ಬೆಂಗಳೂರು: ಈ ವಾರ ಕಿಚ್ಚ ಸುದೀಪ್‌ (BBK SEASON 10) ವೀಕೆಂಡ್‌ ಪಂಚಾಯಿತಿಯಲ್ಲಿ ಟಾಪ್ ಮೂರರಲ್ಲಿ ಬರುವ ಸ್ಪರ್ಧಿಗಳು ಯಾರು ಎಂಬುದನ್ನು ಚರ್ಚಿಸಿದ್ದಾರೆ. ಈಗಾಗಲೇ ಮನೆಯಲ್ಲಿ ಒಂಬತ್ತು ಸ್ಪರ್ಧಿಗಳು ಇದ್ದಾರೆ. ಆದರೆ ಇಷ್ಟೂ ಸ್ಪರ್ಧಿಗಳಲ್ಲಿ ಒಬ್ಬರು ಮಾತ್ರ ಕಪ್‌ ಗೆಲ್ಲುತ್ತಾರೆ. ಹೀಗಾಗಿ ಸುದೀಪ್‌ ಮನೆಯ ಸದಸ್ಯರಿಗೆ ಈ ಬಾರಿ ಯಾರು ಗೆಲ್ಲಲಿದ್ದಾರೆ ಎಂದು ಪ್ರಶ್ನೆ ಮಾಡಿದರು. ಟಾಪ್ 1, ಟಾಪ್ 2 ಹಾಗೂ ಟಾಪ್ 3 ಮಾದರಿಯಲ್ಲಿ ನಿಮ್ಮ ಆಯ್ಕೆಯನ್ನು ಮುಂದಿಡಿ ಎಂದರು. ಅದಕ್ಕಾಗಿ ವಿಶೇಷ ಬೋರ್ಡ್ ಒಂದರ ವ್ಯವಸ್ಥೆಯನ್ನು ಸಹ ಮಾಡಿದರು. ಕೆಲವರು ತಮ್ಮ ಹೆಸರಿಗೆ ಬೋರ್ಡ್ ಹಾಕಿಕೊಂಡವರೂ ಇದ್ದರು. ಇದಾದ ಬಳಿಕ ಈ ಬಾರಿ ಬಿಗ್ಬಾಸ್ ವಿನ್ನರ್ ಯಾರಾಗಲಿದ್ದಾರೆ ಎಂಬುದನ್ನು ತಮಗೆ ಅನ್ನಿಸಿದಂತೆ ಹೇಳಿದರು.
ಹೆಚ್ಚಾಗಿ ಸ್ಪರ್ಧಿಗಳು ಈ ಬಾರಿ ವಿನಯ್ ಹಾಗು ಸಂಗೀತಾ ವಿನ್ನರ್ ಎಂದು ಹೇಳಿದರು. ವಿಶೇಷ ಅಂದರೆ ಈ ಬಾರಿ ಸಂಗೀತಾ ಅವರು ವಿನಯ್ ಅವರಿಗಿಂತ ಹೆಚ್ಚಾಗಿ ಟಾಪ್ ಒಂದರಲ್ಲಿ ಕಾಣಿಸಿಕೊಂಡರು. ಕೆಲವರು ಮಾತ್ರ ಸಂಗೀತಾರನ್ನು ಟಾಪ್ 3 ಸ್ಥಾನದಲ್ಲಿಟ್ಟರು. ನಮ್ರತಾ, ಕಾರ್ತಿಕ್, ಮೈಕಲ್ ಅವರುಗಳು ವಿನಯ್ ಟಾಪ್ 1ರಲ್ಲಿ ಬರುತ್ತಾರೆ ಎಂದರು. ಸಂಗೀತಾ ಮಾತ್ರ ತುಕಾಲಿ ಸಂತು ಟಾಪ್ 1ರಲ್ಲಿ ಇರಲಿದ್ದಾರೆ ಎಂದರು.
