ಬೆಂಗಳೂರು: ಬಿಗ್ ಬಾಸ್ ಸೀಸನ್‌ 17 (Bigg Boss 1) ಹಿಂದಿ ಈಗಾಗಲೇ ಪ್ರಸಾರ ಕಾಣುತ್ತಿದೆ. ಪ್ರಿಯಾಂಕಾ ಚೋಪ್ರಾ ಸೋದರ ಸಂಬಂಧಿ ಮನ್ನಾರಾ ಚೋಪ್ರಾ ಬಿಗ್ ಬಾಸ್ 17ರ ಮನೆಗೆ ಪ್ರವೇಶಿಸಿದ ಮೊದಲ ಸ್ಪರ್ಧಿಯಾಗಿದ್ದಾರೆ. ಇದೀಗ ನಟಿ ಪ್ರಿಯಾಂಕಾ ಚೋಪ್ರಾ ಅವರು ಮನ್ನಾರಾ ಅವರ ಜತೆಗಿನ ಥ್ರೋಬ್ಯಾಕ್ ಚಿತ್ರವನ್ನು ಹಂಚಿಕೊಂಡಿದ್ದಾರೆ. ಮನ್ನಾರಾ ಅವರ ಬಿಗ್ ಬಾಸ್ 17ರ ಪ್ರಯಾಣಕ್ಕೆ ಶುಭ ಹಾರೈಸುತ್ತಾ, ಪ್ರಿಯಾಂಕಾ ಇನ್‌ಸ್ಟಾಗ್ರಾಮ್ ಸ್ಟೋರೀಸ್‌ನಲ್ಲಿ ಹೀಗೆ ಬರೆದಿದ್ದಾರೆ, “ಪುಟ್ಟ ಮನ್ನಾರಾ ಚೋಪ್ರಾಗೆ ಗುಡ್ ಲಕ್ʼ ಎಂದು ಬರೆದುಕೊಂಡಿದ್ದಾರೆ. 2000ರಲ್ಲಿ ವಿಶ್ವ ಸುಂದರಿ ಕಿರೀಟವನ್ನು ಪ್ರಿಯಾಂಕಾ ಮುಡಿಗೇರಿಸಿಕೊಂಡರು. ಆಗ ಮನ್ನಾರಾದೊಂದಿಗೆ ಪೋಸ್ ನೀಡಿದ್ದರು.
ಮನ್ನಾರಾ ಚೋಪ್ರಾ ಅವರ ನಿಜವಾದ ಹೆಸರು ಬಾರ್ಬಿ ಹಂಡಾ. OTT ಪ್ಲಾಟ್‌ಫಾರ್ಮ್‌ಗಳಲ್ಲಿ ಸಾಕಷ್ಟು ಸಿನಿಮಾಗಳನ್ನು ಮಾಡಿದ್ದಾರೆ. ಕಾಲೇಜಿನ ನಂತರ, ಮನ್ನಾರಾ ದೆಹಲಿಯಿಂದ ಮುಂಬೈಗೆ ತೆರಳಿದರು, ಅಲ್ಲಿ ಅವರು ಮಾಡೆಲಿಂಗ್‌ನಲ್ಲಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಅನುಭವ್ ಸಿನ್ಹಾ ಅವರ ಝಿದ್ (2014) ಚಿತ್ರದೊಂದಿಗೆ ಅವರು ತಮ್ಮ ಬಾಲಿವುಡ್‌ಗೆ ಪದಾರ್ಪಣೆ ಮಾಡಿದರು, ಕರಣ್ವೀರ್ ಶರ್ಮಾ ಸಹನಟರಾಗಿದ್ದರು. ತೆಲುಗು ಚಿತ್ರ ಪ್ರೇಮ ಗೀಮಾ ಜಂತ ನೈ (2014), ಜಕ್ಕಣ್ಣ (2016), ತಿಕ್ಕ (2016), ಮತ್ತು ರೋಗ್ (2017) ಮುಂತಾದ ತೆಲುಗು ಚಿತ್ರಗಳಲ್ಲಿ ನಟಿಸಿದ್ದಾರೆ.
ಇದನ್ನೂ ಓದಿ: Bigg Boss 17: ಬಿಗ್ ಬಾಸ್ ಹಿಂದಿ ಸ್ಪರ್ಧಿಗಳ ಲಿಸ್ಟ್‌ ಔಟ್‌; ಪ್ರಿಯಾಂಕಾ ಚೋಪ್ರಾ ಸಂಬಂಧಿಯೂ ಇನ್‌!
ಹಿಂದಿ ಬಿಗ್ ಬಾಸ್ ಅಕ್ಟೋಬರ್‌ 15ರಿಂದ ಪ್ರಸಾರ ಕಾಣುತ್ತಿದೆ. ಪ್ರತಿದಿನವೂ 10 ಗಂಟೆಗೆ ಶನಿವಾರ ಮತ್ತು ಭಾನುವಾರ ಮಾತ್ರ ರಾತ್ರಿ 9 ಗಂಟೆಗೆ ಪ್ರಸಾರವಾಗಲಿದೆ. ವಾರಾಂತ್ಯದ ಎಪಿಸೋಡ್ಗಳಲ್ಲಿ ಸಲ್ಮಾನ್ ಖಾನ್ ಕಾಣಿಸಿಕೊಳ್ಳಲಿದ್ದಾರೆ. ಈ ಬಾರಿ ಬಿಗ್ಬಾಸ್ನಲ್ಲಿ ಪಕ್ಷಪಾತ ಇರಲಿದ್ದು, ಸ್ಪರ್ಧಿಗಳಲ್ಲಿ ಕೆಲವರಿಗೆ ಸ್ವತಃ ಬಿಗ್ಬಾಸ್ ಮಾರ್ಗದರ್ಶನ ಮಾಡಲಿದೆ ಎಂಬುದು ಪ್ರೋಮೊದಲ್ಲಿ ರಿವೀಲ್‌ ಆಗಿದೆ.