ಬೆಂಗಳೂರು: ಬಿಗ್‌ಬಾಸ್‌ ಸೀಸನ್‌ 10ರ (BBK SEASON 10: ) ಎಂಟನೇ ವಾರ ನಮ್ರತಾ ಅವರಿಗೆ ಕಿಚ್ಚನ ಚಪ್ಪಾಳೆ ಸಿಕ್ಕಿದೆ. ಈ ವಾರ ನಮ್ರತಾ ಆಟಕ್ಕೆ ಪ್ರೇಕ್ಷಕರು ಮೆಚ್ಚುಗೆ ಸೂಚಿಸಿದ್ದಾರೆ. ಇಷ್ಟು ದಿನ ವಿನಯ್ ಅವರ ಚಮಚ ಎಂದು ಕರೆಸಿಕೊಳ್ಳುತ್ತಿದ್ದ ನಮ್ರತಾ ಈ ಬಾರಿ ತಾವೊಬ್ಬರೇ ನಿಂತು ಆಡಿದ್ದಾರೆ. ಟಾಸ್ಕ್‌ಗಳಲ್ಲಿ ಪರ್ಫಾಮ್ ಮಾಡಲು ನಮ್ರತಾ, ಡ್ರೋನ್ ಪ್ರತಾಪ್ ತಂಡ ಸೇರಿದರು. ತನಿಷಾ ಪರವಾಗಿ ನಮ್ರತಾ ಆಡಿ ಫ್ರೆಂಡ್‌ ವಿನಯ್ ಅವರನ್ನೇ ಕ್ಯಾಪ್ಟನ್ಸಿ ರೇಸ್‌ನಿಂದ ನಮ್ರತಾ ಹೊರಗಟ್ಟಿದ್ದರು. ಈ ವಾರ ನಮ್ರತಾ ವೋಟ್‌ ವಿಚಾರವಾಗಿಯೂ ಕುಗ್ಗಿ ಹೋಗಿದ್ದರು. ಆದರೀಗ ತಮ್ನನ್ನು ತಾವು ಪ್ರೂವ್‌ ಮಾಡಿಕೊಂಡಿದ್ದಾರೆ. ʼʼಈ ಕಡೆ ಕಳಪೆನೂ, ಉತ್ತಮನೂ ಇಲ್ಲ, ಕಿಚ್ಚನ ಚಪ್ಪಾಳೆಯೂ ಇಲ್ಲ, ಕ್ಯಾಪ್ಟನ್ ಅಲ್ಲ. ನಾನ್ಯಾಕೆ ಇಲ್ಲಿದೀನಿ” ಎಂದು ನಮ್ರತಾ ಗೌಡ ಅವರು ಪದೇ ಪದೆ ಹೇಳಿಕೊಂಡು ಅತ್ತಿದ್ದರು. ಈ ವಾರ ಅವರ ಪರಿಶ್ರಮಕ್ಕೆ ತಕ್ಕ ಪ್ರತಿಫಲ ಸಿಕ್ಕಿದೆ. ಪ್ರತಾಪ್ ಅವರಿಗೆ ಕಿಚ್ಚನ ಮುಂದೆ ಧನ್ಯವಾದ ಕೂಡ ಸೂಚಿಸಿದರು.
ಈ ವಾರ ನಮ್ರತಾ ಉತ್ತಮ ಜತೆಗೆ ಕಿಚ್ಚನ ಚಪ್ಪಾಳೆ ಕೂಡ ಪಡೆದರು. ನಮ್ರತಾ ಗೌಡ ಅವರು ಡ್ರೋನ್ ಪ್ರತಾಪ್‌ಗೆ “ನಿಮ್ಮಿಂದಲೇ ನನಗೆ ಉತ್ತಮ, ಕಿಚ್ಚನ ಚಪ್ಪಾಳೆ ಸಿಕ್ಕಿದೆ. ನಿಮ್ಮ ತಂಡಕ್ಕೆ ಬಂದಿದ್ದಕ್ಕೆ ಇದೆಲ್ಲ ಸಿಕ್ಕಿದೆ” ಎಂದು ಹೇಳಿದ್ದರು. ಡ್ರೋನ್ ಪ್ರತಾಪ್ ಅವರು “ನಿಮಗೆ ಉತ್ತಮ ಕೊಡಿಸ್ತೀನಿ, ಕಿಚ್ಚನ ಚಪ್ಪಾಳೆ ಕೊಡಿಸ್ತೀನಿ” ಅಂತಲೇ ನಮ್ರತಾ ಗೌಡಗೆ ಸಾಕಷ್ಟು ಬಾರಿ ಮಾತು ಕೊಟ್ಟಿದ್ದರು. ಇದೇ ಕಾರಣಕ್ಕೆ ನಮ್ರತಾ ಅವರು ಪ್ರತಾಪ್ ತಂಡಕ್ಕೆ ಬಂದಿದ್ದರು. ಆದರೆ ಕ್ಯಾಪ್ಟನ್ಸಿ ಟಾಸ್ಕ್ ಆಟದಿಂದ ಅವರನ್ನು ಪ್ರತಾಪ್ ಹೊರಗಡೆ ಇಟ್ಟರು. ಇದಕ್ಕೆ ನಮ್ರತಾ ಸಿಕ್ಕಾಪಟ್ಟೆ ಕಣ್ಣೀರು ಹಾಕಿದ್ದರು. ಆದರೆ ತನಿಷಾ ಪರ ನಮ್ರತಾ ಆಟ ಆಡಿ ಮನೆಯವರಿಂದ ಉತ್ತಮ ಪಡೆದುಕೊಂಡು, ಕಿಚ್ಚ ಅವರಿಂದ ಚಪ್ಪಾಳೆಯನ್ನು ಪಡೆದುಕೊಂಡರು.
