ಬೆಂಗಳೂರು: ಬಿಗ್ ಬಾಸ್‌ನಲ್ಲಿ 15ನೇ (BBK SEASON 10) ವಾರ ಚಾಲ್ತಿಯಲ್ಲಿದೆ. ಹೀಗಿರುವಾಗ ಹಿಂದಿನ ವಾರ ಎಲಿಮಿನೇಷನ್ ನಡೆಯಲಿಲ್ಲ. ಇದೀಗ ‘ಬಿಗ್ ಬಾಸ್’ ಮನೆಯಲ್ಲಿ ʻಮಿಡ್‌ ವೀಕ್ ಎಲಿಮಿನೇಷನ್ʼ ನಡೆದಿದೆ. ‘ಬಿಗ್ ಬಾಸ್’ ಮನೆಯಿಂದ ಮಿಡ್‌ ವೀಕ್‌ನಲ್ಲಿ ತನಿಷಾ ಕುಪ್ಪಂಡ ಔಟ್‌ ಆಗಿದ್ದಾರೆ. ಇಂದು (ಜನವರಿ 18) ಈ ಎಪಿಸೋಡ್ ಪ್ರಸಾರ ಕಾಣಲಿದೆ. ಜಿಯೋ ಸಿನಿಮಾ ಇದೀಗ ಪ್ರೋಮೊ ಹಂಚಿಕೊಂಡಿದೆ.
ತನಿಷಾ ಅವರ ಕಾಲು ಯಾವಾಗ ಪೆಟ್ಟು ಆಯ್ತೋ ಅಲ್ಲಿಂದ ತುಂಬ ಸ್ಲೋ ಆದರು ತನಿಷಾ. ಮನೆಯಲ್ಲಿ ನೇರ, ದಿಟ್ಟ ಮಾತಿಗೆ ಹೆಸರುವಾಸಿ. ಫಿಲ್ಟರ್‌ಲೆಸ್‌ ಮಾತುಗಳಿಂದಲೇ ತನಿಷಾ ಹೆಸರುವಾಸಿ. ಇದೇ ಕಾರಣಕ್ಕೆ ಉಳಿದ ಸ್ಪರ್ಧಿಗಳು ಇವರನ್ನ ‘ಬೆಂಕಿ’ ಎಂದು ಕರೆಯುತ್ತಿದ್ದರು. ಕಳೆದ ವಾರ ಸುದೀಪ್‌ ಅವರು ಎಲಿಮಿನೇಷನ್ ಈ ವಾರ ಇಲ್ಲ ಎಂದು ವರ್ತೂರ್‌ ಸಂತೋಷ್ ಅವರನ್ನು ಸೇಫ್‌ ಮಾಡಿದ್ದರು.
ʻʻಈ ವಾರ ಯಾರೂ ಮನೆಗೆ ಹೋಗ್ತಿಲ್ಲ. ಯಾಕೆ, ಏನು, ಏನು ವಿಷ್ಯ.. ಪ್ರತಿಯೊಂದೂ ಮುಂದಿನ ದಿನಗಳಲ್ಲಿ ಗೊತ್ತಾಗುತ್ತದೆ. ಎಲಿಮಿನೇಷನ್ ಓಪನ್ ಖಂಡಿತ ಇದೆ. ಸದ್ಯಕ್ಕೆ ಎಲಿಮಿನೇಷನ್ ಹೋಲ್ಡ್‌ ಅಲ್ಲಿ ಇದೆʼʼಎಂದಿದ್ದರು. ಹೀಗಾಗಿ ಇದೀಗ ‘ಬಿಗ್ ಬಾಸ್’ ಮನೆಯಲ್ಲಿ ಮಿಡ್‌ ವೀಕ್ ಎಲಿಮಿನೇಷನ್ ನಡೆದಿದೆ.
