ಬಿಗ್ಬಾಸ್ ಕನ್ನಡ ಹತ್ತನೇ ಸೀಸನ್‌ (Sangeetha Sringeri) ವಾರ ವಾರಕ್ಕೂ, ದಿನದಿನಕ್ಕೂ ತನ್ನ ರಂಗು, ರಂಜನೆಗಳನ್ನು ಹೆಚ್ಚಿಸಿಕೊಳ್ಳುತ್ತಲೇ ಬಂದು ನೋಡನೋಡುತ್ತಿದ್ದಂತೆಯೇ ಗ್ರ್ಯಾಂಡ್ ಫಿನಾಲೆ ಬಂದೇ ಬಿಟ್ಟಿದೆ. ಇನ್ನೊಂದು ವಾರ, ಇನ್ನೆರಡು ದಿನ ಎಂದೆಲ್ಲ ಕೌಂಟ್‌ಡೌನ್‌ಗಳು ಮುಗಿದು ಕೊನೆಗೂ ಬಿಗ್ಬಾಸ್ ಗ್ರ್ಯಾಂಡ್ ಫಿನಾಲೆ ‘ಇಂದು’ ಎಂದು ಹೇಳುವ ಗಳಿಗೆ ಬಂದೇಬಿಟ್ಟಿದೆ.
ಬಿಗ್ಬಾಸ್ ಮನೆಯಲ್ಲಿ ಮಹಿಳಾ ಸ್ಪರ್ಧಿ ಗೆಲ್ಲುವುದು ಭಾರೀ ಕಡಿಮೆ. ಆದರೆ ಈ ಸಲ ಸಿಂಗಲ್ ʻಸಿಂಹಿಣಿʼ ಎಂದೇ ಖ್ಯಾತಿ ಪಡೆದ ಸಂಗೀತಾ ಶೃಂಗೇರಿ ಅವರು ಈ ಸಲ ಟ್ರೋಫಿ ಗೆಲ್ಲೋದು ಪಕ್ಕಾ ಎನ್ನುತ್ತಿದ್ದಾರೆ ಅವರ ಫ್ಯಾನ್ಸ್‌!
ಆರಂಭದಲ್ಲಿ ಪ್ರತಿ ವಿಚಾರಕ್ಕೂ ಅಳುವ ಸಂಗೀತಾ, ಆ ಬಳಿಕ ಮನೆಯಲ್ಲಿ ಆಳಿದರು. ವಿನಯ್‌ ಹಾಗೂ ಸಂಗೀತಾ ಅವರ ಗಲಾಟೆಯೇ ಈ ಸೀಸನ್‌ ಪ್ರಮುಖ ಹೈಲೈಟ್‌. ಈ ಮುಂಚೆ ಕಿಚ್ಚ ಕೂಡ ಇವರಿಬ್ಬರನ್ನು ಹೊಗಳಿ ʻಕಿಚ್ಚನ ಚಪ್ಪಾಳೆʼʼಕೊಟ್ಟಿದ್ದರು. ಸಂಗೀತಾ ಆರಂಭದಲ್ಲಿ ವಿನಯ್‌ ವಿಚಾರಕ್ಕೆ ಟ್ರೋಲ್‌ ಆಗಿದ್ದೇ ಹೆಚ್ಚು. ಆದರೆ ಈಗ ಅವರ ಧೈರ್ಯವನ್ನು ಕಂಡು ಅವರ ಫ್ಯಾನ್ಸ್‌ ʻʻಸಿಂಹಿಣಿʼʼಎಂದು ಬಿರುದನ್ನು ಕೊಟ್ಟಿದ್ದಾರೆ.
ಇದನ್ನೂ ಓದಿ: BBK SEASON 10: ನಾಯಿಯಾದ ಸಂಗೀತಾ, ತುಕಾಲಿ ಸಂತು ಅನುಕರಣೆಗೆ ನಕ್ಕು ನಕ್ಕು ಸುಸ್ತಾದ ಮನೆಮಂದಿ
ಬೆಂಕಿ ತನಿಷಾ ಅವರು ಆರಂಭದಿಂದಲೂ ಟಫ್‌ ಕಾಂಪಿಟೇಶನ್‌ ಕೊಟ್ಟವರು. ದಿನ ಕಳೆದಂತೆ ತನಿಷಾ ಅವರು ಸ್ವಲ್ಪ ಸೈಲೆಂಟಾದರು. ಅವರು ಸ್ವಲ್ಪ ಸೌಂಡ್ ಕಮ್ಮಿ ಮಾಡುತ್ತಿದ್ದಂತೆ ಸಂಗೀತಾ ಅವರ ಕ್ರೇಜ್ ಜೋರಾಗಿತ್ತು. ಸಂಗೀತಾ ಅವರ ಆಟದ ಆರ್ಭಟವನ್ನು ಪ್ರೇಕ್ಷಕರು ಕೊಂಡಾಡಲು ಶುರು ಮಾಡಿದರು.
ಇದೀಗ ಸಂಗೀತಾ ಅವರೇ ಈ ಸೀಸನ್‌ ವಿನ್ನರ್‌ ಎಂದು ನೆಟ್ಟಿಗರು ಕಮೆಂಟ್‌ ಮಾಡಲು ಶುರು ಮಾಡಿದ್ದಾರೆ. ಈಗ ʻಸಂಗೀತಾ ಸಿಂಗಲ್ ಸಿಂಹಿಣಿ. ಅವರು ಖಂಡಿತಾ ವಿನ್ ಆಗುತ್ತಾರೆ, ಅವರು ನೇರ ನುಡಿಯ ಹುಡುಗಿʼʼ ಎಂದಿದ್ದಾರೆ.
ಈ ಬಾರಿಯ ಬಿಗ್ ಬಾಸ್ ಟ್ರೋಫಿ ʻಚಾರ್ಲಿʼ ಚೆಲುವೆ ಸಂಗೀತಾ ಕೈ ಸೇರುತ್ತಾ?ಎಂದು ಅವರ ಅಭಿಮಾನಿಗಳು ಕುತೂಹಲದಿಂದ ಕಾಯುತ್ತಿದ್ದಾರೆ.