ಬೆಂಗಳೂರು: ಬಿಗ್ ಬಾಸ್ ಕನ್ನಡ 10’ (BBK SEASON 10) ಕಾರ್ಯಕ್ರಮದಲ್ಲಿ ಏಳನೇ ವಾರ ಚಾಲ್ತಿಯಲ್ಲಿದೆ. ಏಳನೇ ವಾರದ ಟಾಸ್ಕ್‌ಗಳಿಗಾಗಿ ಸ್ಪರ್ಧಿಗಳನ್ನು ಎರಡು ಟೀಮ್‌ಗಳಾಗಿ ವಿಭಜಿಸಲಾಗಿದೆ. ‘ಸಂಪತ್ತಿಗೆ ಸವಾಲ್’ ತಂಡದಲ್ಲಿ ಮೈಕಲ್, ತುಕಾಲಿ ಸಂತು, ವರ್ತೂರು ಸಂತೋಷ್, ಕಾರ್ತಿಕ್‌, ನೀತು ಮತ್ತು ತನಿಷಾ ಇದ್ದಾರೆ. ‘ಗಜಕೇಸರಿ’ ತಂಡದಲ್ಲಿ ಸಂಗೀತಾ, ವಿನಯ್, ನಮ್ರತಾ, ಸ್ನೇಹಿತ್, ಡ್ರೋನ್ ಪ್ರತಾಪ್ ಮತ್ತು ಸಿರಿ ಇದ್ದಾರೆ. ಸಂಗೀತಾ ಸದ್ಯಕ್ಕೆ ಪ್ರೇಕ್ಷಕರ ಕೆಂಗಣ್ಣಿಗೆ ಗುರಿಯಾಗಿದ್ದಲ್ಲದೇ ಉಳಿದ ಸದಸ್ಯರ ಮುಂದೆ ಕೂಡ ಸಣ್ಣವರಾಗುತ್ತಿದ್ದಾರೆ. ಪ್ಲಕ್ ಇಟ್ ಪುಷ್ಪವತಿ ಟಾಸ್ಕ್‌ನಲ್ಲಿ ಸಂಗೀತಾ ನಡೆದುಕೊಂಡ ರೀತಿ ಕಂಡು ಮೈಕಲ್ ಸಿಟ್ಟಾಗಿ, ‘’ಸಂಗೀತಾ ಅವಕಾಶವಾದಿ, ಸಮಯ ಸಾಧಕಿ’’ ಎಂದು ಹೇಳಿದ್ದಾರೆ.
ಏನಿದು ಟಾಸ್ಕ್‌?
ಬಿಗ್ ಬಾಸ್ ಪ್ಲಕ್ ಇಟ್ ಪುಷ್ಪವತಿ ಟಾಸ್ಕ್‌ ನೀಡಿದ್ದರು. ಇದರ ಅನುಸಾರ, ಪ್ರತಿ ತಂಡ ತಮ್ಮ ಬಣ್ಣದ ಹೂಗಳನ್ನು ನೆಟ್ಟು ಎದುರಾಳಿ ತಂಡದಿಂದ ಕಾಪಾಡಿಕೊಳ್ಳಬೇಕು. ಕೊನೆಯ ಬಝರ್‌ ಹೊತ್ತಿಗೆ ಚೌಕಟ್ಟಿನಲ್ಲಿ ಯಾವ ತಂಡದ ಹೂಗಳು ಹೆಚ್ಚು ಇರುತ್ತದೆಯೋ ಅವರು ಗೆದ್ದಂತೆ. ಈ ಟಾಸ್ಕ್‌ ಆಡುವಾಗ ತುಕಾಲಿ ಅವರಿಗೆ ಪೆಟ್ಟಾಯಿತು. ಇದೇ ಸಮಯವನ್ನ ಬಳಸಿಕೊಂಡ ಸಂಗೀತಾ ಹೂಗಳು ಹಾಗೂ ಹೂಕಡ್ಡಿಯನ್ನ ತೆಗೆದುಕೊಂಡರು. ಇದು ಮೈಕಲ್‌ಗೆ ಸರಿ ಹೋಗಲಿಲ್ಲ. ‘’ಈ ತರಹ ಆಟ ಆಡುವವರನ್ನ ನಾನು ನನ್ನ ಜೀವನದಲ್ಲಿಯೇ ಕಂಡಿಲ್ಲ’’ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ
ಗೇಮ್‌ನ ನಾನು ಸ್ಟಾಪ್ ಮಾಡಲ್ಲ. ನಾನು ಆಡ್ತೀನಿ,ನಮ್ ಟೀಮ್‌ ಸದಸ್ಯನ ಬೋನ್ ಡಿಸ್ಲೊಕೇಟ್‌ ಮಾಡಿ, ಆ ಟೈಮ್‌ನಲ್ಲಿ ಅವರು ತಗೊಂಡು ಹೋಗಿದ್ದಾರೆ. ಅವರ ಸ್ಪೋರ್ಟ್ಸ್‌ಮ್ಯಾನ್‌ಶಿಪ್‌ ಇದರಲ್ಲಿ ತೋರಿಸುತ್ತೆ’’ ಎಂದು ಮೈಕಲ್ ಸಿಟ್ಟಾದರು. ಸ್ನೇಹಿತ್ ಉದ್ದೇಶಪೂರ್ವಕವಾಗಿಯೇ ಮಾಡಿದ ಅಂತ ನಾನು ಹೇಳಿಲ್ಲ. ಆದರೆ, ಆ ಟೈಮ್‌ನ ಬಳಸಿಕೊಂಡು ಇಲ್ಲಿ ಹೂಗಳನ್ನ ತಗೊಂಡ. ವರ್ಸ್ಟ್ ಬಿಹೇವಿಯರ್‌ನ ನಾನು ನನ್ನ ಲೈಫ್‌ನಲ್ಲಿ ನೋಡೇ ಇಲ್ಲ ಎಂದು ಸ್ನೇಹಿತ್ ಬಗ್ಗೆಯೂ ಅಂದರು. ತುಕಾಲಿ ಸಂತು ಅವರ ಕೈ ಸರಿ ಮಾಡುವಾಗ ಸಂಗೀತಾ ಹೂಗಳನ್ನ ತಗೊಂಡರು. ಇದಕ್ಕೆ ಅವಕಾಶವಾದಿ ಅನ್ನೋದು. ಡಿಸ್ಲೊಕೇಟ್‌ ಮಾಡಿದ್ದು ಸ್ನೇಹಿತ್. ಅದು ಸುಳ್ಳಲ್ಲ. ಎಂದು ಆರೋಪ ಮಾಡಿದರು. ಅಲ್ಲಿ ಯಾರೋ ನೋವಿನಲ್ಲಿ ಇರುವಾಗ, ಬಂದು ಎತ್ಕೊಳ್ಳೋದು ಏನು ಅರ್ಥ? ಎಂದು ಕಾರ್ತಿಕ್‌ ಹೇಳಿದರೆ, ʻಅದು ಸ್ಪೋರ್ಟ್ಸ್‌ಮ್ಯಾನ್‌ ಶಿಪ್‌ ಅಲ್ಲವೇ ಅಲ್ಲ ʼಎಂದು ಮೈಕಲ್ ಹೇಳಿದರು.
ಇದನ್ನೂ ಓದಿ: BBK SEASON 10: ಬಿಗ್ ಬಾಸ್ ಮನೆಯಲ್ಲಿ ಸಿಡಿದ ಅಶ್ಲೀಲ ಬೈಗುಳದ ಕಿಡಿ!
ಚೌಕಟ್ಟಿನಲ್ಲಿ ಹೂ ನೆಟ್ಟು, ಅವುಗಳನ್ನ ಕಾಪಾಡಲು ‘ಸಂಪತ್ತಿಗೆ ಸವಾಲ್’ ತಂಡಿಂದ ವರ್ತೂರು ಸಂತೋಷ್ ಇದ್ದರು, ‘ಗಜಕೇಸರಿ’ ತಂಡದಿಂದ ಡ್ರೋನ್ ಪ್ರತಾಪ್ ಇದ್ದರು. ನಮ್ರತಾ ಗೌಡ ಹಾಗೂ ತನಿಷಾ ಉಸ್ತುವಾರಿ ಮಾಡುತ್ತಿದ್ದರು.
ಸಂಗೀತಾ ಅವಕಾಶವಾದಿ ಎನ್ನುವುದು ಮೈಕಲ್ ಮಾತ್ರವಲ್ಲ ಹಿಂದೊಮ್ಮೆ ತನಿಷಾ ಕೂಡ ಸಂಗೀತಾಗೆ ಇದೇ ಬಿರುದು ಕೊಟ್ಟಿದ್ದರು. ವರ್ತೂರ್‌ ಅವರಿಗೆ 34 ಲಕ್ಷ ವೋಟ್‌ ಬಿದ್ದಾಗ ಕೂಡ ಅವರ ಜತೆ ಸಂಗೀತಾ ಕ್ಲೋಸ್‌ ಆಗಿದ್ದ ಕಂಡು ಮೈಕಲ್ ಹಿಂದೊಮ್ಮೆ ʻಸಂಗೀತಾ ಅವಕಾಶವಾದಿ’ ಎಂದಿದ್ದರು.
ಬಿಗ್ಬಾಸ್ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಾಮೆಂಟ್ ಮೂಲಕ ತಿಳಿಸಿ