ಬೆಂಗಳೂರು: ಬಿಗ್ ಬಾಸ್ ಸೀಸನ್‌ 10ರಲ್ಲಿ (BBK SEASON 10) ನಮ್ರತಾ ಈ ವಾರ ಟಾಸ್ಕ್‌ಗಳನ್ನು ಚೆನ್ನಾಗಿಯೇ ನಿಭಾಯಿಸಿದ್ದಾರೆ. ಇನ್ನೊಂದು ಕಡೆ ʻವಿನಯ್ ಅವರಿಗೆ ನಾನು ಮೋಸ ಮಾಡಿಬಿಟ್ಟೆʼ ಎಂದು ಕಣ್ಣೀರು ಕೂಡ ಹಾಕಿದ್ದಾರೆ ನಮ್ರತಾ. ಈ ವಾರ ಮನೆಯಲ್ಲಿ ʻಟಿಕೆಟ್‌ ಟು ಫಿನಾಲೆ ಟಾಸ್ಕ್ʼ ಭರ್ಜರಿಯಿಂದ ಸಾಗಿತು. ʻಟಿಕೆಟ್‌ ಟು ಫಿನಾಲೆ ಟಾಸ್ಕ್ʼನಲ್ಲಿ ಕಾರ್ತಿಕ್‌ ಎದುರು ವಿನಯ್‌ನ ನಮ್ರತಾ ಔಟ್‌ ಮಾಡಿದ್ದಾರೆ. ವಿನಯ್ ಅವರನ್ನು ಔಟ್‌ ಮಾಡೋದಕ್ಕೆ ಪಾಯಿಂಟ್ಸ್ ಅಷ್ಟೇ ಕಾರಣ ಎಂದು ನಮ್ರತಾ ವಿವರಿಸಿದ್ದಾರೆ. ಕಾರ್ತಿಕ್‌ ಅವರಿಗೆ ನಮ್ರತಾ ಸಪೋರ್ಟ್‌ ಮಾಡಿದ್ದು ವಿನಯ್ ಮಾತುಗಳು ನಮ್ರತಾಗೆ ಕಣ್ಣೀರು ತರಿಸಿದೆ.
ಪ್ರೀತಿ ನೀ ಇಲ್ಲದೆ ನಾನು ಹೇಗಿರಲಿ!
ಅಡುಗೆ ಮನೆಯಲ್ಲಿ ನಮ್ರತಾ ಅವರು ಇದ್ದರು. ಈ ವೇಳೆ ಪ್ರತಾಪ್ ಹಾಗೂ ವಿನಯ್ ಕೂಡ ಇದ್ದರು. ಪ್ರೀತಿ ನೀ ಇಲ್ಲದೆ ನಾನು ಹೇಗಿರಲಿ..’’ ಹಾಡನ್ನ ನಮ್ರತಾ ಹಾಡುತ್ತಿದ್ದರು. ‘’ಇಷ್ಟು ವರ್ಷ ಇದ್ಯಲ್ಲ ಹಾಗೇ ಇದ್ದು ಬಿಡು’’ ಎಂದರು ವಿನಯ್. ಆಗ, ‘’ನನಗೂ ಒಬ್ಬ ಗೆಳೆಯ ಬೇಕು…’’ ಹಾಡನ್ನ ನಮ್ರತಾ ಹಾಡಿದರು. ಜತೆಗೆ, ‘’ಹೊರಗೆ ಒಬ್ಬರು ನನಗಾಗಿ ಕಾಯುತ್ತಿದ್ದಾರೆ’’ ಎಂದೂ ನಮ್ರತಾ ಹೇಳಿದರು. ಅದಕ್ಕೆ, ಡ್ರೋನ್ ಪ್ರತಾಪ್ ‘’ಗೆಳೆಯನನ್ನ ಬಿಟ್ಟುಬಿಟ್ಟು’’ ಎಂದು ಹೇಳುವಷ್ಟರಲ್ಲಿ ‘’ಎಷ್ಟು ವರ್ಷ ಬಿಡ್ಲೋ ಇನ್ನಾ?’’ ಎಂದು ನಮ್ರತಾ ಪ್ರಶ್ನೆ ಮಾಡಿದರು. ಹೀಗೆ ಈ ವಾರ ಕಾರ್ತಿಕ್‌ ಜತೆಗೂ ನಮ್ರತಾ ಕ್ಲೋಸ್‌ ಆಗಿದ್ದಾರೆ. ವಿನಯ್ ಕಳೆದ ಸಂಚಿಕೆಯಲ್ಲಿ ನಮ್ರತಾಗೆ ಈ ಬಗ್ಗೆ ಕಾಲೆಳೆದದ್ದೂ ಇದೆ.
