ಬೆಂಗಳೂರು: ʻಬಿಗ್ ಬಾಸ್ʼ ಸೀಸನ್‌ 10, 14ನೇ ವಾರಕ್ಕೆ ಕಾಲಿಟ್ಟಿದೆ. ವಿನಯ್ ಅವಾಚ್ಯ ಶಬ್ದಗಳನ್ನು ಬಳಸುವುದು ಹೊಸತೇನಲ್ಲ. ಈ ವಾರ ಪ್ರತಾಪ್ ಹಾಗೂ ವಿನಯ್ ನಡುವೆ ದೊಡ್ಡ ವಾರ್‌ ನಡೆದ್ದೇ ಹೋಯ್ತು. ಫಿನಾಲೆ ಹತ್ತಿರ ಬರುತ್ತಿದ್ದಂತೆ ಸ್ಪರ್ಧಿಗಳು ಎಷ್ಟು ಎಚ್ಚರ ವಹಿಸಿದರೂ ಸಾಲದು. ಆದರೂ ವಿನಯ್ ಮಾತ್ರ ಆಗಾಗ ಅಗ್ರೆಸಿವ್‌ ಆಗದೇ ಇರಲಾರರು. ವಿನಯ್ ಈ ವಾರ ಅವರು ನಾಮಿನೇಷನ್ ಲಿಸ್ಟ್ನಲ್ಲಿ ಇದ್ದಾರೆ. ಇದರ ಜತೆಗೆ ಪ್ರತಾಪ್ ಅವರಿಗೆ ಕ್ಷಮೆ ಕೇಳಿದ್ದಾರೆ. ಅತ್ತ ವರ್ತೂರ್‌ ಕೂಡ ʻವಿನಯ್ ಮಾಡಿದ್ದು ತಪ್ಪುʼ ಎಂದು ಹೇಳಿದ್ದಾರೆ.
ಪ್ರತಾಪ್ ಅವರು ಕಿಚ್ಚ ಅವರ ಮುಂದೆಯೇ ʻಯಾರೆಲ್ಲ ವಿನಯ್ ಅವರ ಜತೆಯಲ್ಲಿ ಇದ್ದರೋ ಅವರೆಲ್ಲಾ ಮನೆಗೆ ಹೋದರು. ಮನೆಗೆ ಹೋದವರೆಲ್ಲರ ಬೆಡ್‌ಶೀಟ್‌ ವಿನಯ್ ಅವರ ಬೆಡ್‌ಗೆ ಸೇರುತ್ತಿದೆ. ವಿನಯ್ ಗೌಡ ಅವರು ಗೆಳೆಯರ ತಪ್ಪನ್ನು ತಿದ್ದಲಿಲ್ಲʼʼ ಎಂದು ಅಭಿಪ್ರಾಯ ಹಂಚಿಕೊಂಡಿದ್ದರು. ಅಲ್ಲಿಂದ ವಿನಯ್ ಅವರಿಗೆ ಪ್ರತಾಪ್ ಮೇಲೆ ಕೋಪ. ಮನೆಯಲ್ಲಿ ಈ ಬಗ್ಗೆ ಮತ್ತೆ ಪ್ರಸ್ತಾವನೆ ಇಟ್ಟು , ಪ್ರತಾಪ್‌ಗೆ ಅವಾಚ್ಯ ಪದಗಳಿಂದ ಬೈದಿದ್ದರು. ʻಅಮಾಯಕನ ತರ ಎಲ್ಲರಿಗೂ ಬೂದಿ ಎರಚಿಕೊಂಡು ಈ ಮನೆಯಲ್ಲಿ ಇರೋದು ಪ್ರತಾಪ್.ನೀನು ಮುಗ್ಧನಾಗಿ ಬಂದು ಇಲ್ಲಿ ನಾಟಕ ಮಾಡ್ಕೊಂಡು ಆಡೋದು ನನಗೆ ಗೊತ್ತಿಲ್ವಾ? ಇನ್ನು ಎಷ್ಟೋ ನಾಟಕ ಮಾಡ್ತೀಯಾ ಈ ಮನೇಲಿ? ಎಂದು ಏಕವಚನದಲ್ಲಿ ಕೂಗಿದ್ದಾರೆ. ಇದೀಗ ವಿನಯ್ ಅವರಿಗೆ ತಪ್ಪಿನ ಅರಿವಾಗಿದೆ.
