ಬೆಂಗಳೂರು: ‘ಬಿಗ್ ಬಾಸ್ ಕನ್ನಡ 10’ (BBK SEASON 10) ಕಾರ್ಯಕ್ರಮದಿಂದ 15ನೇ ವಾರ ತನಿಷಾ ಕುಪ್ಪಂಡ ಎಲಿಮಿನೇಟ್ ಆಗಿದ್ದಾರೆ. ‘ಟಾಪ್‌ 5ನಲ್ಲಿ ಇದ್ದೇ ಇರ್ತೀನಿ’ ಎಂದು ಅಂದುಕೊಂಡಿದ್ದ ತನಿಷಾ ಕೊನೆಗೂ ಬೇಸರದಲ್ಲಿಯೇ ಮನೆಯಿಂದ ಹೊರ ನಡೆದರು. ಹೋಗುವಾಗ ಬಿಗ್ ಬಾಸ್‌ಗೆ ಪ್ರಶ್ನೆಯನ್ನೂ ಇಟ್ಟಿದ್ದರು. ʻಬರೋವಾಗಲೂ ಕೆಟ್ಟದಾಗಿ ಬಂದೆ, ಹೋಗೋವಾಗಲೂ ಕೆಟ್ಟದಾಗಿ ಹೋಗ್ತಿದ್ದೀನಿ. ಇಷ್ಟು ಕೆಟ್ಟದಾಗಿ ಯಾಕೆ ಕರೆಸಿಕೊಳ್ತಿದ್ದೀರಾ?ʼʼಎಂದು ಬಿಕ್ಕಿ ಬಿಕ್ಕಿ ಅತ್ತರು. ಕಿಚ್ಚ ಸುದೀಪ್‌ ಅವರ ವೇದಿಕೆಗೂ ಹೋಗದ ಹಾಗೆ ಎಲಿಮಿನೇಟ್ ಆಗಿರುವುದು ತನಿಷಾ ಅವರಿಗೆ ನೋವುಂಟು ಮಾಡಿದೆ.
ತನಿಷಾ ಅವರ ಕಾಲು ಯಾವಾಗ ಪೆಟ್ಟು ಆಯ್ತೋ ಅಲ್ಲಿಂದ ತುಂಬ ಸ್ಲೋ ಆದರು ತನಿಷಾ. ಮನೆಯಲ್ಲಿ ನೇರ, ದಿಟ್ಟ ಮಾತಿಗೆ ಹೆಸರುವಾಸಿ. ಫಿಲ್ಟರ್‌ಲೆಸ್‌ ಮಾತುಗಳಿಂದಲೇ ತನಿಷಾ ಹೆಸರುವಾಸಿ. ಇದೇ ಕಾರಣಕ್ಕೆ ಉಳಿದ ಸ್ಪರ್ಧಿಗಳು ಇವರನ್ನ ‘ಬೆಂಕಿ’ ಎಂದು ಕರೆಯುತ್ತಿದ್ದರು. ಕಳೆದ ವಾರ ಸುದೀಪ್‌ ಅವರು ಎಲಿಮಿನೇಷನ್ ಈ ವಾರ ಇಲ್ಲ ಎಂದು ವರ್ತೂರ್‌ ಸಂತೋಷ್‌ ಅವರನ್ನು ಸೇಫ್ ಮಾಡಿದ್ದರು.
ʻʻಈ ವಾರ ಯಾರೂ ಮನೆಗೆ ಹೋಗ್ತಿಲ್ಲ. ಯಾಕೆ, ಏನು, ಏನು ವಿಷ್ಯ.. ಪ್ರತಿಯೊಂದೂ ಮುಂದಿನ ದಿನಗಳಲ್ಲಿ ಗೊತ್ತಾಗುತ್ತದೆ. ಎಲಿಮಿನೇಷನ್ ಓಪನ್ ಖಂಡಿತ ಇದೆ. ಸದ್ಯಕ್ಕೆ ಎಲಿಮಿನೇಷನ್ ಹೋಲ್ಡ್‌ ಅಲ್ಲಿ ಇದೆʼʼಎಂದಿದ್ದರು. ಹೀಗಾಗಿ ಇದೀಗ ‘ಬಿಗ್ ಬಾಸ್’ ಮನೆಯಲ್ಲಿ ಮಿಡ್‌ ವೀಕ್ ಎಲಿಮಿನೇಷನ್ ನಡೆದಿದೆ.
ಕಡಿಮೆ ವೋಟ್‌ಗಳನ್ನ ಪಡೆದುಕೊಂಡು, ‘ಅಸಮರ್ಥರು’ ಎಂಬ ಹಣೆಪಟ್ಟಿಯೊಂದಿಗೆ ‘ಬಿಗ್ ಬಾಸ್’ ಮನೆಯೊಳಗೆ ತನಿಷಾ ಕಾಲಿಟ್ಟಿದ್ದರು. ಕಿಚ್ಚ ಸುದೀಪ್‌ ಅವರ ವೇದಿಕೆಗೂ ಹೋಗದ ಹಾಗೆ ಎಲಿಮಿನೇಟ್ ಆಗಿರುವುದು ತನಿಷಾ ತೀವ್ರ ನೋವುಂಟು ಮಾಡಿದೆ.