ಕಿಚ್ಚನ ಚಪ್ಪಾಳೆ ಕೊಡಿಸ್ತೀನಿ ಎಂದು ಪ್ರತಾಪ್ ಹೇಳಿದ್ದರ ಬಗ್ಗೆಯೂ ಸುದೀಪ್ ಪ್ರಶ್ನೆ ಮಾಡಿ “ಈ ಕಿಚ್ಚನ ಚಪ್ಪಾಳೆ ಎಲ್ಲಿ ಸಿಗತ್ತೆ?” ಅಂತ ಕಿಚ್ಚ ಸುದೀಪ್ ಪ್ರಶ್ನೆ ಮಾಡಿದಾಗ, ಪ್ರತಾಪ್ ಅವರು, “ಎಲ್ಲಿಯೂ ಸಿಗಲ್ಲ, ಚೆನ್ನಾಗಿ ಆಟ ಆಡುವಂತೆ ಮಾಡ್ತೀನಿ” ಎಂದು ಹೇಳಿದ್ದರು.
ಇದನ್ನೂ ಓದಿ: BBK SEASON 10: ಪ್ರತಾಪ್‌ಗೆ ಕಿಚ್ಚನ ಮಾಸ್‌ ಕ್ಲಾಸ್‌; ಕ್ಷಮೆ ಕೇಳಿದ ಡ್ರೋನ್!
ʻʻಯಾರಿಗೂ ಡಿಪೆಂಡ್‌ ಆಗಬೇಡಿ. ಈ ವಾರ ಏನು ನೀವು ಎದ್ದಿದ್ದೀರಿ, ಇದು ಮಲಗದೇ ಇರುವ ಹಾಗೇ ನೋಡಿಕೊಳ್ಳಿ. ಅವಕಾಶ ಎಲ್ಲರಿಗೂ ಇರುತ್ತೆ. ಅವಕಾಶ ಬಾಗಿಲು ತಟ್ಟುವುದು ಮಾತ್ರವಲ್ಲ. ಬಾಗಿಲು ತಟ್ಟಿದ ಮೇಲೆ ಓಪನ್‌ ಆಗಲೇ ಬೇಕುʼʼ ಎಂದು ಕಿಚ್ಚ ಅವರು ನಮ್ರತಾ ಅವರಿಗೆ ಸಲಹೆ ಕೂಡ ನೀಡಿದ್ದರು.
ನಮ್ರತಾ ಅವರು ವಿನಯ್ ಅವರ ಕೈ ಬಿಟ್ಟ ನಿರ್ಧಾರ ಕೂಡ ಮನೆಯವರಿಗೆ ಆಶ್ವರ್ಯ ತಂದಿತು. ವಿನಯ್ ಕೂಡ ನಮ್ರತಾಗೆ ರೈಟ್‌ ಡಿಸಿಷನ್‌ ಎಂದು ಮನೆಯಲ್ಲಿ ಹೇಳಿದ್ದರು. ಸಂಗೀತಾ ಕೂಡ ನಮ್ರತಾಗೆ ʻʻಈ ನಿರ್ಧಾರದಿಂದ ನೀವು ಹೀರೋ ಆದ್ರಿ. ವಿನಯ್ ಹಿಂದೆಯೇ ಇರ್ತೀರಾ.. ಇನ್‌ಫ್ಲುಯೆನ್ಸ್ ಆಗಿದ್ದೀರಾ ಅಂತೆಲ್ಲ ಮಾತುಗಳು ಬಂದಿದ್ದವು. ಅದಕ್ಕೆ ನೀವು ಇವತ್ತು ಉತ್ತರ ಕೊಟ್ಟಿದ್ದೀರಾ’’ ಎಂದಿದ್ದರು.