ಬೆಂಗಳೂರು: ಬಿಗ್ ಬಾಸ್ (BBK SEASON 10) ಮನೆಯಲ್ಲಿ ಸ್ನೇಹಿತ್‌ ಗೌಡ ಅವರು ಮನೆಯಿಂದ ಯಾವಾಗ ಆಚೆ ಹೋದರು ಅಲ್ಲಿಂದ ನಮ್ರತಾ ಗೌಡ ಅವರು ಕಾರ್ತಿಕ್‌ಗೆ ಹತ್ತಿರವಾದರು. ಆದರೆ ಈ ಸ್ನೇಹ ನೋಡುಗರಿಗೆ ಕೆಟ್ಟದ್ದಾಗಿ ಕಾಣಿಸುತ್ತದೆ ಎಂದು ಸ್ನೇಹಿತ್‌ ಮಾತ್ರವಲ್ಲದೇ ಇಶಾನಿ, ಮೈಕಲ್‌ ಕೂಡ ನಮ್ರತಾ ಅವರಿಗೆ ಹೇಳಿದ್ದಾರೆ. ನಮ್ರತಾ ಹಾಗೂ ಕಾರ್ತಿಕ್ ಕೈ ಕೈ ಹಿಡಿದುಕೊಳ್ಳುವುದು, ಕಚಗುಳಿ ಇಡುವುದು, ಫ್ಲರ್ಟ್‌ ಮಾಡುವುದು ಸಾಕಷ್ಟು ಚರ್ಚೆಯಾಗಿತ್ತು. ಆದರೀಗ ಮನೆಯ ಹೊರಗಡೆ ಈ ಬಗ್ಗೆ ಚರ್ಚೆಯಾಗುವ ಬಗ್ಗೆ ತಿಳಿದ ನಂತರ ಕಾರ್ತಿಕ್ ಹಾಗೂ ನಮ್ರತಾ ನಡುವೆ ಜಗಳ ಆಗುತ್ತಿದೆ. ಸ್ನೇಹ ಮುರಿದು ಬಿದ್ದಿದೆ.
ಕಾರ್ತಿಕ್ ಹಾಗೂ ನಮ್ರತಾ ಈ ಬಗ್ಗೆ ಚರ್ಚಿಸಿದ್ದಾರೆ. ʻನಮ್ರತಾಗೆ ಸಮಸ್ಯೆ ಆಗಿದ್ದರೆ ಒಂದು ವಿಷಯದಲ್ಲಿ ಸಮಸ್ಯೆ ಆಗಿದ್ದರೆ, ಅವರ ಕುಟುಂಬಕ್ಕೂ ಕ್ಷಮೆ ಕೇಳ್ತೀನಿʼ ಎಂದು ಕಾರ್ತಿಕ್ ಹೇಳಿದ್ದಾರೆ. ಆಗ ನಮ್ರತಾ ಅವರು “ನೋ ನೋ.. ಕ್ಷಮೆ ಕೇಳಬೇಡಿ” ಎಂದು ಹೇಳಿದ್ದಾರೆ. ಅಷ್ಟೇ ಅಲ್ಲದೇ ಕಾರ್ತಿಕ್ ಕೂಡ ಕೆಟ್ಟದಾಗಿ ಕಾಣ್ತಿದೆ ಅಂದ್ರೆ ನನಗೆ ಸರಿ ಮಾಡಿಕೊಳ್ಳೋಕೆ ಬಿಡಿ ಎಂದು ನಮ್ರತಾಗೆ ಹೇಳಿದ್ದಾರೆ. ನಮ್ರತಾ ಕೂಡ ʻʻನನ್ನ ಕ್ಯಾರೆಕ್ಟರ್ ಜತೆಗೆ ಬೇರೆಯವರ ಕ್ಯಾರೆಕ್ಟರ್ ಕೂಡ ಸೇರಿಕೊಂಡಿದೆ. ನಾನು ಬೇರೆಯವರ ಹತ್ರ ಈ ವಿಷಯವನ್ನು ಕೆದಕಿ ಕೇಳಿಕೊಂಡು ಬಂದು ಹೊರಗಡೆ ಹೀಗೆ ಆಗಿದೆ ಅಂತ ಹೇಳುತ್ತಿದ್ದೆ. ಆದರೆ ನೀವು ಕ್ಯಾಮೆರಾ ಹತ್ರ ಹೋಗಿ ಒಬ್ಬರೇ ಮಾತಾಡಿದ್ರಿʼʼಎಂದು ಅಸಮಾಧಾನ ಹೊರಹಾಕಿದ್ದಾರೆ.
ʻಹೊರಗಡೆಯಿಂದ ಬಂದವರು ಈ ವಿಷಯ ಹೇಳಿದ ನಂತರದಲ್ಲಿಯೇ ನಿಮಗೆ ಹೀಗೆ ಆಗಿದೆ ಅಂತ ಗೊತ್ತಾಗಿದ್ದು. ಈ ಥರ ಫ್ರೇಮ್ ಮಾಡಬೇಡಿʼʼ ಎಂದು ಕಾರ್ತಿಕ್ ನಮ್ರತಾಗೆ ಹೇಳಿದ್ದಾರೆ.
ಇದನ್ನೂ ಓದಿ: BBK SEASON 10: ಈ ವಾರದ ʻಉತ್ತಮʼ ಸಂಗೀತಾ; ʻಕಳಪೆʼ ಪಟ್ಟ ಪಡೆದು ಜೈಲು ಸೇರಿದ ಪ್ರತಾಪ್!
ಎಲಿಮಿನೇಶನ್ ಪ್ರಕ್ರಿಯೆ ವೇಳೆ ನಾಮಿನೇಟ್ ಆಗಿದ್ದ ಕಾರ್ತಿಕ್ ಅವರಿಗೆ ಬಿಗ್ ಬಾಸ್ ಮಾತನಾಡುವ ಅವಕಾಶ ಕೊಟ್ಟಿದ್ದರು. ಅಷ್ಟೇ ಅಲ್ಲದೇ ಮಿಡ್‌ ವೀಕ್‌ ಎಲಿಮಿನೇಷನ್‌ ಆದ ಕಾರಣ, ಬಿಗ್ ಬಾಸ್ . ‘ಯಾರು ಹೊರಹೋಗಬೇಕು’ ಎಂದು ಬಿಗ್ ಬಾಸ್ ಮನೆಯವರ ಅಭಿಪ್ರಾಯ ಕೇಳಿದಾಗ ಕಾರ್ತಿಕ್ ಅವರು ನಮ್ರತಾ ಹೆಸರನ್ನು ತೆಗೆದುಕೊಂಡರು. ಇದು ಅವರ ಕೋಪಕ್ಕೆ ಮತ್ತಷ್ಟು ಕಾರಣ ಆಗಿದೆ. ಈ ಹಿಂದೆ ತನಿಷಾ ಅವರನ್ನು ಕಾರ್ತಿಕ್ ನಾಮಿನೇಟ್ ಮಾಡಿದ್ದು, ತನಿಷಾ ಮನೆಯಿಂದ ಔಟ್‌ ಆದರು.