ಪ್ರೋಮೊದಲ್ಲಿ ಕೂಡ ತನಿಷಾ ಬಿಕ್ಕಿ ಬಿಕ್ಕಿ ಅತ್ತಿದ್ದಾರೆ. ನನ್ನ ಧ್ವನಿ ನಿಮಗೆಲ್ಲ ಇನ್ನು ಇರಿಟೇಟ್‌ ಮಾಡುವುದಿಲ್ಲ ಎಂದು ಕಣ್ಣೀರು ಇಟ್ಟಿದ್ದಾರೆ.
ಇದನ್ನೂ ಓದಿ: BBK Season 10: ಪ್ರತಾಪ್‌ ಬಗ್ಗೆ ಇಶಾನಿ ‘ಕೀಳು’ ಮಾತು; ಕ್ಷಮೆ ಕೇಳಿದ್ರೆ ಸರಿ ಎಂದು ಫ್ಯಾನ್ಸ್‌ ಗರಂ!
ಮುಂದಿನ ವಾರ ಫಿನಾಲೆ ಎಂದು ಹೇಳಲಾಗುತ್ತಿದೆ. ಈಗಾಗಲೇ ಫಿನಾಲೆಗೆ ಸಂಗೀತಾ ಅವರು ನೇರವಾಗಿ ಟಿಕೆಟ್‌ ಪಡೆದುಕೊಂಡಿದ್ದಾರೆ. ಉಳಿದ 7 ಸ್ಪರ್ಧಿಗಳ ಪೈಕಿ ಟಾಪ್‌ 5 ಹಂತಕ್ಕೆ ಯಾರು ಹೋಗಲಿದ್ದಾರೆ ಎಂಬ ಕುತೂಹಲ ವೀಕ್ಷಕರಲ್ಲಿ ಹೆಚ್ಚಾಗಿದೆ. 15ನೇ ವಾರ ನಾಮಿನೇಷನ್ ಪ್ರಕ್ರಿಯೆ ನಡೆದಿದ್ದು, ಡ್ರೋನ್ ಪ್ರತಾಪ್‌, ವರ್ತೂರು ಸಂತೋಷ್, ತನಿಷಾ, ವಿನಯ್, ನಮ್ರತಾ ಹಾಗೂ ಕಾರ್ತಿಕ್‌ ನಾಮಿನೇಟ್ ಆಗಿದ್ದರು.
ಹೃದಯಾಕಾರಕ್ಕೆ ಚೂರಿ ಹಾಕುವ ನಾಮಿನೇಷನ್ ಪ್ರಕ್ರಿಯೆಯಲ್ಲಿ ತನಿಷಾ ಕಾರ್ತಿಕ್‌ ಅವರಿಂದ ಒಂದೇ ವೋಟ್‌ ನಲ್ಲಿ ನಾಮಿನೇಟ್ ಆಗಿದ್ದರು. ಇನ್ನು ಈ ವಾರ ಕೂಡ ನಮ್ರತಾ ಅವರು ತನಿಷಾ ಅವರನ್ನು ನಾಮಿನೇಟ್ ಮಾಡಿದ್ದರು. ʻಕಾಲಿಗೆ ಏಟು ಬಿದ್ಮೇಲೆ ಅಟ ತುಂಬಾ ಸ್ಲೋ ಆಗಿದೆʼ ಎಂದು ತನಿಷಾ ಬಗ್ಗೆ ಹೇಳಿದ್ದರು. ನಾಮಿನೇಷನ್ ಪ್ರಕ್ರಿಯೆಯಲ್ಲಿ ಒಂದು ವೋಟ್‌ ಪಡೆದಿದ್ದ ತುಕಾಲಿ ಸಂತು ನಾಮಿನೇಟ್ ಆಗಲಿಲ್ಲ.
ಜಾತಿ ನಿಂದನೆ ಆರೋಪದಲ್ಲಿ ತನಿಷಾ ಕುಪ್ಪಂಡ!