ಇನ್ನು ತನಿಷಾ ಅವರು ಮನೆಯಿಂದ ಆಚೆ ಹೋಗುವಾಗ ನೋವಿನ ಮಾತುಗಳನ್ನು ಆಡಿದ್ದಾರೆ. ‘’ನೀನೇ ಅಲ್ವಾ ನಾಮಿನೇಟ್ ಮಾಡಿದ್ದು? ಥ್ಯಾಂಕ್ಸ್‌’’ ಎಂದು ಕಾರ್ತಿಕ್‌ಗೆ ತನಿಷಾ ಹೇಳಿದರು.
ʻʻತುಂಬಾ ಆಸೆ ಪಟ್ಟಿದ್ರಿ ಅಲ್ವಾ ನಾನು ಹೋಗಬೇಕು ಅಂತ. ಈಗ ಹೋಗ್ತಾ ಇದ್ದೀನಿ. ನಾನು ಇಲ್ಲಿ ತುಂಬಾ ಸಫರ್ ಮಾಡಿದ್ದೇನೆ. ನನ್ನ ಜರ್ನಿ ಇಷ್ಟು ಬೇಗ ಕ್ಲೋಸ್ ಆಗುತ್ತೆ ಅಂತ ನಾನು ನಿರೀಕ್ಷೆ ಮಾಡಿರಲಿಲ್ಲ’’ ಎಂದು ಎಲ್ಲರ ಮುಂದೆ ತಮ್ಮ ಬೇಸರವನ್ನ ತನಿಷಾ ಹೊರಹಾಕಿದರು. ʻನನ್ನ ವಾಯ್ಸ್ ತುಂಬಾ ಇರಿಟೇಟ್ ಆಗ್ತಿತ್ತಲ್ವಾ ನಿಮ್ಮೆಲ್ಲರಿಗೂ. ಈಗ ಖುಷಿಯಾಗಿರಿ. ಇನ್ಮೇಲೆ ನನ್ನ ವಾಯ್ಸ್ ನಿಮಗ್ಯಾರಿಗೂ ಇರಿಟೇಟ್ ಮಾಡಲ್ಲ. ನನಗೆ ಕಾಲು ನೋವು ಆದಾಗಲೇ ನಾನು ಮನೆಗೆ ಹೋಗಿದ್ದರೆ ಆಗುತ್ತಿತ್ತುʼʼಎನದರು. ಸಂಗೀತಾಗೆ ʻʻಗುಡ್‌ ಲಕ್‌. ಖುಷಿಯಾಗಿರಿ. ನಾನು ಶೃಂಗೇರಿಗೆ ಹೋಗಿ ರೆಸ್ಪೆಕ್ಟ್ ಕೊಡೋದು ಹೇಗೆ ಅಂತ ಕಲಿತುಕೊಂಡು ಬರ್ತೀನಿʼʼಎಂದು ತಿರುಗೇಟು ಕೊಟ್ಟರು.
ಇದನ್ನೂ ಓದಿ: BBK SEASON 10: ಅಬ್ಬರಿಸಿದ ʻವಿನಯ್ʼ; ಅವರವರ ಗತ್ತು ಅವರಿಗೆ ಗೊತ್ತು ಎಂದು ಡೈಲಾಗ್‌ ಹೊಡೆದ ವರ್ತೂರ್‌!
ಮೊದಲು ವಿನಯ್, ಬಳಿಕ ವರ್ತೂರು, ಬಳಿಕ ನಮ್ರತಾ ಸೇಫ್ ಆದರು. ಕೊನೆಗೆ ಕಾರ್ತಿಕ್, ತನಿಷಾ ಹಾಗೂ ತುಕಾಲಿ ಸಾಲಿನಲ್ಲಿ ಉಳಿದುಕೊಂಡರು. ಆಗಲೇ ಮನೆಯ ಬಾಗಲು ಸಹ ತೆಗೆಯಿತು. ಆಗ ತನಿಷಾ ನಿಮ್ಮ ಪಯಣ ಇಲ್ಲಿಗೆ ಮುಗಿಯಿತು ಎಂದರು ಬಿಗ್ಬಾಸ್. ʻʻತುಕಾಲಿ ಹಾಗೂ ವರ್ತೂರು ಸಂತುಗೆ ನೀವು ಗೆದ್ದು ಬನ್ನಿ, ನಾನು ನೋವಿನಲ್ಲಿದ್ದಾಗ ಬಂದು ಸಂತೈಸಿದ್ದು ನೀನೇ ಎಂದು ತುಕಾಲಿಯನ್ನು ಅಪ್ಪಿಕೊಂಡರುʼʼತನಿಷಾ.
ʻʻನಾನು ಹೋಗಿದ್ದರೆ ಪರ್ವಾಗಿಲ್ಲ. ಆದರೆ, ಇಷ್ಟು ಕೆಟ್ಟದಾಗಿ ಹೋಗೋಕೆ ಇಷ್ಟ ಇರಲಿಲ್ಲ. ನಾನು ಬರೋವಾಗಲೂ ನೋವಿನಲ್ಲಿ ಬಂದೆ. ಹೋಗುವಾಗಲೂ ಸ್ಟೇಜ್‌ಗೆ ಹೋಗದೆ ಹೋಗ್ತೀನಿ ಎಂದು ಅಂದುಕೊಂಡಿರಲಿಲ್ಲʼʼ ಎನ್ನುತ್ತಲೇ ಮನೆಯಿಂದ ಹೊರ ನಡೆದರು ತನಿಷಾ.
ಬಿಗ್ಬಾಸ್ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಮೆಂಟ್ ಮೂಲಕ ತಿಳಿಸಿ