ಕಾರ್ತಿಕ್ ಬಿಗ್ ಬಾಸ್ ಗೆಲ್ಲಲ್ಲ ಎಂದ ಸಂಗೀತಾ
ಈ ಸುತ್ತಿನಲ್ಲಿ ಎಲ್ಲರ ಅಭಿಪ್ರಾಯಕ್ಕಿಂತ ಸಂಗೀತಾ ಹಾಗೂ ಕಾರ್ತಿಕ್ ಅವರ ಉತ್ತರ ಅಚ್ಚರಿ ತಂದಿತ್ತು. ಸಂಗೀತಾ ಅವರು ವರ್ತೂರ್ ಸಂತೋಷ್‌ ಅವರು ಬಿಗ್ ಬಾಸ್ ಗೆಲ್ಲುತ್ತಾರೆ ಎಂದರು. ಎರಡನೇ ಸ್ಪರ್ಧಿ ನಮ್ರತಾ ಗೌಡ. ಮೂರನೇ ಸ್ಪರ್ಧಿ ವಿನಯ್ ಗೌಡ. ಈ ಪಟ್ಟಿಯಲ್ಲಿ ಕಾರ್ತಿಕ್ ಹೆಸರು ಹೇಳಲೇ ಇಲ್ಲ. ಕಾರ್ತಿಕ್ ಪ್ರಕಾರ ಬಿಗ್ ಬಾಸ್ ಗೆಲ್ಲುವ ಸಾಮರ್ಥ್ಯ ಇರುವ ಮೊದಲ ಸ್ಪರ್ಧಿ ವಿನಯ್ ಗೌಡ, ಎರಡನೇ ಸ್ಪರ್ಧಿ ತನಿಷಾ ಕುಪ್ಪಂಡ, ಮೂರನೇ ಸ್ಪರ್ಧಿ ನಮ್ರತಾ ಗೌಡ. ಆರಂಭದಲ್ಲಿ ಇಬ್ಬರೂ ತುಂಬ ಕ್ಲೋಸ್‌ ಆಗಿದ್ದರು. ಆದರೀಗ ಸಂಗೀತಾ ಅವರು ಡ್ರೋನ್ ಪ್ರತಾಪ್ ಅವರಿಗೆ ಹತ್ತಿರವಾಗಿದ್ದಾರೆ. ಕಾರ್ತಿಕ್ ಅವರು ನಮ್ರತಾ ಗೌಡ ಮತ್ತು ವಿನಯ್ ಗೌಡ ಜೊತೆ ಸ್ನೇಹ ಬೆಳೆಸಿದ್ದಾರೆ.
ಹೀಗಾಗಿ 84 ದಿನಗಳನ್ನು ಈಗಾಗಲೇ ಸ್ಪರ್ಧಿಗಳು ಕಳೆದಿದ್ದಾರೆ. ಫಿನಾಲೆ ಕೂಡ ಹತ್ತಿರ ಬರುತ್ತಿದೆ. ಮನೆಯಲ್ಲಿ ಅತಿ ಹೆಚ್ಚು ಸ್ಥಾನ ಪಡೆದಿದ್ದು ವಿನಯ್ ಸಂಗೀತಾ ಆದರೆ, ಆ ನಂತರ ಸ್ಥಾನ ಕಾರ್ತಿಕ್ ಅದರ ಬಳಿಕ ನಮ್ರತಾ, ಆ ಬಳಿಕ ತನಿಷಾ, ಡ್ರೋನ್ ಪ್ರತಾಪ್ ಅವರು ಟಾಪ್ 3 ಪಟ್ಟಿಯಲ್ಲಿ ಒಂದು ಬಾರಿ ಮಾತ್ರ ಕಾಣಿಸಿಕೊಂಡರು. ವರ್ತೂರು ಸಂತು ಸಹ ಟಾಪ್ 3ನಲ್ಲಿ ಒಂದು ಬಾರಿ ಮಾತ್ರ ಕಾಣಿಸಿಕೊಂಡರು. ತುಕಾಲಿ ಸಂತು ಎರಡು ಬಾರಿ ಟಾಪ್ 1 ರಲ್ಲಿ ಒಂದು ಬಾರಿ ಟಾಪ್ 3ರಲ್ಲಿ ಮತ ಪಡೆದರು. ಡ್ರೋನ್ ಪ್ರತಾಪ್ ಮತ್ತು ಮೈಕಲ್ ಕೇವಲ ಒಂದು ಮತವನ್ನಷ್ಟೆ ಪಡೆದುಕೊಂಡರು.
ಇದನ್ನೂ ಓದಿ: BBK SEASON 10: ಕಿಚ್ಚನಿಂದ ವರ್ತೂರ್ ಸಂತೋಷ್‌ಗೆ ಕ್ಲಾಸ್‌; ತಪ್ಪು ತಿದ್ದಿಕೊಳ್ತೀನಿ ಎಂದ ಹಳ್ಳಿಕಾರ್‌!
ಆದರೆ ಒಂದೂ ಮತವನ್ನು ಸಿರಿ ಅವರು ಪಡೆದುಕೊಂಡಿರಲಿಲ್ಲ. ಮೂರನೇ ಸ್ಥಾನದಲ್ಲಿಯೂ ಸ್ಪರ್ಧಿಗಳು ಸಿರಿ ಅವರನ್ನು ಪರಿಗಣನೆ ಮಾಡಿರಲಿಲ್ಲ. ಇದೀಗ ಫಿನಾಲೆ ಹತ್ತಿರ ಬರುತ್ತಿದೆ. ಸ್ಪರ್ಧಿಗಳ ಮಧ್ಯೆ ಸ್ಪರ್ಧೆ ಜೋರಾಗಿದೆ. ಈ ಬಾರಿಯ ಬಿಗ್ ಬಾಸ್ ವಿನ್ನರ್ ಯಾರು ಎಂಬುದು ಕಾದು ನೋಡಬೇಕಿದೆ.
ಬಿಗ್ಬಾಸ್ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಮೆಂಟ್ ಮೂಲಕ ತಿಳಿಸಿ