ಬೇಸರ ಆಗಿದ್ದರೆ ಕ್ಷಮೆ ಇರಲಿ
ʻಬಿಗ್ ಬಾಸ್ʻʼ ಒಂದು ಟಾಸ್ಕ್‌ ನೀಡಿದ್ದರು. ಫಿನಾಲೆಗೆ ಹೋಗುವುದಕ್ಕೆ ಯಾರು ಅರ್ಹರು ಎಂದು ಸೂಚಿಸಿ ಎಂದು ಹೇಳಿದ್ದರು. ವಿನಯ್ ಗೌಡ ಅವರು ಕಾರ್ತಿಕ್ ಹೆಸರನ್ನು ತೆಗೆದುಕೊಂಡರು. ಆ ಬಳಿಕ ಅವರು ಎಲ್ಲರ ಬಳಿ ಕ್ಷಮೆ ಕೇಳಿದರು. ʻನನಗೆ ಕೋಪ ಬಂದಾಗ ಕೂಗಾಡುತ್ತೇನೆ. ಇದರಿಂದ ಯಾರಿಗಾದರೂ ಬೇಸರ ಆಗಿದ್ದರೆ ಕ್ಷಮೆ ಕೇಳುತ್ತೇನೆʼಎಂದರು. ಪ್ರತಾಪ್ ಅವರ ಬಳಿ ವಿನಯ್ ಹೋಗಿ ಹಗ್‌ ಮಾಡಿ ʻʻನನ್ನಿಂದ ಬೇಸರ ಆಗಿದ್ದರೆ ಕ್ಷಮೆ ಇರಲಿ. ನೀನು ಗೆದ್ದರೆ ನನಗೆ ಖುಷಿ ಆಗುತ್ತದೆʼʼಎಂದರು. ಪ್ರತಾಪ್ ಕೂಡ ʻʻತಪ್ಪಿನ ಅರಿವಾಯಿತಲ್ಲ. ಅದು ಖುಷಿಯ ವಿಚಾರ. ನೀವು ಗೆದ್ದರೆ ನನಗೂ ಸಂತೋಷವೇʼʼಎಂದರು.
ಇದನ್ನೂ ಓದಿ: BBK SEASON 10: ʻನಾಮಿನೇಷನ್ʼನಿಂದ ಪಾರಾದ ಡ್ರೋನ್‌ ಪ್ರತಾಪ್; ಕಣ್ಣೀರಿಟ್ಟ ನಮ್ರತಾ!
ನೀವು ಮಾಡಿದ್ದು ತಪ್ಪು ಎಂದ ವರ್ತೂರ್‌
ಈಗಾಗಲೇ ಪ್ರತಾಪ್ ಹಾಗೂ ಸಂಗೀತಾ ಅವರಿಗೆ ದೊಡ್ಡ ಅಭಿಮಾನಿ ಬಳಗವೇ ಸೃಷ್ಟಿಯಾಗಿದೆ. ಮನೆಯ ಹೊರಗೆ ಆಗುವ ಅಪ್‌ಡೇಟ್‌ಗಳ ಬಗ್ಗೆ ಸ್ಪರ್ಧಿಗಳಿಗೆ ಅರಿವಿಲ್ಲ. ಪ್ರತಿ ಸ್ಪರ್ಧಿಗೂ ಜನರು ತಮ್ಮನ್ನು ಹೇಗೆ ಸ್ವೀಕರಿಸುತ್ತಾರೆ ಎನ್ನುವ ಭಯ ಕಾಡುತ್ತಾ ಇರುತ್ತದೆ. ಆದರೂ ವಿನಯ್ ಈ ಬಗ್ಗೆ ಅರಿವಿಲ್ಲದೇ ಈ ವಾರ ಪ್ರತಾಪ್ ಮೇಲೆ ಕೂಗಿದ್ದಾರೆ. ಈ ಬಗ್ಗೆ ವಿನಯ್ ಮಾಡಿದ್ದು ತಪ್ಪು ಎಂದು ವರ್ತೂರು ಸಂತೋಷ್ ಹೇಳಿದ್ದಾರೆ.
‘ಪ್ರತಾಪ್ ಮೇಲೆ ಕಂಡರು. ನೀವು ಕೆಳಗೆ ಕಾಣಿಸಿದ್ರಿ. ಸಿನಿಮಾದಲ್ಲಿ ದೊಡ್ಡ ಧ್ವನಿಯಲ್ಲಿ ಮಾತನಾಡುತ್ತಾ, ಬೈಯುತ್ತಾ ಇರುವವನ್ನು ಏನೆಂದು ಕರೆಯುತ್ತಾರೆ ಹೇಳಿ’ ಎಂದರು ವರ್ತೂರು ಸಂತೋಷ್. ಇದಕ್ಕೆ ವಿನಯ್ ‘ವಿಲನ್’ ಎಂದರು. ಸಂತೋಷ್ ಅವರು ‘ಅಷ್ಟೇ. ನೀವು ಆಗಿದ್ದೂ ಅದೇ’ ಎಂದರು. ಇನ್ನು ಈ ವಾರ ವರ್ತೂರು ಸಂತೋಷ್, ತುಕಾಲಿ ಸಂತೋಷ್, ವಿನಯ್, ನಮ್ರತಾ, ತನಿಷಾ ಹಾಗೂ ಕಾರ್ತಿಕ್ ನಾಮಿನೇಟ್ ಆಗಿದ್ದಾರೆ.
ಬಿಗ್ಬಾಸ್ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಮೆಂಟ್ ಮೂಲಕ ತಿಳಿಸಿ