ಆಕ್ಷೇಪಾರ್ಹ ಪದ ಬಳಸಿರುವ ತನಿಷಾ ಕುಪ್ಪಂಡ ವಿರುದ್ಧ ಕ್ರಮ ಕೈಗೊಳ್ಳಬೇಕು ಎಂದು ಒತ್ತಾಯಿಸಿ ಬಹುಜನ ದಲಿತ ಸಂಘರ್ಷ ಸಮಿತಿಯಿಂದ ಪರಪ್ಪನ ಅಗ್ರಹಾರ ಪೊಲೀಸ್ ಠಾಣೆಗೆ ದೂರು ನೀಡಲಾಗಿತ್ತು. ಇದಕ್ಕೂ ಮೊದಲು ಭೋವಿ ಸಮಾಜದ ವಿರುದ್ಧ ಆಕ್ಷೇಪಾರ್ಹ ಪದ ಬಳಕೆ ಮಾಡಿದ ಹಿನ್ನೆಲೆಯಲ್ಲಿ ಅಖಿಲ ಕರ್ನಾಟಕ ಭೋವಿ ಸಮಾಜದ ರಾಜ್ಯಾಧ್ಯಕ್ಷೆ ಪಿ. ಪದ್ಮಾ ಅವರು ಕುಂಬಳಗೋಡು ಪೊಲೀಸ್ ಠಾಣೆಗೆ ದೂರು ನೀಡಿದ್ದರು. ತನಿಷಾ ಕುಪ್ಪಂಡ ವಿರುದ್ಧ ದಲಿತ ಸಂಘರ್ಷ ಸಮಿತಿಯ ಪ್ರಧಾನ ಕಾರ್ಯದರ್ಶಿ ದಲಿತ್ ಸಂತೋಷ್ ದೂರು ದಾಖಲಿಸಿದ್ದರು.
ಇಷ್ಟಕ್ಕೂ ತನಿಷಾ ಏನಂದಿದ್ರು?
ಬಿಗ್ಬಾಸ್ ಮನೆಯಲ್ಲಿ ತನಿಷಾ ಹಾಗೂ ಡ್ರೋನ್ ಪ್ರತಾಪ್‌ ನಡುವಿನ ಸಂಭಾಷಣೆಯಲ್ಲಿ ವಡ್ಡರ ಕುರಿತಾಗಿ ಅವಹೇಳನಕಾರಿಯಾಗಿ ಮಾತನಾಡಿದ್ದಾರೆ ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿತ್ತು. ತನಿಷಾ ಪ್ರತಾಪ್‌ಗೆ ವಡ್ಡನೋ ನೀನು ವಡ್ಡನ ತರಹ ಆಕ್ಟ್‌ ಮಾಡ್ತೀಯಾ ಎಂದು ಪದ ಬಳಕೆ ಮಾಡಿದ್ದರು. ಇದು ಬೋವಿ ಜನಾಂಗಕ್ಕೆ ಅವಮಾನ ಮಾಡಿದಂತೆ. ಜಾತಿ ಹಾಗೂ ಜನಾಂಗದ ಬಗ್ಗೆ ಮಾತಾಡಿರುವುದು ಸರಿಯಲ್ಲ. ಉದ್ದೇಶಪೂರ್ವಕವಾಗಿಯೇ ವಡ್ಡರ ಜನಾಂಗದ ಬಗ್ಗೆ ಅವಮಾನಕರವಾಗಿ ಮಾತನಾಡಿದ್ದಾರೆ. ಇವರನ್ನು ಕೂಡಲೇ ಬಿಗ್ಬಾಸ್ ಮನೆಯಿಂದ ಹೊರಹಾಕಬೇಕು ಜತೆಗೆ ಬಂಧಿಸಬೇಕೆಂದು ಭೋವಿ ಸಮಾಜ ಆಗ್ರಹಿಸಿತ್ತು. ಈ ವಿಚಾರದಲ್ಲಿ ತನಿಷಾ ಸಾಕಷ್ಟು ಸುದ್ದಿಯಲ್ಲಿದ್ದರು.
ಬಿಗ್ಬಾಸ್ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಮೆಂಟ್ ಮೂಲಕ ತಿಳಿಸಿ