ನೋಡಿದ್ದು ಮಾಡೋ ಮಾರಾಯ
ಕಾರ್ತಿಕ್‌ಗೆ ʻಟಿಕೆಟ್‌ ಟು ಫಿನಾಲೆʼ ಟಾಸ್ಕ್ ಅನ್ನು ‘ಬಿಗ್ ಬಾಸ್’ ನೀಡಿದರು. ಕಾರ್ತಿಕ್‌ ತಮ್ಮ 3 ಪ್ರತಿಸ್ಪರ್ಧಿಗಳನ್ನು ಆರಿಸಬೇಕಿತ್ತು. ಫ್ರೇಮ್‌ನಲ್ಲಿರುವ ಚಿತ್ರಗಳನ್ನು ನೋಡಿದ ಬಳಿಕ ಬಣ್ಣ, ಆಕೃತಿಗಳನ್ನು ನೆನೆಪಿನಲ್ಲಿಟ್ಟುಕೊಳ್ಳಬೇಕಿತ್ತು. ಈ ಟಾಸ್ಕ್‌ನಲ್ಲಿ ನಿರಂತರವಾಗಿ ನಮ್ರತಾ ಗೆದ್ದರು. ಆಟದಲ್ಲಿ ಮೊದಲ ಸುತ್ತಿನಲ್ಲಿ ಗೆದ್ದ ನಮ್ರತಾ ಅವರು ತುಕಾಲಿ ಸಂತು ಅವರನ್ನು ಹೊರಗಿಟ್ಟರು. ಎರಡನೇ ಸುತ್ತಿನಲ್ಲಿ ಗೆದ್ದ ನಮ್ರತಾ ಅವರು ವಿನಯ್ ಅವರನ್ನು ಹೊರಗೆ ಇಟ್ಟರು. ʻಈ ಗೇಮ್‌ ಕಾರ್ತಿಕ್‌ ಅವರದ್ದು, ವಿನಯ್ ಕಾಂಪಿಟೇಶನ್. ಅವರ ಮೆಮರಿ ಚೆನ್ನಾಗಿದೆ ಎಂದು ಕಾರಣ ಕೊಟ್ಟರುʼ. ಆಗ ತುಕಾಲಿ ಕೂಡ ʻʻನೀನೇ ಸಾಕಿದ ಗಿಣಿʼʼ ಹಾಡನ್ನು ಹಾಡಿ ನಕ್ಕಿದ್ದಾರೆ.
ಇದನ್ನೂ ಓದಿ: BBK SEASON 10: ಫಿನಾಲೆಗೆ ನೇರವಾಗಿ ಟಿಕೆಟ್‌ ಪಡೆದ ಪ್ರತಾಪ್; ನಲ್ಮೆಯ ‘ದೀ’ಯನ್ನೇ ಹೊರಗಿಟ್ಟ ಡ್ರೋನ್!
ಇನ್ನು ಟಾಸ್ಕ್ ವೇಳೆ ವಿನಯ್ ಅವರು ನಮ್ರತಾ ಅವರ ಬೋರ್ಡ್‌ ಕಾಪಿ ಮಾಡಿದ್ದಾರೆ ಎನ್ನುವುದು ಸಂಗೀತಾ ಹಾಗೂ ತನಿಷಾ ಅವರ ವಾದ. ಟಾಸ್ಕ್ ಆದ ಬಳಿಕ ವಿನಯ್ ಅವರಿಗೆ ನಮ್ರತಾ ಕ್ಷಮೆ ಕೇಳಿದರು. ʻʻನಾನು ಗೆದ್ದಿದ್ದರೆ ಅವನನ್ನ ತೆಗೆಯುತ್ತಿದ್ದೆ. ಅವನು ಗೆದ್ದಿದ್ದರೆ ನಿನ್ನನ್ನ ತೆಗೆಯುತ್ತಿದ್ದ. ನೀನು ಗೆದ್ದೆ. ನನ್ನನ್ನ ತೆಗೆದೆ ಅಷ್ಟೇʼʼ ಎಂದರು ವಿನಯ್. ಈ ಮಾತು ನಮ್ರತಾ ಅವರಿಗೆ ಬೇಸರ ತರಸಿದೆ.
ಆ ಬಳಿಕ ಸಂಗೀತಾ ಅವರ ಬಳಿಯೂ ಚರ್ಚೆ ಮಾಡಿದರು ನಮ್ರತಾ. ಸಂಗೀತಾ ಕೂಡ ನಮ್ರತಾ ಅವರಿಗೆ ʻʻಅವರಿಬ್ಬರ ಮಧ್ಯೆ ಒಳ್ಳೆ ಬಾಂಡಿಂಗ್‌ ಇದೆ. ಅವರವರ ಕೈ ಎತ್ತಿಕೊಳ್ತಾರೆ. ನಿಮ್ಮ ಕೈ ಯಾರು ಎತ್ತುತ್ತಾರೆ?ಯೋಚನೆ ಮಾಡಿʼʼಎಂದು ಸಮಾಧಾನ ಮಾಡಿದರು.
ಬಿಗ್ಬಾಸ್ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಮೆಂಟ್ ಮೂಲಕ ತಿಳಿಸಿ