ ಅಲ್ಲʼʼಎಂದರು. ವಿನಯ್ ಮತ್ತೆ ʻʻಅದಕ್ಕೆ?ʼʼಎಂದು ಪ್ರಶ್ನೆ ಮಾಡಿದ್ದಾರೆ. ಡ್ರೋನ್ ಆಗ ʻʻತಪ್ಪಾಗಿದೆ ಅಷ್ಟೇʼʼಎಂದರು. ವಿನಯ್ ಕೂಡ ʻʻ ತಪ್ಪಾಗಿದೆ. ಗೊತ್ತು. ಅದನ್ನ ಈಗೇನು ಮಾಡೋಕೆ ಆಗುತ್ತೆ.? ಬಾ ಹೊರಗೆ 8 ಕೆಜಿ ಚಿಕನ್ ಕೊಡಿಸ್ತೀನಿ.. ತಗೊಂಡ್ ಹೋಗು ಮನೆಗೆʼʼಎಂದಿದ್ದಾರೆ. ಪ್ರತಾಪ್ ಕೂಡʻʻ ಹೊರಗಡೆ ಬಿಡಿ, ಈಗ ಇಲ್ಲಿ ಕಥೆ ಹೇಳʼʼಎಂದಿದ್ದಾರೆ.
ಇದನ್ನೂ ಓದಿ: BBK SEASON 10: ಬಿಗ್ ಬಾಸ್ ಮನೆಗೆ ಎಂಟ್ರಿ ನೀಡಲಿದ್ದಾರೆ ನಟ ವಿಜಯ್‌ ರಾಘವೇಂದ್ರ?
ಈ ಮಾತುಗಳು ವಿನಯ್ ಅವರಿಗೆ ಇನ್ನಷ್ಟು ಕೆರಳಿಸಿದೆ. ಆಗ ವಿನಯ್ ಅವರು ʻʻನಿನ್ನ ಹತ್ತಿರ ಬಂದು ಓಪನ್ ಮಾಡ್ಲಾ ಅಂತ.. ಪರ್ಮಿಷನ್ ಇದ್ಯಾ ಅಂತ ಕೇಳಬೇಕಿತ್ತಾ?ನನ್ನ ಹತ್ತಿರ ಇದೆಲ್ಲಾ ಇಟ್ಕೊಳ್ಬೇಡ ಪ್ರತಾಪ್. ದಯವಿಟ್ಟು ಇದೆಲ್ಲಾ ಇಟ್ಕೋಬೇಡ. ಇಷ್ಟು ದಿನ ಬಾರದೇ ಇರೋರ ಬಳಿ ವಾದ ಮಾಡಿದ್ಯಾ ನೀನು? ಆಗಿರುವ ತಪ್ಪುಗಳಿಗೆ?. ಇಷ್ಟು ದಿನ ಆಗಿರುವ ತಪ್ಪಿಗೆ, ಬರದಿರುವ ಲಕ್ಷುರಿಗೆ ಒಂದು ದಿನ ಪ್ರಶ್ನೆ ಮಾಡಿದ್ಯಾ ನೀನು?ಇಷ್ಟು ಸಾಫ್ಟ್ ಆಗಿ ಮಾತಾಡಿದ ತಕ್ಷಣ ಏನೂ ನಡೆಯಲ್ಲ ಇಲ್ಲಿ. ನಿನ್ನ ಆಕ್ಟಿಂಗ್ ಮುಗೀತಾ ಬಂತು. ಎಷ್ಟು ಆಕ್ಟಿಂಗ್ ಮಾಡಿದರೂ ನೀನೇನು ಅಂತ ಎಲ್ಲರಿಗೂ ಗೊತ್ತುʼʼಎಂದು ಕೂಗಿದ್ದಾರೆ.
ಪ್ರತಾಪ್ ಕೂಡ ʻʻನಾನ್‌ಸೆನ್ಸ್ ಮಾತಾಡ್ತಾ ಇರೋದು ನೀವು ಅಣ್ಣ. ನಾನಲ್ಲ.ನಾನು ವಾದ ಮಾಡ್ತಿಲ್ಲ. ಮನೆ ಸದಸ್ಯನಾಗಿ ಕೇಳಬೇಕಾಗಿರೋದನ್ನ ಕೇಳ್ತಾ ಇದ್ದೀನಿ. ಈಗ ಒಪ್ಪಿಕೊಳ್ತೀರಾ ತಪ್ಪಾಯ್ತು ಅಂತ.? ಈ ವಾರವೂ ಲಕ್ಷುರಿ ಹೋಯ್ತು. ಅದಕ್ಕೆ ನೀವೇ ಕಾರಣ.ನೀವು ಯಾವಾಗಲೂ ನನ್ನನ್ನ ಕೇಳ್ತೀರಾ ಅಲ್ವಾ? ಅದೇ ಅಧಿಕಾರದಿಂದ ನಾನು ಕೇಳ್ತಾ ಇದ್ದೀನಿ. ನಾನಲ್ಲ ಆಕ್ಟಿಂಗ್ ಮಾಡ್ತಿರೋದʼʼಎಂದರು.
ಈ ಹಿಂದಿ ಮನೆಮಂದಿಗೆ ಪ್ರತಾಪ್ ರಾಗಿ ಮುದ್ದೆ ಮಾಡಿಕೊಟ್ಟ ಎಂಬ ಕಾರಣಕ್ಕೆ ವಿನಯ್ ಅವರು ಕೂಗಾಡಿದ್ದರು. ಇದೀಗ ಪ್ರತಾಪ್ ಅವರು ವಿನಯ್ ಎದುರು ನಿಂತು ಪ್ರಶ್ನೆ ಮಾಡಿದ್ದಾರೆ.
ಬಿಗ್ಬಾಸ್ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಾಮೆಂಟ್ ಮೂಲಕ ತಿಳಿಸಿ